佳佳甜品

營業中

休息中

點解全日去到邊排到邊呀?可唔可以唔駛排隊即有位!要食好味中式糖水買少見少,同埋我覺得lee間...事緣上次同friend黎要排隊都算啦,又要上上層坐,上次我叫合桃露,好似糊仔咁,我最憎d糊呀，露呀，結撻撻...今次係無奈地黎，又係要排隊,又要上上層坐,點解D野會咁巧合ga.我決定要有D唔一樣,今次我叫木瓜燉雪耳,但在座有4人叫合桃露,今次冇左結撻撻,但唔夠熱囉.木瓜燉雪耳好食過我屋企附近個間,雖然木瓜唔甜,但唔會太''淋'',多雪耳,有清甜o既味道.杏仁糊唔夠香,稀稀地,又係唔夠熱!唔知係唔係要配合懷舊格局,糖水鋪D裝修殘殘舊舊,枱清一色都係圓木/方枱,櫈係冇椅背ga.印象中連餐牌佢都覺多餘唔俾你,只有牆身個幾張大黃紙.

每次星仔家人來港，我們都要編排不同的食程給他們。因為他們已來港多次，香港的旅遊景點全部去過晒，老人家又不能行成日，所以每日不外乎都是食食食。佳佳通常都是食程鐵膽，一來因為近，二來也因為價錢平味道不錯。今次一行四人每人點了一碗糖水再另加兩碗湯丸。花生糯米麥米粥($20)是我每次必點，因為現在已經不太多地方有得吃，而且也很喜歡麥米的咬口。芝麻糊併合桃露($22)有舊食客都說佳佳的糊比從前退步了，我食糖水甚少點糊類無從比較，但雖然現在的糊大多都用現成的粉開水而成，但糖水店的準備功夫一般都公認比起其他種類的食店多，能保持價錢大眾化都算不錯。寧波薑汁湯丸($20)寧波薑汁湯丸不單是佳佳的鎮店之寶，也可算是香港數一數二好味的湯丸。湯丸皮薄芝麻餡不會磨得太碎還能保持咬口，薑湯薑味夠濃，$20一碗有七粒湯丸，所以每次幫趁點都要食返一碗。

今日放工老公就黎接我收工坐車經過佐敦佢就冇啦啦問我食唔食糖水明明呢兩個星期食左好多野要減肥又比佢引誘到食燒夜因為佐敦附近幾間（特別係某chain shop）我地已經去到悶同埋好易食到成100蚊落樓老公就搵到呢間佳佳一去到見到門口要好似牛奶公司咁排隊本身諗住要等好耐但係等左5分鐘唔洗就坐底左佢就要芝麻糊我就要紅荳沙加湯圓好快就黎到一食真係不得了好新鮮好熱芝麻糊好滑 唔會太sweet成個味道好balance紅豆沙都係好沙，都係唔會太sweet湯圓個皮都唔太厚最重要係20蚊一份（3粒湯圓加7蚊）今時今日呢個價錢真係好抵食誠心推要試一試

佐敦甚少有全中式甜品鋪，開在橫行這間店確實是有一定的優勢！中式糖水甜度適中，而賣相亦能吸引希望懷舊的大眾！但值得一提的是店的空間有限，設計簡單，未能提供很舒適的環境，價錢亦中上。雖然如此，作為香港人亦應該一試！

佐敦唯一一間好多人排隊的中式甜品店。價錢平，份量足。最經典係薑汁寧波湯園。大大的六粒。都係20元。薑汁好辣。冬天食最保暖。其他甜品推薦芝麻糊。又濃又香。全部都好抵食。

都有好長時間沒有行佐敦恆豐中心，前幾天去到商場，店舖大多是關閉了，感覺這個商場好冷清清，都不再想繼續行下去。之後我們過對面去了佳佳甜品店吃中式糖水，想令心情更加好。當時甜品店是剛剛營業不久，但舖裡已經有很多人，原來這些是由內地來港的旅客，場面熱鬧但不算擠迫。我們叫的都是濃薑蕃薯糖水，薑味勁辣，帶少少甜，而且有大大塊的蕃薯，軟淋香滑，非常好味，百吃不厭。

