低調高手大街小食

營業中

休息中

講到港式小食，我既最愛一定唔少得雞蛋仔！簡直係童年回憶！由細細個食北角雞蛋仔($10食到宜家$20)，到宜家揾到另一間打低佢🤭(下次食再寫呢間我心目中既Number 1😏 ，Keep track on my ig😌).今日就試下低調高手可唔可以挑戰我心目中既第一位😌😏.📌原味雞蛋仔 ($20) 雞蛋仔一定要食原味先可以試得出佢既真功夫！每次經過都見到要排隊，因為呢度既雞蛋仔係即叫即整，確保每一底雞蛋仔都係新鮮，大概等左十分鐘就有得食了！色澤金黃色，但賣相無媽咪雞蛋仔甘靚仔，而且一拎上手，甘輕既，係我人生入面食過最輕既一底雞蛋仔，空心雞蛋仔？😂.食落外脆內軟，甜度適中，但蛋漿落得唔夠多，缺少蛋香味同煙韌口感，而且可能因為用吹風機吹耐左少少，唔係好夠熱，未至於啲人講到咁好食🤔.總括而言, 我覺得一般，但如果經過既話可以一試！可能因為對佢期望大高，所以失望更大！.

呢間野有份製造小弟嘅肥仔波，由平板變有野揸手都可以話多得佢😳#見到呢啲格仔真係好high！！！！食過一次之後返唔到轉頭太好食，呢間敢認第二冇人敢認第一！夠膽講香港冇一間格仔可以比得上！原味格仔餅$20一底，即叫即製熱辣辣，第一啖咬落去外脆內軟。第二啖就食到啲餡花生醬、砂糖、煉奶真係多到漏好足料超出色。跟住就會忍唔住停唔到係咁食食食！！！係咁食食到啲煉奶流晒出嚟...好邪惡，識玩識玩真係低調高手，咪諗其他嘢講緊個格仔餅咋！ #支持小店⠀⠀⠀⠀⠀⠀⠀⠀⠀📍 低調高手大街小食 (筲箕灣)筲箕灣東大街76A號B3號舖地下

講到港式小食一定唔少得雞蛋仔坊間咁多間雞蛋仔鋪 講到我最愛一定係呢間~就連我呢個新界人 都會為左佢過港島區原味雞蛋仔 ($20)雖然每次黎食都要排隊不過等一陣都值得因為即叫即整先可以確保每一底雞蛋仔都係最新鮮最愛佢個口感真係做倒外脆內軟外面食起黎少少脆咬到入去有鬆軟感唔似坊間有D空心雞蛋仔咁而且蛋味香濃 甜度適中 加上熱辣辣真係好滿足 !!!!!!!!!!!!!!!!!!!!!!!!! 低調高手大街小食Master Low-key Food Shop東大街76A號B3號舖地下

可能係全香港最好食嘅格仔餅（$20）🧇外脆內軟之餘，食得到每一啖都有牛油味、花生醬香、粒粒砂糖嘅口感🥰🥰🥰.Probably the best egg waffle($20) in Hong Kong🧇Crispy on the outside and soft on the inside. Every bite you eat has the taste of butter, peanut butter and sugar 🥰🥰🥰

難得嚟到筲箕灣，就試吓傳聞中嘅低調高手雞蛋仔啦，一去到其實就麻麻哋想食㗎啦，完全係因為見到已經有10幾人喺度等緊，真係令人有啲卻步。估唔到下晝去買都會咁多人，但係難得一場黎到就試吓啦。叫咗一個原味雞蛋仔，同埋夾餅。雞蛋仔都真係同出邊嘅好唔同好鬆脆，蛋有蛋味。我老公叫咗個夾餅，佢就讚不絕口，覺得牛油同花生醬配合得啱啱好啊，但係佢話食晒兩件又有啲漏。不過好味嘅雞蛋仔果然價錢都係同其他嘅唔同。好在佢嘅質素都真係唔同好多高一個層次咁就錢都覺得比得值既。👍

放假想試下新野 就去左一個我想去好耐嘅地方掃街 - 東大街🤣 (真係第一次去🤫)出門之前仲特登bookmark左幾間啲人大力推介嘅 諗住食到攬住個肚走🤭男友係雞蛋仔控 所以低調高手就自然係我地嘅必食之一🤤一直聽聞低調高手嘅雞蛋仔係超好食 今日一試之後發現……好似有啲期望太高🙈🎀原味雞蛋仔🎀 $20對我黎講一個可以稱為好食嘅雞蛋仔 除左要夠熱之外 應該係要外脆內軟 要夠蛋香 呢間嘅雞蛋仔就似乎名過於實☹ 佢係即叫即整 入口係脆嘅 但就略嫌唔夠軟熟 無嗰種軟綿綿嘅口感 蛋香亦唔算好飽滿 即係唔可以話唔好食 但未至於啲人講嘅到咁好食🤔 反正係唔會再encore嗰種🤔.🎀黃金格仔餅🎀 $30呢個係比佢嘅咸蛋吸引左 不過食左一啖就有啲後悔😥 唔知係佢咸蛋太多定煉奶太少 淨係覺得好咸 冇左格仔餅應有嘅味道 餅皮亦有啲啲硬 (我地已經算係即拎即食) 睇黎格仔餅都係甜食先係最好味😭.總括而言 我覺得佢嘅口感唔算太合我心意 可能因為對佢太有期望 所以失望更大☹ 加上呢個價錢黎講 性價比就有啲低☹ 下次都係留肚食其他野🙊

記得好幾年前第一次試, 覺得驚為天人! 其實比起雞蛋仔, 我更鍾意格仔餅! 低調高手又真係製作得好出色! 之後無話成日食, 可能1年都係食到3-4次咁, 但已經再搵唔返個種感覺啦! 有d住東大街既朋友們都同樣覺得佢既水準差左d! 加上如果要排好耐...就真係無咩心機等啦!  當然我認為20幾蚊食到哩個質素, 加上唔係成日有得食, 都仍然係好正! 但少不免慨嘆啦!

