佳佳甜品

營業中

休息中

When you are craving for desserts at night in Jordan, this is the place you’ll need to visit. They got the best tang yuen with ginger soup in town, and the quality hasn’t been any worse.Today I chose the papaya sweet soup. The papaya was naturally sweet and it was cooked to soft and succulent. And most importantly it’s good for skin!

傳統糖水店經典芝麻糊2018/05/10係油麻地人氣旺盛嘅甜品店，一入門口便有店員帶位，點餐後2-3mins便有得食😍，芝麻糊香滑濃郁，香氣扑鼻，唔會太杰，亦唔會太稀👍。店內餐牌主要係傳統甜點☺，比較少新式嘅凍品，雪花品那類雪糕食品，但店內要花工夫磨製嘅甜品都非常受歡迎😘，好似芝麻糊，杏仁糊，本人唔中意杏仁味應該唔會試，但佢地店嘅芝麻糊非常出色😗👍👍。雪白嘅湯圓中，有流心嘅芝麻含在內，軟熟Q彈嘅外皮😚，香甜可口嘅芝麻含互相輝映。下次食糖水都要去依間，平日夜晚18:30時人流都未算好多，但上次食完飯黎，門口已有人龍😲，咁好食嘅甜品難怪咁多人捧場😋😋。

現在香港的甜品鋪都是以西式甜品大行其道，好不容易才搵到一間正宗的中式糖水鋪。佳佳的糖水出名抵食，而且款式夠曬傳統。我個人最愛的就係薑汁芝麻湯圓。食落口每粒湯圓都煙煙韌韌、而芝麻餡亦都好夠。加埋，充滿薑味的湯底真係一試難忘。所以我每日係附近上完堂都必定會幫襯佳佳

食完糙米家之後就係甜品上場啦！食甜品當然要過海去佐敦搵我既摯愛佳佳啦！呢度d甜品樣樣都好正！糊類出色就唔洗我多講啦！佢既糯米麥粥係我每次都must 嗌既。皆因麥米好多又唔硬、煮得剛剛好、甜度都好適中、另外花生🥜雖然都ｏ係埋入面但如果你唔like既話都可以話嗌走渣既、雖然唔係完全冇花生、但起碼會比正常既少好多。我真係好鍾意佢地既麥米粥，真係好好味。價錢又低wor！好似都冇乜加過價咁。真係良心小店、好需要大家去support下！題外話：今日小編又去幫襯、大約中午12點半左右啦、以為應該冇乜人、就真係估佢唔到呢d時間都可以坐滿曬既。好彩都唔洗等位。有位非常之勤力既疑似老細物體既人熱情招待你，又叫你隨便坐、又主動過黎落單、最最最窩心既係我例牌嗌糯米麥米粥而碗嘢黎到我面前既時候而當我準備食既時候、ｏ個位疑似老闆又像員工既物體就出聲問：咦？唔係話走花生既咩～點解咁多？我即刻呆一呆、然後答佢：其實走左架啦～都唔算好多ｏ者！但我心入面真心覺得佢勁nice勁caring 囉！竟然咁上心d食客既remarks！吖疑似老闆、抵你發過豬頭炳啦！

小編一向鍾情中式糖水、對d西方嘢唔太buy。哈哈，都其實好傳統。不過傳統既嘢真係好需要有大家繼續支持先至可以生存落去。佳佳甜品我相信對好多香港人黎講一d都唔陌生尤其係九龍區原住民。我雖然唔係九龍區原住民但係聽人聽朋友聽親戚都講過呢間咁出名既甜品店，賣既係中式糖水既係芝麻糊、杏仁糊、合桃糊ｏ個d啦，有乜咁巴閉點解咁出名？係因為1）呢間甜品店竟然可以連續好多年都可以拎到米芝蓮 其2）呢間甜品店出品既糖水全部、係，係全部都係磨出黎既而唔係hea爆膩既沖劑ｏ個d頹嘢，芝麻湖有濃烈芝麻香、杏仁有杏仁味、合桃糊係濃厚到你以為食梗合桃。總言而之一個字‘屈機’除左去d糊類出色、另外有樣都做得非常出色既就係我最愛最愛既糯米麥米粥。好味到睇相都想又去食呀係全香港最好味既中式糖水店，唔好再話西環X記老字號啦，我食過係完全唔係ｏ個回事啦，絕對唔係手磨出黎既感覺、even機磨都唔係囉。食完佳佳真心返唔到轉頭。吖，另外要講埋點解佢拎到米芝蓮既第三個原因，係因為超級抵食！價錢都非常非常平民化！真心抵讚所以小編都要長編大論寫佢有幾好幾正！大家都去支持下啦！

