令和居酒屋

營業中

休息中

同幾個好友約埋食飯吹水，見到間日本居酒屋個名幾得意，而且見到有4人餐好啱咁就諗住試吓！個4人餐主要係食牛肉，身為食肉獸嘅我睇到兩眼發光！前菜會比你揀兩款，其中一款和牛他他超驚喜，因為佢加咗黑松露，超香而且好夾！中間有d小食，大阪燒、燒廣島蠔同什錦天婦羅，味道都唔錯！主菜超豐富，有石燒安格斯肉眼同日式火鍋，而且仲唔係二選一，係兩樣都食齊，加埋牛肉份量有800g咁多，真係食到超飽！咁嚟得居酒屋當然會叫酒嚟飲啦，咁侍應推介我飲檸檬燒酎，佢話好特別嘅，咁我就心諗有咩咁特別呢，不過既然推介得就試下啦！點知杯酒嚟到真係超驚喜，佢將d檸檬片雪到一排邊冰咁插係杯酒度，超攪笑！最後燒飯團茶漬飲，因為食得太飽，所以都係試咗兩啖，不過味道係唔錯嘅！

今日 Family Day, 同屋企人去旺角呢間居酒屋食晚餐。呢度有個 $988 既四人餐, 有齊我最愛既石燒同邊爐，屋企人都食得好滿足！前菜係牛肉他他，造型好似壽司咁，其實牛肉片下既係爽口既洋蔥。牛肉同洋蔥絕對係天作之合，兩者好搭配，而且肉味香濃，鮮甜，實在唔錯。之後就輪到熱辣辣既日式炸雞登場，配埋沙律醬一齊食，好滋味，而且肉質都算幾香滑。天婦羅包括蕃薯、茄子、炸蝦、秋葵等等，蕃薯幾甜，秋葵爽口，炸粉唔會大厚。廣島蠔好香口，一人一隻。最難忘係石燒牛肉，牛扒非常巨形，店員會細心地將牛肉切成小塊放上石板上燒。牛肉啖啖肉，肉質香軟，而且充滿肉汁。接落就係打邊爐，一共有三款湯底可以選擇，壽喜燒湯底同牛肉就最夾，牛肉吸收晒湯底嘅精神，食落香甜。大阪燒係即叫即製～幻彩藍蝶花檸檬梳打飲落好香檸檬味，冰涼又解渴，仲會變色，打卡一流。而芒果乳酸梳打都唔錯，味道偏甜。

最近旺角開咗一間居酒屋，今日就同屋企人一齊黎食晚餐。食物嘅種類花多眼亂，令到選擇困難症嘅我唔知食咩好，於是最後決定嗌$988特選四人前石鍋火鍋套餐，咁就唔使煩惱食啲咩啦！日式炸雞炸得香脆，雞肉依然保留肉汁，食落去唔會單調。特別推薦和牛他他，牛肉依然保持淡淡粉紅色，配埋底下嘅洋蔥一齊食用，牛肉香口，洋蔥爽口帶點酸，係好開胃嘅餐前小食。大阪燒即叫即製，熱辣辣，份量十足，醬汁好惹味。一人有一隻燒廣島蠔，醬汁令到蠔嘅味道更加昇華，而且一啲腥味都冇。雜錦天婦羅🍤香脆，大蝦新鮮，番薯甜美。重點係美國安格斯牛眼片 400g，店員會先將石板燒熱，然後再將肉片放上石板上，靠石板嘅熱力將肉類煮熟。咬落去啖啖肉汁，肉質軟嫩，肉味香濃，而且份量真係好誇張，我覺得六個人share都得。牛肉鍋嘅壽喜燒湯底好鮮甜👍🏻燒飯糰茶漬飯嘅食法好特別，將茶倒入飯團中，有淡淡茶香，可以解膩。另外呢度嘅飲品都好特別，玩味一流！

