令和居酒屋

營業中

休息中

短期內應該不能離港旅遊，但又想食日本菜，於是去了令和居酒屋。來居酒屋的好處是什麼種類的食物都有，我們點了生蠔、刺身、串燒、石板燒等。清酒廣島生蠔 - 店員介紹把生蠔放入清酒浸一分鐘，然酌後連清酒一飲而下，生蠔飽滿，加上清酒的香醇，很有特色。四色刺身盤 - 有三文魚、油甘魚、吞拿魚及石蝦，新鮮鮮味，魚生厚身，石蝦亦大隻彈牙，絕不欺場。燒蘆筍 - 蘆筍清甜多汁，而且沒半點渣。串燒還有日式燒青椒仔最後還點了這裡出名的石板燒，海鮮盛宴有虎蝦、北寄貝、廣島蠔、帆立貝和魷魚，端出來時已食指大動。店員熟練地把海鮮放在石板上燒，不消一會已經煮好，簡單的以牛油蒜茸調味已經很惹味。另外加$20可追加蟹膏飯、野菜沙律及味噌湯，又抵又豐富。居酒屋氣氛熱鬧，怎少得了小酌一番，這裡有清酒、啤酒及梅酒任飲優惠，可與朋友暢飲談天，過足癮。

好耐無見友人，上網搵咗呢間黃店出嚟聚下餐。點完餐伺應先送上日本野菜，口感清涼爽脆，點埋酸酸地嘅醬汁好開胃。令和魚生丼嘅魚生有差唔多成十款，味道鮮甜，份量十足。五色刺身盤肥美厚肉，夠新鮮食落味道好甜。石燒A5日本黑毛和牛先由伺應端上高溫熱石，按照客人喜好幫手燒，好貼心。牛肉牛味好濃，口感嫩滑好好食！燒和牛舌肥厚多肉，肉質結實。燒鮮鰻魚串食落唔乾身，軟中帶韌有口感。燒茄子多汁味甜，表層灑上大量木魚碎。燒露筍新甜爽脆。燒粟米味道有點偏淡唔多夠甜。蜜桃乳酸梳打味道酸酸甜甜，清涼解渴。

朋友是食肉獸，我就喜歡吃海鮮，見到令和居酒屋有二人石燒火鍋刺身套餐，就和朋友入去試試！好彩我們早到一點，7點後都好多客人！近入口有個很大的日本鼓！裝潢很有日式風味！$68買一送一清酒或梅酒，來到居酒屋，不喝兩杯總是覺得不合適！梅酒酸酸甜甜，好醒胃！燒美國露筍很粗壯的露筍，不會有渣，新鮮爽甜！二人石燒火鍋刺身套餐我覺得這個套餐CP值實在太高，有沙律前菜、日本和牛150g、天婦羅和海鮮鍋物！這個價錢有和牛，絕對值回票價！自選兩個前菜，我們選了和牛他他和麥粒味噌青返，略燒過的和牛，又香又軟，牛味香濃，加上黑松露味道更提升！青瓜爽脆惹味！主角來到了！侍應端出了熱石，問一下我們要幾成熟，還幫我們燒，聽到吱吱聲，好香，脂肪分佈平均，油香豐盛，肉質非常軟綿，回味無窮！有四種海鮮，全部都非常新鮮！大大隻蠔、帶子、虎蝦和大蜆！帶子厚肉鮮甜！湯底都好甜！最後還會用吸收了海鮮精華的湯煮了什炊，好甜好好味！值得去試下！

整體裝潢設計都非常日式，門面有假瓦礫屋頂同同紅燈籠，內裡又有太鼓，一有人入黎就擊打兩下。【甜蝦】$27 & 【油甘魚】$27材料新鮮，食落鮮甜，特別系甜蝦仲有少少回甘。【令和生魚丼】特盛 $188材料好豐盛，有海膽、三文魚、魚子、元貝、大蝦、吞拿魚蓉...飯量就吾系好多，不過都七、八成飽。【澳洲M6和牛】$188/200g用牛脂掃勻石板，用天然既牛油黎煎牛扒，肉香更濃，煎都差吾多會加入兩款醬汁，吾會太濃烈，遮掩哂牛味。【熱柚子蜜】$28今日天氣涼左少少，想飲返杯熱飲，食完甘油膩石板燒，飲返杯質感清清地地既柚子蜜就岩哂。

