倫哥尚品火鍋私房菜 (已結業)

好失望之＜＄198無限時雞煲任食任飲＞話說《倫哥》真係好難book枱 預早左一個星期book 本身食之前一直都好期待 係whatsapp同佢地溝通時一直對佢地印象好好 但食完之後真係對佢好失望 無論係食物 環境同服務方面 首先講環境 枱唔枱之間隔得好近 同後邊張枱既人幾乎背貼背 而且仲係長枱 出去攞野飲攞野食既時候要全行人坐前少少先出去 搞到好唔好意思 本身佢仲想問我地可唔可以俾兩個人同我地搭枱 有得揀當然唔想啦 因為真係太迫 而且好嘈 坐對面個朋友係完全聽唔到我地講乜食物方面 真心佢個雞煲味道係唔錯既 好香花椒八角 一打開蓋既時候係好香既 啱晒鍾意麻既我地 雞重可以任加 不過上枱時雞係未熟透的 佢個爐又要等成15分鐘先有反應（聽到隔離枱都有同樣情況 佢地以為個爐壞左） 而湯底就有蕃茄 豬骨或者野菌揀 我地揀左野菌 算係不過不失啦 不過都係同一個情況 個爐好廢 加左湯之後等成15分鐘先有反應 雖然冇限時 但有點掃興 等等等 等到人都飽 火鍋料同飲品選擇唔多 火鍋料連一般既烏冬同麵都冇（只得粉絲碎同芋絲）同大量騎騎呢呢又唔好味既丸 而送既海鮮盤既脆鯇魚片同帶子就幾好食 同埋個擺盤好靚 而

今晚第一次去倫哥私房菜打邊爐，食食吓怪怪地，原來啲豆腐壞嘅，又酸又縮，告訴了工作人員，之後負責人過嚟了解，調查完証實豆腐壞了。飲品櫃啲嘢又唔凍。其他食物好普通，永不再去。

同兩位老友慶功，諗黎諗去都諗唔到食乜，見到倫哥尚品有優惠$198無限時雞煲火鍋任食任飲，於是即刻用openrice訂位試試佢。不過大家要留意佢地點其實近牛頭角地鐵站多d, 昨晚喺觀塘行過去，真係有d遠，好彩另一位老友巳一早到左，唔係隨時過埋留檯時間，入正題，雞煲質素不差份量又夠，而且仲要無限添加，加上仲有一盤海鮮拼盤送（留意要兩位或以上先有），拼盤有生蠔/青口/蜆/鯇魚片/蝦/帶子，都算豐富，自助火鍋料有好多選擇，雜丸隨時超過十款以上，又有春卷/豆卜/菜，不過人手有少少唔夠，所以加火鍋料效率唔夠高，但烏冬係讚岐烏冬又加分。至於湯底我地揀左豬骨，呢個豬骨湯就好普通，相信揀蕃茄湯底係最佳選擇。不過以價錢計，絕對算不失禮，翻食指數中等！

其實冇咩好寫，因為$198 任飲任食，仲可以點講！真心抵！ 。。。 完雞煲部分。夠味，足料，仲可refill ～ 不過仲要留肚食邊爐，冇需要refill! 送的海鮮盤。基本海鮮料，但all fresh 新鮮！除咗D基本嘢，佢特別有呢隻腐皮！吸曬D湯！不得了！ 食雞煲時也可放入一齊炒！最不得了是呢碟牛牛！ 不過要加錢？$218一碟，好有肉味，同任食嘅牛好大分別！幾個人叫一碟大家過吓癮都幾好！總結：環境 。ok食物 。未至于好好，但以價錢嚟講係值得。。。基本上，如果唔係一定要搵平嘢. 可以俾多少少食第二間。

倫哥雞煲火鍋店，較早前推出咗「自煮火鍋套餐-懶人火鍋」，味道同現場食嘅味道係一樣，雞味依然濃郁。如果唔食辣，可以訂之前同佢講要唔辣。製法非常簡單，只要打開盒蓋加少量水，發熱包自動會加熱，15分鐘後就可以喺屋企嘆到美味嘅雞煲。