旺角洗衣街近期新開左一間叫令和居酒屋，收工就同同事們黎呢間食個臨別晚餐～餐廳裝潢真係十足十去左日本Ge 居酒屋一樣！今次一行4人就試下特選四人前石燒·火鍋套餐率先就黎一份沙律前菜： 三文魚籽麻醬豆腐 日本豆腐好滑溜充滿豆味，配埋三文子增強咸鮮味壓倒的檸檬燒酎 $48初頭仲以為是廣告效果，點知拎到上手真係成為全場焦點，超濃檸檬味幻彩藍碟花檸檬梳打 $48藍色加檸檬汁變紫，超夢幻！酸酸甜甜好開胃。和牛他他： 和牛舖上黑松露油，超香！加上酸蘿白絲減膩。炸雞都好juicy!燒廣島蠔：蠔肉肥美配千島醬燒，正！什錦天婦羅：一人有一隻蝦，仲有南瓜、茄子、秋葵、冬菇。主角石燒美國安格斯肉眼出場，兩大塊共400g 用本身肉眼牛脂部分去燒牛扒，再淋上sukiyaki 燒汁。牛肉超軟稔juicy, 正！大阪燒 食到呢道菜我地都開始有點少飽!日式鍋物 （美國安格斯肉眼片） 壽喜燒湯底略甜，配野菜都算夾！肉眼片牛味好濃。茶漬飯燒飯糰 （附芥末）燒過飯糰帶點焦香，用上湯飯素做成茶漬飯！ 之前望到個4人餐以為份量好少，估唔到原來甘飽甘滿足！

咁啱同朋友經開，發現呢間新開既居酒屋。入面裝修都好日式，氣氛都幾熱鬧。我哋叫咗個「梅」set, 價錢$600幾，前菜、海鮮火鍋、燒牛肉，乜都包，已經係Menu入邊最貴嗰個套餐，另外仲有$300幾同$500幾既set, 要試就試最貴，反正價錢差唔多。前菜嘅生牛肉絕對有驚喜，上面加埋黑松露醬口感一流。最流口水既係燒牛肉，喺石板上燒，跟住啲油慢慢流出嚟，絕對係味覺加視覺嘅享受🤩。最最最最最驚喜莫過於海鮮，非常鮮味，明顯係真日本貨，個蠔無令我失望，啖啖鮮蠔味，正。另外，值得一提嘅係佢嘅自家梅酒，唔會好甜，仲要買一送一，抵爆。

2019年即令和元年，連居酒屋都以「令和」為名，而且全店滿座，店內氣氛非常熱鬧。好多食客都點石燒牛扒，但我反而想食二人前鍋物，因為有好多蔬菜食，好健康喔。免費招待前菜：日本椰菜配和風沙律汁居酒屋文化，固然係一坐低就叫杯飲品啦。巨峰提子乳酸梳打（$28），黑威士忌梳打（可樂味）（$48）燒和牛他他其（$78）：和牛口感軟滑，加上酸汁及爽口的大根，好開胃。令和玉子燒（$28）：蛋卷軟綿綿，好味。芝麻雞翼（$38）：炸得香脆可口！蟹肉可樂餅（$38）：一咬下去，內餡同玉子燒一樣，軟綿綿好creamy!A4黑毛和牛鍋物（$258）日本國產黑毛和牛，足足有200g咁多！仲有滿滿一鍋的豆腐同蔬菜！湯底有壽喜燒、豬骨湯，及我地所揀的博多雞湯！味道清新健康，和牛油脂豐富，份量十足！

