你妳 (運通洋樓) (已結業)

近排疫情又嚴重番，睇嚟有排都飛唔到台灣，唯有食住台灣菜解下思鄉病，荃灣最近開咗間台式小店，粉紫色裝修超級eye catching，價錢唔貴，野食仲好有特色，值得一試台灣牛肉湯麵($72) 牛腩軟嫩入味，麵質煙韌，軟硬適中，湯頭濃郁得嚟唔會死鹹，仲有半隻溏心蛋古早味炸雞卷($45)有驚喜，佢係雞皮包住雞脾肉咁去炸，外皮好酥脆，雞肉嫩滑多汁，十分推薦芋見紫薯吐司($45)麵包有烘過微脆，唔知係咪我地擺得太耐，食嗰時已經唔熱，而芋泥同紫薯泥睇圖都知夠晒份量，入口幼滑綿密，不過芋泥味道比較淡，唔夠突出仙草3號($46)包括三色芋圓、包餡芋圓、布丁同水晶，仙草糖水好清甜，芋圓煙韌有咬口，但三色味道食落分別唔大，不過布丁好滑溜溜，充滿蛋香飲品選擇豐富，都有差唔多成20款高雄紅茶牛奶珍珠(跟餐+$8)紅茶同牛奶比例啱啱好，珍珠好煙韌葡萄柚綠茶($29)加水晶(+$6)味道清新，唔會太甜

今晚Happy Friday跟同事收左工一齊食好西，突然想食台灣菜，經過見到呢間小店睇完menu好吸引，之後拎左飛等15分鐘就有位啦，都係先量體溫🤒️，搓完消毒液就安排左卡位比我地坐，店舖唔算太大，裝修都較簡約設計，類似台式小店既感覺！芋見紫薯吐司$45: 芋泥用上100%新鮮芋頭每天製作，加上剛烘過的吐司口感特別香脆，厚厚豐滿既芋泥蓉濃郁滑膩，配搭深淺紫薯，甜度適中，食完好飽肚好滿足。你妳珍珠魯肉飯$36: 唔好睇佢迷你size細細碗咁，其實份量都幾多下，面頭有青瓜絲、肉鬆、蒜粒、白色珍珠、半隻滷水蛋同埋珍珠飯，魯肉味道適中，配合煙韌既珍珠口感好新穎特別，蒜粒又很脆口，所以入口較清新，果然是餐廳既獨特風格招牌菜！台式滷水豬頸肉乾伴麵$76: 半隻滷水蛋、豬頸肉都有好多塊，塊塊都唔好薄，肉質內嫩，香口惹味，再配埋乾伴麵，味道有少少微酸辣，但也可接受到，麵質滑口，易入口！套餐加$8有白桃綠茶，桃🍑味濃郁，唔會太甜，配埋綠茶絕配！冬瓜珍珠$26另加仙草$6: 冬瓜茶味道清香，微甜，加上彈牙既珍珠同埋滑嫩仙草，好飲！仙草3號$46: 甜品後上，壓軸登場，有三色芋圓、包餡芋圓、布丁、水晶，三色芋

荃灣多嘢食已經唔係新鮮事，但見到呢間新開嘅台灣小店，就入去當去咗轉旅行啦。呢度有好多好基本台灣嘅菜式都有，而且價錢相宜!叫咗個台式滷水雞扒轉乾拌麵，雞扒份量超多，而且滷水好入味，雞排亦都好滑。而且仲有隻糖心蛋，拌麵係比較粗身，食落好煙韌。另外仲叫咗滷水豬頸肉配滷肉飯，滷肉飯既肉碎撈埋白飯好好食！豬頸肉亦都俾得好大方，每片都好大塊。豬頸肉上面仲有少少蒜汁架！另外跟餐叫咗個魯肉汁燙青菜，清淡得來又有啲台灣風味。去得台式食店又點少得有台式嘅飲品呢？叫咗杯高雄紅茶牛奶，奶味比較重，甜度剛好。仲叫咗杯手作紫芋牛奶，紫芋味好濃郁！甜品就叫咗仙草3號，入邊有布丁、芋圓、水晶等等，一解台灣癮！

新店推介！應該係一間開咗無耐嘅台灣小店，見網上都無咩資料，今次晚餐一試覺得質素好高，性價比都不俗！。魯肉飯細細碗只需$32，女仔嚟食可能已經夠飽，唔會乾，味道啱啱好，算係我係香港食過最好嘅魯肉飯之一！台式小食嚟講試咗香腸，鹽酥雞同炸花枝丸，全部都係水準以上，夠晒香口；仲有個特色小食叫米糕波波球，有啲似香港人食開嘅粢飯，值得一試！另外乾拌面都好唔錯，同埋鍾意佢地叫咗主食加$8就可以配到台式飲品，因為香港地好多台灣菜都要飲品單點，無加配價，所以令到呢間小店嘅性價比指數更多！。最後甜品叫咗仙草凍三號，佢係三色芋圓，包餡芋圓，布丁同水晶，夠晒得意，$46算唔錯，但相比之下我覺得主食嘅性價比係更高，甜品就Average嘅～。PS：可惜果日賣晒招牌吐司，食唔到

