倫哥尚品火鍋私房菜 (已結業)

倫哥好耐以前已經食過好幾次食物質素向來都有保證不過最新的半放題價錢親民左唔少咁今次就黎觀塘分店食下先.今次選的是$288 的套餐 要早一天預訂一上菜就係蠔皇花菇燉鮑魚花菇同鮑魚都燉得夠時間 既彈牙又唔難咬開.再黎上雞煲🐔有小、中、大、特辣選擇雞煲上菜之後每2分鐘反一反佢反4次就岩岩好夠熟 雞唔夠既話係可以無限refill.之後就可以揀湯底 我地揀左比較特別既酸菜魚湯底好適合煮海鮮呀 套餐包了以下火鍋配菜牛頸脊：肉香同油脂都好正阿媽雲吞水餃：有鳳城雲吞同粟米水餃環球海鮮拼盤：最好食係帶子同青口 大大粒.叫得半放題 有啲火鍋配料係任食既推介墨魚滑，蝦滑，牛骨濃湯牛丸同響鈴牛骨濃湯牛丸會爆漿！食左好多粒 勁正.最後會送個黑糖冰粉俾你想食高質任食火鍋 倫哥係一個幾好的選擇💯

上星期同左幾個朋友黎食雞煲火鍋～～呢度既環境地都幾大，坐得幾舒服！我地要左每位$288既十二道海雞煲鮮火鍋套餐：）食左兩款涼菜醒左胃之後就有花菇鮑魚食～鮑魚好入味，食落唔韌；）之後黎既雞煲都好惹味，食完可以再食，食到夠喉為止xpp之後我地揀左清清地既皮蛋鍋底轉打邊爐～必食既係無得encore既牛頸脊，雪花平均肉味濃！！！跟住海鮮拼盤都係無得輪，其中既白蜆、鮮蝦同三款魚類都可以任食架！！！我地encore既脆鲩魚片keep到個質素，非常新鮮架～而呢度既手打墨汁墨魚滑都幾推薦，因為真係好足料，食到粒粒彈牙既墨魚架！！！就算係其他任添任食既火鍋料，質素都唔差～加上呢度無限時，所以計落真係好抵！！！最後仲要有冰粉做甜品添啵，真係好滿足架～

呢晚同兩老出左黎食返餐！！！因為天氣開始轉涼，大家既雞煲火鍋癮都出曬黎xpp我地決定近近地黎倫哥，貪佢近我地之餘，食既時間無限時，仲連雞煲都可以無限食！！！！依家原來分左兩款set，我地要左價錢較高，每位$288+10%個款：）呢款同198個款最唔同既地方可有多幾款限定食材食品：先有兩款辣辣地既開胃前菜～跟住每人會有一份蠔皇花菇扣鮑魚！！！花菇同鮑魚都炆至軟腍，非常入味～～之後既雞煲可選辣度，唔食得辣既仲可以揀走辣，辣醬另上，十分貼心！！！雞煲按店員指示，分4次加熱之後就食得，雞肉嫩滑惹味，我地都忍唔住食左兩三輪xpp食夠之後就可以轉鍋底做火鍋～我地呢個套餐除咗有一般可以任食既火鍋料之外，仲有一大份海鮮拼盤，有原隻鮮甜花蟹架！！海鮮拼盤既魚、蝦同蜆都可以encore添～～之後仲有一盤質素相當唔錯既手切牛頸脊！！！食落嫩腍之餘亦有牛香，正！佢地既蝦滑同墨魚滑都係好有質素，好足料好彈牙架～～～最後仲每人有一份入口冰冰涼既黑糖冰川涼粉做甜品添！！！！

4人聚會，因這裏無限時方便傾長時間，今次選擇最貴A餐，298＋1，有海鮮果種。但不是所有海鮮都能無限添加，只有蝦，魚及蜆。牛肉只送一碟牛頸脊，有點失望。酒精飲品要俾錢。雞煲無限添加，要自已炒，打邊爐就無得再加雞。其他料自己出去攞。服務方面：不是全滿座，但服務生不足，態度幾好。食物方面：雞煲不是麻辣，野味，但佩料不足。限量水海鮮還可以，無限方面蜆就不太鮮，脆鯇魚骨腩一般，魚片多骨，海蝦新鮮。因早一日預訂所以有花膠雞湯底，濃味，足料一隻雞開邊，好多花膠筒。肥牛不濟，太肥。魚皮不脆，響聆不脆，油味重。種類不多，所以我只有心情食海鮮。價錢方面：性價比低環境方面：有卡位，但其他位太close 好街市感，好嘈，傾計好辛苦。背對背其他人。總結：非必要不會再來，因為這價錢有更好的選擇。

