佳佳甜品

營業中

休息中

話說真係太激氣，食塊雞扒受氣，本來都無諗住食甜品，主動同友人講不如食糖水。有一段時間無過黎呢邊，之前都有黎過佳佳，性價比高，甜品黎講係超值。嚟到見到佢裝修，心諗咁咪貴左好多，幸好無，只係好微加一，兩元，完全係超乎想像。環境企理左，靚左，成件事升尼咗。職員仍然係隨和，仍然係度。我嘅大愛係芝麻糊，本身係19元，都只係加到20元，好開心，加7元有3粒湯丸。滑底芝麻糊，加上夠香夠濃，三粒湯丸有咬口，成碗超好味，令到個人心情平和番。成口油，都有中和番嘅感覺，推介推介。