倫哥尚品火鍋私房菜 (已結業)

今日幾個朋友揀左係倫哥食飯，不限時，仲有好多野吸引我地去食，就係又有海鮮，又有雞煲，又有甜品，又有刺身。首先黎個雞煲，BB辣同中辣雞肉好嫩滑，仲好入味。刺身好新鮮，好鮮甜。仲好厚身，真系值得一讚。海鮮好新鮮，牛肉嫩滑，仲有聖子好爽口，超好味打邊爐最緊要係湯底，我地叫左蓄茄湯，同埋溫泉雞鍋。雞湯好濃味，但系只有中間滾，旁邊系唔太滾，但好入味，唔錯。最尾仲有個甜品，但我上OPEN RICE睇到係燉奶，佢話而家無燉奶啦! 有點失望。

友人喺觀塘返工，於是有日放工相約黎呢度食雞煲，聽聞三百幾蚊既價錢包既野食同種類都十分多🧐一坐低黎左個刺身盤，新鮮好食！仲有碟鮑魚花膠，但有啲un，但呢個價錢算係咁👍🏻再飲返個湯，足料，有螺頭，唔錯唔錯然後主角就到，叫左小辣，但雞煲都係咁，會越食越辣😖唔食得太辣既朋友可以叫bb辣，應該都會食到。雞煲十分惹味，最後落埋豬皮、鮋魚同埋牛柏葉，吸哂啲汁，十分好味食完雞煲都七成飽，以為係加湯打邊爐，點知成盤換走...我地叫左個清清地既湯底，芫茜皮蛋就一定冇死湯底十分清甜，食完濃味既雞煲揀呢個湯底就最好不過先黎上左個預設既海鮮盤同一大埋打邊爐食材，十分新鮮😍種類好多然後特別想推介呢個牛，好好味！任食打邊爐黎講質素十分好！食完邊爐預先送黎既野食，我同朋友都飽到唔洗再追加！呢間餐廳食物質素唔錯，邊爐又任食，野飲任飲，每人都只係三百幾蚊，下次可以同一大班朋友黎聚下，十分抵食

聽朋友講倫哥私房菜好好味 有海鮮同其他配料任食 所以決定聚餐要試一試佢！whatsapp見到佢宣傳話有新既溫泉雞湯 仲要預約架添！ 所以我地就卜左溫泉雞湯底啦～一開始黎左個雞煲先 我地叫左小辣 都已經好辣 雞煲好香好足料 芫茜咪唔會好重 讚😋然後佢上左個鮑魚仔同花膠 仲有個烏雞蟲草花燉湯。 鮑魚仔同花膠好入味 不過個獻有啲杰！而個燉湯好好味 不過有點太油食左陣雞煲見到隔離枱碟牛肉咁靚 我就忍唔住即刻叫佢地轉邊爐！海鮮拼盤同埋啲牛肉真係不得了！每樣海鮮都非常新鮮 而且牛肉非常嫩口 唔會好韌！可惜食雞煲既時候食得太多 搞到到打邊爐位既時候已經飽飽地了！而且邊爐有好多配料供選擇！所以大食既朋友有福了☺️重點 溫泉雞湯係椰子雞湯來 我地飲個頭啖湯 真係好鮮甜好好味！唔會太油 好讚👍🏻丫！仲要個刺身拼盤！全部都好新鮮 特別係個蝦真係超新鮮勁大隻好好味！呢個都要比十個讚👍🏻👍🏻👍🏻👍🏻👍🏻👍🏻尾聲來一個黑糖唔知咩水晶！正～

今次已經第二次食倫哥，知道好味又可以一次過滿足唔同人的期望。一定要帶下自己爸爸、媽媽來試。我地一行13人，所有份量都好似加大左。雞煲都有4個，不得不讚雞煲好嘢味。刺身拼盤大蝦鮮甜、火鍋我地就試左4款，其中椰子雞鍋好清甜。但係加左湯底打邊火鍋後就變得好鹹，整體都算不過不失啦。