最近感覺上都幾流行呢種放喺熱石/鐵板上面自己燒牛肉/牛扒嘅餐廳，今晚就同朋友去試一試，呢間餐廳頗新，睇店名就知，名叫令和，位於洗衣街，店鋪面積唔算好大，離遠已經見到幾個燈籠裝飾，傳統日本居酒屋裝潢。估唔到新餐廳都咁多客人，平日晚上接近8成滿座，店員招呼入座後，會喺門口位置打幾下鼓，以示歡迎。被安排坐四人枱，夠闊落嘅，唔會好逼，起碼完全擺得落份二人餐。menu方面除左石板燒牛肉、和牛之外，仲有沙律、炸物、爐端燒、鍋物等，好有日本風味。我地點左個二人套餐【松】，包括是日沙律、前菜、自選串燒兩串、什錦天婦羅、石燒美國安格斯肉眼片250g、鍋物美國安格斯肉眼片150g同埋每位一份燒飯糰茶漬飯，非常豐富，人均消費約250蚊，可以石燒牛肉，又有鍋物，乜都有D呢份沙律菜係送的。是日沙律係胡麻豆腐，嫩滑！前菜四選一，分別有枝豆、炸雞、和牛他他同麥粒味噌青瓜。我地揀左青瓜同炸雞，前者清脆，後者外脆內軟醬汁：燒汁、胡麻醬、酸汁串燒盤串燒可以自選28蚊以下嘅，我地點左芝士豚肉串同白蔥豚肉串。芝士豚肉串幾有趣，成舊軟芝士包入去，芝味濃。白蔥果款就中規中矩啦。什錦天婦羅有大蝦、秋葵、茄子、冬菇，值得一讚，非常香

這間位於旺角洗衣街的「令和居酒屋」，地方闊落全日式裝潢，入來進餐令人有放鬆的感覺，而且又多款套餐選擇，不喜歡套餐的也可以根據餐牌，選擇自己喜歡的食物，放鬆下來慢慢欣賞。精選四人前石燒，火鍋套餐 ＄988是日沙律酸酸甜甜的番茄仔非常開胃，加上麻醬豆腐香滑得來充滿麻香味，在豆腐上加上幾粒顏色鮮艷的三文魚子，配合得非常好。日式炸雞日式炸雞大細適中外皮炸得非常酥脆，內裏嫩滑多汁，點小小沙律醬一同進食，十分滋味。和牛他他和牛他他，自家調製的醬汁放在和牛面，和牛入口溶化牛味香濃，再加上酸酸地的大根，餐前來說絕對開胃。大阪好味燒大阪好未燒，味道剛剛好外脆內軟，加上大量的木魚沙律醬和燒汁，實在美味。燒廣島蠔燒廣島蠔，蠔味出眾大小適中一口一隻，味道在口中爆發感覺非常幸福。什錦天婦羅什錦天婦羅，材料新鮮即叫即炸粉漿外皮非常薄，入口感覺絕不油膩。石燒美國安格斯肉眼片 400g石燒美國安格斯肉眼片，放上燒紅了的石板上，立時湧出濃烈的牛脂香味，每邊燒25至30秒左右，便可以根據個人生熟要求，選擇進食。鍋物美國安格斯肉眼片 400g (豬骨湯)鍋物美國安格斯肉眼片，剛剛試完石燒現在來過鍋物，形成強烈對比剛才的油脂

六姨好錫我哋的，由細睇到我哋大。數數手指，原來佢都就快要退休了。依家，佢係一個人住的，得閒嘅時候，我哋幾個做姨甥的都會抽多點時間出來和她吃飯。平時佢好少出街吃飯的，今晚我哋帶咗佢去居酒屋食好嘢。佢一路食一路話，佢以前跟團去日本，都無食過今晚嘅日本嘢，所以今晚令佢大開眼界。餐廳位於旺角洗衣街，佢坐火車出來很方便。這裡有新裝修，日式紙燈籠好靚誘人。門口放了一個鼓，每當有客人進來時，店員就會把鼓敲響，氣氛很好。阿姨都是第一次見。我哋四個人食，食套餐最抵，便叫了一個【特選四人前石燒、火鍋套餐】，個餐好豐富的，有沙律、前菜、天婦羅、燒物、石燒肉、火鍋，同埋茶漬飯。前菜可以選兩款，我哋選了和牛他他其及枝豆。枝豆類似荷蘭豆，用鹽焗熟，味道鹹鹹地，食落都OK。和牛他他其係和牛片包住啲蔬菜，奠講話六姨未見過，我都係第一次食，食落都覺得幾特別。今晚的沙律提供了蟹籽豆腐沙律，這種沙律對大家來講唔陌生。芝麻醬和嫩滑豆腐好夾，好好食。什錦天婦羅有大蝦、茄子、秋葵和南瓜，即造即炸，熱辣辣，好好食。再來的是主角之一的安格斯肉眼石燒。店員set up 咗兩個熱石爐，慢慢將切開咗的肉眼扒分別放在兩個熱石爐之上。肉眼扒的

