倫哥尚品火鍋私房菜 (已結業)

今年生日食倫哥！已經唔係第一次食！先食刺身再食雞煲之後就海鮮火鍋打邊爐，人齊啦一嚟到就有啲好靚嘅刺身食（唔係任食），我覺得最好味係隻蝦刺身!刺身最緊要新鮮，唔好食嘅你比多多都唔需要有鮑魚（因為要趁熱食所以影唔切相）入味，又有蟶子，d蟶子大隻同好味生日當然order 咗個象拔蚌刺身，切得太薄啦！我都係鍾意切厚d龍蝦湯底依啲係任食嘅海鮮拼盤有龍躉有好多種類嘅魚，貝類都有兩三隻款啲牛肉好新鮮好好味係有牛肉味嘅，任食打邊爐好多時啲牛肉都係冇味嘅，依度啲牛肉雖然唔係任食但係份量都好夠，如果牛魔王唔夠食可以俾錢加，幾十蚊嘅咋！不過我就夠食食埋個甜品簡直係完美

今次係第二次食啦 我仲想食多幾百萬次😋因為真係好好味 正😍呢間係有少少貴嘅 但你睇埋佢嘅嘢食 任食！仲要質素高！絕對物超所值！👏🏻👏🏻👏🏻一坐低 有飯前小食：酸菜呀 酸辣雲耳呀咁，又有刺身 不過唔好預好似日本嗰啲咁之後上雞煲🐔 侍應教要每兩分鐘搞伴一次 搞幾次就食得，雞煲好味 我哋食小辣 唔太辣 幾好之後仲有鮑魚 象拔蚌 每人一隻 好好味👍🏻👍🏻😍😍之後正式入戲肉 打邊爐 呢個係龍蝦湯好多海鮮 好正😍😍其實食咗咁多嘢已經好飽 後來雲呑呀 丸呀 已經食唔落 下次可以一早俾返佢先 唔好浪費大食嘅朋友嚟到唔怕唔夠食 佢仲要任食 實食得飽🤣🤣總括 呢間好正！一定一定要試 同埋一定一定要book枱！

一直以為呢間私房菜係單點的。原來夜晚係一個價有刺身雞煲打邊爐。由於枱好細，唔夠位，侍應會留意住你食完先有下一樣食物上枱。真係細心又貼心。其實第一樣係上雞煲，叫左bb辣，都幾惹味。待應要教你點樣，唔太記得咩兩分鐘攪一次再蓋埋，要兩分鐘攪一次。因為大家都好餓既關係，左唔知幾多次就照食=]係食緊雞煲既時候，叫左佢上刺身，因為唔想個口太濃味而試唔到刺身既鮮味。**雞煲係可以再添的，即係任食。刺身有三文魚，帶子，北寄貝，唔知咩魚，蝦。全部都好新鮮同好大舊。我地冇添雞煲，急不及待上火鍋。有海鮮（龍𧄌魚片，鱔，脆鯇魚片，花甲，海蝦，蜆等），牛肩肉，炸魚皮，響鈴，墨魚滑，蝦滑，午餐肉，雜丸，水餃，雲吞等。除左海鮮既唔記得邊樣同牛肩肉唔係任食之外，其他全部都可以ＥＮＣＯＲＥ。打緊既中途仲有鮑魚食，都幾軟，幾甜。有一碟蒜蓉粉絲象拔蚌，因為張枱無位放既關係，一黎到已經叫我地一人夾一隻，所以冇影到相。最後我地當然已經飽到嘔，食到好似長征咁。甜品係北海道牛乳燕窩。都幾香滑。因為係生日關係，朋友們還預備了蛋糕，所以都冇食哂。最後提提你，店舖只收現金，記得禁定錢呀！

聽講呢度係8000尺旗艦店，今次第二次來吃午餐。啱啱開張嘅時候來吃，服務態度尚算可以。開咗一段時間，食物質素同埋服務都不太理想。雖然話$50-70一個午餐唔好咁多要求，但係既然係旗艦店咁好聲勢開張，應該盡量唔好做差過招牌。佢哋啲枱安排實在好奇特，因為枱嘅size問題，坐得好迫！特別係啲六人枱。去過嘅朋友就會知道！落單嗰位短頭髮阿姐態度都幾差！板起塊面，基本禮貌都沒有。其餘傳菜的阿姐就冇乜嘢。份量大，呢度又可以。不過不失....但係夾極都夾唔到粉絲！可想言之幾少，粉絲好平咋嘛......可能附近冇咩選擇，都有唔少人喺度食。但係比起開初，已經再唔見到門口有人龍啦！大家知咩事。

