又係打邊爐啊，身邊好多選擇困難症嘅朋友諗唔到食乜都係打邊爐，今日嚟咗呢間叫寬巷子，都係朋友食過話好食要返轉頭嘅餐廳，湯底揀咗麻辣同埋牛奶椰子花膠雞，我就覺得個花膠雞未夠火喉，未有嗰種好Lim立嘅感覺，味道就太重椰子味，有啲搶咗雞肉嘅鮮味，配料又唔係好多，啲雞唔係一件件，而係好似手撕雞咁碎上，啲花膠煲溶晒冇咩食。 另一個麻辣鍋呢，材料就非常多，個人覺得呢個喎麻多個辣，因為我比較喜歡食辣多過麻嘅湯底，同埋太多花椒，靸菜嘅時候會有好多雜質，不過中間嗰個位可以隔住，但係味首我就覺得可以再重口味啲，裏面包含少量鴨血，少量豆腐等等嘅配料 跟住落嚟介紹嘅係類似豬頸肉嘅嘢，侍應介紹咗個食法就係將蛋白淋落去中間，然後馺兩至3分鐘就食得，不過我想講啲蛋白係（不）唔起嘅，同埋其實落唔落蛋白都冇乜分別，都係一啲象徵式將佢加添一啲藝術細胞落去only,,因為啲蛋白落到水都唔會黐住 跟住呢個就係墨汁雞軟骨條，幾香口嘅，不過我覺得口感麻麻，因為墨魚滑應該係彈牙嘅，雞軟骨應該係爽脆嘅，兩種極端嘅口感混埋一齊我覺得唔係好夾，但味道就好食嘅，idea比較創新，各花入各眼 然後叫咗啲蔬菜類啦 不過補充一下我覺得份量可以大返少少🤏 全晚最期待係呢個海鮮評估，聖子海蝦，鮑魚等等都有齊，新鮮度尚可，不過全部海鮮都比較細隻，未算最好，不過我個friend上次嚟食佢話好新鮮 呢個係龍蝦刺身，龍蝦刺身我真係第一次食，平時都係食熟嘅，但出乎意料之外超級好食！肉質爽滑彈牙，鮮味十足，略帶清甜，配合Wasabi日本豉油🥰好滿足 跟住落嚟又係藝術嘢，貌似壽司但係唔係壽司嘅雜錦壽司，係咪唔知我講緊咩呢，去圖 上面以四款主題食品（蝦，鮑魚，牛肉，豬肉）仿製魚生片，下面以墨魚滑，蝦滑去仿飯團，賣相勁吸引啦，不過掉落水佢哋係會分開嘅，而味道同口感都係好似我哋平時食嗰啲一樣，但係上碟夠別緻，加分 上面分別係肥牛同埋和牛仲有牛舌，肥牛同牛舌都不過不失，唔會太肥，油花分布好平均，口感非常有嚼口，但係個和牛就未去到入口即溶，侍應話淥15秒左右就食得，我都聽足吩咐淥咗15秒都係紅紅哋但照食，係唔差，但係唔算好好

疫情期間都好少出街食飯，不過今次朋友約我有呢間令和鍋物酒場，頭號日本料理粉絲嘅我又點會錯過呢🤗


首先講吓餐廳環境，佈置非常之有日本氣息，呢期冇得去旅行都可以感受下猶如置身其中👍

呢間酒場燒物，刺身，鍋物，丼飯，天婦羅等等嘅日式料理都一應俱全，今日大家都想食啲熱辣辣嘅嘢，就叫咗個火鍋鍋底，湯底方便隻隻都好吸引，有一款幾特別嘅就係為咗鍾意食芫荽嘅朋友而設嘅，芫荽白雞湯，不過我同我老友都唔鍾意食芫荽，最後揀咗個店長推薦嘅活龍蝦湯底。


火鍋配料係包埋嘅，有啲雜菜同埋豆腐冬菇等，都好新鮮，仲有一份薯粉。火鍋湯底送到埋嚟嗰陣時已經聞到勁濃郁嘅龍蝦味，湯底唔係水汪汪嗰隻，有啲杰身，未放食物之前試咗一啖，好鮮甜好濃郁，放埋啲野菜落去就好似鮑片扒生菜果種感覺，不錯👌

肉類我就配搭左美國安格斯牛肉，牛肉嘅口感比較有嚼口，脂肪比例比較少唔會影響湯底，而且有一定嘅厚度，咬落去肉汁慢慢滲出，牛味濃郁，感覺非常奇妙，因為一日口嘅時候湯底嘅味道比較搶，然後你慢慢咬嘅時候濃郁嘅牛肉味就出曬嚟👍


不過份量唔算好多，所以我哋追加左啲小食，本身諗住叫一份清酒生蠔，不過當日售罄，所以叫咗燒廣島生蠔，廣島蠔10分推薦，上面有千島像燒過之後更重口味啱晒我，隻蠔都好鮮甜，我哋忍唔住都encord多一份

