倫哥尚品火鍋私房菜 (已結業)

同選擇困難症嘅同事一齊食lunch，每次都要諗食啲乜😂醒起附近有間倫哥，門口經常都好多人等位，所以試吓，去到見門口無人以為唔洗等啦，原來全部企晒喺入面等，雖然間舖都幾大，但係有啲位都會有啲迫，入坐有啲困難，肥少少都入唔到😅睇吓有咩食先...見好多人都叫咗呢個荷葉蒸飯，同事都叫返個試吓。個飯好大個，我目測應該都有兩碗飯有多，聞到好香蒜蓉味(炸蒜)，有啲似排骨飯嘅味，好住家feel，個面有啲蔥花， 龍躉份量都唔算少，食落仲有啲薑味添，輕微荷葉香，啲飯一粒粒都幾有咬口。同事平時唔食魚嘅，佢都話好味👍🏻跟餐要咗熱柑桔蜜，佢都話唔係好甜。我就要咗呢個桂花焗豬扒飯，豬扒份量我覺得足夠，仲有少量三色椒。豬扒整得幾香，咬落鬆脆，食到有香辣底但又唔辣㗎喎，食得出有桂花味，仲覺得有少少酒香，個汁整得幾好味，撈飯都唔錯😋跟餐仲要咗杯熱西洋菜蜜，第一啖有唱k時飲嘅感覺，不過無唱k嗰啲咁甜。

食lunch先嚟落雨。走去樓下，係餐廳外邊見到人哋食籠仔蒸飯，好似幾靚，所以大家就決定入去食午餐。呢間原本夜晚系做私房菜嘅, 晏晝就做午市。六個人五個餸應該都會夠啩。豉椒黑豚肉炒河粉，個樣唔似吵咗好耐，因為啲河粉一舊舊癡埋晒, 張相係已經比我哋搞開咗少少嘅，又唔係濕炒，更加唔會係乾炒，味道一般。雜菜煲唔要求冇味精，覺得啲味有啲濃，菜量係一般，有少少魷魚鬚，一兩隻急凍細蝦，同埋少少嘅草菇。蒜蓉龍躉蒸飯，蒜蓉裏面應該加咗啲調味料，然後擺落去龍躉度蒸熟, 龍躉薄切三四片, 魚汁加埋啲調味，蒜蓉，啲飯變得好香，一啲都冇魚腥味, 大家都話呢個好食。海鮮燴飯呢個應該係最唔抵食嘅, 一隻蝦兩隻蜆，一片魚，同埋小小絲瓜, 雖然係咁，但係啲湯幾清甜，同雜菜煲個湯底有分別，有d飯粒係炒香咗再擺落去煮嘅, 所以食起嚟個飯有啲飯焦香味。松茸鵝肝醬炒飯，味道太濃郁，松茸應該冇乜嘢味道, 所以用咗鵝肝醬帶起個味道，啲飯黑黑地，松茸菇又唔多，濃味得滯，而且冇乜料。我哋下次唔會再叫呢個。

倫哥既火鍋同私房菜都好出名, 而且好評如潮! 不過比較少人知道倫哥既午市套餐同樣出色! 鐵板啫啫雞估唔到午餐都可以食到啫啫雞, 好足料! 呢個絕對係一人版雞煲!一上枱, 咋咋聲, 已經聞到香濃的醬汁味! 除了雞件, 當中仲有乾辣椒, 洋葱, 蒜頭等等, 難怪香味四溢!雞肉非常嫩滑, 肥美鮮嫩, 又多肉汁, 雞肉吸收左醬汁既味道, 非常惹味! 蒸肉餅呢間蒸肉餅好似係一座小山丘咁! 賣相特別, 有別於一般蒸肉餅!由於肉餅厚身, 蒸起來仍然保持嫩滑多汁, 唔會過老!肉同油脂粒分佈平均, 食起來油香十足! 正!薯仔牛柳粒牛柳粒牛味非常濃郁, 調味適中, 好味道! 而且材料十足, 抵食!