今次是第三次光顧倫哥，第一次去觀塘新店，之前兩次都十分滿意服務及食物，但今次晚上無論服務或食物都令我十分失望。今晚與男友十點半左右二人入座，我地坐靠窗位置，鄰桌有一枱有十人，比我們約早半小時入座，但我們上火鍋的時間若差五分鐘。我們在等待火鍋的時候，鄰座剛好上了火鍋，在聽店員介紹有什麼食物可refill，當中有提到可以refill魷魚，店員也一一ok，到我地上海鮮時，海鮮拼盤只有蝦、魭片，兩種貝類、元貝、聖子，沒有魷魚，於是我便問店員有無魷魚，但店員說已經賣哂。到約十一時半，店員熱情地招呼鄰座十人說已經last order，有客人說要fill白膳，店員亦無reject，然後隨即去拿refill的食物予客人。大約十分鐘後，店員方才問我們有沒有食物需加。我才詢問他是否可追加白膳，才知道原來我的海鮮拼盤內只有龍躉同魭片，店員說白膳無哂。到十二點九時，店員還提我們快將休息，著我們快些離座。食物售罄是可以理解，但店員只顧特別招待十位客人，凡是食物各樣也只招待大枱客人，優先招待，令我地覺得服務有欠專業，同時覺得疑問，為何大家也是客人，待遇卻完全不一樣。以往光顧倫哥多次亦盡慶而回，惟獨今次令有感服務大

之前聽同事提起話倫哥好耐，都無機會食。終於今日一行十幾人book左6點雞煲火鍋放題。每人$318加一。大大隻聖子，一人一隻，好新鮮飽魚仔都一人一隻，唔um,易入口。重點既雞煲來了14個人有4個雞煲，（都幾多下）我食果煲係小辣，d雞肉好好味，入曬辣味又夠滑，食左一半仲有牛柏業，魷魚同豬皮加入雞煲食，同事食到lam lam 脷！（無影到相掛住食）雞煲可以任食，幾經掙扎終於都係轉打邊爐。配料無限加，有齊我鐘意食既魚蛋類，餃類同魚滑硬係覺得爭d咩咁，（因為事前唔知有咩食）。突然就又上菜了超大碟海鮮不過數量唔多，味道ok la~當中有d可以任叫，例如蝦同花甲。肥牛呀終於似返打邊爐，點可以無肥牛～肥牛又一驚喜！好諗好有牛味，正不過再叫牛/豬就要加錢，加上都飽了，所以無再加單。最後送上小小既甜品，味道都唔錯。服務員超好禮貌！賓至如歸～

食了幾次,食到有2次肚痾,好難食!!!第一次食佢的雞煲,唔熟,食到肚痾;第二次,食尚品雞套餐,食到腸胃炎.睇了3次醫生,發燒,係咁肚痾!!!因為係公司樓下先會貪方便去食,同埋陪同事食先去,以後都唔會再幫襯!!另外,員工經常落錯單! 再補返單,等勁耐先有得食.....

今日中午諗住過嚟試下個午餐， 睇個餐牌好似好吸引， 人均六十幾蚊， 叫咗咕嚕西班牙黑豚肉 ，粉多過肉 ，質感似瘦肉多啲， 另外叫咗個生滾海味雜菜煲， 有幾條魷魚鬚 兩粒蝦乾， 重味精 ，菜嘅份量唔多， 最差就係生啫招牌雞煲， 份量極少。 骨多個肉， 乾爭爭 唔好食， 唯一似樣嘅就係荷葉籠仔蒸龍躉球飯， 面頭有啲蒜蓉蒸，唔會難食， 每個餐都會跟一碗湯 ，湯嘅 分量就係平時打邊爐嘅豉油兜咁上下大， 午餐份量 基本上一個男仔唔夠飽， 另外都提下， 唔知係咪午市太忙 啲員工處理唔到 安排坐位嘅員工服務態度其差， 問佢嘢好似老闆上身咁，好在其他樓面都有 禮貌

哈哈，有時同唔同既同事食飯，會好易有新發現。同事話依間食肆好出名，但我孤漏寡聞唔知。叫佢send Openrice 個頁黎睇下，我另一個同事問係米lunch 打邊爐🤣🤣原來下午黎係食私房菜：一個餸、一飯、一湯、一杯野飲😁我地3個人叫左3個餸😊我叫左依個蒸蒜蓉龍躉籠仔飯，超級香蒜味😘龍躉肉又滑，又無骨，大大舊，好好食同事A揀左富士山肉餅，黎到真係成座山咁，上面有粒咸蛋黃肉餅都幾滑，調味足，雖然話係山，但又唔會實的的。配飯一流同事B揀左個一品雞，雞肉滑！仲要有兜菜，唔錯唔錯個湯咁黃因爲係南瓜瘦肉湯，好甜同事B話下次可以再叫多d 人黎可以食多d款

