佳佳甜品

營業中

休息中

Love their traditional desserts! Always add on 汤圆 to any dessert i order. The skin is not too thick and mini size! Location is easy to find! To avoid the crowd & queuing, u can go at off peak! Mostly seeing crowd starts to build up after dinner time. The shop is open till 3am. But do be aware that they may not be that friendly. Also, do check urself if the calculation of ur receipt is accurate. ..............................

新正頭賀年活動已差唔多結束，正式開工，先由團年飯食食食，開工又有開年飯食。是日放工上司係油麻地附近開左圍枱食開年飯，食左2個鐘散隊。食完行路番歸，收到老姐打電話黎話想食蓄薯糖水，反正沿途都係要路經佐敦，一於去排隊買佳佳。呢間野聖誕節同朋友去完夜街幫襯過一次，當時都要排到輪大米咁，但當時碗芝麻糊真係一試難忘，所以要排都值得。今次去到可能因為時間未至於係食糖水既黃金時間，雖則OK多人都係要排，但都只係為數10個，見個胃仲有D位，一於自行點番個堂食先(個人認為糖水新鮮熱食最好)再打包外賣比屋企人。等左唔係好耐(5分鐘左右而已)就入座，點左個小的最愛既芝麻糊，同埋想試佢既芝麻湯圓，因為見8蚊先得3粒，到喉唔到肺，所以索性點一碗薑汁湯丸(有8粒)，感覺抵多了。個芝麻糊真係不的了既香同滑，好濃郁既芝麻香同綿到起沙既口感，真在不得不讚嘆。芝麻湯圓都不得了既好味，入面既芝麻餡炒得好香，每一口都充滿滿足既感覺，8粒剛剛好。薑汁無飲(唔係唔好飲)，不過食埋湯丸真係到頂，而且純志在吔湯丸，個胃再飲就真係反艇，所以先棄汁唔飲。外賣左個蕃薯糖水俾屋企人。價錢公道，糖水達水準之上，值得ENCORE再ENCORE。

之前已經有聽過朋友話佳佳甜品好好味，一定要試。難得今日放假就去試下店入面大部份都係遊客，好似一個境點咁。呢度主要食中式糖水為住，價錢唔貴。我地叫左一碗芝麻糊+湯丸同埋楊枝甘露，芝麻糊好普通，不過勝在夠滑可以加返少少分。但係楊枝甘露變左芒果西米露D楊枝去左邊？而且西米少得可憐，我在飲芒果汁嗎？之後每人再點多一樣野食，蕃薯糖水同埋冰花燉蛋。2樣都好普通，不過不失。最後，真心覺得呢度好普通，可能因為店舖出左名之後質素變差。排晒長龍既餐廳唔一定係好，相信有好多小店既食物質素都唔會比呢度差

晚飯後，我們一行九人就去吃甜品，知道佳佳甜品是非常有名嘅甜品店，我們未去過，所以決定一試，去到門口，看見長長嘅人龍，約20多人，心想不知要等多久，出乎意料之外，我們等了差不多十五分鐘，就可以有位，原來甜品店內都算非常大，有兩層嘅座位，我們可以九個人一起坐，不用分枱，其實都非常難得。我們各人點了自己喜歡的甜品，有芝麻糊，薑汁湯圓，楊枝甘露，麥米粥，我自己點了芝麻糊，不會太甜，很滑；朋友的薑汁湯圓，薑味十足，價錢實惠，一定會再來。

每次係佐敦食完飯之後， 都必定去佳佳食返個甜品先。 呢度最出名嘅甜品,就係薑汁芝麻湯圓。而家天氣咁凍，食返碗薑汁湯圓可以暖下身! 呢度嘅湯圓一碗有8粒, 湯圓夠滑身而且比較迷你，煮既程度軟硬適中， 一口咬落去，芝麻好似流沙咁流出嚟，而薑汁就好重薑味和好夠辣， 真係好岩我口味。 我暫時未搵到一間比它更好食。 所以未食過既朋友，可以值得一試!