小編最愛吃居酒屋因為可以與友人把酒當歌之除 又可聊天說地正好這家令和居酒屋在交通十分方便的旺角區可以相約友人一敍特選四人前石燒•火鍋套餐前菜兩款三文魚子麻醬凍豆腐這𥚃的豆腐又嫩又滑 豆味濃郁三文魚子十分爽脆 增加整體口感日式炸雞最邪惡的是這個日式炸雞 口感鬆脆加入少許調味粉 味道甚佳和牛他他其半生熟的和牛他他肥瘦均勻入口即溶什錦天婦羅有蝦、野菜的什錦天婦羅 炸粉不厚 不會覆蓋食材的鮮味小編最愛天婦羅大蝦 非常美味石燒美國安格斯牛扒放在石板上把牛肉弄熟吃的時候牛肉還是熱騰騰的安格斯牛扒肉質鮮嫩 牛味濃郁鍋物美國安格斯牛肉片這個鍋物有三種湯底可以給客人挑選分別是豬骨湯底、壽喜燒、博多雞湯湯底小編點了甜甜的壽喜燒湯底 十分有日本風味安格斯牛肉片跟壽喜燒湯底很匹配燒飯團茶漬飯非常有誠意的茶漬飯燒烤過的飯團表面有着一層飯焦 口感鬆脆加入味付的煎茶湯 再把飯團弄開既脆又帶點軟的質感非常有趣廣島燒最後一道菜是大阪名物廣島燒廣島燒內的椰菜鮮甜小編特別喜歡上面酸酸甜甜的醬汁幻彩燒酎梳打追加的這個幻彩燒酎梳打是打卡精選而且味道不錯總括而言小編覺得令和的食物充滿日式的風味用餐後特別令人懷念在日本旅行的日子推

門口嘅裝飾充滿日式風味，掛滿一個個紅燈籠入面裝修亦都一樣，更有七彩顏色嘅燈籠、一排發光酒瓶同木製食物牌我地食個個餐係松，入面有沙律、兩款前菜、串燒、天婦羅、石鍋燒、鍋物同燒飯團菜漬飯前菜有個豆腐凍，個豆腐好滑，配上魚子同蕃茄仔片變得更開胃天婦羅有唔多蔬果，例如冬菇、亦唔少得必備嘅天婦羅蝦。可以見到隻蝦好長身、肉質亦爽口嚟到肉眼片石鍋燒，師傅會幫大家去燒啲肉，首先攞肉嘅脂肪去塗滿個石鍋，然後再逐片肉放上去燒，過程需時嘅，但肉味好重好香、咬落亦唔會韌，保留咗一啲肉汁和牛他他我好少食，但同我想象中紅淋淋嘅好唔同，塊牛嘅雪花同脂肪令佢滑身同好稔串燒有肥牛金菇同雞翼，兩件都正常發揮，雞翼肉質幾嫩火鍋同平時出去食嘅日式小火鍋一樣，湯會輕輕遮住食物嘅一部份，煮起後就會蓋過更多部分同樣係美國安格斯肉眼片，今次就用嚟放落火鍋最後係燒飯糰茶漬飯，令我驚喜係個飯糰面會燒得焦香，倒入湯汁到食無令佢變稔，已係湯汁令味道豐富之餘，焦香嘅飯糰面咬落香脆另外配有一啲wasabi，同日本食茶漬飯嘅方法類近眼看有唔少食客都嚟呢到同朋友聚會，食着日本小吃，品着日本美酒，有機會要帶朋友嚟品嚐一番！

想食燒肉 點知星期五間間黃燒肉💛都爆滿.....走到老遠先揾到一間 都要等位好彩早去😖叫個二人餐呢個應該係沙律黎🤔凍豆腐加左啲麻醬前菜2款:麥粒味噌青瓜青瓜爽口 都叫入味日式炸雞熱辣辣炸出好滑 仲好多汁四色刺身拼盤全部都好新鮮 好似叫左m7石燒澳洲牛牛肩脊有專人幫你燒仲會比個圍裙你最後會用火燒一燒個面好神奇 牛味重 而且好有咬口 油脂分布得平均燒飯糰茶漬飯串燒 2串雞翼 冬菇天婦羅加左杯巨峰提子梳打

作為一間居酒屋, 酒係一樣好重要既元素大家都知平時飲酒都唔平架啦呢度竟然可以加錢就無限飲清酒同梅酒!!會唔會太過份!!!最愛既清酒!! 平時一支既價錢都唔平架今日可以放肆的飲蟹肉牛肉餅呢個牛肉餅真係無得頂, 雖然價錢比較貴$38只有一塊, 但是超好味入面既蟹肉係多到bee哂出黎每一啖都好豐富既蟹肉味道加上外皮脆脆的, 食落味道同口感都是一流生蠔呢個唔係普通生蠔咁簡單係食佢之前店員介紹話係要先係酒入面泡大約1分鐘等佢吸收哂清酒既味道佢既蠔味就會更出果然係與別不同!! 食落唔會覺得好清酒既味道反而係入左肚先覺得有點酒味同醉意!!芝麻雞翼雞翼都係助酒良品, 味道不錯, 即點即炸的口感是最好的