一次過滿足3個願望既晚餐🍣刺身🍖雞煲🍲打邊爐上次試過係佐敦分店食過，喜歡呢間觀塘店多啲, 呢間服務較好(店員好主動講介點炒雞,亦好主動幫我地炒埋,主動清理枱上啲雞骨,收碟)，座位較寬敞(都有少少迫,但比佐敦分店好好多,可能上次係坐系房入面所以顯得更迫), 食物質素好些(d雞滑好多)前菜有四季豆，雲耳，2款都有少少辣，少少酸，亦好好爽口開胃。今次6人行都係2個煲，一個用電磁爐，一個要用gas爐因爲有一個電磁爐壞左，但gas爐成個鐘都唔滾。一個煲揀BB辣，一個揀小辣。店員話雞煲先煮8分鐘，之後每2分鐘炒一次，今次店員一手包辦，幫我地炒左幾次雞。食到一半將豬皮，魷魚，牛柏葉放落去。龍蝦肉冇咩味，有點失望海鮮拼盤有龍𧄌魚片，鱔，脆鯇魚片，花甲，海蝦，蜆，蟶子。龍躉魚片好嫩好滑, 魚皮含豐富膠質今餐飯食得好開心，任食唔限時，可以同朋有慢慢傾。店鋪只收現金

呢間野響返工附近地方開咗唔係好耐，但我已經食咗幾次，因為好食又抵食，最好係幾個同事一齊去，每人叫一個餸大家share。今次得兩個人，所以我哋叫咗一個肉同一個雜菜煲。鹹蛋蒸肉餅，一座山仔嘅肉餅上面有一粒鹹蛋黃，仲有啲蔥花，底有豉油，賣相勁吸引。肉餅唔會太硬，調味又唔會好鹹，加上鹹蛋黃，好好食。唯一缺點就係太多肉，好濟，所以叫咗個蝦乾魷魚雜菜煲。個湯幾甜。lunch set一個餸，一個靚仔，一杯野飲同一碗老火湯。不得不提呢個老火湯，次次唔同，但次次好飲，所有料煲到好綿，真係冇味精架lunch set咁多野又好食不過係六十幾蚊，抵呀

舊同事介紹下一齊去試雞煲加打邊邊。令我有很多個驚喜：驚喜一: 刺身很新鮮又夠凍驚喜二: 鮑魚很軟很入味驚喜三: 雞煲雞肉唔鞋個汁好惹味驚喜四: 邊爐海鮮盤又係好新鮮驚喜五: 3.6牛奶燕窩也不錯驚喜六: 服務態度好到爆埋單每位差不多340(連加一) 真係超抵提提大家以下有用資訊:不加費無限添加 – 飲品, 雞煲, 邊爐周邊食品包括湯底入面的膏蟹(牛肉除外), 邊爐海鮮盤(聖子及帶子除外) 收費添加 - 邊爐: 牛肉, 邊爐海鮮盤: 聖子及帶子, 湯底的龍蝦加HK$30六人可預先BOOK小包廂坐得舒服D仲有電視睇刺身拼盤 汁煮鮑魚蒜蓉粉絲扇貝惹味雞煲蕃茄蕃仔湯底＋膏蟹牛頸脊什丸/餃等墨魚滑+蝦滑脆卜卜類海鮮盤3.6牛奶燕窩

點了午餐，蒸肉餅，等了又等，1:37pm落單，等了20分鐘，問下點解未有餐到！侍應答蒸緊！蒸的係要等耐D。再等了10分鐘，仍未到。再問，先話我知一早冇哂!！咁點解唔可以主動話我知，而要我等了30分鐘才通知！而坐我對面的，一樣！冇餐又唔通知，問先至話冇哂👎🏻👎🏻👎🏻

3人行黎會一會佢先黎刺身，個蝦超大隻仲好甜，三文魚厚切 口感鮑魚同蒸象拔蚌，熱辣辣上枱味道唔錯雞煲要佐小辣，好香麻，係多油佐dd,都差唔多清哂個牛肉簡直無得輸墨魚滑同蝦滑，非常足料彈牙只講野食既話，絕對值回票價服務呢就。。。我地坐得入，少人招呼就係下下都等～等～等～查實我地入座已經係9點幾，仲要星期一，唔爆場咖啦食完個雞煲，話轉火鍋。。。十幾分鐘後再叫同一個人問，火鍋呢，哎吔～唔記得佐再黎火鍋配料，係海鮮同牛肉黎佐之後。。。我地食哂d 牛，都仲未見雙滑丫，菜丫，果d,終於當然又要搵人問啦。。。最後，問佐我地三次要唔要甜品～finally~到我地走都係失蹤的甜品～無上過枱，都懶得追了

星期日為我兩個好朋友慶祝生日所以就決定黎呢個倫哥私房菜食！其實我之前已經食過覺得都幾好味！但係今次嚟唔知係咪星期日呢所以佢哋有少少亂！佢哋食永遠都有次序嘅先來一個刺身後來一個雞煲之後呢個火鍋！火鍋配料都唔需要我哋點都係順次序在來的先來一個牛頸脊再嚟一個海鮮拼盤！其實之後就應該係火鍋配料每款都會比少少我哋試過之後再加嘅！但係佢哋就留在我地嘅火鍋配料一直都冇黎到！當我地同佢講嘅時候佢就同我地講有好多款式都冇晒！😡令到我哋好多野都無得食！