佳佳甜品

營業中

休息中

佳佳甜品之前都去過幾次, 今次同友人係佐敦食完晚飯就行過去~次次去到出面都有條龍, 但排一陣好快就入到去入到去好快就有人黎同你落單之後好快就為你送上一台糖水, 速度好快我次次都食濃薑番薯糖水加湯圓, 夠薑既朋友可以試下, D番薯吸晒薑味有D辣!友人就叫左杏仁露, 紅豆沙同白果腐竹店內環境都幾好, 一班坐埋一起食糖水感覺都幾舒服幾開心!

芝麻糊超黑超濃稠的，入口後整個從嘴巴散開來的芝麻香讓我驚嘆！這濃郁程度完全不是一般沖泡飲品可以比擬薑汁湯圓，皮厚薄適中，軟糯煙韌；芝麻餡咬一口即流瀉而出，質地沙沙的，又甘香；薑汁薑味突出，正

🍽🍧香滑芝麻糊（$20）芝麻味好重，一啲都唔會稀身，濃稠度好好，又香又滑，凍熱都有非常細心，而且唔會太糖。🔽連續三年米芝蓮推介既糖水鋪出品，果然係高質唔係得個名，除左價錢好親民，糖水既質素都好高下。

一直在各種中式糖水之中，我最喜歡吃芝麻糊，但製作過程較其他糖水甜品繁複，所以不時到某些連鎖糖水店買外賣。在四月第一次去這間米芝連推薦的甜品店，我點了最有名的熱芝麻糊而家人選了熱合桃糊。芝麻糊非常幼滑濃稠，味道香濃而不會過甜。芝麻糊應該是生磨的，不會像在大多店鋪的吃到粘米粉的團塊。愛吃果仁的編者再試了一口合桃露，質感和芝麻糊一樣出色，儘管甜度可以略減，它的果仁香還是令人驚豔。當天和朋友吃完晚飯後，我便推薦到這裡吃宵夜。上次約下午三時來到，店裡還有空席。這晚我們在店外輪候十多分鐘。我猶疑了會，最後點了合桃露，朋友則點了芝麻糊。兩者不論味道和質感跟先前吃的差不多，美味依然。試了兩次芝麻糊和合桃露後，下次可能會嚐其他糖水。

食完晚飯好似一定要食埋個糖水先完滿😋第一次食佳佳，原嚟係出名食中式糖水嘅地方，之前都入選過米芝蓮。🍧芋茸蓮子西米露，真係有好香嘅芋頭味，蓮子好稔，西米粒粒分明，甜度適中💓🍨楊枝甘露唔算好出色，不過至少真材實料，有大大粒嘅芒果。🍡湯圓係芝麻味，外皮煙韌，餡嘅芝麻同砂糖比例啱啱好，食落芝麻味好香，冇超市急凍湯圓嗰種怪味。傳統糖水看似簡單，但當中蘊含嘅心思唔少，要做得好食更加唔易，大家行開附近𣎴妨一試🤗

每次食完蝦，一定嚟呢度再食番碗糖水，感覺先至圓滿😌其實真係冇見過唔駛排隊嘅一晚，無他嘅油尖旺區有呢D價錢嘅糖水，鋪面唔污糟，糖水質素有番咁上下實在好難得👍🏻通常先黎每人一碗再加湯丸share今日個姜汁湯丸個姜汁好夠辣度，其實有時會冇咁辣，今晚個個都讚湯丸依然保持水準，我好喜歡嘅芝麻餡😛但其實芝麻餬我又好少食，但芝麻饀配湯圓皮，真係好夾😎配花生饀又唔太夾，不過個人喜好問題，anyway, 其實係每人兩粒，但我食左三粒😆😆

今晚试咗呢间米芝莲推荐嘅糖水店，热芝麻糊一碗，摆落都某闻唔到芝麻嘅香味，食落初初觉得都几滑，因为碗嘢实在系好稀，然后条脷畀d芝麻皮黐住，口感几唔舒服，加上甜度实太低，食完都某咩回味嘅感觉，唉，米芝莲嘅推荐都不过如此，跟攞到星星仲系有d差距！

我好鍾意食芝麻糊，好健康，黑色既食物可以延續衰老，有助血管健康及保持頭髮烏黑，所以黑芝麻係我最愛但好食既生磨芝麻糊唔容易揾到，千祈唔好比果啲用粉開既芝麻糊比我，一pad pad好似醬糊咁，食兩淡就唔想食而佳佳一向係我最愛既老牌中式糖水鋪，佢既芝麻糊又香濃，$20一碗，加三粒湯丸加$7，抵食又保健，唯一壞處係... 卡路厘好高... 救命，我仲連續第三日黎食...除左芝麻糊，佳佳其他糖水都好出色，蕃薯糖水、合桃露、杏仁糊，大部分中式糖水應有盡有！出色！