朋友升職，相約出來慶祝，第一個念頭就想起倫哥，一來貪佢無限時，可以吹水吹到收鋪都得，二來任飲任食，最啱我地呢啲食肉獸....!!!首先黎個雞煲先，小辣都已經香氣撲鼻，味道好過好多以雞煲為賣點嘅雞煲專門店。尖沙咀，觀塘同元朗分店有刺身送，三文魚肥美，帆立貝同赤蝦又大隻又鮮味，無得頂！跟住黎個花膠炆鮑魚，花膠略嫌單薄，鮑魚爽口彈牙...!!!跟住有個燉湯飲，蟲草花瘦肉煲竹絲雞，清甜滋潤....!!!到火鍋出場，其實已經七成飽了；湯底要左熱賣嘅溫泉雞鍋底，但個人覺得無甚特別，湯底冇想像中咁甜，冬瓜太大舊，難以煲淋，雞只得半邊，食之無肉，之前試過的生果湯底更好。火鍋料海鮮拼盤，份量十足，味道鮮味！牛頸脊，油花分佈均勻，入口爽口有牛味！其間仲有好多野食不能盡錄，仲要可以無限refill(除左牛頸脊之外)，食飽之後仲有個透明嘅涼粉做飯後甜品，真係大滿足呀！唯一唔滿意嘅地方係，觀塘呢間分店店內枱凳佈置真係好狹窄，地下電線滿佈，一唔小心就會俾啲電線kick到，出去攞野飲都唔係咁想，一次只可以搵兩個朋友出去攞野飲。總括黎講都係抵食嘅，會再食倫哥...!!!

今次黎到觀塘試呢個海鮮火鍋，weekdays 晚上人流唔多，不過呢到d坐位都幾窄，同隔離抬好近，坐得唔係幾舒服，餐品同碗碟唔知點解好多dust，已經聽到幾個客人講，再望望自己個個真係好多塵，不過攞tissue抹一下就繼續用。火鍋方面，首先係上左個雞煲，小辣，有專人久唔久就會黎幫你煮下佢，都反覆煮左3，4次。食完雞煲就可以自己選一個火鍋底，我地要溫泉雞鍋，其實係椰子雞，仲有個冬瓜係中間，幾特別，火鍋料方面，海鮮，肥牛，菜類，款式應有盡有，包你一定食到好飽

我已是第二次吃這間倫哥！食物多元化！先來一個魚生（非常新鮮), 再來一個嘢味雞煲，本來已經好飽，但係好嘢都冇辦法一定要再食. 個肥牛真係超正呀！仲有個海鮮鍋食唔落都要繼續食最後全部食晒一件都冇留低！

近排開始凍凍地 自然就會諗起食雞煲火鍋 不嬲都有聽過朋友話黎觀塘 點都要試下倫哥 見果日同女朋友行完街 就去試下佢係龍定鳳先講雞煲 用料認真 雞肉咬落d肉都幾實 唔似一般雞煲咁樣 而且每2分鐘就有staff幫手撈 服務一流 再加上可以任食 十分高質火鍋果邊就叫左個溫泉雞湯底 staff會教埋我地食 順便幫手搞 味道清香 雞味都好高 加湯既唔係比清水 而係雞湯 唔似一般既火鍋店咁只係比好淡既so cal湯比你總括黎講 呢間野都會係我keep任去食既

有位嘴刁的朋友介紹，食過倫哥不錯，所以我就介紹給一眾同事，好多同事都讚不絕口。因為訂位人數13位，所以倫哥要求先入數落訂，訂金$1000，用餐時一定要帶入數紙，倫哥會收起正本才扣回有關費用。我個人認為尤其係雞煲不錯。雞煲要按他的指示翻炒4次才是最佳入口時間，因為我哋一路閒聊，有時無注意時間就錯過翻炒時候，d雞有少許給我們整到燶邊，雖然有點燶，不過燶得嚟都係好食；另外雞煲如果多d芫茜唐芹更好。如果不夠食仲可以加雞煲呢！好少地方可以咁加，不過應該好少人會咁加，因為加咗食飽咗，就食唔落其後的海鮮邊爐了，所以就算好食，都要留肚。同事另外讚賞的，自然係魚生船和海鮮拼盤，2者皆不是任食的，所以份量預算一人一塊。就算係咁，我們都剩好多，因為有d朋友不吃生，有又些不吃某種魚生；所以一餐下來，就算不另外加配菜，都好夠食；推介溫泉♨️雞湯底，記得落打邊爐前飲一啖這湯底，有椰子味的，有暖胃作用。另外，服務質素都不錯，每隔一段時間，幫我們清理枱面的骨頭貝殼等，對食客來說，可以騰空更多位置，食得舒服d嘛。

倫哥午市小菜每週都會轉一次 😻包1湯🍜 1飯🍚 1飲料 🍵今日食咗👇:富士火山蒸肉餅 🌋 $56茶樹干媽炒牛頸脊🐂 $68🌶🌶蒸肉餅嚟講呢，醃肉味道剛好，不咸也不淡，即使有一整個咸蛋黃 😁 蒸煮後亦能保持鬆軟。 至於炒牛頸脊呢，鑊氣夠！通常喺出面食到嘅牛肉都有落鬆肉粉！而倫哥就冇落，而且肉質亦不會太肥！餐牌上印有🌶🌶但略嫌不夠辣 😝對於愛湯嘅上班族，果碗老火湯簡直就係救命湯！！又要返工，返工已經咁辛苦，收工又未必準時，想飲家常靚湯，就唯有揀間有湯嘅餐廳！想保持皮膚靚，身體好，每日一湯不可少 😌