佐敦宵夜比較多, 而呢間甜品店比較出名, 鍾意食中式糖水既我, 終於可以黎試下！店舖外面有長長既隊, 好彩人流快. 店舖裝潢比較單調, 不是那些華麗的,  一塊大大牌匾 同兩張大大的餐單, 糖水款色 都係中式為主！   揀jor 碗芝麻糊  冷熱各兩碗, 睇下邊款好食d！ lol芝麻佢冇寫明係手磨還是機磨, 但係食落口, 好融. 而且唔覺得好膩. 甜度啱啱好,不會覺得好甜.   總括黎講 是不錯的. 而佢既檯都好似好多年歷史咁, 但係乾淨.  屬於樸素 簡單 好味既糖水鋪~  不錯！

《佳佳甜品》 #佐敦📍佐敦寧波街29號地鋪-🔺芝麻糊拼合桃露 $22今次叫左雙拼 食落好似合桃糊既味多過芝麻味，合桃得黎有小小花生味咁😂🔺芝麻糊拼合桃露 加湯圓 $29呢碗就加佐$7加佐湯圓 有4粒 係芝麻湯圓 大大粒 好好味🔺芝麻糊 $20芝麻糊今次叫佐熱既 好香好滑 唔會食到一粒粒既感覺🔺冰花燉雞蛋（凍）$22燉蛋有凍有熱 今次試左凍 甜甜地 食落好似食蛋撻咁😂-夜晚黎食好多人 門口要等一陣位 但好快都入得去價錢都算平，但就只有傳統中式糖水-Instagram: 90sfoodieshare 大眾點評：90sfoodieshare Email: foodieshare@outlook.com

頭幾次食果陣仲係鐵皮屋度，以前環境好開放，就係路邊台仔食。雖然夏天天氣好熱，但碗腐竹蛋太好味，就算炎夏都無阻我滴住汗係街邊食熱糖水！（其實有凍😂不過我鍾意食熱）後尾搬左上鋪頭，有冷氣呀！😍好多鋪頭做大左又或者搬左鋪之後，水準就會差左又或者瘋狂加價。但係呢度完全無呢個問題出現！碗腐竹蛋一如既往地好味！除左腐竹蛋之外，今次仲叫左個紅豆湯加湯丸。紅豆沙都做得好好，湯丸係芝麻湯丸。食完會好飽🤣基本上每次去親佐敦都會入去食糖水！😋

之前聽朋友說佳佳好出名，好好食。今日路過就打算去朝聖。點知..............食到一肚氣。1) 先講甜品---我同朋友都點咗百合綠豆沙。綠豆沙完全冇口感，係綠豆蓉+水。自己煲都好食過佢。2) 店員態度---由坐低到走人, 全程都係眼神交通。冇講過一個字！！係一個字都冇講過！經過10分鐘的觀察，不止我哋呢枱，都冇同其他枱食客講過野。全程都係黑面。總結，冇下次！

同朋友起旺角食完飯，話想食d中式糖水，朋友推介這間傳統佐敦舊式糖水🍮雖然依排天氣熱辣辣，本應想食d透心涼既野9:00去到。可能因為係平日，可以吾洗排隊可以直接直入，但店內都好多人。門口貼有好多老闆同明星之合照，連發哥都係坐上客。店員推薦我地食濃薑蕃薯糖水加湯丸。但因為真係天口太熱。濃薑都係留返冬天黎食比較好佳佳甜品一向都是實而不華☺️而甜品幾時都係用第二個胃黎食♥️白果薏米腐竹糖水香濃的腐竹已經煮到溶化了，白果已經去芯♥️芝麻糊溝合桃露芝麻糊應該是生磨。完全沒有粉粒，而合來相對比較沒有芝麻那個香。怪不得周圍都好多人叫芝麻糊♥️芋茸蓮子西米露有濃香的芋頭香氣。可惜西米煮得太耐。已經淋哂無咬口。及略嫌沒有芋泥這個價錢，在外邊不出名的糖水店都未必賣這個價錢。性價比高