最近秋風起，真係係時候打邊爐啦！！！之前聽朋友介紹過倫哥私房菜嘅火鍋好得，原來佢哋觀塘都有分店，啱晒我哋依班東九龍人朋友推介依個$288嘅火鍋，食完雞煲仲有12款新鮮海鮮同超好味既牛頸脊而且仲有多款丸類，蔬菜同飲品無限量供應先來兩款開胃前菜：涼拌木耳同四季豆，香辣得來夠清爽。鮑汁冬菇同鮑魚夠晒淋滑入味，一個字正食完前菜就係時候食惹味雞煲，超香的喔雞件超級厚肉，味道超級濃郁惹味，真係食到停唔到口最衰（？）嘅係佢仲可以無限添加，食完都已經飽咗一大半😂😂😂忍住手（口），唔好食得太多雞煲，因為仲要打邊爐同台有人唔係好食得辣，所以唯有揀啲唔太辣嘅湯底。侍應哥哥推介話唔辣又濃味嘅有番茄湯，就一於試吓佢啦！！估唔到湯底仲加咗大量嘅菇菌同蔬菜，好有誠意之餘仲將湯底嘅味道層次提升得更豐富急不及待要試吓友人最推介嘅牛頸脊牛頸脊是牛頸至牛膊中間的一段肉，由於這部位郁動較多，所以肉質會較細緻、結實。而且肥瘦適中，相比其他部分，質感和味道都優勝得多。 片片切得厚薄均勻的牛頸肉，肥瘦相間，口感嫩滑，味道鮮而不羶，齒頰留香不要忘了另一樣重頭戲～足12款的海鮮盤無！限！任！食！當中最欣賞鮮蚌，夠晒鮮甜爽脆，彈牙無比

見到好多朋友都食呢間倫哥私房菜，今日放工就同朋友嚟食下先一入到去佢哋就安排咗張長枱比我哋，呢度真係好適合聚會傾計，同埋私隱度好好，佢哋有幾張枱都係用屏風同屏風隔開，咁就好似自己有一個包廂咁，傾計大聲少少都唔怕，仲要張張枱其實都睇到電視，唔傾計睇電視都唔會悶，可以慢慢享受我哋就叫咗個$198+10%既任食雞煲+打邊爐雞煲我哋就叫咗小辣，店員好用心講解叫我哋要炒四次先至食得，但佢哋真係好細心，有時我都唔識，佢哋有時間都會幫我哋望下，服務真係好好同埋啲雞煲都好夠味，仲有我最愛嘅孜然粉，不過雞煲要食快少少，如果唔係佢會越食越多油架😆好喇！～因為我哋兩個人都食唔到咁多所以我哋食完雞煲就直接打邊爐啦！打邊爐店員會幫你倒開哂啲雞同油，先至幫你加湯底嘅，如果唔使加錢就有蕃茄湯底同豬骨湯底揀，如果想加其他湯底就要加番$30，咁我哋今次就揀咗豬骨湯底！同時間佢都一齊上咗個海鮮拼盤俾我哋海鮮拼盤當中有，鮑魚、海蝦、青口、蜆、帶子、蠔..等等，全部都好新鮮！仲有啲豬肉同啲餃，餃類當中我最欣賞係個韭菜餃，佢哋啲餃子皮薄又多料跟住我哋就再係出面夾啲丸類蔬菜類，佢哋啲丸比較多選擇同特別，有啲款式都係我出面未試過嘅，