雖然最近左好多唔開心嘅事發生，但食一餐開心飯令我們覺得生活原來有希望。令和元年，喺香港呢個咁亂嘅時刻，聽到都令人感到一個新希望，新氣象。入去食飯都係令人感到愉快的，他的牆上貼滿客人開酒後，酒樽上的貼紙，充滿快樂！我就叫咗個啤酒，新開張期間買一送一，以我嘅朋友就叫咗個檸檬威士忌梳打，有得玩又有得飲，果然吸引！如果唔鍾意飲酒，就可以選擇一些特色飲品，呢杯就叫幻彩藍碟豆花檸檬梳打！我哋叫咗個四人餐，$1000左右就食到高質日本料理，每個人都係$250 ， CP值極高！呢個千菜真係不得了，係生牛肉他他，配合醋嘅味道，非常開胃！炸物方面，佢有個雜錦天婦羅，我非常欣賞炸粉唔多，而且唔油膩，師傅嘅炸功一流，特別推介係秋葵，可能係適合嘅季節，所以味道特別好！呢個廣島蠔個醬好正！佢有蛋黃醬、有茄汁、仲有啲獨特嘅配料，凸顯蠔鮮味！ 用石板去燒牛肉，好處係唔使用油，將由嘅脂肪化做油。肉味濃而且有三個醬汁比我選，正我鍾意食壽喜燒，美國安格斯牛做火鍋配料，牛肉肉質彈牙，我哋四個人食完之後都好滿足！最後再食多個茶積飯以及最當灶的哈蜜瓜，make my day！

朋友仔介紹這間新開不久的＂令和居酒屋＂環境真的有日本小店居酒屋的味道，店員熱情招待，我們四人選了一個特選四人前套餐，分量十足價錢相宜，有石燒又可火鍋，雙重享受不錯的選擇😋特選四人前石燒．火鍋套餐前菜（日式炸雞，和牛他他）炸雞香酥，和牛他他還有酸味味的蘿蔔絲在底一起吃，非常開胃醒神雜錦天婦羅🍤天婦羅炸粉醬薄，鮮蝦彈牙,還有秋葵👍🏻燒廣島蠔燒廣島蠔時間控制好，很juicy鮮味，醬汁惹味大阪好味燒大阪燒真的很有大阪風味，材料豐富相當滿足😆石燒美國安格斯肉🥩熱辣辣的石板將美國安格斯牛肉燒烤，石燒扳熱力十足只需數十秒已將牛肉考得香噴噴，肉質煙煙韌韌，牛味較濃。鍋物美國安格斯肉（博多雞湯）火鍋雞湯鍋材料很豐富，幾種蔬菜🥬豆腐，菇類，洋蔥大蔥，鍋底大滾後放美國安格斯牛肉，牛肉非常柔軟，油脂分布均勻不會太肥膩👍🏻燒飯團茶漬飯🍙飯團外層燒得焦香，再放茶湯浸了一浸，外硬內軟襯托淡淡的木魚清湯味芒果乳酸梳打，荔枝乳酸梳打 🍹$28兩種水果味道都很突出，清新又夠氣，夏日消暑解渴最佳配搭😎

