佳佳甜品

營業中

休息中

佳佳已經搬了幾次鋪。。人又不斷增加⋯⋯每次都不會失望必吃的濃薑蕃薯糖水。蕃薯夠綿，薑湯夠濃，夠辣（薑）。吃完，整個人身體都暖哂。。今次再加埋寧波薑汁芝麻湯丸必吃之選。其實店內所有糖水都各有棒場客。。有芝麻糊、合桃糊。。都值得試

凍冰冰行過佐敦又想食糖水...就諗起『佳佳』！平時如果夜晚九點後...門口肯定排哂長龍！好在係平日而且仲八點都未夠...所以去到即刻有位坐！呢到啲糖水相比九龍城較出名嗰幾間平。但質素有個之而無不及...我同個 friend 分別 order 咗一個合桃露加湯丸($22+$7)，同一個白果薏米腐竹糖水($20)。合桃露真係超超超正...甜味適中而且合桃味濃..冇得輸呀！腐竹糖水料多...而且啲腐竹煲溶哂..好好味！啱哂依家天時地凍...滋潤又暖胃。😋👍👍👍

食完dinner 聽朋友推薦呢間附近既傳統甜品鋪 梗係要試下啦鋪面都幾大 有兩層 好多位 九點幾去到都差唔多坐滿曬 好彩我地唔洗等位乍呢間甜品鋪只有十幾款甜品可以揀 選擇唔算好多 但都包括曬啲基本既中式糖水 都唔錯既芋茸蓮子西米露(熱)($20)呢個糖水真係好好食 好真材實料唔單止有好多粒蓮子 而且有好多芋茸 一放上枱已經聞到好香濃芋頭味 食落更係濃味 而且又好滑 配上西米露就啱啱好不過食食下會覺得有啲甜 仲會好飽 寧波薑汁湯丸($20)呢個甜品同樣地好足料 有香濃薑汁味 又有8粒芝麻湯丸 以呢個價錢黎講 真係好抵濃薑蕃薯糖水($20)呢個真係好濃薑味 甚至比薑汁湯丸既薑味更濃 唔怪得叫「濃薑」啦朋友食完成後覺得好熱添好啱依家個天氣食

冬天到，梗係食反碗暖粒粒糖水，暖下身～朋友帶路黎左呢間糖水店，話好好味於是試下～去到門口已經有條隊，再過一陣條隊已經非常長龍！！行得快好世界！不過都入得快～等左陣就有座位，店內非常寬敞闊落，吾會坐到好逼人貼人咁吾舒服。 朋友點左薑汁蕃薯糖水另加湯丸，我叫左碗杏仁露另加湯丸，上糖水都好快速，糖水個碗係傳統既花紋碗，感覺好親切～食下食下見到「人生有幾多個十年」個男角，原來就坐係我地後面～👀不禁望多幾眼杏仁露原汁原味，食落就知無添加，吾係加水沖粉個種，新鮮磨製，口感香滑，湯丸細細粒，湯丸皮口感帶勁，帶點煙韌，芝麻料都好香口～😋😋 如果大粒d就更好喇！ 試左朋友碗薑汁，原汁原味，好薑，天氣凍真係好暖胃！ 👍🏻

exchange既朋友話想試下中式甜品 上網睇到呢間既comment唔錯 而且又有英文menu  咁我就唔使做translate啦～因為我都唔知應該點譯好XD個日同exchange既朋友行左一陣廟街睇下野 跟住就準備去食糖水啦 距離廟街幾分鐘既路程而且又近地鐵站 就算唔係香港人都應該唔難搵😌我地叫左幾樣野試下～芋茸蓮子西米露上一次同行既朋友食呢過 我一食就愛上左 所以今次自己叫一碗 熱同凍都一樣正呀好足料既蓮子～法國朋友竟然話鐘意呢個呀 🤣   仲擔心佢食唔慣$20有8粒而且彈牙足料 冬天連埋薑汁食簡直正佢地一邊叫spicy一邊食 轉眼間就清晒hahaha 薑汁水唯有留番比我呢個導遊啦XD