天氣涼涼地真係令人好想食雞煲同打邊爐啊～如果有任食就當然更好啦～好耐都無食倫哥，仲發現原來佢有雞煲同任食打邊爐，梗係要去試下啦～就係想食呢個餐啦～有前菜、鮑魚、雞煲、海鮮、仲有雞煲～好吸引～唔好以為任食火鍋好少野食，呢度一D都唔少～都有D食物係要收費既，例如海鮮果D，但今次食$288既任食火鍋餐已經包左一份環球海鮮盤、一份牛頸脊、一份墨汁墨魚滑同一份花枝蝦仁滑，所以好抵丫～～任食既飲品同食物都放晒出黎，戴番口罩就可以出去攞，選擇都唔少，而且大部分都有成碟咁多，當然食得晒先好攞啦～呢個$288既任食火鍋餐除左雞煲同火鍋，仲有前菜既～有呢個麻辣四季豆同酸辣黑木耳，刺激下食慾先～仲有鮑魚同花菇～好厚身丫炆得好入味～雞煲黎啦～今次揀左少辣，如果唔夠辣可以加辣～雞煲好惹味，而且好大煲，四個人都夠食 火鍋揀左芫茜皮蛋湯底，好大個鍋丫呢個就係餐包埋既環球海鮮盤，份量都唔少喎，有D仲唔止兩件添～D海鮮都好新鮮呢份又係個餐飽埋既牛頸脊好大碗啊。。。。。食牛既朋友表示肉質好稔，又有牛味～好味～呢個都係餐包埋既墨汁墨魚滑同花枝蝦仁滑，好彈牙好好味，個人鐘意墨汁墨魚滑多D，入面仲咬到一粒粒墨魚架，好味～仲有阿

火鍋店環境寬敞，沒有一般火鍋店的擠迫，坐得舒服！不得不讚店員們的服務態度非常好，有禮又殷勤，亦細心周到！點了海鮮火鍋套餐，包嚐鮮十二式，十分豐富。先是”倫哥醒胃二重奏”，木耳很爽口又惹味，令人大開胃口。“鮑你上位”鮑魚頗大隻，口感嫩滑爽口，一點都不韌不嚡，醬汁也調較得宜。雞煲很有水準，醬汁是非一般的惹味，夠稠身而且非常香濃，味道好有層次，難以形容的滋味。雞件極多，份量十足，大件又厚肉，肥美嫩滑，醬汁更令雞肉很入味，美味得讓人欲罷不能。自選鍋底選了美人蕃茄濃鍋，很大的一鍋，湯底非常濃郁，滿滿蕃茄的清甜味，十分出色。將低鹽少油響鈴和魚皮浸在湯中吸盡湯汁相當美味！環遊海鮮盤賣相很精美，有沙井蠔、鴛鴦海蝦、青口、蚌、龍躉片、元貝、脆鯇魚、魷魚、刀貝、蜆、沙白等，全部均鮮味十足，爽滑彈牙，美味得很。美國手切牛頸脊好高質，賣相漂亮，牛肉新鮮，色澤紅潤，油花均勻密佈，肉質超嫩又不失嚼勁，即使涮久了仍能保持肉嫩，更重要是牛味好濃厚，不用沾醬已經美味十足，確是真材實料。其他火鍋配料均有水準，本身好怕任食的質素會較差劣，但這間完全沒有這個問題，反而用料頗佳及新鮮，令人喜出望外，當中水魷魚、豬皮、牛栢葉好大

三個人去, 嗌咗四支啤酒, 加一個30蚊湯底, 每人埋單$270 價錢唔係貴但係真係食啲垃圾落肚, 我寧願去食稻香, 稻香都差不多價錢但係至少啤酒任飲 同埋多選擇完全唔值得去, 我建議大家去食大家樂冇咁嬲啲牛肉印度食唔落送嗰碟海鮮 啲蝦嘅小小莓, 啲蜆得 幾粒豆豉咁細粒, 食落成碟唔太新鮮冇樣嘢感覺良好另外服務態度超差, 好心執左佢唔好喺度遺害人更啦， 一啲心做生意都冇， 明白疫情 好難捱， 但作為顧客真係有更多好嘅選擇。 相都費事影呀。

疫情之下無一倖免，今次試下倫哥外賣雞煲及佛跳牆，外盒包装簡潔，附有鐵架及外帶、火爐，貼。雞煲香氣四溢，正常操作，自己加料打爐，滿足！佛跳牆料足湯正，略嫌份量小咗小小，要加小小水三口子先可每人兩碗，整體滿意必有下次同心抗疫，共渡時艱

