令和居酒屋

營業中

休息中

又到食飯時間，同個friend買完狗糧比個寶貝仔轉岀通菜街見到一間門面好有特色嘅居酒屋，行過都已經聞到浸燒肉味，就入咗去食晚餐。入到去氣氛好正，裝修簡陋舒適，本身諗住淨係叫啲小食飲兩杯酒啦，點知望一望餐牌原來都幾多選擇仲好吸引。。。店員話呢啲都係時令item ,就點左個清酒廣島蠔同鹽燒三文魚頭。跟住仲叫咗個烏冬，冇澱粉質唔安樂丼飯都有，一人叫左一個因為大家都太喜歡食魚生！上菜上菜啦！呢間餐廳上菜嘅速度都幾快，呢頭落order果頭有得食呢個清酒廣島生蠔勁大隻勁抵食喎，生蠔大隻到連隻蠔殼都容納唔到咁濟，清酒分開上，份量可以自己調校，咁係最好，想味道濃烈d又得淡d又食，生蠔勁飽滿，鮮甜肥厚！配搭清酒入口刺熱，令生蠔質感更強烈！哈哈又係蠔呀，不過呢隻係熟嘅燒生蠔，兩隻都只係$48.不過我想講唔單止抵食，仲好鬼好食！我冇估錯應該係用千島醬，洋蔥同芝士混入生蠔然後再用火槍燒熟，口感無得彈！生蠔燒熟雖然冇頭先嗰隻咁大隻，不過同樣做到好creamy 同埋配千島醬真係好match ,甜中帶微酸，洋蔥味陣陣飄香，我第一次咁食法已經愛上！連旁邊啲菜都dip埋一齊食！極力推介！鹽燒三文魚頭仲大過我隻手掌，雖然

每餐專揀黃店已成習慣，今晚已經係第二次黎令和居酒屋，水準好穩定，值得長期大力懲罰下。清酒廣島生蠔 ($56)大大隻廣島蠔食法好特別，先浸係清酒一分鐘，再連酒一飲而盡。 自問酒量唔算好好，一入口首先感覺到濃烈嗆喉既酒味，然後肥美飽滿既口感同鮮甜味慢慢滲出黎。 淺嚐清酒充滿蠔味，即使冇飲盡都係一道好滿足既前菜。石板燒日本A5和牛200g ($238)油脂分佈超靚，入口甘香醇厚，厚切啖啖肉得黎夠嫩滑。 店員即席石板燒既視覺效果幾好，不過熱力只夠輕輕煎熟兩面，個人覺得咁肥美既和牛再煎耐少少迫出油份會更佳。 上次幫襯同樣叫左A5和牛，今次明顯油花多好多，分到咩部分好講彩數。海鮮石板燒 ($188)激讚燒海鮮時加入蒜香牛油味道好夾，叫店員瘋狂落牛油都冇托手踭，燒到好香口幼嫩。 虎蝦、廣島蠔、北寄貝、帆立貝同魷魚鬚尚算新鮮，但唔知係咪有意將帆立貝燒至半熟嫩口d，如果食開全熟海鮮最好要求燒耐少少。五色刺身盤 ($168)三文魚、吞拿魚、油甘魚、帶子同甜蝦樣樣都好新鮮。 即使係日本要食到靚甜蝦都唔係咁易，好欣賞呢度大隻到好似牡丹蝦咁，爽甜結實。 蝦同蝦之間仲夾左幾片檸檬，入口就感覺到檸檬嘅清香，鮮味滿分