之前都去過幾次佳佳，因為不少朋友推介，記得第一次經過時，沒有排就走了，人龍真係好長好長，　但吾需要被嚇倒，因為顧客們都好合作，食完都識自動自覺吾阻住排緊隊既客人。純中式既糖水的確買少見少，我本人都較愛吃中式甜品，腐竹白果雞蛋係至愛！我每次都吃這個！腐竹白果雞蛋糖水都好滑，不算太甜，雖然鋪頭好多人，但坐落其實吾算迫，價錢我覺得便宜，宜加好多甜品都　over price, 但呢個只係＄22+蛋＄3，都很合理！

本身我對糖水無乜興趣，但今日同朋友食完晚飯，佢推介去佐敦食糖水，開頭諗住都係嗰啲新派嘢，點知原來去食傳統糖水。一去到門口已經有人龍排隊，心諗有人排隊一定係好嘢啦😂，等咗十分鐘左右，就輪到我哋，坐位唔算好迫，都算坐得舒服，因為佢係傳統糖水，所以唔係好多選擇，反而無咁眼花撩亂我點咗個凍嘅馬蹄露，摸落個碗度都凍嘅，應該係連碗放入雪櫃雪，所以夠晒凍，馬蹄份量適中，夠爽，成碗嘢唔算太甜，味度啱啱好朋友就點咗碗紅豆沙溝芝麻糊，雖然我無試過，但朋友話紅豆沙煲到起晒沙，芝麻糊又夠芝麻味，呢間嘢真係無介紹錯

同2個fd係旺角食完飯又想繼續傾多陣，於是就諗住食糖水～由mk行去佐敦好近順便可以散下步消化下😂佳佳甜品好出名既緣故，每次去親都要排隊（大概10-20分鐘左右），同fd吹下水就覺得好快就到～入到去，menu就痴係牆上面，一眼望曬～我每次去都係食杏仁露加湯圓！杏仁露不單止對身體好，聽講仲有美顏美白既功效～重點係佢呢到既杏仁露好滑一d粉感都冇～甜度亦都啱啱好！湯圓個皮好in un，細細粒～成碗簡直perfect！食完再打包一碗返屋企比呀媽食~(≧▽≦)/~老人家讚不絕口呀！同行朋友們叫左木瓜燉雪耳同埋綠豆沙，佢地就覺得呢2樣都唔係咁好食～

路經此地，見呢間糖水鋪媚似好old school,肥雞梗系去試食喇。哇！得2x款老牌糖水可以選擇， 但係都可以咁多人排隊，咁我一定要試下啦。肥雞我揀咗芝麻糊拼合桃露 芝麻好似係磨出嚟好滑好滑唔係用粉溝， 真係好似唔錯

排队排了十多二十分钟，进到去看到好多米其林推荐2016、2017、2018总想会很好吃，我老公点了碗杨枝甘露$32、我点了碗蛋花马蹄露$22、杨枝甘露很甜但没什么特别，蛋花马蹄露一般也没什么特别，后悔没试大家推荐的芝麻糊什么的，个人觉得麻麻地

屋企人一直都推介佳佳甜品，所以特登去佐敦食，佢既中式甜品果然好高質佳佳呢3年都攞咗米芝蓮指南推介街頭小吃，厲害!店舖有兩層，雖然夜晚食客多，但等位唔需要等好耐全間鋪頭都係賣中式甜品，價錢親民自己好鍾意食中式甜品，好多都想試，最後揀咗寧波薑汁湯圓，朋友就叫凍芝麻糊。芝麻糊又香又滑，朋友覺得好味到食完一碗再叫多一碗至於寧波薑汁湯圓，味道夠薑，而且食到蕃薯蓉，正！芝麻湯圓皮薄餡多，每碗仲有八粒咁多好抵食呀！

平時去開糖水舖，都好少叫D比較傳統嘅甜品。加上依家甜品店越黎越多，世界各地嘅甜品係香港都有得食，自然就好易忘記中式甜品。係佐敦食完飯之後帶朋友黎呢度食糖水。雖然好少選擇，但真係樣樣都好出名。不過有D野我唔係特別好，例如芝蔴糊咁，而我又特別鐘意芋頭所以次次黎都忍唔住叫芋蓉蓮子西米露！上次黎係冬天所以叫熱嘅，但依家天氣咁熱就梗係食凍嫁啦！碗糖水價錢非常平民，份量唔細！平時人地出面嘅芋頭西米露就係得幾粒芋頭係度，D糖水完全冇芋頭味。但呢度一睇個賣相就知係爆芋頭味香得黎唔會有"死甜"嘅感覺，味道好天然。糖水係稠嘅質感。雖然凍已經非常高質，但個人覺得熱係更加好食！下次天氣容許嘅話一定叫返熱嘅！！！另一個係冰糖燉木瓜，雖然夏天叫呢個黎食好似怪怪的，但想食就係想食啦邊理得咁多！雪耳好多超足料特別嘅係佢嘅糖水唔係普通水嘅質感，而係有少少黏黏地嘅，幾搞笑。呢個我覺得佢偏甜左少少，但比起出面我所食過嘅糖水舖都超班好多！加上價錢真係好平，出面用呢個價錢一定食唔到冰糖燉木瓜。想食好食嘅傳統中式甜品，一定要黎呢度試！！！！