6月30日7:30到，雞煲係好食，食左一轉都夠，轉打邊爐，阿姐有三款湯，蕃茄、豬骨同另一款，唔記得係乜。個湯底黎到嚇左一跳，杰撻撻係濃湯，完全唔講清楚，打邊爐食物一般，可以用唔好食去形容。$198一位都估到會咁樣，但無唸到咁差；根本係用價錢去就食物。一定無下次。

曾多次光顧倫哥火鍋觀塘店，印象中地方清潔，食物質素高，服務態度友善。昨天再去，真係懷疑自己去錯咗地方。1）在open rice 訂枱6:00pm, 5:45店員才通知已經full 咗，因為我已經去店鋪，才勉強講安排到座位。2）火鍋款式少，食物質素差，大家樂仲好過佢3）叫咗個蕃茄湯底，全是色素，化學味我明白$198 ，不要有太高期望，食物種類減少啲，可以理解，但食物質素係好重要，可能已前去倫哥食火鍋好幾次，每次都好滿意。我甚至懷疑佢係唔係轉咗老闆，唉！總之永無下次。$198 可以有更多選擇，不要浪費自己的時間，食一餐滿肚氣的火鍋。

見198有得任食雞煲同打邊爐好似好扺，但係最差既一次放題經驗！地址近牛頭角，好易搵。入到餐廳啲位置勁迫，出入都要側身行。餐廳抽風勁差，成餐飯不斷吸入雞煲既調味料嗆到係咁咳同打乞次。食到好無癮。飲品全部都有糖，想飲水/茶都冇杯！食物方面，雞煲味係ok既。轉打邊爐啲食物都正常。係肥牛真係好肥，超過一半以上都係脂肪。明明叫任食，但限制每枱嗌野食既數量！諗住留返個肚食肥牛，所以雞煲食一輪就算。轉邊爐一黎就送一盤海鮮拼盤，味係ok既，仲有三碟既肥件。冇諗過肥牛個碟竟然得一掌咁大，份量勁少。咁無所謂啦反正都係任嗌，咪嗌多幾次。點知食完想再落單果陣要十碟黎四碟，一分鐘內清哂；第二次再嗌十碟，個侍應呀姐已經好晦氣咁講：你地食哂啲野先嗌啦。我地都呆左，枱上既食物都清得8899，仲要我地食乜？！職員又嚴重不足，搵人落單都難！激到成肚火加埋啲煙係咁供上黎，即刻埋單走人！唯一一次中伏就係呢間餐廳！唯一值得讚既係訂座職員態度好，同樓面呀姐完全唔同！

見到$198任飲任食雞煲打邊爐又見到咁多人讚一於同班朋友去試下啦點知就覺得中伏喇枱同枱既距離好少 基本上櫈貼櫈咁坐坐滿人既時候 好焗 好嘈 我同對面坐既朋友都傾唔到計 嘈到根本唔知大家講咩服務態度差 只有一個男待應係好 但佢忙到飛起 收錢果個態度簡直係差 唔知以為我係佢仇人食物飲品種類唔算多 refill時間有點慢 唔夠新鮮傳得好行既$1一枝啤酒 要買夠100支先得 飲唔曬可以留返下次黎食再飲 佢值得讚既係送既海鮮盆 都幾豐富 味道唔錯唔係比d臭海鮮你鮑魚爽口 帶子彈牙

早前上網睇介紹文章，知道倫哥出左自熱雞煲，見幾十蚊一個都算幾抵玩，於是就Order左一個拎返屋企平時都係去門市食雞煲無諗過可以咁新穎今次就去左觀塘門市自取我有提早打電話去訂嘅雞件係我去到先炒熟直接入盒俾客人拎走返到屋企之後自熱雞煲有個暖包跟住指示加水暖包就會自動加熱熱辣辣嘅雞煲就完成啦我地有自己再配啲烏冬同水餃🥟不過呢盒一人雞煲份量就真係好少我地兩公婆食其實就真係唔多夠喉而且呢一煲嘅雞比較多骨少肉但是味道確係惹味嘅