即興同朋友食飯呢間居酒屋感覺唔錯就去排隊由於場內細細所以要等比較耐少少排隊期間職員超貼心問我地洗唔洗要水又請我地飲野 勁好人勁貼心所以一定會再幫襯門口有menu 等果陣可以睇定食咩第一樣野黎既係令和玉子燒 $38超好味 勁鬆軟 熱辣辣 勁推薦第二樣野 五色刺身 $188刺身好新鮮 尤其係蝦 好味到一個點如果驚食唔哂可以叫三色或者四色第三 清酒煮蜆 $68蜆係大大粒 又係好好味 仲有一粒鳴門卷雞軟骨 $22雖然細粒左少少 但係都係好味 唔會痴住個木棒鮮冬菇串 $22好大粒仲好新鮮 勁好味芝麻雞翼3隻 $38好脆好香 都好食燒廣島生蠔 $48呢個我朋友食 我無食 比唔到意見金菇牛肉串 $28好大隻 有少少難咬 但係味道唔錯什菌牛油石鍚紙燒 $48好味 但有少少油膩感美國安格斯扒 250g $168要讚讚侍應燒得好味原本以為係自己燒點知原來有人幫手燒調味仲調得好好讚!蜜桃乳酸梳打 $28勁好飲 一杯覺得唔夠候p.s. 佢場後面有水可以自己斟總括而言食物方面 全部野食都好好味環境方面 個場有d細 但係又唔會話坐得好逼服務方面 大讚 所有職員都好細心體貼好快送食物 收碟亦好快推薦大家一定要去試不

旺角好多黃店，想食日本野就黎咗呢間令和居酒屋食晚餐，夠哂多選擇～五色刺身盤($188) 魚生夠大塊亦都好新鮮，最鍾意係呢隻大蝦刺身，超級鮮甜！清酒廣島生蠔 ($28 per one ) 呢個係真係超抵食，首先生蠔大大隻夠鮮甜，其次仲有一杯清酒喺旁邊，店員介紹將生蠔放入清酒裏面再一大啖咁樣食，好特別鹽燒三文魚頭 ($88) 鹽燒做得唔錯，燒得好香，而且三文魚頭入邊都有好多好滑好嫩嘅肉，值得一試另外店員再推介我哋食石板燒，揀咗美國安格斯扒 ($168/250g) 牛肉好靚，脂肪比例比較重，入口半溶，一啲都唔會覺得乾。呢度除咗燒肉之外仲有火鍋，有我最鍾意既壽喜燒，呢樣就揀咗A5日本黑毛和牛 ($258/200g) +M7 澳洲和牛肩胛 ($88) 超級抵食嘅套餐，首先m7呢款和牛唔錯，另外火鍋入邊嘅配料都算幾多，加埋烏冬食就好正。

又來介紹黃色餐廳😋位於旺角的令和居酒屋 裝修日式客人一嚟到 侍應就會打一打日本鼓 好正😆呢間居酒屋最出名嘅就係石燒和牛我就叫咗M7澳洲和牛 200g ($188)M7其實同日本A5極級質素一樣牛肉質香甜鬆軟 味道帶油香入口鮮嫩而口即化😋😋之後我哋叫咗個清酒廣島生蠔 ($56/2)將生蠔放係清酒浸一分鐘 再連酒吞下酒香掩蓋生蠔咸味 份外甜美 好味👍🏻除此之外我哋仲叫咗個和牛鍋燒烏冬($98)仲有鹽燒雞翼 ($22) 同埋燒先鰻魚串全部都好好味 值得一試🤗-裝修環境：✨✨✨✨✨服務態度：✨✨✨✨✨食物質素：✨✨✨✨✨(5個✨為滿分)唔信我嘅可以自己去試試😂

呢間位於旺角嘅居酒屋最近幾有人氣，有好多捧場客呀，果晚去到都座無虛席，出面有人等緊位～好在上菜速度快呀👏🏻.清酒廣島生蠔 $56/2隻估唔到咁大隻呀！😳有驚喜😍重點係夠新鮮👍🏻店員有同我哋講解特別食法，就係放生蠔落杯清酒浸大概一分鐘，之後食得！生蠔多咗份清酒味，好特別呀！鍾意飲清酒嘅朋友可以飲埋杯清酒呀～生蠔好厚肉，好正！🤤下次會再嚟食👍🏻.和牛鍋燒烏冬 $98牛肉好厚，牛味幾濃，有溫泉蛋！烏冬好味😋.清酒煮蜆 $68蜆肉大大隻又新鮮！冇沙👌🏻不過清酒味唔夠濃郁🙈勝在價錢合理，算抵食呀～.燒和牛他他 $78幾特別嘅菜式，幾好食，有好多黑松露！.五色刺身 $188呢五款刺身都係我一向鍾意食的😋刺身夠新鮮，幾厚切👏🏻最正係牡丹蝦！好肥美🤤.令和魚生丼 $188師傅話冇晒海膽，轉多一粒帶子🙈呢個丼有好多唔同嘅刺身，好足料，夠晒飽肚🤣.巨峰提子乳酸梳打 $28熱情果乳酸梳打 $28兩杯都好飲！我覺得熱情果味果杯更好飲🧡