三文魚刺身唔算話好肥美，不過擺得夠心思
呢個係我老友十級十級推薦嘅鮟鱇魚肝，仲話唔係到到都有得食，首先我見識少未聽過亦都未食過，跟住佢就同幫我長知識，好似話呢隻鮟鱇魚淨係食個肝，好似好矜貴咁etc...佢呢頭講完我嗰頭唔記得啦，唔講咁多試咗先😂
口感就冇鵝肝咁淋，同埋冇鵝肝咁多油份，呢隻魚肝細滑，入口即溶，如果配搭清酒就更正！btw,酒場做緊清酒半價，本身好想叫㗎，我老友又唔飲酒😴講返魚肝，味道唔腥，易入口的，因為聽個名知道係魚肝怕會有腥味，但食落又有驚喜幾有趣👍


最後仲叫咗份雜錦天婦羅，天婦羅值得一讚，一啲都唔厚粉，南瓜番薯秋葵茄子仲有兩隻蝦先$68 呢個我覺得就算熱氣都要點嚟食😆

飲品方面叫咗青蘋果同埋白桃梳打，解渴之選。
食飽飽係時候行一陣然後再甜品時間👋

話說半年前第一次食呢間餃子專門店既時候我講過我要試曬所有款式嘅餃子，因為呢間餃子店係我食過以來皮最薄，餡靚而且夠曬實淨既餃子expert! 小食餐牌，不同款式既開胃前菜都有。 今次醒目叫雙硑，唔洗浪費之餘可以食多幾款唔同既餃子🥟。(上次無食到煎餃今次一定要食!) 整個海蜇嘆下先，海蜇加咗胡椒粉同蔥花，又香又爽，同埋佢冇多餘嘅水份，乾身👍🏻食既時候加幾滴辣椒油簡直無得彈！ 偷食咗一粒先影相，本身係有7粒既，分別係4粒紫菜鮮肉同埋3粒香菇鮮肉水餃。 紫菜係我認為鎮店之寶，紫菜無韭菜嘅果種頑固胃氣而且大人細路都喜歡，鮮肉非常甜美，肉汁混和紫菜鹹香，咬一啖就追住想食一下啖！ 真係好多汁同爆餡實肉嫁！而香菇鮮肉就香菇份量比較多，因為冇蔬菜餡，所以肉汁相對較少，不過同樣令人一試難忘。 湯底極為清甜，雖然飲得出佢係濃郁嘅豬骨湯，但絕不油膩，好match ，好似有得叫淨湯，唔記得咗好似十幾蚊，不仿一試。 期待已久嘅煎餃，我今次係為你而來既！芝士粟米鮮肉餃，外皮金黃香脆，正因佢餃子皮夠薄，所以唔會索太多油，無咁重油膩感，記得趁熱食！ 咪睇佢煎到金黃色好似好熱氣，其實只係3份之一個覆蓋面係有煎，另外三份二都係軟熟既薄皮，而餡料方面粟米甜香帶有水份，配上鮮嫩肉汁人口清甜，再加埋用咗嘅芝士鹹香，更添美味！ 煎餃冇水餃咁實心，口感各有千秋，煎餃更有層次感，而味道就一樣都係咁多汁咁好味！ 另外叫左手拍青瓜細份，同埋甜蜜蜜雞中翼細份，青瓜清甜爽口，配搭蒜蓉更添色彩，香而不辣。 甜蜜蜜雞翼夠晒入味，大家唔好唔會係滷水，其實係好夠入味嘅豉油雞翼，肉質偏淋，睇來炆左好耐，味道濃郁偏甜，唔錯唔錯。