蓮子紅豆沙，😝唔太甜！唔錯。我鐘意。芋蓉蓮子西米露 ，個味都OK ! 不過我就鐘意食一粒粒既芋頭多過芋蓉。😄😄寧波湯圓好好食呀😍😍我平時唔太鐘意食湯圓，出面果d 又大粒又厚皮，好唔鐘意呢D口感！😂但係佳佳呢到 , 佢個湯圓細細粒，個皮勁薄😘😘😘仲要一咬開，滿滿既芝麻！好正！😋😋😋😋😋😋真係好好食！！😚😚

薑汁湯圓，芝麻湯圓，芝麻味非常香濃，湯圓皮好軟滑唔痴牙，呢個冬天食一流，仲要平民價錢20蚊有8粒咁多，好過去超市買現成再煮晒爐火再煲薑湯，薑湯夠薑非常暖胃又夠辣，正。

有幾間老字號大家都經常推薦，小時候都係常客，好似合都成啊、地茂館、佳佳、源記咁。尤其是佳佳，紅到海外，而家食到嘅機會更少，太長人龍我一定調頭。難得喺附近晚飯又未夠鐘 ，係先食糖水後食飯啦。佳佳由舊時巷仔位到而家開埋去台灣，除左本地人喜歡，都係遊客之選，喺門外不難見到揸住旅遊書嘅客人，都算係排隊美食。餐牌供應中式糖水，紅、綠豆沙雪耳、芝麻糊、杏仁露、合桃露、湯丸、蕃薯糖水、楊枝甘露等，定價$20/22/32，配料可加雞蛋、蕃薯、湯丸。寧波薑汁湯丸 $20 寧波湯丸較細粒，一碗8粒，當然啦比起十幾年前點都冇咁薑，但點都依然比其他糖水店優勝！薑汁濃厚，除左辣，仲有種甜味中和，食完超暖身，寒底人士必食。湯丸皮薄餡靚，煙韌軟熟，芝麻餡甜啲，但一咬就咇出黎，畫面很療癒一口一粒，廿蚊碗都算超值，尤其是最近我地常踩雷，食左太多fail的湯丸。補腦合桃露 $22合桃露生磨，口感較raw，唔會滑溜，但亦不粗糙，淡淡合桃味，甜度較低，又係抵食。 

每次行經佐敦，總要到這間糖水店吃過痛快  因為實在太好味啦 當日是中午過後，入到店內見到很多顧客，人頭湧湧，最初還擔心有沒有座位，好彩總算有位，枱與枱之間不會覺得擠壁，沒有焗促感覺，地方整潔明亮，感覺舒服。而牆上掛著大大的餐牌，雖然款式不多，但吃過很多次，每次水準一樣，完全沒有偏差，我們每次食完都讚口不絕，現在想起都令人回味！今次叫了芝麻糊+杏仁露，一碗吃到兩種口味，黑芝麻香濃幼滑，而香噴噴的杏仁露味道不會太甜，兩樣混合起來，香甜美味。而另一碗是濃薑蕃薯糖水，天寒地凍吃碗辣辣的薑糖水，全身都暖笠笠，薑味超濃，味道只是微甜，完全適合我的口味，非常好味！

湯丸加了 1元，7元三粒，糖水保持水準，不太甜，4:15 pm 仍然有8成入坐率，很多一個人都來吃，亦有遊客慕名而到，坐位亦算舒適。😊不過下次都是不要兩溝，因未能試到它真正味道。☺值得一讚是疑似老細的男子，一直保持笑容，而且很有禮貌和落力，希望他能保持這種待客態度👍

中午來到已經每一張檯都坐咗人，以糖水店來講中午都已經有人來食，看來好受歡迎。舖頭環境幾好坐，門口有2016同2017年嘅米芝蓮推介獎狀。我嗌咗個最基本嘅蕃薯糖水試試佢嘅功架，果然不負所望，蕃薯糖水勁薑，好辣最岩冬天飲，黃蕃薯滿滿一碗好足料，煲到好稔好甜好好味。