人大了朋友之間各有各忙，點都要聚下，今次有人生日最好借口食個晚飯聚聚呢間居酒屋9點後仲有啤酒、梅酒及清酒全飲，啱哂酒鬼嘅我哋先來個令各玉子燒，蛋香適中仲有令各個印㗎朋友想食丼飯，就點了特盛令和魚生丼，每款刺身都好新鮮，又多種類，仲有鹹香飽滿嘅三文魚籽串燒有鰻魚，用上新鮮鰻魚去燒，爽口又夠彈牙牛和厚切又大塊好爽口，用嚟送酒一流味噌廣島蠔鍋份量都多，每粒廣島蠔都鮮甜飽滿，而個味噌湯鹹香適中又熱辣辣，會不期然飲哂㗎燒油甘魚鮫都好推介，燒到油香不斷又鮮味，食落魚油脂甘香又有魚鮮味叫咗份炸天婦羅送酒，炸漿剛好唔會好厚，食落香口鬆化脆身，入面仲好多汁到主角石燒牛了，我哋揀咗a5和牛，一份有厚厚的8大塊，每塊牛脂分佈均勻塊石燒溫度都很高，一放落去因應你來要嘅生熟度好反轉，基本上每邊數分鐘就夠了加$20仲有沙律，蟹膏飯及麵豉湯~

今日又來懲罰一下黃店！雖然最近疫情較嚴重，但令和居酒屋似乎沒有受到太大的影響；大概七點都已爆滿了，可見是實力派餐廳。先來了兩串串燒。*白蔥豚肉串($28)白蔥豚肉的主角是白蔥；白蔥爽口，豚肉的酒脂令蔥更香。*燒和牛舌($38)和牛舌又香又爽口！*芝麻雞翼($38)新鮮炸起的芝麻雞翼超香；炸皮很薄，很香脆；肉質保持嫩口和JUICY。*和牛鍋燒烏冬($98)因為怕男友不夠飽，所以點了一個烏冬；和牛切得很薄，熱湯沒有浸到全熟，大概五成熟；烏冬很滑溜彈牙。*石燒M7澳洲和牛(100G) ($108)+$20(套餐)因為日本的和牛會肥一點，所以選了澳洲的，肉味會濃一點；由於最近不能吃生的，所以半份要了全熟；全熟比想像中還好，不會太難咬。建議一定要加$20轉套餐，因為會有蟹膏飯；和牛配飯的話可以少一點油膩感。*冰火鮮菠蘿($28)冰火鮮菠蘿可以當做甜品；冰了的菠蘿在我們面前把表皮燒成焦糖脆；外熱內冰，而且菠蘿酸酸甜甜的很JUICY。*燒豬仔骨($98)豬仔骨用上味似叉燒醬醃過；味道甜甜的，肉亦燒得剛好，不會太乾。

同朋友去旺角行街，行行吓街見到一間日式餐廳，心思思，咁就入去試下。一入到去，見到佢嘅裝修都好靚，好日式嘅感覺，好似去咗日本食嘢咁。之後，個服務員好好禮貌，第一時間俾個餐牌我地揀嘢食。我哋睇吓個餐牌，食嘅選擇都唔少，樣樣都好想試吓，嘢飲方面都唔差，啲特色嘢飲喺出邊唔係常見，所以我哋都叫咗杯幾靚嘅嘢飲，完全係打卡之選。咁啱我哋四個人，就叫咗個998嘅四人套餐。依個餐都幾豐富，包括嘅嘢都唔少，四人一定夠食。我地就食左和牛他他，石燒美國安格斯肉眼片，豬骨湯底火鍋，日式炸雞，大阪好味燒，燒廣島蠔四隻，雜錦天婦羅🍤。首先，講下個美國安格斯肉眼片，燒完啲牛肉又香口，肥瘦均勻，入口即溶，又可以自己燒，有得玩有得食，正！之後就係個豬骨湯底火鍋，佢個火鍋裏面有好多菜，菇，瓜等等，個份量係多到我哋要食完啲菜，先至有位落啲牛肉落去食，真係足料到不得了。今時今日嘅物價，依個真係好抵食，邊度搵都搵唔到啦！