同朋友喺油麻地食完飯 朋友就提議去食佳佳甜品 喺油麻地行去唔算太遠 幾方便第一次食佳佳 點知真係幾好食 朋友果然冇介紹錯選擇都幾多 本身想食楊枝甘露 但竟然冇晒 到我哋食飽先有翻諗住下次再去食過之後就揀咗番薯糖水 真係好濃薑味 中意食薑既人就好岩 冬天食都岩晒夠晒暖 不過對於我黎講就還好最中意食朋友嗌既芋茸蓮子西米露 呢個真心推薦不過朋友就覺得食得多可能會流仲有湯丸都ok如果想食中式既糖水 佳佳的確係一個唔錯既選擇啊 我諗我都會再去食

話說尋日約咗朋友喺佐敦拎野，我係去咗廟街嗰邊，其實尋晚我係未食嘢然之後過去，拎完野之後就覺得真心有啲肚餓👉🏼👈🏼想四圍搵吓嘢食。又唔想中伏，梗係想揀啲有品質保證，甘啱竟然比我見到拎米芝蓮嘅佳佳甜品由於趕住返屋企嘅關係，門面同埋餐牌都唔記得影相添🙊但我想講排隊嘅人其實都唔係十分多嘅，人數都係10個左右，先令我放心。佳佳甜品系之前拎咗米芝蓮，但我知道呢間真係良心店舖，記得之前睇過店舖老闆做訪問，佢係提及到就算拎咗米芝蓮啲甜品都冇乜點加價，尋日去到見到好多都係19-21蚊，相比起出面又貴又唔好食嗰啲，呢個價真係超值。叫外賣我分別叫咗芝麻糊同埋薑汁湯圓，因為聽講呢兩樣係必食，其實芋蓉蓮子西米露我都有啲興趣試㗎，不過一叫就唔叫咁多。我記得上次黎我都好似係食芝麻糊，但已經係好耐之前喇，耐到我都唔記得咗系幾時，但好味嘅食物總會有令人再去既吸引力～尋日係搭巴士返屋企，我返屋企大概45分鐘車程，如果整得較差嘅糖水可能會凍凍地，好慶幸叫咗三碗拎返屋企都仲保持到個溫度首先打開一個我平時比較少食既芝麻糊，一打開個蓋即刻聞到好香既芝麻味。芝麻糊其實一用匙羹撈起就可以睇到個質素係點樣，呢樣野係我媽咪以前做糖水舖所

已經去左佳佳好多次.我頭幾次去都係食飯後甜品.好多人，等都唔算耐...但呢幾次專揀下午茶時間去食免得晚飯食得太飽食唔落佳佳又唔駛等位每次去都食佢個芝麻糊真係無一間好食過佢，個人覺得

同幾個朋友響附近食完煲仔飯，行左陣就諗住去食糖水，住附近ge友人帶我地去依個糖水鋪，門口已經有好多人等位，等左約10分鐘，就有位，我地坐樓上，個餐牌都幾簡潔，款式唔算多，咁樣仲好，唔會有選擇困難症之後，分別叫症濃薑蕃薯糖水、蓮子紅豆沙加湯丸同木瓜燉雪耳個蕃薯糖水，友人話真係好重薑味，佢唔係好頂得順紅豆沙友人都話唔錯，尚算可以而個雪耳我覺得份量都幾好，唔會太甜，都係可接受，惟無咩特色可言大家都可不妨一試一聚下

