293
83
24
港鐵筲箕灣站 B1出口, 步行約1分鐘 繼續閱讀
電話號碼
66015300
開飯介紹
以雞蛋仔及格仔餅馳名,人氣高,常常需要排隊等候。 繼續閱讀
獎項殊榮
最優秀東區開飯熱店 (2015-16)
營業時間
今日營業
13:00 - 21:00
星期一至日
13:00 - 21:00
公眾假期
13:00 - 21:00
公眾假期前夕
13:00 - 21:00
付款方式
AlipayHK 支付寶 現金 八達通
其他資料
當面支付
食評 (479)
「筲箕灣東大街」著名街頭小食食店「低調高手大街小食」裡面的「五味」小食食品和飲品系列,隨著食店最近終於正式推出了「酸」味系列的「雞蛋仔」、「格仔餅」和飲品之後,終於劃上句號。不過以前「低調高手大街小食」預告會推出的「酸」味系列「雞蛋仔」小食食品實際名稱,本來叫做「草莓雞蛋仔」,至於原來版本的「酸」味系列「格仔餅」小食食品實際名稱,叫做「草莓格仔餅」才對。結果「低調高手大街小食」終極推出版本的「酸」味「草莓雞蛋仔」小食食品,名稱變成了叫做「蘋果雞蛋仔」,至於原本的「酸」味「草莓格仔餅」食品名稱,也變成「蘋果格仔餅」。不過傳統的「蘋果」味道一向都偏向比較甜,為什麼「低調高手大街小食」反而會把「蘋果」系列「雞蛋仔」和「格仔餅」,列入「酸」口味裡面?結果我再三重看「低調高手大街小食」裡面,擁有比較詳細介紹和解釋版本價目表之後,才知道「蘋果雞蛋仔」和「蘋果格仔餅」實際味道裡面的「酸味」來龍去脈。所以我決定了,分別購買甜味的「原味雞蛋仔」,還有酸味版本的「蘋果雞蛋仔」,看看「蘋果雞蛋仔」實際製成品的「酸味」在哪個部分的配料裡面。結果我發現原來「低調高手大街小食」的「蘋果雞蛋仔」材料裡面,原來不只包括有新鮮「蘋果肉」,還另外加入實際味道偏向比較酸的「梅粉」。所以即使「蘋果雞蛋仔」裡面的「蘋果」肉質實際味道偏向比較甜,至於口感則來自「蘋果」的爽脆感。但是「蘋果雞蛋仔」加入酸味的「梅粉」調味之後,「蘋果雞蛋仔」實際製成品原本的甜味,才開始變成了酸味。所以即使購買「蘋果雞蛋仔」後因為需要攜帶長途運輸,導致「蘋果雞蛋仔」實際製成品口感變腍,但是「蘋果雞蛋仔」裡面的「梅粉」酸味,卻仍然存在於「蘋果雞蛋仔」裡面。不過「低調高手大街小食」製造「蘋果雞蛋仔」的人,始終需要在每一粒「雞蛋仔」裡面,逐步加入切粒切皮「蘋果」果肉以及粒狀形態的「梅粉」。所以「蘋果雞蛋仔」實際製成品裡面的每一粒「雞蛋仔」的「梅粉」酸味感覺強弱程度,都會因為「低調高手大街小食」實際製作情況而各有高低不同。我覺得實際上享用「蘋果雞蛋仔」的時候,最好從「蘋果雞蛋仔」實際製成品表面上,逐粒撕下來慢慢享用,細心感受「蘋果雞蛋仔」,宜慢不宜快,不要一開始就大大口咬「蘋果雞蛋仔」。否則直接大大口粗枝大葉地享用「蘋果雞蛋仔」,就只會食到「蘋果雞蛋仔」裡面的「蘋果」甜味,而感受不到每粒「蘋果雞蛋仔」裡面的「梅粉」酸味了。 繼續閱讀
(以上食評乃用戶個人意見 , 並不代表OpenRice之觀點。)
等級4 2021-03-13
451 瀏覽
今次介紹既係出名多野食既港島其中一個地方東大街,入面有間招牌好特別既小食店,話自己低調但高手,就係係筲箕灣東大街開業11年既低調高手大街小食。呢間小食店不嬲都唔低調,因為次次經過都見到有人等緊,而且係謝霆鋒主持既十二道鋒味節目上有介紹過,被譽為全港最好吃雞蛋仔三甲,獨沽雞蛋仔同格仔餅但好食既野一兩樣已經夠。店主話低調高手係有進可攻退可守既意思,大街小食就係解係東大街賣小食,點解會係度賣小食係因為店主係11年前發現東大街未有鋪頭賣雞蛋仔同格仔餅,所以就決定左做呢門生意。而店主係門外漢,無拜師學藝,配方係係網上食譜做基礎再反覆改良而成。-1️⃣ 黃金格仔餅 💰30(👅: 9.5/10)由落單到羅到大概只等左5分鐘左右,店員見到我三個人去買,就所以提出將格仔餅切開兩份,非常細心,容易進食。