今日要去買嘢所以去咗旺角，因為行行吓有啲肚餓所以就四周圍搵嘢食😆因為朋友話想食居酒屋，咁搵吓開飯啦就見到呢一間個樣唔錯嘅小店。入到去非常之特別，因為有個好似太古咁樣嘅估，入到去店員會用日文打招呼之後就會打一下個股，好有日本嘅感覺我哋叫咗個松二人前石燒火鍋套餐, 主菜有燒牛真係好雪花好好味⛄️⛄️包括有前菜天婦羅海鮮鍋物，仲有一杯好特別嘅嘢飲添，佢有啲檸檬汁倒入佢就會變色嫁啦，真係好得意😎以佢嘅天婦羅亦都好新鮮，有唔同種類嘅食材，包括南瓜蝦仲有芋頭番薯等等朋友話刺身都好新鮮，我都覺得唔錯👸🏼我最鍾意就係佢個火鍋啦，食到最尾店員會行過嚟，將海鮮湯嘅精華煮成一碗粥，真係食過返尋味

我哋叫左個梅二人前套餐是日沙律日本椰菜 可以直接沾汁食 個汁有啲似醬油加個啲酸味味既汁咁 好開胃😙😙😙藍蝶花檸檬梳打叫得蝶豆花嚟飲 梗係要睇佢加左酸既嘢之後變色啦🤩🤩🤩 依杯嘢飲上枱時會跟一碟檸檬汁 大家可以留意杯嘢食會慢慢變色🤓🤓白葱豚肉串+燒雞肉串個豚肉串係豬肉片包住一大嚿京葱 味道好唔錯😋豬肉既油膩感俾京葱既回嗆中和返 而燒雞肉串既醬汁都唔錯 燒完既雞肉仲好嫩滑👻👻前菜-日式炸雞好熱辣辣咁上枱 炸得好香口和牛他他其四色刺身拼盤什錦天婦羅虎蝦、南瓜、茄子、秋葵安格斯肉眼脂肪層好厚 肉質好彈牙🥳🥳牛肉層脂肪好正我哋燒到大約五成熟 雖然入面冇好熟 但完全唔會覺得有血腥味👍🏻👍🏻燒個陣職員落咗個汁 個汁既味道同牛肉都幾夾 有淡淡既醬油香燒飯團茶漬飯-蟹膏飯

💁🏻‍♀️ 令和居酒屋 (旺角)🍴-旺角真係好多高質黃店，😇中意食日本料理嘅手足可以即管去大大力懲罰吓佢，野食正宗，用料新鮮又大份👍🏻👍🏻二人前石燒 火鍋🍲 刺身套餐（松）（$688）沙律🥗，前菜（日式炸雞🍗、和牛他他其）沙律係麻醬豆腐，豆腐夠嫩滑，加埋車厘茄好清新👍🏻炸雞炸得金黃，雞肉鮮嫩多汁，😍和牛他他其夠牛味，加埋黑松露同蘿蔔蓉，完成將層次昇華什錦天婦羅🍤呢個天婦羅唔係講笑，比得上日本🇯🇵食果啲，首先炸漿唔厚，食落唔會太heavy同油膩，個人最鍾意天婦羅蝦，大大隻啖啖肉，肉質鮮甜😝石燒日本和牛大愛石燒牛，一上桌係成個石鍋上，非常有氣勢，肥牛雪花❄️紋理清晰可見，睇得出係一等一和牛，店員會好細心咁幫你燒到五成熟，仲會教你要將燒好嘅牛點上喜馬拉雅山鹽來食，服務周到👍🏻👍🏻石燒和牛果然名不虛傳，入口即化，油脂喺口中令人回味，好高質海鮮鍋物食完肥牛，仲有火鍋，用了上盛，包括：帶子，阿拉斯加長腳蟹、海蝦、廣島蠔、蜆🥰湯底不肥膩，個人最鍾意食帶子，夠厚肉同埋鮮味我哋另外仲追加左份刺身，有三文魚🍣、吞拿魚、油甘魚、甜蝦，質素絕對比放題嘅刺身好好多，高質！-📍 令和居酒屋 (旺角)#旺角 洗衣街1