今日同朋友係旺角食完晚餐，佢話要帶我去試一試佳佳甜品，好好味。 原本以為係普通糖水店，點知一入去到見到舊式風味。朋友推介芝麻糊好出名，本身想叫埋紅豆沙，但係員工話賣曬了，佢就推介馬蹄西米露話好食，就信佢試一試。芝麻糊加埋個芝麻湯圓，2樣都好驚喜。芝麻糊好滑，入口唔似平時食個D好粗魯，個湯圓皮好薄同好軟，個芝麻內涵好多!!成個口感都好豐富。而蛋花馬蹄露係凍既，都好好味，D馬蹄切到好細粒，但每啖都食到有，可惜就有蛋殼係入面，有少少失望。

Went to 佳佳甜品 today, placed an order for black sesame paste to that waitress with pink sweater (lets call her pink lady). But no reply then I wanted confirm if she heard my order saying 'did you hear me'. No reply again. So, I assumed she was too concentrate on walking or day dreaming heading to the kitchen and did not hear my order. I thought no big deal, then ordered again to the young guy. Within 20sec, that pink lady delivered the black sesame paste. I said I thought you didn't hear my order

天氣轉涼，我就想食啲熱嘅甜品黎滋潤一下！於是，放工就同同事即刻沖去佳佳！同事叫咗芝麻糊我叫左一碗薑汁湯圓！薑汁湯圓嘅薑水10分夠姜夠辣！湯圓包得唔錯，煙煙韌韌！皮亦唔會太厚！👍🏻👍🏻而芝麻糊做得好滑又唔會好甜！😊食完成個人都覺得滋潤左！

前兩日試完呢度既芝麻糊，心思思又再黎，想試新野，就點左個合桃糊同杏仁露兩溝，其實都幾高質，合桃同杏仁味各自味道都十足，不會話搶左對方既味，食落都幾夾，不過都係分開黎食會更好食！呢度既糖水係幾高質，好足料，食落好順滑濃稠，不過自己個人最中意既都係呢度既芝麻糊，比杏仁合桃糊更香濃。另外，杏仁合桃露兩溝個賣相好靚，好似雲石花紋咁！

佳佳香港最出名甜品之一，歷史悠久。此店最出名的是合桃糊，芝麻糊，番薯糖水及湯圓。Ummm....其實杏仁糊都好好味，哈哈❤️❤️❤️為何合桃糊及芝麻糊咁出名？因為佢哋自己係店內磨的。以前店細細，見到佢地用機器磨，依家店舖大了很多，見不到佢哋磨了。但係味道冇變，應該自己整才能去到此水準。推介指數：10/10番薯糖水，此款甜品本人極之喜愛，番薯煮到好淋好甜好好味，除番薯外，啲薑湯真係好重薑味，飲完身好暖。推介指數：10/10湯圓，呢樣每次都必叫。它們的湯圓永遠不會在送來的湯內裂開，食落口好煙韌，好好味。推介指數：10/10

早於佳佳還是小店末遷址及末成為米芝連食肆前已不時前來幫襯，今晚佐敦晚飯完畢後又再次來滿足口舌之慾。 雖然眾所周知但不妨介紹多次，杏仁露、合桃露及芝麻糊是佳佳三寶，每次嚟到都會選食其中一款，今次再食芝麻糊。其實之所以咁好食就係因為佢哋嘅芝麻、杏仁、合桃都磨得特別幼滑。芝麻糊光聞就有著濃郁的芝麻香氣，食起上來嘅口感特別絲滑、香味濃稠非凡、甜度適中，吞嚥後口腔裡充滿著芝麻香，真的超好吃！其實食到咁好味嘅甜品都要多謝下依個舖位業主，搬遷前個業主就係因為瘋狂加租，令到我哋有一段時間都食唔到咁美味嘅傳統粤式甜品，今時今日地舖舖租貴到咁，好多食肆都生意難做。而佳佳更加值得讚嘅地方就係由多年前座街邊小店到今日榮登米芝連推介，都依然可以保持到一樣咁好味嘅甜品質素，真係要多多支持，要不然食唔到咁美味的甜品就真係可惜。