佐敦周边好吃的小吃，甜品店实在太多，佳佳甜品的品质，性价比在整个香港都是算得上的。店内装修一般，透着老香港味儿。芝麻糊绝对是吃过的最好吃的，配上汤圆特别好吃。杨枝甘露，红豆沙，姜汁汤圆，红薯，绿豆汤也都很不错。以前来的时候记得大多数甜品都是19块一份，也许生意太好涨价了，但性价比还是挺好的。以前来的时候感觉服务态度很差，收银台的本地大妈实在不友好。近几次来好像换人了，比之前好不少，总体而言值得一来的甜品店。

晌附近食飯，唔太飽就想再食多個甜品。同行友人介紹食佳佳甜品。行到過黎見到大排長龍好誇張，心諗唔知要等幾耐，點知又好快喎。門口貼晒米芝蓮openrice 入選名單咁，又見到野生捕獲發哥訪問介紹芝麻糊同薑糖水係老薑之類，一入去就嗌左芝麻糊同濃薑蕃薯糖水。哇~ 蕃薯金黃色，好似會發光咁，薑味極香濃，一定係驅寒首選。而芝麻糊入口好似絲咁滑，甜度剛剛好，淡淡芝麻香。簡單糖水咁好食，煮法不簡單，難怪入選2018米芝蓮，個個黎排隊。

呢間野我前前後後食左n甘多次，八成都係食我至愛既白果薏米府竹，呢個真係超正，又香又滑，加上好qq既薏米，甜度剛剛剛好，百吃不壓。芋茸蓮子西米露，呢個都好味，好香既芋頭味，食落去口感有微小芋茸粒，不過有時略稀，甜度也剛剛好。冰花燉雞蛋，有好濃郁既蛋味，不過我覺得過甜，食兩三啖就有小小膩。木瓜燉雪耳，甜度剛剛好，無乜特別，係好食的。寧波薑汁湯丸，薑汁好濃好香，有少少辣，可惜無花生湯丸。合桃露紅豆沙呢d都好味，只係唔算好特別。

由中學年代就光顧佳佳甜品當年還是一個角落裡的小攤檔放學和同學們來食一碗芝麻糊一碗紅豆沙 已甚滿足後來愈做愈大 小妹畢業了佳佳也由小攤檔搬至對面店鋪座位多了 地方光猛了 環境好了依舊是座上常客 相比現代西式精品甜品終於最喜歡中式糖水一直以來在佳佳 平民的價錢 吃到真材實料的糖水再直到獲得米之蓮 再搬去此時新鋪今天突然想起他 特意來回憶一下回憶中的味道芝麻糊 其實點的是凍芝麻糊 但上了熱的不要緊 反正也是一樣 熱的理論上應該更香可惜只換來失望 芝麻糊太稀 無乜味 無芝麻香熱紅豆沙拼杏仁露加湯丸和芝麻糊同樣地 杏仁露很希 完全無杏仁香和紅豆沙拼在一起 味道更被蓋過同時稀釋了紅豆沙湯丸 不知道自己是在吃湯丸還是純丸子 餡少得可憐皮厚餡少 幾乎吃不到內餡鋪愈搬愈好 生意愈做愈大但質量愈做愈差 希望不要被名氣衝昏頭腦能做回當年真材實料的美味糖水