今日去咗荃灣新開嘅餐廳，叫做你妳唔知點解覺得個名有啲女仔，同埋好特別點解會用兩個你呢？定係想用同音字「芋泥」個「泥」？今次食左一口鹽酥雞拼酥炸甜不辣+滷肉飯🍚 蜂蜜綠茶🥤（午餐$75）肉鬆芋泥🥪 $40個滷肉飯相當唔錯💯一口鹽酥雞真係好似返咗台灣咁！呢啲甜不辣呢用魚肉做然後再炸到好香脆⭐️肉鬆芋泥，肉鬆鹹鹹地幾好味😋但係啲芋泥就冇咩味啦😱但就好滑囉~冇咩特別同埋d芋泥同肉鬆又唔係好多，落唔到底😥性值比就貴左d啦⋯⋯❌另外服務生態度真係要加油首先門口無人排 當時12點15岩岩好開鋪門口企係度又唔問客幾多位行入左兩步量埋體溫先大聲叫番你轉頭：你幾位呀？其實70幾蚊個午餐都唔算平服務真係要加油啦

荃灣新開了一間以手作芋泥作主打的的台式餐廳，而我剛巧經過當然要入內一試。店內以粉紫色為主，再配以木系的枱櫈，簡單得來甚有少女風。台式餐廳魯肉飯、牛肉麵當然不可錯過，更有些特色小食地瓜條、士林香腸等...選擇都不少。下單叫了主食，當然要加埋$8轉各款台式飲品，都咪話唔抵飲，最後要試埋芋泥吐司和甜品就真係最圓滿了👍🏻。真係望到都流哂口水！高雄紅茶牛奶珍珠紅茶牛奶奶味香濃順滑，配上煙韌珍珠彈彈咬口，跟餐+$8真係抵飲。台灣牛肉湯麵一來到已聞到香噴噴了，當中已有牛肉、炸菜、溏心蛋、生菜、湯麵。習慣一來當然先試湯底，湯底入口香濃，味濃的湯底都滲進了麵中，令彈牙十足的麵條更添色彩，加上牛肉軟腍鬆化，溏心蛋的綿綿口感，真是一碗不可錯過的牛肉湯麵。肉鬆芋泥吐司吐司夾著滿滿的肉鬆及芋泥，拎上手更覺非常足料，而且外層更烘得脆脆，咬起來芋泥味濃厚，配上肉鬆鹹香，真是一食愛上。黑糖甜湯以黑糖作甜湯，再加入紅豆、各式芋圓，入口清甜美味，口感煙煙韌韌，為這頓飯餐畫上完美的句號。

荃灣呢間新既台灣餐廳開咁耐就日日都好多人排隊！😂今日堅持一定要黎呢到試一試🤗雖然多人但都唔算等好耐！入去之前店員已經幫我地點曬菜 一坐低就有得食🤡我見個個都order 芋泥吐司🍞唔執輸我都order一份☺️好味喎！芋泥唔太甜而家好足料！😆我揀左配肉鬆甜甜咸咸咁個配搭好好味😋同埋食完呢個已經超級飽😝叫左秋冬限定既藥膳排骨魯肉飯😍好香濃入味！夠曬養生正呀🥰跟餐有四季豆！食埋菜感覺好健康☺️然後再order左涼拌鹽酥雞花枝丸😘呢個酸酸甜甜好開胃呀🥳花枝丸同鹽酥雞炸得好脆好滋味🤩肥仔仲加多左隻溏心蛋😋一餐美好既餐用埋甜品黎作結😝叫左仙草芋圓！好好味😋唔太甜而且好多種口感！大滿足🤪

#芋泥紫薯吐司 🍗🍡🥰#芋泥 #紫薯 口感好綿密 份量十足一淡咬落成口芋泥紫薯感覺好滿足吐司烘得剛剛好 但紫薯無味芋泥亦只有淡淡芋頭味 整體好淡 真係食得出係無添加無調味😅#魯肉飯 唔錯 魯肉半肥瘦 有油香 🍗🍗但無酸菜就好似差啲嘢咁 仲有個炸物 不過太普通所以廢事影#蜂蜜綠茶 同 #高雄珍珠紅茶都係一般 無驚喜 不值多提☕🍵服務員大部分係年青人無乜service可言 比較hea😅😅整體 平平無奇 芋泥無添加無乜味無特別🙃🙃