疫情影響下，好多人都唔願出街食，之前又有限聚令，想同多幾個朋友食飯都要分檯食，認真無癮！由其食雞煲打邊爐呢啲，梗係多人一齊食先開心架嘛最近發現倫哥火鍋推出左外賣雞煲，老公即刻去買返黎試下外賣雞煲用上自熱火鍋嘅原理，不需要用到明火翻熱一盒外賣雞煲有大約500克雞件，$68一盒老公先打去鋪頭預訂雞件及其他配料於取貨時才剛炒起所以肉質、味道等都同現場食相差不大二人黎講，一盒500克略嫌份量太少下次要買一人一盒先得

以前倫哥係想bk都bk唔到，都唔知係喜定悲，而家個個怕左打邊爐，而我就終於試到。由一月開始，每次打邊爐都基本唔會超過2人，都係安全啲好❤️去到，店舖其實好大，仲有小房間~人就唔多，大概六枱左右倫哥算係任食，不過係任食之前有一系列嘅食物係每人一份嘅，包括海鮮、牛肉、丸、餃等等自問大食，但食完每人一份嘅部分其實已經好飽😂一黎到就先選雞煲辣度，之後就係一系列嘅刺身、老火湯、雞煲、火鍋有啲相冇影，影左火鍋加錢點嘅酸菜魚鍋底裡面有好多魚、酸菜同紅薯粉，惹味海鮮盤好澎湃，最愛係魚，好鮮好扎實👍🏻再者蝦蟹都不錯🥰牛肉幾厚身~油花都幾靚個人喜歡白色嘅里款滑❤️希望疫情快啲過去，倫哥要撐落去💪🏻

以前一早就食過倫哥火鍋，今日再同朋友一齊食，趁肺炎疫情未擴散前早早散舊。一黎就上雞煲同花膠湯食過都知倫哥火鍋私房菜無論雞煲、湯、刺身都好有質素(所以冇得免費encore)見到相亦覺得吸引、足料！花膠湯大大舊花膠、雞、響螺。湯味鮮甜！之後黎既刺身，保證新鮮、清甜可口，尤其係最容易腥既希靈魚亦都好好食。最後就係打邊爐，一定要係book枱個時訂埋個溫泉雞湯底！去到先叫隨時都會冇。侍應仲好貼心介紹要先飲湯，後打邊爐咁樣食。總之食倫哥一定唔會失望

總結: 普普通通想話見習主任美琪，服務態度奇差，大聲呼喝顧客，大力關門，冇衛生常識。唔適合從事服務行業。普通的朋友聚會，變成非常激氣。之前去過其他分店，用餐過程都10分愉快。這次非常失望

一坐低就食雞煲先，味道不過不失。如果食唔夠，仲可以加雞添。食緊雞煲途中，會上燉湯同刺生，不過個刺生味道就普普通通。之後就到打邊爐喇。如果之前係預先book定位，可以提早預訂火鍋湯底。而我地今次就揀左溫泉雞湯。侍應話個湯底係用左成個椰皇黎煲，所以味道好濃厚，好甜，好好味，我地每人係打邊爐之前仲飲左半碗湯添 。打邊爐會有一碟貴價海鮮同一碟牛，另外再有一堆任食任叫嘅平價海鮮(例如蝦同魚)同其他火鍋配料。咁多火鍋配料當中，牛係最吸引嘅，厚切，同幾有牛味，又唔un，份量又多，可惜冇得任食。不過，以倫哥比較貴嘅價錢黎計，其他配料嘅質素就一般般，同平時普通火鍋放題嘅配料差唔多。整體黎講，個湯底同牛肉好出色。其他食物都ok嘅，但感覺水平比以前差。

平時倫哥打邊爐就食得多，原來佢地仲有午市套餐，我今次叫左糖醋魚片，除左飯之外仲有例湯😋魚片係炸左，但唔算厚粉，食落唔係普通嘅急凍斑塊，係用左類似斑頭腩嘅魚塊。有鮮味🤓外皮炸得脆脆，沾上左糖醋，酸酸甜甜都幾好食。但個白飯就有少少軟，如果硬返少少更好。個例湯都好好飲，唔係味精湯。