又返嚟我最喜愛十大火窩餐廳既其中一間—玫瑰餐廳陳儀興，本身諗住帶個朋友嚟慶生見識下佢個黃金甲，因為上次食完念念不忘，但今次有新野而且仲要係我地都喜歡既胡椒豬肚雞窩，緊係要試新野啦！ 個湯奶白色，陣陣胡椒飄香，我地未打邊爐前就已經每人飲左碗(未落雞）果然好香濃，散發出淡淡藥材同埋胡椒香氣，唔會太嗆辣。豬肚爽脆鮮美無怪味。 至於點解上面話未加雞呢，原來佢個好貼心咁雞係另上既，應該係怕煮得耐會d肉會鞋。 而另上好處係可以食曬再落，咁d雞就夠曬鮮嫩同保持返d雞汁&精華都唔會流失。p.s份雞有半隻仲幾大份下 仲跟埋個生菜先係百幾蚊，又可以叫多幾份唔同既食材啦抵食 呢個豬粉腸同竹笙都係半分，雙拼收多5蚊但可以食多幾樣唔同既野😁竹笙好肥仔，又爽又大條，爽曬d胡椒味，咬落清脆無沙，不錯，但粉腸可能洗既時間穿左，有點苦甘，但只係少部分問題不大。 本地手切肥牛當然唔少得，除咗湯底款式眾多而別具創新之餘，呢個本地手切肥牛都係我返轉頭嘅原因之一，雪花肥牛脂肪分佈極之平均，見到相中一格格咁就知，有圖有真相，色澤紅潤夠新鮮，咬落嫩滑而且牛味十足，中間有個相連嘅筋位咬落彈牙，一塊肥牛有咁豐富嘅層次感係非常值得一試，雖然價錢比較貴啲，但食完真係覺得抵比。 蟹子丸雙硑貢丸，都係大家街市買到既果隻，無乜特別。每樣有6粒都抵食喎。 最後就係火窩必食桶蠔，絕對唔係急凍蠔，雖然未至於好大隻，海水味就冇㗎啦始終拎嚟打邊爐，但勝在肉厚甘甜，蠔味不輸即食生蠔，無一隻有臭味抵讚。

唔係講笑，雖則佢d幼麵都唔係好夠爽口，不過佢個湯底贏左，個湯香甜濃郁，又唔會太油膩，分量就都係咁上下啦，雞翼夠入味又夠淋，但唔係好易爛曬果隻，豬紅夠實淨，抵食又好食啦！

同班朋友飲飲下酒口痕，搵左間有酒飲又有小食既酒吧繼續吹水 叫左芝士薯條，鵝肝多士，雞翼同德國腸，水凖唔差喎喂！ 鵝肝多士有夠大件，鵝肝即叫即煎又香又脆，鵝肝油份滲入脆卜卜既法包，勁好食。 芝士薯條上枱依然夠熱仲可以拉絲，芝士香濃細滑！配搭粗薯條甘香誘人。 德國腸比較鹹，送酒一流，蜜汁雞翼不能少，咬開雞油係咁滴，juicy 又入味，雖然好高熱量好肥，但還掂都飲開酒，唔淨在啦，食埋響受埋再慢慢諗點減肥啦大家🥳

近期疫情嚴峻大家都選擇留係屋企食，不過日日屈係屋企都想岀下街就算食餐便飯都好，本身諗住食隔離果間日本菜經過發生開多左間，就試下佢啦。 餐廳主要以電子下單 三文魚夠肥厚，油分較少，入口細滑。 蟹籽爽甜，最優秀係軍艦塊紫菜仲好脆！好難得。 北寄貝較多水份，甜度中等不單調。 佢地既飯粒已經加左鼓油，可以唔洗沾鼓油就咁加wasabi 就得，唔怕整散件壽司。 雜錦刺身丼有三文魚，大蝦，明太子，海膽同少量吞拿魚，一次過食幾款魚生，夠鮮甜，飯粒軟硬適中，醋既份量可加多少少。 海膽手卷好抵食喎，29蚊一客，仲要係新鮮，好甜好滑，唔係岀曬水見到都怕果d而係挺身又甘甜的高質海膽！紫菜都一樣咁脆！正！ 呢個係雜錦海鮮丼加18蚊追加既，有2粒，比較細粒，唔新鮮就預左，無蠔味，皮厚同過份油膩，粉太多。 加1蚊有一球抗疫雪糕，好香紅豆味，幾好味😋 呢個日式燒汁豚肉炒烏冬就麻麻哋喇，烏冬唔夠味，豚肉叉燒太碎同好鞋口，整體感覺唔match ,加芽菜又好似怪怪地咁，食唔到燒汁味得木魚味。 不過幾抵食嘅。