同朋友尖沙咀食完飯，搵“下場” 無意搵到 openrice 呢間糖水舖。由於當晚得9度，又落住雨，特登由尖沙咀搭咗個站到佐敦。去到好驚，因為出面已經企咗好多人，感受到好多自由行同遊客慕名而來! 好驚要食好耐西北風先入得，點知又2分鐘唔洗就有位。門口個姐姐仲好貼心咁俾左個遮袋我地，當然係驚整濕地下啦! 入面選擇唔算多，得10種都數唔晒嘅糖水揀。我地兩個揀咗芝麻糊同杏仁露。好快就上，5分鐘唔洗。ok 啦，預左入面整定畢出嚟。一食落，嘩!!超感動! 好有口感但又好滑，唔知點形容種好味法，只可以可 hea 咁話，芝麻糊好有芝麻味，杏仁露好有杏仁味，食得出係真材實料! 我地食到好飽，因為兩碗都好 “厚” 咁 : )

Lunchtime心血來潮想吃個糖水，於是來到頗出名的 "佳佳" 。不同於一般糖水舖，這店很闊落，坐得很舒適! 多款中式糖水的價錢都只是20至22元，相當相宜~~ 4個女仔不約而同點了 "濃薑蕃薯糖水"，其中一碗加湯丸~驟眼看已看到大大舊蕃薯，而糖水薑味非常濃郁，(當然有人覺得薑味搶喉，但小妹認為薑是蕃薯糖水的精粹)，甜中帶辣，很適合寒天食用，有驅寒暖胃之效呢~ 少女時候只會叫凍冰冰的雪糕和刨冰，現在享受美食之餘也要講求養生健康呢！ 湯圓細細粒又彈牙，絕對需要encore!!

難得放假周圍揾食當然唔少得最後一環~食糖水熊大同熊妹呢排愛上了中式糖水， 冬天時份，食啲暖笠笠的糖水，真係好暖脾胃架。行過佐敦，見到佳佳甜品咁多人排隊， 入去試下。糖水款式唔多，有十多款左右，價錢$20,$22, 相當便宜，餐牌牆壁貼到周圍都有，枱頭望住點餐都可以喇。 今次我地試新野，熊大難得開口說想食燉蛋，熊妹又一直聽人講合桃糊好濃郁好好味又有益，再叫埋必叫的湯圓， 三樣，叫齊。好難一見的中式飯碗，古式古香。先講燉蛋，無想像中咁好味，似甜的蒸蛋，有蛋味的，唔夠滑，食到底比較實啲，唔係幾岩熊大同熊妹口味。然後到合桃糊喇，超香，好滑，無渣，食到停唔到口，又有益，係咪可以encore 呢?最後，壓續出場的薑汁芝麻湯丸。先試啖薑湯，嘩， 好夠薑，夠辣，感覺完全可以醫感冒鼻塞。湯丸流心芝麻涵唔洗多講，芝麻味濃，夠流沙，食完一粒又一粒，一共7粒，比一般湯圓size細啲，飯後甜品黎講好夠喉。熊大熊妹今日飲食假期完滿結束，多謝佳佳。

凍冰冰係廟街食完煲仔飯暖身，行下行下，經過呢間中式糖水鋪。見到好多人排隊，當時大約9點，門口已排左為數10幾人。門口又貼晒發哥照熱推，好想知究竟中式糖水有魔力攪到咁多人排，於是咪執輸排埋一份又話說，排左前後都無5分鐘就入到去眼望流量好快，啲人食完就起身走，所以排隊都係掩眼法來的而已，唔好怕等嚇走左去坐低已諗到食咩，點左個芝麻糊，另外再點左個杏仁糊，每碗各加3粒湯圓真係不得了，個芝麻糊好味到羅我命3000，芝麻糊狀望同食得出係磨出來既綿滑，唔係糖水既死甜，而係滋潤既清甜，好香既芝麻香，每一口都咁可口，食完一碗會有意猶未盡既感覺不過我想強調既係，啲湯圓先係精髓，強烈建議食糖水再加點，湯圓粒粒入口既溶好口咬不在話下，最過份既係，裡面既餡係炒香左既黑芝麻，果種香，係一咬開，鼻到新聞到既齒頰留香，好食得食人欲罷不能，必推。至於碗精製杏仁糊，都值得一讚，無一般杏仁糊果陣令人抗拒既味，入口順滑，不死甜，亦都食得出係磨出來既巧功之作呢間糖水店性價比高，價錢相宜，水準之上，會再回頭