溫度足夠,羅上手已經聞到牛油香味,外脆內軟,唔死實,厚薄適中,食落完全係爆餡,打開就見到砂糖、煉奶同埋最重要嘅鹹蛋黃,邪惡感滿分,鹹蛋黃嘅有油香帶鹹,味道冇想像中咁重,可能因為有砂糖、煉奶搶左啲味,反而成為好好嘅配搭同比例,味道有甜有鹹有層次感,口感油潤豐富,鹹蛋黃既味道夠出亦唔會OVER,滿滿既鹹香風味,不過配料分布唔係好平均,有啲位唔夠配料就好似食緊原味格仔餅。呢份格仔餅加左鹹蛋黃覺得額外易飽,一個人食曬成件會幾濟下。-2️⃣原味雞蛋仔💰20(👅: 8.5/10)第一次食佢雞蛋仔所以食佢原味,睇吓可唔可以食到佢嘅蛋香味,製作雞蛋仔既材料簡單,都係麵粉、泡打粉、雞蛋、糖同牛油等,但要做到外脆內軟,外殼和餡比例岩岩好就唔係間間都做到,好考功夫。雞蛋仔都係即叫即整,所以攞上手嗰時都有溫度,但未到辣口辣手個種,賣相就一般,有見過再靚仔啲嘅雞蛋仔。一咬落去外層趣卜卜,咬落去係有聲,真係外脆內軟,見到內涵係呈半實心,唔係空心唔係食緊餅乾,蛋香味夠而且悠長,唔會過甜過膩,要挑剔就係每粒雞蛋仔嘅內涵唔平均,好似外圈比較少餡,中間好似多啲,如果再煙韌會好啲,同埋羅上手要好快食晒,因為佢好快就唔熱。-🌟原味雞蛋仔幾好食,但如果山長水遠為咗試雞蛋仔就未必,但黃金格仔餅就好值得一試,因為係香港未食過依個味道嘅格仔餅,好難有對手,黃金格仔餅優勝之處就係夠重味夠邪惡,想像唔到有咩味可以重得過佢,食完黃金格仔餅就好想下次試埋黃金雞蛋仔!-👅味道: 9.5/10🍴環境: 7/10💰消費: $50 (服務費:NA) 繼續閱讀
(以上食評乃用戶個人意見 , 並不代表OpenRice之觀點。)
等級3 2021-07-21
0 瀏覽
東大街名物-低調高手雞蛋仔即叫即做,熱辣燙手假期有唔少人排隊買雞蛋仔。蛋餡達一半,蛋香味及甜味都平衡得不錯。外殼厚薄適中,軟熟也夠蛋香的吃起來夠脆而口感唔錯的。水準仍然不俗的滿分5粒星🌟—————————————-環境:🌟🌟🌟味道:🌟🌟🌟🌟服務:🌟🌟🌟CP值:🌟🌟🌟 繼續閱讀
(以上食評乃用戶個人意見 , 並不代表OpenRice之觀點。)
筲箕灣東大街超人氣小食店▫️筲箕灣東大街一向都出名多嘢食,今次介紹呢一間低調高手大街小食。好多人都聽過佢大名~假期去大約等咗20分鐘左右,真係勁多人排隊!▫️格仔餅($22)格仔餅,因為唔中意食砂糖,所以可以同店員講走話砂糖,溶牛油同練奶兩溝撈埋🧈好香牛油味,佢哋啲煉奶同埋牛油溶晒係多到流晒出嚟,食得好狼狽🤣同埋都真係好邪惡呀!!😈▫️原味雞蛋仔($22)拎上手熱辣辣🥵每一粒都外脆內軟淋,好香濃嘅蛋味💕重點係放耐左都唔會變淋🥰真係好正!!▫️之前食完一次之後就返唔到轉頭,間唔中經過港島東嗰邊都會特登過去呢間店買耐食!!食完一底仲想食多一底😋之前都一次過啪左兩底😂▫️地址:低調高手大街小食 (筲箕灣)筲箕灣東大街76A號B3號舖地下▫️為食指數: 9(10分為最多)抵食指數: 8◻️#goeat筲箕灣 #筲箕灣美食 #筲箕灣東大街 #西灣河美食#西灣河太安樓#太安樓#低調高手大街小食 #雞蛋仔#格仔餅#eggpuff#waffle#hk#hkfood#hongkong#hkfoodie#foodstagram#drinkstagram#Eeeeeats#FoodPhotography#foodporn#FoodGasm #foodie#foodoftheday#FoodInTheAir 繼續閱讀
(以上食評乃用戶個人意見 , 並不代表OpenRice之觀點。)
筲箕灣呢間雞蛋仔非常之出名,平時超級多人排隊,每一個雞蛋仔都起碼要等15分鐘至30分鐘,雞蛋仔口味主要有五種口味,分別係甜酸苦辣鹹,今次我就試吓佢嘅鹹香雞蛋仔。🍴黃金雞蛋仔 $32熱辣辣,係超級燙手!食落雞蛋仔蛋味超香濃,但又有鹹蛋嘅鹹香,鹹蛋味都好濃,外脆內軟,每一粒雞蛋仔口感紮實綿密,好似蛋糕仔咁嘅質感,真係好特別,感覺唔似平時食甜嘅雞蛋仔,似食緊鹹嘢嘅正餐🤣🤣推薦指數: 9/10我覺得呢一個都算係我食過最好食嘅雞蛋仔,蛋味香濃,外脆內軟,但可能食唔慣鹹嘅雞蛋仔,下次都會食返原味🤭 繼續閱讀
(以上食評乃用戶個人意見 , 並不代表OpenRice之觀點。)