諗住成班食完飯開P，呢間夠晒就腳，就係天文臺道食飽就可以落去飲嘢！ 行開行埋宜家先知原來有間咁出色嘅火鍋店，食材樣樣新鮮，湯底有夠驚喜，又嚟到有圖有真相時間，我怕我文字唔能夠完全表達到佢既優秀，我盡量啦，因為我覺得真係太好食，佢完全佔據左我心目中火鍋no.1既首席。 呢個係松露同沙嗲鴛鴦鍋，個松露鍋一試返唔到轉頭，本身食開麻辣嘅我今晚全程無離開過佢，松露味好出，仲有d草菇係鍋度可以食住先，湯底比較杰身，有種lim lim地嘅口感,唔會搶走食材本身嘅鮮味反而畫龍點睛帶岀鮮味再加添松露味！岀色！沙嗲就無乜特別，都係普通沙嗲味。 令一邊廂呢度有個一次過滿足你五個願望嘅湯底，呢個叫酒火入魔，波士頓龍蝦湯底，沙嗲，清湯牛腩，麻辣，中間嘅係木瓜鮮蝦可能有啲酒既湯底，總之就好甜啦！食材方面因為叫咗太多野，放唔曬上嚟分享比大家睇，就放d我認為best of the best 既岀嚟啦 生蠔有我手板咁大隻，極之鮮甜，漲卜卜咬落口感爆燈，蠔既鮮味由舌尖滑落至喉嚨，然後成個口都係！簡直齒頰留香。 午餐肉都唔係講少啊唔係Hea你㗎，兩面煎香左先上枱，馺嗰陣時唔會因為時間太耐而散曬碎晒，原塊夾返上嚟，中間有此少瘦肉增加返咬口，唔會油膩。 滑牛肉嘅油花分布好平均，肉質呈鮮紅色，咬落彈牙多汁又唔痴牙，好味！ 呢味犀利啦，叫做膽大包天，見到有個鮑魚殼就知佢有鮑魚肉成份啦，我以為佢落咗水會硬，所以唔敢馺咁耐，不過又唔係喎，係我唔知點形容嘅彈牙，比魚蛋彈牙5倍啦，食就唔係好食得出係鮑魚，不過幾新奇既，值得一試！ 手打蝦丸墨魚丸，同樣好滑好彈牙仲好鮮，裡面仲有芝士㗎！ 呢個海中蝦送上枱仲未斷氣仲郁緊嫁，又大件又新鮮！ 牛舌爽脆清甜，無脂肪之選 自家製韭菜餃，唯一挑剔嘅就係摺位比較厚同多摺，令口感失色，餡同皮既比例有待改進。但肉同韭菜嘅比例係5050既 呢隻獅子狗又係內有乾坤，芝士留心獅子狗，無得輸，唔好以為芝士會流晒出嚟，馺熟佢都會乖乖留係入邊，一口就流岀嚟。btw 小心辣親個咀仔。 不得了啦呢個，宮崎A5和牛，店員話生食又得熟食都得，我梗係唔執輸兩樣食法都試下啦！生食要等佢溶咁啲雪先再點啲Wasabi，口感似食緊吞拿魚，味道係有牛味既，但牛既脂肪味好重。 熟食啱我多啲，熟咗又滑溜又淋，咬落又多汁，不過都係脂肪比例較多，唔鍾意食肥膏嘅就可能唔係好接受到。 小食都叫咗幾款㗎，不過喺小食中最好食嘅我覺得係呢個椒鹽雞軟骨，炸得好乾身唔會太油膩，味道啱啱好唔會太咸，椒鹽分布平均唔會局部重口味。又脆又軟係雞軟骨最吸引之處，加埋喼汁食無得彈！

記得之前嚟過食台灣牛肉麵，水凖唔差既但較貴，今次嚟食飯先，不過完完全全令我失望 叫左個小碗滷肉飯，d滷肉少飯多，不過我預左，但滷肉得個鹹字，無豬油味就連汁都唔比多滴我，我食左面頭有肉果幾啖就淨左一大碗白飯無食了。 一細飯碗既滷肉飯都要3x蚊。 朋友叫左個特盛，唔見得份量有乜分別，係多左d餸同埋隻碗大d... 豬軟骨好硬，又乾身無汁，果2粒肉丸真係多謝晒。。。3隻字 “唔好食” 仲有個涼拌青瓜，又收幾十蚊，佢只係用左半條青瓜切粒再撈鹽！就係咁簡單！ 全晚唯一合格既係2杯焦糖珍珠奶茶，其他完全失望。

餐廳係位於海旁既，當日落雨濕濕坐地鐵會比較好，揸車就呢hea 少少，地下有得買茶具茶葉同d朱古力，上2樓就係high tea 既地方喇。 Btw customers service 方面，店員多數講英文唔會遷就你，唔係我唔識英文，而係who’s the customer?我消費者，係咪應該你去迎合返我呢？唔係一句sorry I don’t speak Cantonese然後你望住我expect我用英文？就算你唔識 ,fine ,你咪hold on 我1 sec去搵個識既嚟同我講囉，而且呢度係香港，廣東話唔識要客人轉channel? Anyway 入正題講返食物: 分別有紅茶白茶同烏龍可選擇 今次我哋tea set & lunch set mix and match ,收費都係一樣，三六治就可以任添既，既碟上既desert 同scones 就fix死無得加既，不過我地食左一個半scones 已經飽左。。。上面果層完全無掂 個scones 好好食 好香牛油味而且好香脆，加埋又滑又粒粒果肉既果jam無得彈，但食一個已經好夠，始終甜野食唔到太多。 三文治我地食左一碟都已經好飽，可能放得耐，白方包個皮已經比空氣抽走左d水份，食落有點乾。 呢個黑松露Scramble egg 勁香勁滑，黑松露味浸透味蕾，再加上蛋香撲鼻，但唯一敗筆係溫度，如果再熱d就更好！