以前食過幾次，都覺得無得頂，雞煲同火鍋都好正。但今日再去，大失所望。雞煲依舊好正；但火鍋就完全唔得。今次火鍋要在鴛鴦鍋，分別係豬骨同麻辣，豬骨完全淡而無味，同用滾水煮無分別，麻辣就鹹到嘔，而且完全唔辣，水準同以前差好多，失望而回。

約朋友聚餐,我地book左倫哥雞煲火鍋,喜歡它無限時,可以同朋友傾幾耐都得,唔駛趕！但它環境一般,座位好細,位與位之間好迫,而且每張枱都好細,擺左個煲後,都冇乜位在其他食物食物方面,個雞煲幾野味,唔錯,牛肉都好靚,好味,可惜牛肉得一碟,再加要另外比錢,海鮮盆D海鮮就一般D,唔算好新鮮,而刺身亦好求求其其.員工人數不足,唔夠人,好多時要等一段時間至有人來.整體好一般,因埋單每位要大約HKD350,但所食到的食物水準卻不值.

之前未有分店，只有佐敦徳興街嗰間嘅時候，係抵食又好食😋但尋晚去完觀塘店倫哥火煱🙅🏻‍♀️以後不了$350/位，除左個雞煲幾好之外打邊爐係無嘢食🤭牛無得加🙅🏻‍♀️蠔無得加🙅🏻‍♀️帶子無得加🙅🏻‍♀️刺身無得加🙅🏻‍♀️食物種類少到不得之了，仲要低質刺身ok嘅，但非仼食湯好清，但油太多，要隔左油先飲到牛有啲瘀，我唔食牛唔評，但老公、老爺都話一般豬好硬，我個人好怕浪費，但都頂唔順，食左兩舊就無食蠔ok嘅，但又係非任食白蜆ok嘅，食左3份邊爐帶子唔太掂，好un，非任食韮菜餃、水餃，無乜味，連咸味、肉味都無魚皮餃尚可蝦滑好味墨魚滑一般多寶魚，無味，脆鯇唔脆兼無味鮮腐皮係un嘅，唔係滑檸檬意米水唔錯温泉椰子雞鍋，個甜品打邊爐唔太夾，但打到咁上下，濃左食物味，咁就正啦4位埋單$1450👈🏻依個價錢，我可以食到好味嘅打邊爐了

今晚約好和朋友相聚，又揀左我地既最愛，食雞煲火鍋好彩預早book定位，去到就唔駛等～坐低睇吓餐牌先～分別有任食配料同埋追加收費配料～嗌定個雞煲等佢慢慢煮下先～店員放低雞煲既時候有提醒過，煮緊既途中要開蓋炒炒佢，味道均勻啲又唔會黐底，但我地掛住傾計無左回事，好彩店員一直留意住行過黎幫手食得啦～個樣係相當唔錯，件件雞都大大件好好肉地，雞煲既雞件都係任食架好惹味，但BB辣真係唔太辣，下次會醒目嗌辣啲～～另外仲包左碟炸鮑魚同刺身拼盤，兩碟都好味，有點驚喜食完雞煲就黎到火鍋既環節原來呢度唔係加湯落食完既雞煲度，係另外上一個湯底！太好啦無咁油呀～嗌左最經典既芫荽皮蛋湯～湯底味道略嫌淡味左少少～呢度見到咁多餸全部都係套餐包埋架（仲有啲前菜配菜唔記得影sorly）～肉類同海鮮全部都相當正路有水準，兩個蝦滑墨魚滑好新鮮彈牙要追加添呀！* * *總括而言，套餐包左嘅份量已經相當足夠，仲要可以任飲，食材亦都好新鮮，大滿足呀～唯一有個地方想講下係啲枱擺得太近啦，實在有啲迫夾～我係會encore架！