我最喜歡就是居酒屋的環境一班人聚在一起傾下計食下好東西呢間有任飲清酒梅酒 更係要暢飲一番刺身刺身呢度有幾款, 都係定食來的, 只是件數的分別不過不失, 我最喜愛的就是新鮮的牡丹蝦超鮮嫩多汁燒鳥拼盤黎居酒屋就是要吃串燒, 諗唔到食咩最好就係食呢個拼盤咩都有可以咩都試到!!基本上包括的都是熱門款我最喜歡的就是這個雞軟骨, 燒到卜卜脆日本A5和牛呢個真係超超超超超超推薦!!!真正的A5和牛看這個紋路就知是多麼的好吃!!!!還有店員在我們面前燒來吃那種油香!!! 到而家我都未能忘記!!我選了5成熟超超超好味!! 入口即溶的口感就是爽!!玉米成條過的玉米 特別有風味, 邊吃玉米邊飲酒可以話係超爽的一件事

難得出街食飯，就搵間最鍾意食嘅日本野同黃店支持下。一嚟就有個小食，椰菜點酸汁，好開胃，酸咪咪，食到停唔到口。叫咗一系列串燒，茄子好細心地刮哂啲肉，唔使加豉油都已經好鮮甜。牛舌同鰻魚都燒得好香好可口。露筍又係好新鮮，火喉剛好。粟米就大大碌夠香。食完熱氣野飲杯冰凍梅酒真心正！呢間出面食石板燒和牛，叫咗日本A5和牛150g，好香牛味，5成熟入口即溶，唔使任何調都好好食。$188好抵食！食日本野點少得刺身，五色刺身有齊三文魚、吞拿魚、帆立貝、油甘魚同甜蝦，好豐富。另外叫多個令和魚生丼，貪佢有海膽，好鮮甜，一啲都唔腥。三文魚子又大大粒，撈飯好正。成餐飯食得好滿足！

呢日行經洗衣街被印有「令和」二字嘅大紅燈籠所吸引，相信呢間居酒屋亦係開業不久，事關日本改年號都係唔夠一年嘅事。牆身貼滿日本飲料同酒樽嘅標貼，亦有唔少動漫金句，充份展現當地文化氣息。一入座店員隨即送上一小盤椰菜，可配以豉油食用，個人更愛原汁原味，新鮮椰菜自帶爽甜。嚟得居酒屋當然要食燒物，選擇困難嘅可以揀拼盤，比單點更划算。燒物火候控制得恰到好處，唔燶唔乾，金菇肥牛份量十足，裏住一大撮金菇，口感爽脆飽滿。大蔥新鮮不老，無咩辣味，吸收咗豚肉嘅油份入口更香。煙肉車厘茄大推煙肉燒得乾脆不油膩，一咬落去車厘汁爆哂汁，酸甜清新嘅汁液充斥住整個口腔，一個字fresh三色刺身價錢相宜，大塊又厚肉，質素唔差，吞拿魚雖然帶筋但無腥味。丼飯份量對於兩個女仔嚟講啱啱好，口感偏淡，建議同醬油wasabi撈勻先食。魚腩蓉滑嫩綿密，接近膠狀，相信係用機器打成，如果改以切剁口感應該會更有咬口天婦羅炸得非常鬆脆，秋葵同和牛片嘅配搭幾新鮮，牛肉混和秋葵嘅黏滑濕潤，更能平衡炸物嘅油膩感。呢杯藍蝶花梳打係餐廳招牌之一，絕對係打卡必點，旁邊嘅係檸檬汁，倒入梳打撈勻就會變色。撈勻後紫中帶粉，好夢幻呀～～～梳打無加多餘糖漿，入口清新