話說真係太激氣，食塊雞扒受氣，本來都無諗住食甜品，主動同友人講不如食糖水。有一段時間無過黎呢邊，之前都有黎過佳佳，性價比高，甜品黎講係超值。嚟到見到佢裝修，心諗咁咪貴左好多，幸好無，只係好微加一，兩元，完全係超乎想像。環境企理左，靚左，成件事升尼咗。職員仍然係隨和，仍然係度。我嘅大愛係芝麻糊，本身係19元，都只係加到20元，好開心，加7元有3粒湯丸。滑底芝麻糊，加上夠香夠濃，三粒湯丸有咬口，成碗超好味，令到個人心情平和番。成口油，都有中和番嘅感覺，推介推介。

老實講,平時你問我意見的話,我一定唔會食中式糖水,因為我覺得自己屋企都煮到, 不過呢晚幾個朋友堅持要食,仲話呢間好經典.我唯有就範呢度menu只有1張,一眼睇曬有o羊食,哎呀,全部我都唔鐘意食(我好偏食),逼於無奈下,我選擇左芋蓉蓮子西米露(我唔食蓮子的)再加多粒湯圓~呢度上台速度好快,眨眼已經一台糖水~先講下我碗野,雖然有我唔食的蓮子,但佢味道又唔算濃,而且好林,所以都幾好食,有芋頭gei存在令西米露好香~加埋煮到好透明gei西米露,成碗食碗好暖~重點係有咁多甜野落去都唔會太甜,意外地喜歡!唯一可惜係我加左的湯圓,原來係我好討厭gei黑芝麻糖水,純粹個人喜好,我覺得唔夾,但芝麻係香gei朋友叫左個濃薑番薯糖水大家都無expect佢味道如何,不過一到就聞到濃烈薑味,入口當然係薑味爆發啦~~D薑濃到連平時食開薑gei朋友都覺得好辣,如果唔食gei人就真係唔好試啦~不過佢D番薯又好甜好林所以容易咬,食完都幾飽~~木瓜燉雪耳D木瓜好甜好林,雪耳仲keep到爽口gei感覺,兩個字:好潤!由於我真係接受唔到杏仁露o個陣味,所以我一啖都無試過,不過朋友大讚杏仁好香好滑,俾好高分.我自己就強推冰花燉

多次走過「佳佳」，看到長長的人龍，標誌著其受歡迎度。只是，要花上至少十多二十分鐘才能吃碗糖水，我不會有如此耐性啊！豈料昨晚和朋友路過，竟欣然發現不用排隊，真的喜出望外，當然即時坐下，與友人不約而同的叫了我們的至愛--羗汁湯丸-可能希望愈大，失望卻愈大！這次的糖水太甜太甜了！就是同枱食客的核桃露、杏仁茶，也聽到他們頻頻喊太甜太甜！結果，我們都沒吃完便離開了！希望這次的失落是廚子的一時失手吧！湯丸是佳佳標榜全人手自製，小小的丸子，濃濃的黑芝麻，有其獨到之處，羗味濃是其可喜處，可惜糖水太甜太甜了！

忽然之間好掛住中式糖水，於是放工就約咗同事一齊去佳佳食返碗正嘅糖水！我叫左番薯糖水加湯圓，而同事叫咗芝麻糊拼杏仁糊加湯圓食咗咁多次，都覺得佢好有水準。湯丸做得好好，皮薄餡靚！真係食三粒都唔夠喉!番薯糖水好夠薑汁！辣辣地咁好正呀！食完之後成個人勁滿足

接連吃過數家的豆腐花，令小人嗜甜的指數繼續升溫，吃完飯總有股意欲去吃甜品。這晚在佐敦吃完火鍋散席後，與友人一起繼續吃糖水去也。小人叫了碗合桃露，以補一補近來不太靈光的腦袋。合桃露幼滑香甜，散發著滿滿的合桃香，小人只嫌太細碗，兩個人每人兩口已喝完。幸好還加有湯丸，增添口感。糖水之外我們亦要了一碗燉蛋。燉蛋沒有過老，香滑得來有質感，但絕對不會實的的，甜度頗高，體現出傳統燉蛋的精髓。吃完甜品才叫做完成一頓美好的飯局。