🔹 Pooh同朋友衝住哩個黎，聽聞6點幾去到呢款已經賣晒🙈 所以我地為咗要食到決定要提早五點就食晚餐🤣👉🏻你妳甜品套餐 $62 🔹包一款甜小食 + 一份芋圓 + 飲品1️⃣⭐️肉鬆芋泥吐司⭐️ (+$25) (8/10)Pooh同朋友衝住哩個黎，叫到表示好開心🥳 果然無令我失望，哩個組合比想像中更夾👍🏻 食到芋泥嘅綿滑，又食到肉鬆嘅鬆脆❤️ 肉鬆唔會比芋泥搞到淋淋左😋 比之前食過嘅紫薯芋泥吐司好食好多🤣 如果可以暖暖地咁食就好啦😚2️⃣ 仙草3號 (6.5/10)成碗份量唔係講笑，都幾多🤣 有包餡芋圓比較少見，難得食到都幾開心🤤 仲有樣幾有咬勁嘅水晶，增添口感👍🏻 布丁好搞笑，竟然係咁平時小朋友食嗰款🍮 整體表現唔錯，但無驚喜😳 👉🏻輕食飯麵套餐 $68🔹包一款主食 + 一份小圓 + 飲品3️⃣⭐️小魯肉飯⭐️(8.5/10)哩個真係不得了，好好食💕 唔好睇佢細細碗，其實可以食到好飽😍 魯肉汁非常香，入口味道好豐富，食晒成啖仲有八角嘅後勁🥳 有魯肉，有豆卜，仲有隻好溏心嘅滷水蛋😋 完全唔油膩，減低罪惡感✌🏻 如果魯肉份量多少少就更好😚 哩個真係必點‼️4️⃣ 一口鹽酥雞拼炸酥炸甜不辣 (7/10)鹽酥雞外脆內j

今日又去左荃灣搵食，真係吾行過吾知開左新台式店，仲好多人等位，二話不說拎咗位先。🍝鹽酥雞花枝丸乾拌麵 - $78份量個人覺得好夠，花枝丸果啲色炸得好靚，咬落酥脆。拌麵質感係簿簿地甘，但都好有咬感。🥪肉鬆芋泥吐司 - $40依個係必叫。即叫即整，肉鬆同芋泥真係好夾，啲餡好爆，食到最後一啖真係吱曬岀黎。好多人外賣都叫佢。🥚溏心蛋 - $13🥬魯汁青菜 - $28魯汁之外，仲有魯肉，量夠兩個人食。🍮仙草1號 - $46緊係要食埋個甜品先啦！同fd share就岩岩好，芋圓入面竟然仲有餡。吾會好甜，配料又足！🍹烏龍珍珠奶茶 - 跟餐$8🍹百香果烏龍茶 - $29

失望！身為好鐘意食芋泥嘅人，本身對個個signature 芋見紫薯吐司好有期望。本身諗住會好有芋味，無芋味都起碼有紫味。點知！！食落係無味，唔止無味，就一Pat漿食落肚咁。另外，我哋等咗十幾分鐘先有個吐司上台，以為係熱辣辣香噴噴，點知無論係紫薯泥定芋泥，都係凍的，個包就係室溫，食多兩啖，個包就比啲紫薯芋泥整到淋曬。。。。Size嚟講都算足料，同時你食1/4個吐司已經有飽足感 (或者係膩)。賣成$40幾蚊，明顯係overpriced兼且食一次就好夠。芋圓4號，又係signature。無咩特別，不過不失，不過無論係蕃薯定芋頭味都欠奉，即使有餡料芋圓，都係無味的。。。總括而言，食一次試下已經好足夠。

台灣牛肉麵 $76 牛腩入口非常之煙韌 同軟林兩個字大纜都扯唔埋但同橡筋二字可以匹敵 足足有成兩舊咁大把 啲湯係似港式牛腩河個啲 有啲比唔上車仔面檔既湯底—————————————————————-靚靚芋泥三文治 打卡名物睇落好多芋泥 但係只係食到一pat甜甜地既泥 一d芋頭香味都冇 叫做好在有少少肉鬆頂住 要好肚餓加有無限口水先食到—————————————————————-炸物拼盤 $86 評語：出色得制最難整得難食嘅鹽酥雞同四季豆係冇味既 甜不辣就韌到好似食香口膠一樣 花枝丸因為係黎貨 所以正常 —————————————————————-總括然而，三樣食物無一樣值得再試除非牙力好好同埋想食牛味+甜不辣味嘅香口膠，咁就可以一試嘅