一家人係佐敦食完飯，媽媽就話好想去佳佳食甜品。印象中真係好好食的。估唔到事隔多年，價錢仍然唔貴，二十元就食到一碗糖水，去邊度搵丫？！新舖比從前光猛，地方乾淨，店員也用machine 落單，感覺非常現代化！我要左濃薑蕃薯糖水加湯圓（三粒加$7）濃薑非常濃，令薑味出晒來，喉嚨痛千萬唔好食，堅濃！我食左三分之二糖水已經食唔到不過蕃薯很甜有四塊大大舊，非常好！湯圓也煙 un 非常，係寧波湯圓！熱冰花燉雞蛋，好食過義x, x牛好多！蛋味香濃滑得很！合桃露就一般，唔算出色！大熱天時也叫了一碗凍粒粒紅豆併涼粉，紅豆夠軟身，涼粉加花奶，甜度恰到好處！35度天氣降降溫！唔怪得分店開到去台灣！yummy!

食完晚餐，想留肚食個甜品，近近地就去左同一條街食中式甜品，近近地就揀左佳佳。 雖然好多人，但店面控制人流都好好，唔會話俾人打占。 當時，記得有個女仕完全無排隊，就入去店內，甘啱有店員又睇到，好有禮貌請佢排隊，其實大家安靜地，又有耐性等，好快有位。我地分別點了白果腐竹、合桃糊、杏仁糊及冰糖燉蛋。本人就覺得燉蛋好中式，口感都一般，下次會揀下杏仁糊，或白果腐竹糖水食下。店內環境都ok, 一班坐埋一起食甜品，傾下偈，感覺都幾舒服，幾開心。

係附近食完晚飯..食埋甜品先叫夠圓滿😛原意是想食其他甜品的..但兜了一圈最終去了佳佳..其實是羊群心理..因路過見到好多人在門外..心諗一定唔會差😁😁餐牌簡單..款式不多..全部都是中式糖水..而且價錢相當實惠點了兩款..茸蓮子西米露（熱）和粒粒紅豆併涼粉芋茸蓮子西米露..好好味有好濃既芋頭茸..另外味道適中又不會太甜..粒粒紅豆併涼粉..紅豆滿滿的..煮得剛剛好軟硬適中兩碗都細細碗好好味..推介

今日同朋友仔係附近食完野，當然要食埋糖水先圓滿啦～講到糖水就當然係要食佳佳啦！我哋好好彩唔係等左好耐就已經有位坐啦～兩位朋友仔都冇食過佳佳，當然第一句就係問「有咩推介？」我嘅回覆係「全部都係推介！」所以我哋就跟住最想食嘅嘢嗌咗三碗糖水～有好養生嘅木瓜燉雪耳，有好香嘅芋蓉蓮子西米露 ，仲有就係菰涼食極唔厭嘅楊枝甘露～呢碗木瓜燉雪耳好足料，朋友仔唔飽都食到變飽（講笑），啲木瓜同雪耳林得黎唔會爛左，好味！呢碗芋頭蓉蓮子西米露完全係芋頭fans限定，好足料！仲食到芋頭嗰陣粉粉地既口感！楊枝甘露一樣好足料，個底係清清地嘅芒果汁唔會好似出邊用芒果唔知咩咩咩溝出嚟嗰啲嘢🤦🏾‍♀️雖然呢間鋪頭拎咗米之蓮，但係依然保持水準！希望佢哋繼續做得住呀啊！

以前係佐敦附近返工，日日都有經過佳佳甜品，一直都想試下，但係自從拎左米芝蓮後就搬左唔就腳。今日終於有機會同老婆一嘗平民米芝蓮嘅味道啦!由於時間尚早, 8點半左右有位唔洗等! 餐牌就貼晒係牆上面，好快我地就揀咗兩款:冰花燉蛋(熱) - 不過不失!芋蓉蓮子西米露(熱) - 第一口冇乜特別, 但係質感好芋蓉嘅綿滑, 之後越食越有味! 認真, 呢個價錢唔會要求咁多, 但呢個糖水舖都有心機做出比原有價值更高嘅味道。