同老公大女去食。首先送上兩個前菜，之後每人一個燉湯，很足料。飲品的選擇也十分多，自家製的五花茶十分解渴消暑。最欣賞刺身和火鍋牛肉，十分新鮮。那個透明涼粉很美味。

是日滂沱大雨冇辦法行太遠，於是就落咗去樓下嘅倫哥私房菜食飯，觀塘分店嘅場好大，但係都全院滿座，都要排十零分鐘先入到去。望咗下Menu，午市都係做套餐嘅，跟飯跟湯同埋有嘢飲，見到個茶樹干嗎炒牛頸脊（$68），好似幾特別咁，冇乜點食過茶樹菇，又冇乜點食過牛頸脊，於是就叫黎try try。大概等左10分鐘到，我個餐就嚟咗啦，唔知係茶樹菇定係干媽嘅味，食落去有啲酸，但係牛肉呢就非常之嫩。湯呢就略嫌有啲淡，而佢杯齋啡就苦過頭，飲落一啲都唔順口，最後飲咗半杯就放棄左啦。同事呢就食牛肋骨米線（ $44），同事話你想非常好食因為魚湯湯底好濃，牛肉又煮得夠淋可以試吓。男仔來講，呢碗野都好飽下。另一位同事就試咗招牌雞煲（ ＄58 ) ，嘩，一上枱非常之香，而且雞翼都比得非常之多，同事笑咗，話明明叫少飯，但學生都仲係好似山咁高，如果係正常返嘅話，唔知會有幾高呢。試咗佢啲雞，非常香同埋滑嫩，同事博晒老命食，到最後都食唔晒。個價錢就算中規中矩啦，但係啲嘢食都幾好食嘅，間唔時都可以過下黎嘅。

每次黎觀塘區返工，如果順路，我都會黎呢間食 lunch ，非常高質，菜單選擇好多而且d 餸用料好足，份量也夠。叫左肉餅、豆腐火腩，另外有跟飯同湯，同埋一個龍“等”飯。 以上嘅餐都有餐飲，同幾個同事一齊share ，好豐富，可幾開大餐。呢到食飯嘅好處係，我就比較唔太食得出有味精味，所以感覺好似食屋企飯咁，而且用料足之餘好特別，雖然唔會係平，但基本上，性價比係絕對值。用餐環境，即係座位都幾舒適，不過lunch 人多，要早d 黎拎位

官塘午餐..友人表示呢間倫哥私房菜好食試下無妨。今日叫左火山口蒸肉餅&麻辣雞煲，每人大約$60 連中湯及茶。 肉餅外形似個火山口，以鹹蛋黃置頂。肉質彈牙，Juicy !雞煲有點失望，鐵板錫箔紙端上，食既時候已是微溫，但雞肉味道惹味。總結：餐廳伙記會叫你食完好走。

母親節當晚晚飯,第一次在觀塘倫哥私房菜同媽咪慶祝母親節。結果享受了侍應生的優質服務同新鮮美食, 侍應生先送上果盤(撈起)然後再續一講解食物之先後次序同各種食材。先來的是香棘雞煲,侍應生調較炒雞煲火力及講解落其他配料次序。接著便是以新鮮海鮮另上火鍋打邊爐。侍應生亦介紹所有打邊爐的食材及任食的海鮮、各種食物等。當中的脆肉鯇、龍躉、龍蝦等肉質新鮮脆口,其他食材亦非常新鮮。侍應生並定時察看顧客有否需要添加食材。值得再去光顧。人均消費約$350。

在牛頭角開完會, 差不多一點, 午飯時間到處都係長龍, 來到倫哥私房菜, 位多好快可以入座。點了蟲草花蒸龍躉。同常有多款客飯, 咖哩牛腩微辣唔錯; 小鍋雞煲客飯, 係止雞煲癮救星;驚喜係有魚生飯, 可以自選兩款, 三款海鮮! 蟲草花, 即叫即蒸, 龍躉新鮮無骨, 送飯一流。午餐客飯, 跟湯和飲品, 加6蚊可以轉紅豆冰類特飲!下午茶再七折! *倫哥私房菜午餐款色多, 係和同事食飯傾計好地方!