令和元年，一個繁華嘅標記，感覺上，一切都係新嘅開始，就好似呢間餐廳一樣，新開新氣象！雖然係新開張，但係裏面嘅客人同服務生打成一片，感覺上好似老朋友一樣，裝修亦有日本居酒屋嘅感覺，除咗入門口有人打鼓，示意歡迎外，更加穿上整齊制服，給人一個整潔的感覺！我哋叫咗個四人餐，原來有咁多食物嘅，我覺得五個人先食得晒！同朋友放工梗係要飲杯啤酒輕鬆一下，新開張期間佢嘅啤酒買一送一，真係唔可以唔叫啊！除咗啤酒之外， 佢哋仲有好多特色嘅飲品，例如鮮檸檬威士忌梳打、幻彩藍碟豆花檸檬梳打，呢啲都係出面難以找尋的特色飲品，我就好欣賞呢杯咁靚嘅梳打啦！佢嘅檸檬威士忌就可以玩埋一份，我都唔知幾耐冇用過呢啲榨汁器啦！先來兩個超正嘅前菜，豆腐沙律拒賠嘅汁真係好OK，加上呢個生牛肉他他，酸味令到牛肉嘅鮮味突顯出嚟，早前菜就一流，開晒胃口！我亦都好鍾意呢個廣島蠔，用呢個咁特色嘅汁去局，我都係第一次試，感覺上佢有蛋黃醬、有茄汁、仲有啲獨特嘅配方，總之就係我未食過咁獨特嘅味道，提升左蠔嘅鮮味！用石板去燒牛肉我都係第一次試，特色就係唔使用油，將由嘅脂肪化作油，健康又美味！佢驚又真係唔錯㗎，我特別鍾意呢個壽喜燒，選用美國安格斯牛做

新時代變，日本年號變，洗衣街有個舖位都變，以前經過的東南亞食店已變成新一間居酒屋，碰巧的是它的名字是叫 “令和”。橫掂都要食飯，費事大熱天時周圍走，便就地取材。店內裝修非常和風，全以木作餐檯凳，門裡門外還掛上好多和式燈籠，甚是吸引。【幻彩藍蝶花檸檬梳打】名符其實，夠晒幻彩。店員會放一個會發出白光的杯墊，襯著藍色的梳打，映照出來就有個好特別的效果。旁邊的一杯仔係檸檬汁，任人加，調節酸度。【黑威士忌可樂】啲 Whisky 都幾strong，好彩有coke調和一下。呢杯嘢用來送燒肉就超正!今日個是日沙律係【日式豆腐沙律】豆腐好滑，配合三文魚籽和日式麻醬，唔錯。叫多一個小食添，就係【和牛他他其】，和牛好正，我絕對唔介意將啲和牛片再厚啲厚啲再厚啲。燒物就叫咗四隻廣島蠔，每人食兩隻。味道唔腥，仲好juicy。再來一份【什錦天婦羅】。師父功夫唔錯，啲炸漿夠薄，好脆。主菜叫咗一份【石燒美國安格斯牛肉】。件牛扒好大塊又厚肉，利用熱石來燒，輕輕把六邊燒一燒，就食得。好腍，好嫩，好有肉味，無須點燒汁食。

小妹我近來開始對美容產生興趣，當然不計成本的到專櫃大量選購，帶著滿袋子的戰利品，相約知己在附近用餐，歇息過後再戰鬥🙈以下是我們叫的晚餐：前菜椰菜沾上和風沙律汁很爽口🥗海葡萄豆腐沙律68好脆身呀海葡萄，加上胡麻醬的滑豆腐，美味又精緻。燒和牛他他其78加了燒汁很開胃，薄切和牛鬆化，同時有洋蔥和黑松露醬很點睛。日式炸雞48炸雞🍗熱騰酥脆，沾上帶酸沙律醬，香口得來更醒胃。多春魚28口擘擘樣子搞笑，燒得恰好很香，外皮脆，肉扎實，春脆脆卜，加上檸檬汁，簡直是絕配，友人說吃到他欲罷不能，真是超誇張的。白蔥豚肉串28熱辣辣，先是吃到豚肉香，繼而再吃到清新又香味四發的白蔥，一點也不油膩，點到即止。雜錦天婦羅68炸得金黃的天婦羅，下的粉漿薄又脆，吃時不會吃到有糊口感，邪惡香脆。石燒美國安格斯肉眼片128/150g看著脂肪溶化，油花四濺，為食的我真是兩眼發光😍口水邊在流。肉塊帶有濃濃牛味，薄而有彈性，味道可口。鍋物美國安格斯肉眼片不讓肉片在豬骨湯火鍋中仼意翻騰，用筷子專心等待捕捉半熟的一刻，帶有些許粉紅，在口中吃得特別柔軟，肥得來美好，瘦肉也參半，格外鬆化，實而不華。火鍋🍲還有不少菜蔬，豆腐白菜冬菇大蔥本菇