環境裝飾簡樸，以木色為主調，格調優雅，好有日本居酒屋風情， 每逢客人進入餐廳， 侍應敲打鼓， 發出鼓聲，歡迎客人的光臨， 十分欣賞。兩人前( 松) $488是日沙律： 豆腐沙律嫩豆腐十分滑溜，浸泡在麻醬汁內， 上面舖滿海葡萄、蔥粒和三文魚子，令純樸的豆香， 添上鮮甜的滋味。天婦羅薄薄的粉漿包裹著彈牙大蝦，脆卜卜的感覺，令人意猶未盡 ，茄子內裡仍然濕潤 ， 南瓜綿密口感 、細膩 ， 秋葵爽甜，沒有太滑潺潺的感覺， 真想再來一碟。四色刺身四色刺身， 材料豐富 ， 有三文鱼、 吞拿魚、 甜蝦和油甘鱼，每件都肥美厚切， 色澤鮮明 ，三文魚油花满佈， 充滿油香 ，口感綿化，甜蝦質感軟糯 、綿化，油甘魚質感爽口而帶嚼勁， 吞拿魚口感挺身、爽彈，魚味濃郁，我最喜歡三文魚，配上甜甜醬汁， 每口盡是鲜味。日式炸雞炸雞新鮮熱辣，皮脆可口， 沒有多餘的粉漿，雞皮炸至非常酥脆，咬下去“吱嚓吱嚓”聲，內裡多汁嫰滑，邪惡得連雞皮也吃光光，吃完滋味得，舔舔手指上的雞油 ! 和牛他他其和牛他他 ， 肉嫩可口， 配上黑松露， 鮮味更加提升， 津津回味。 白蔥豚肉串薄薄的豚肉包著大蔥， 時間控制得宜 ， 咬下時質感幼嫩軟

今日黎左間相當有特式既日式居酒屋，地點係旺角嘅洗衣街，都相當方便。店舖裝修都好特別，牆上面貼滿左唔同日式飲品嘅招紙，而且可以比客人隨便喺場上面留言，簡單得來又有型。呢度咩菜單都非常豐富，主打鐵板燒。我哋兩個人就點左日本A5和牛200g，未燒就已經睇到去油花非常之靚，未開始燒就已經開始流口水喇。店員好細心幫的地燒到五成熟，一路燒一路聞到好香牛油味，食落口肉質非常軟滑，油份係口入面溶化，高級和牛果然係唔同d。鐵板餐仲可以追加蟹膏飯麵豉湯，用嚟配牛肉一流！小食我哋仲點咗炸豆腐，鹽燒三文魚頭同埋燒廣島蠔。炸豆腐新鮮炸起外脆內滑，好味！三文魚頭都睇得出好俾心機燒，唔會燒到好乾，而且非常多肉!燒廣島蠔好大隻，上面好多蛋黃醬，醬多但係唔會搶哂蠔既鮮味。另外加左任飲啤酒，梅酒同清酒，不過我淨係飲左啤酒咋。依間日式餐廳都真係幾抵食，埋單都係四百左右！

久違的外出食飯，今日收工同老公兩個食返餐靚飯。揀左黎令和居酒屋食石燒和牛🥰🥰店內牆上面貼滿不同清酒的招紙，另外有筆俾客人在牆上面提字畫畫，見到好多人寫低左心願今日主打係食石燒和牛，所以叫200g日本和牛另外叫左串燒牛舌，串燒和牛，日式炸雞，和風豬仔骨，飲品就揀左熱情果梳打同蜜桃梳打，加埋抹茶芝士餅做甜品，今餐真係好完滿首先上既係石燒日本A5和牛，牛肉油花好靚一上枱侍應會幫手燒埋，放上石燒板即刻勁香唔駛幾分鐘就食得，入口即融，極速俾我哋KO和牛串燒同牛舌都好好味，如果淨係想食少少可以考慮食串燒豬仔骨好淋身，好入味，偏西式少少炸雞都夠脆身，唔會太咸好鍾意個抹茶芝士餅唔會太甜，加埋紅豆好好味呀！今餐真係食得好舒服又滿足！

成日睇IG Story都見到朋友黎令和居酒屋，bookmark左好耐終於黎啦。和牛他他 ($78)和牛輕輕燒咗表面，厚切幾有口感同牛味，可惜下面嘅醃洋蔥太濃味，完全蓋過左牛嘅肉味，分開食反而好啲。清酒生蠔 ($56)生蠔夠creamy，同清酒一齊飲幾得意。和牛石板燒 ($238)台台都有叫，果然名不虛傳。兩面只係燒咗好短時間，所以完全唔會過熟，仲係好嫩滑。 食得出係靚牛，好有油香。五色刺身盤 ($168)呢個價位有埋帶子，性價比奇高。 雖然唔算最新鮮，收貨有餘啦。海鮮石板燒 ($188)海鮮幾多款式，完全唔會霉，但同其他菜式比較冇咩特別。 最鍾意帶子夠厚實又鮮甜。燒粟米 ($28)粟米好清甜，唔會燒得太乾，好Juicy。和牛烏冬 ($98)湯底幾甜，上枱嗰時和牛仲係半熟，有種食緊pho嘅感覺。 一轉色就放入口，食到和牛最佳嫩滑狀態。