雖然唔係平(大概$60－$70每個lunch set )，但係味道算係高上，份量好豐富(跟飯、湯同飲品)，而且用料好足絕對值，無論係湯，定餸都唔覺得有落味精，較健康(相信)仲左飯同餸嘅 lunch set , 仲有好多其他食物選擇，比如日式刺身丼、米線牛頭角同觀塘lunchtime 人山人海，想搵位食飯好難，呢間有水準又價錢合理，就一定會大排長龍，所以想黎食就盡量12：45前到啦，如果人多(6位)最好12：30前到。

食足4粒鐘朋友聚會, 一行14人, BOOK定間房, 貪佢又飲又食又唔限時. 人頭計連加一埋單$350. 先食雞煲, 可以選唔辣、BB辣、小辣、中辣、大辣等. 好胃口可以介可以食多煲. 隨雞外仲有少量魷魚、牛栢葉、豬皮. 餐前水果大大碟, 去咁D油膩感繼續努力食.刺身類又係人頭計, 人人有得食.刺身夠新鮮, 大大隻蝦! 小吃有鮑魚，再加錢叫咗椒鹽鮮魷、冰鎮涼瓜! 火鍋配料又係多不勝數!海鮮類有齊魚蝦蟹、蟶子、蠔、蜆等等. 雲吞水餃、丸類、腸仔蟹柳當然齊. 黑白手打雙滑10分推介.牛頸脊份量足, 又靚又新鮮, 脂肪較少又有咬口!! 飲品十幾款先自助任飲, 仲有伍花茶, 唔怕食得熱氣~ 食飽再來個燕窩蛋白. 先問唔細食, 但每樣試少少, 都傾足食足飲足4粒鐘, 都未機會再追加. 有本事可以繼續食到1點鐘. 

這間不錯. 所有野都值個個價,雞煲又好有味, 有肉食, 唔似某些雞煲任食得啲骨, 👍🏻個芝士牛肉. 好重芝士味. 啲海鮮都新鮮👍🏻, 牛肉好有牛味, 不過牛唔係任食😭, 仲有啲服務員好有禮貌

Difficult to call for reservation and staff Tiffany at reception who very helpful and patient to explain to me why during busy moment. She is helpful to try to look for a table for me. Although need to wait around 15 minutes but still appreciate for her help!

阿仔生日book左呢食，雞煲好食，食左兩三轉雞煲後再打邊爐，各樣野食都唔錯，食到好飽，又無限時，好鐘意佢個甜品，最估唔到食食下有抽獎，阿仔抽到個大獎是個（金座），真是超興奮！！

打邊爐傾下計。。。今日約左班同事一行7人去試新野。由於倫哥呢間私房邊爐聽過好多次，今次終於book枱去試下。。我地book左6半，佢只hold枱15分鐘。間鋪頭就容易搵既，天橋工廈落去過對面馬路啦。可能我地早book有間房仔坐，吹水一流，因為我地太嘈🤭🤭等人期間可以任食雞煲，食完再叫職員加，我地食bb辣，雞煲好入味！好食，我地加左2轉雞😬😬仲有一份牛柏葉同土魷魚🦑，不過就無得免費加啦。出面有雪櫃拎飲品，有水，汽水，忌簾鮮奶系列，冬瓜茶等等任你拎啦。食完雞煲可以叫職員轉火鍋，會成個煲轉，湯底係蕃茄湯，吾太濃味，普通湯底。之後會有一份刺身送，刺身好新鮮！牡丹蝦，三文魚，帶子片，北寄貝仲有冬菇鮑魚送！鮑魚雖然細細隻，但炆得夠淋同入味😍又有燉湯，好清甜，又足料，正！之後職員會一路拎火鍋料過泥，雪花肥牛會送一份。之後加就要俾錢。不過我地都覺得肥牛麻麻，無乜牛味都滑。海鮮拼盤，可以揀蟹或者龍蝦（要加錢），仲有象拔蚌，貴妃蚌，生蠔（呢幾樣無得免費加）之後蝦，龍䠢肉，魚片，蜆就可以任加黑白滑，係蝦滑，同墨魚滑。勁好食！我地食左5set!!好好食，好彈牙，足料，用心之作，好正！魚皮響鈴卷，魚皮吾係好硬，