終於放假得閑啲當然就去周圍搵嘢食，嚟到呢一間新開嘅日式居酒屋，佢連個名都夠晒update係日本今年嘅新年號令和吖。呢度果然夠晒日式，鋪頭掛滿晒好多唔同達摩だるま造型嘅燈籠，仲有唔同顏色代表唔同意思添。揀咗一陣，我哋決定嗌松二人前石鍋火鍋套餐加三色刺身盤。前菜我哋揀咗日式炸雞同埋和牛他他其，至於個鍋我哋就揀咗雞湯底。嘢飲我哋就揀咗幻彩藍蝶花檸檬梳打，貪佢有得變色夠晒過癮。首先上嘅係日式炸雞同埋和牛他他其，呢個日式炸雞唔會太多炸粉加上調味好夠，就算我唔點沙律醬，都食到好香口嘅炸雞味。至於另外個和牛他他其，就俾到我小驚喜，就係佢塊和牛夠晒軟同埋稔，加埋面頭嗰少少黑松露醬同蔥花，非常之容易入口。個三色刺身盤就有三種唔同嘅魚刺身，包括三文魚，吞拿魚。跟住就嚟到重頭戲，石燒日本和牛！首先每一舊和牛都好夠厚度，第二就係呢度嘅侍應哥哥會好好服務咁樣拎塊石板過嚟，介紹完一輪，再親自幫我地燒。去到咁上下時候，仲會叫我地快啲影相打卡，呢個服務一流呀。每一舊和牛嘅厚度都好平均，我哋揀咗七成熟，咁外面就可以食到石燒嘅香味，入邊比較生嘅部份仍然可以鎖住肉汁。舊和牛夠晒鮮味，就算唔點調味醬汁，原汁原味食都夠晒和味，

這間餐廳提供這款二人前石鍋、火鍋刺身套餐，可以一次滿足人三個願望！我們點了松套餐（$688），有是日沙律、前菜、什錦天婦羅、日本和牛和海鮮鍋物。前菜有4款可選，我們點了日式炸雞和和牛他他其。和牛他他其果然沒令人失望，有入口即溶的感覺，日式炸雞尚算炸得炸得香脆內嫩，肉質不會太乾身。最期待的日本和牛二人前石鍋出場了，和牛雪花平均，看著也吸引，店員還會幫你燒至5成熟，看著和牛由淺粉燒至深啡金黃色，陣陣香氣又撲鼻而來，非常吸引。和牛當然要趁熱吃，一點根都沒有呢，口感很軟滑，每一口都令人感到幸福的感覺。另外相當吸引的是海鮮鍋物，我們選了鮮雞湯，吃完和牛再品嚐鮮甜的海鮮，這幾款海鮮皆份量充足又新鮮，特別是帶子，厚肉又鮮甜。我們還追加了刺身和兩杯幻彩碟豆花檸檬飲品，真是滿足又幸福的一餐！

有日上網見到呢間位於旺角既令和居酒屋裝潢充滿住日本風味，而身為崇日的我，立即相約朋友去試下。道先吃前菜及串燒拼盤，前菜有和牛他他其及日式炸雞。和牛他他其是一片生牛肉配上酸蘿蔔，少少酸味，令人開胃。串燒拼盤是白葱豚肉串和鹽燒雞翼，一串兩隻，雞翼燒到剛剛好，外脆內嫩。四式刺身拼盤，包括了三文魚，吞拿魚，油甘魚，甜蝦。刺身拼盤相當新鮮，三文魚腩油脂比例很好。甜蝦十分大隻，啖啖是肉，爽口彈牙。什錦天婦羅，入口脆卜卜，又不會炸微太乾。套餐的重點就是石板燒，燒150g美國安格斯肉眼片。牛肉質素相當不錯，濃濃的牛肉香味。而且會有員工幫你燒烤，你只要享受美食便好了🤗最後是燒飯團茶漬飯，有淡淡的茶香味。加上有少量的蟹膏在飯上，配飯一流。飲品方面order 了藍蝶花檸檬梳打及熱情果乳酸梳打，顏色鮮豔，兩杯飲品都酸酸甜甜，令人開胃。總括來說套餐經濟實惠，又有多款不同的食物，份量亦足夠。