街坊小食，低調高手雞蛋仔，每次行過見人流比較多，週末來的時候排隊時間比較長，差不多要等20分鐘，不用多說，雞蛋仔有蛋香，個人覺得帶點雲呢拿味道，焗的時間剛剛好，不會太軟，十分脆口顏色金黃。此店有咸旦雞蛋仔，卡路里十分邪惡，但本人覺得有點太重口味，不太適合下午茶。另外本人推介此店格仔餅，另一種香港特色小食，加上花生醬，黃油，砂糖及煉奶滋味十足 , 味道亦十分配合，價錢跟雞蛋仔一樣所以性價比更高。

山長水遠嚟到筲箕灣，食過午餐，梗係唔會錯過低調高手嘅格仔餅啦！雖然排噻隊，天氣又濕又熱，我同friend都唔介意等下。叫咗奶漿走糖的格仔（唸住食少啲糖），我地就企係一邊，邊傾偈邊等。過咗唔耐，就等到我地嘅格仔餅啦！本小姐眼光犀利，雖然一邊要望住friend講也，一邊要望著格仔餅食，本小姐係注意都格仔身嘅顏色有少少不均勻。除此之外，味道和口感一切都係perfection! 一口咬落去，個外身係脆嘅，仲有滿口都係格仔餅嘅香味，再加上煉奶同花生醬的香味，簡直就是天下無敵！

去開筲箕灣嗰邊行山，當然要去嗰邊掃下街，試下呢間好出名嘅黃店! 為咗保持食物水準，食物係即叫即整，店員仲提我最好3分鐘內進食。1) 格仔餅外脆內軟，又有咬囗，好有蛋香味，花生醬加埋溶咗嘅牛油真係好正，因為同朋友開心share一半，食完好想再食多件😝買嘅時候店員都好細心，會主動詢問食客要唔要將格仔餅切開兩份，再用兩個袋分開另上，可以同朋友分享，又可以留肚試下其他小食!2) 黃金雞蛋仔咸味雞蛋仔都幾有驚喜，咬落好鬆脆，一樣外脆內軟，每粒雞蛋仔有一半都係咸蛋黃，好香咸蛋黃味，食落又唔會好漏，5分鐘KO！🤤👍🏻

依家雞蛋仔格仔餅店喺地鐵站旁邊，交通超級方便，而且好顯眼嘅位置，唔使擔心搵唔到，佢陣陣蛋香氣，每次行過都要食返一件，我鍾意佢嘅格仔餅，外脆內軟而且醬料十足，唔會好多空氣感，我好滿意，雖然等候嘅時間有啲耐，但係都值得嘅！

夜晚喺東大街食完嘢，走去搭地鐵去到地鐵站口見到低調高手大街小食，聽講好出名成日都大排長龍，但呢次見到冇乜人排隊可能臨收工所以就要試吓，今次買咗雞蛋仔同格仔餅先食雞蛋仔外脆內軟充滿雞蛋既香味，好似雞緊啱啱出爐既蛋卷咁，但裡面又軟諗諗，雖然價錢比一般貴但都值得一試，因為太香即刻食咗唔記得影相，但格仔餅就外賣攞左返屋企食，外賣轉左新包裝，牛油花生醬煉奶同糖都獨立包裝，味道可以隨個人喜好搽落格餅，格餅亦充滿蛋香，真係木極力推介

講到雞蛋仔店，應該冇咩人唔識低調高手大街小食，係筲箕灣都做左好多年，愈做愈紅，牆上貼左明星都黎幫襯既合照，好受歡迎，最近仲多左搓手液同紙巾放左係籃上比客人用，幾細心－－－－－－原味雞蛋仔 $20 4.5/5原來已經加到$20一底，我真係太耐冇去食🙈雞蛋仔夠乾身，過一陣食都唔會腍哂，紙袋冇比蒸氣搞到濕淰淰，雞蛋仔邊位做得好脆，好似係緊薄脆咁，但內裏質感幾鬆軟，蛋味香，仲會有少少煙煙韌韌，保持一貫水準，真係唔錯🤤

As a big lover of HK style egg waffle, I travelled all the way to SKW to try this mini local shop. I came here on Sunday night at 9pm and there were 5 people ahead of me waiting for egg waffle! Then I know it must be good especially theres a line waiting on a sunday night for snacks! After I waited for 15 mins, I got a fresh and crispy egg waffle! I like the texture of it, half slow and half crispy in each egg! Its really good, and I would recommend to any egg waffle lovers out there!

今日行完山，落返去遠近馳名嘅東大街，見到一間雞蛋仔舖排晒長龍，當然唔執輸，我哋淨係叫咗個原味雞蛋仔，等左差唔多20分鐘，終於有得食。貴又唔算貴，不過就等得耐啲囉，但始終係值回票價！雞蛋仔外脆內暖，蛋漿好滑，唔會好似其他咁食到成口粉，麵粉同雞蛋嘅比例調校得啱啱好，同朋友share食咗一底之後發現唔夠喉，又要再排多20分鐘買過另一底食。當時我哋食嘅時候仲要醫護半價，真係良心商店！