之前食太子分店好新鮮，今日試官塘    相差很遠    冇咁新鮮    蟹四個人得一隻    四人枱又細又迫，隔離枱兩人可對斜角坐，我們要求換抬，又扼我地full 大家好失望$350一位😖😖😖

上次吃完佐敦的念念不忘~~於是立即約朋友再去觀塘這一間！原來價錢是有分別，但當然食物內容也有少少不同！這間唯一視覺觀感不太好是位置太迫~~如果位置好一點我會大愛！ 貴多少少~~原來有這個刺身拼盤！ 刺身都好新鮮，而且很鮮味！好厚，沒有偷工減料！ 來了每人一個湯，很熱~~但足料有味！不過一冷一熱反差很大~哈哈！ 先吃這個雞煲！ 和佐敦店相比較，這店的雞位置比較好，有點肉吃！份量也是可以接受的！當然，要留肚哦~ 我們沒有加雞，直接去吃火鍋了。火鍋前有個小涼粉，可以清一清口中的雞煲味，又可以解下辣~~ 火鍋哦~~~重點是牛，海鮮~~全都很吸引，牛的牛味很出，會令人很想再吃！海鮮雖然不是每一樣可以不停叫，但已經好滿足！ 因為其他配料都好好味！ 我特別喜歡這裡的墨魚滑！好香墨魚味~~YUMMY~~ 最尾仲有個甜品送啊~~ 這裡如果唔係坐得逼，真係可以再來~~另外仲有一件事不太方便，就是只叫現金~~OHH，真係SO SAD了~~ 最後當給於一個參考~~🏩倫哥火鍋私房菜🏩火鍋價錢💰：💝 佐敦,太子,深水埗,西環店： 平日$288/位

因為掛住食，完全地無影咁多相。。。我地好早就開始食，一入去就雪房咁，但食到咁上下，就會明白，因為越多人，就越溫暖，所以怕凍就帶定褸啦！雞煲係任食嫁！不過一轉左做打邊爐就無得再叫雞煲，職員會講解既！同埋會講一講啲雞要自己每2分要攪一攪，職員見我地倫倫盡盡都會主動幫手！食完雞煲就黎左啲刺身，我地多人，所以咁大盤，其實大概一人一隻啦！打邊爐就又黎一盤海鮮，職員又會走黎講食咩先。。同埋有部分食物係任叫，詳細都係問職員啦！啲職員都熱心，不過都會有一啲唔太清楚😂😂每人約$350包無酒精飲品，附近有電單車位！

美味姐一家👨‍👩‍👧‍👦最近由外國返嚟過暑假，咁多年冇返過嚟，美味子即刻安排餐港式晚餐一家人齊齊去聚一聚。好幾次同事們約食飯都因為有野做錯過左呢間倫哥，大家都一致好評，所以今次訂左呢度同家人試下，一次過食勻雞煲同打邊爐。如果唔食私房菜火鍋，亦有私房菜揀。由於我地多人同有小朋友，所以美味子提早兩星期訂枱同埋要落一千蚊訂，如果咁啱有人生日（用餐前後2日），仲會有個金牌仔送添！飲品有十幾款揀，有幾款飲品如士多啤梨盧薈同番石榴汁美味子同美味媽都幾鍾意，而且坊間都較少見，推介好飲👍🏻美味子根據指示每隔兩分鐘炒一炒d雞，重覆動作四次，每次較輕一度火，由於我地有小朋友所以走左辣，唔怪得總係覺得冇咁香，雞煲都係要辣既先好味🤤每個位都有張餐盤紙教你食🐔煲。🐔煲係可以任叫但上完🐔煲先會上火鍋，所以大家記得留肚。至於刺身就要齊人先會上。隻🦐比平時既虎蝦仲要大，長過一隻手掌！O先生見到大喜，忍唔住問店員呢隻係咩蝦，點知店員話係阿根延紅蝦！🧐真係好大隻啊！我地人多，張枱有4個爐，店員問我地有冇興趣轉其中一鍋做椰子雞鍋，因為仲尚未推出，佢哋每晚只會楝3⃣️枱試食，通常都係大枱；橫店有4個爐，所以美味子一家決定試埋呢個

食完雞煲等左半粒鐘，問佢6個人可唔可以多個爐又過有，6個人只有一個爐，都唔緊要個位又放係一邊 左邊完全食唔到 食過幾次未試過咁垃圾 員工答左同無答一樣又話有一時又無幫你睇下睇左半粒鐘都無