荃灣好多嘢都好，就係衰在無咩台式食店！😏直到我遇上「你妳」，簡直係我呢個台菜控嘅救星！​呢間新開嘅粉紫色小店，位於南豐中心對面，位置好方便！人均約100，食物大大份，感覺都唔錯。除咗有魯肉飯、牛肉麵、乾拌麵、鹽酥雞、炸花枝丸，仲有鐵板手作芋泥吐司及仙草糖水等！！簡直係一個台灣人氣美食嘅集合體，正正子！😝​▲「你妳」好似將台灣嘅所有小食集合埋一齊咁，好豐富！✦ 鹽酥雞花枝丸魯肉飯第一下見到呢個飯，真係比佢個份量嚇一嚇，佢哋收78，真係比返78嘅料人！炸花枝丸都有4粒，鹽酥雞都有一個拳頭咁多，仲有溫泉蛋及魯肉飯等等，真係好大份！至於味道，我會覺得偏濃，花枝丸微甜爽口，鹽酥雞唔乾柴，唯獨係魯肉飯，雖然夠香，但乾咗少少。​✦ 士林香腸烤雞腿乾拌麵又係大份到爆，雞槌都有3個！仲有好多惹味嘅士林腸，感覺幾好食，但同魯肉飯一樣，個乾拌麵太乾，夾上嚟係一餅餅。​✦ 肉鬆芋泥吐司佢個芋泥餡好香滑濃郁，抵讚！配埋個肉鬆，口感又滑又沙沙地，好味！​✦ 燙青菜 同台灣一樣，會加魯肉汁係上面，正常發揮，算係幾好味。​✦ 炭培烏龍珍珠奶茶（跟餐）​奶同茶嘅比例幾好，夠香滑，略嫌珍珠唔夠 煙韌。​✦ 蜂蜜綠茶（跟餐

荃灣本身附近都多小店美食，最近新開咗呢間特色台灣小店，專程慕名而來，嚟到門口已經排滿曬人龍，唔單止係堂食，外賣單都多到忙不停，聽到店員不停地叫外賣單號🙈好彩都唔係排咗好耐就有位👍🏻成間舖頭都好少女風，色調偏粉色系為主🤩🌟台灣牛肉湯麵 (手工Q彈麵條) $72🌟牛肉肉質好淋身入味，湯底係好濃既牛肉湯，台灣既味道，食既時候無意中聽到廚房傳來既係一把台灣腔既聲音，相信廚師係台灣人嚟😝食咗就當去到轉台灣，實在太掛住台灣了🥺🌟士林香腸烤雞槌乾拌麵 $78🌟香腸咬落油脂分明，食完會令人諗起台灣夜市小食既味道，雞槌係偏甜，唔係平時既咸味雞槌，幾特別，可以配埋蒜蓉甜醬一齊食😋🌟炭培烏龍珍珠奶茶 +$8🌟茶底可以再濃啲，無乜炭培味，同埋珍珠亦偏硬，可以再淋啲，口感更佳👍🏻下次嚟要試埋佢哋既手作芋泥吐司、藥膳排骨湯麵、仙草芋圓，樣樣都想食，可惜肚既容量有限😅🤣🤤

#pb食在荃灣相約你和妳食台菜👭🏻見到佢個名咁特別 所以bookmark左想去試下😋 個日同同事們3點左右去到 都等左20分鐘先有位😳 不過食完覺得味道偏淡 好似健康版嘅台灣野🤣 而且下午茶都幾貴 性價比唔高🥺.店內裝修以紫色為主 簡簡單單💜 下午茶2點開始 有5款甜品套餐 同3款輕食飯麵套餐 選擇都多🤪 價錢$60-70 定價都幾進取🙈 因為大家都好肚餓 於是就試哂3款輕食飯麵套餐配小食($68) 另外仲單叫左一份芋見紫薯吐司($45)😋🔹小魯肉飯配台南鮮蝦卷拼檸檬風味烤雞槌🍚魯肉飯細細碗 魯肉份量唔算多 而且都幾大粒🙈 味道正正常常 唔係太驚喜🤔 鮮蝦卷同雞槌新鮮炸出黎 熱辣辣 唔錯😋🔹 乾拌麵配一口鹽酥雞拼酥炸甜不辣🍜乾拌麵食落偏淡 而且冇咩配菜 食落好似淨食麵咁🙈 鹽酥雞份量好多 而且好好食👍🏻😋 甜不辣就偏韌同偏硬😐🔹 台灣牛肉麵配椒鹽四季豆拼炸花枝丸🍜個牛肉麵好多湯 不過食落竟然冇咩味🤪 牛肉份量都多 而且好淋😋 四季豆同花枝丸正常發揮啦😂🔹芋見紫薯吐司🍞之前食過一次元朗好出名嘅芋見紫薯吐司 個次感覺麻麻🤣🤣 今次試呢個反而覺得ok 個吐司幾脆 唔好淋哂😋 不過芋泥同紫薯味