令和居酒屋

營業中

休息中

黎居酒屋一邊同friends吹住水咁飲Shochu一邊食燒和牛真係好爽! 平時反工比老細死卒爛卒嘅壓力隨即一掃而空、一飲而盡。呢間居酒屋地點好就腳，火車同地鐵站就係附近，新界友同九龍友都甘方便。我幾鍾意鋪入面非常地道嘅日式裝修佈置，好似去左日本咁，本來做咗成日嘢，個人攰到爆，一入到黎就即刻醒神反晒。你話如果我公司都可以design 成咁，同老細同客飲住Sake黎開會，你都咪話唔爽丫丫呀。呢間嘅燒牛好正，一上菜就見到脂肪分佈好平均，層次分明。燒牛個陣時聽到燃燒脂肪嘅吱吱聲，加上聞到燒肉嘅香氣，一個二個由吹水變晒流口水，拎定筷子蓄勢待發。燒到6至7成我地就急不及待係甘食，肉質好鮮嫩，唔會有筋，如果一個唔小心掛住吹水燒得太熟就晒晒喇。不過其中一個friend怕生，堅持9成先入口，佢都話舊肉好林好滑，一D都冇失望咁話。每舊牛入口都軟棉棉，肉汁好鮮甜，連一丁點雪味都無，處理得非常之好。所以，全檯一致通過，認為呢個價錢配以咁出色嘅質素，真係真心抵食、好食!

好耐之前，由我第一次到訪日本既居酒屋起，對此，可以稱得上係情有獨鍾。鍾情於個種熱鬧既氣氛; 燒肉至微焦既味道; 觥籌交錯既聲音令人疲勞盡消， 忘卻一切既生活壓力同煩憂。我唔太喜歡齋飲，我覺得飲同食係分唔開既，一邊品酒一邊食香噴噴既燒肉同各式各樣既小食，先算係人生一大樂事丫嘛。青瓜夠凍夠爽口而且無渣，好鍾意佢略帶些少咸味，送酒一流。個人喜好冷奴，每次去日本餐廳都必點既。呢度加左少許魚子同埋海葡萄作為點綴，好睇得黎又可以豐富口感，咸香既味道又可以配合酒精為味蕾帶來化學作用，令我感覺到呢間居酒屋好貼心好有heart，急不及待要推介一下同分享一下。今次試左島根縣香印提子酒，香印提子閒閒地都$200/pack啦，comparatively呢支果酒既價錢就好相宜wo。加幾粒冰試試，口感好清新，甜甜地，配燒肉好解渴，唔使怕成口油林林既感覺。即使係light d配下小食都冇問題，清甜既提子果香令人飲完一啖又一啖，想停都停唔到呀，真係好值得試下嫁！

放工同事帶我食好西 帶左我黎到旺角呢間好有特色既日本居酒屋先黎一隻清酒廣島生蠔將生蠔浸入清酒一陣先食鮮甜生蠔中滲中微微既酒香 好特別呢和風温泉蛋野菜沙律蔬菜新鮮 為一陣既美食準備一下味蕾燒河豚乾 係我至愛之一沒有令我失望 香口又軟棉棉令和玉子燒 很甜 不錯 蟹肉可樂餅 驚喜不大 但都係剛炸起 脆口三色魚生丼魚生份量多 切得又厚又大粒主角出場石燒A5日本黑毛和牛 即場放上石板到燒 侍應會從旁協助肥美既和牛 充滿油脂燒時要小心俾油彈到值得一提是 加$48就有放題任飲梅酒是我很推薦的👍🏻

朋友推介的高質二人餐💛😘本身對居酒屋冇乜興趣，點知朋友食完俾左coupon我，抱住唔執輸既心態試下先😜店內好有日式居酒屋的氣氛，貼滿酒樽的牌子。不過…點解地下咁滑既😅😅望下隔離枱先知，石板燒肉！🐮😋唔怪得地下咁多油啦，希望可以勤d拖下地🙈menu實在太多選擇，最後揀左最平的二人餐 $488，有齊前菜，小食，天婦羅，串燒，石燒牛肉，同蟹膏飯🦀胡麻三文魚籽豆腐近排減肥夜晚都係食豆腐，學佢雪凍少少，加d麻醬一定好食得多😊小食任揀兩款，我就揀左和牛他他同炸雞。和牛他他加上黑松露作點綴，味道更出眾。墊底的酸洋蔥都幾好食呀。炸雞有4-5粒，應該係即叫即炸所以等得比較耐。重點一定係點沙律醬😆串燒揀2款，雞翼同冬菇。天娜羅有蝦，南瓜，秋葵同粟米。有2隻蝦算幾抵食😃Wow~侍應妹妹直接拎住石板燒放係枱面，問我地幾成熟，好貼心地幫我地煎了😋開頭仲以為要自己煎添😂先煎熟兩面，加醬汁，再煎，一堆好好味既安格斯牛肉誕生啦😋配蟹膏飯不得了❤️牛肉juicy, 飯素惹味，蟹膏的濃郁，缺一不可好正呀💛記得食埋大葱😝睇食評見到大家推介清酒生蠔，$28咁大隻唔算貴😘星期六晚要食好d，所以單點了一份💕侍應教路， 把生蠔放入清

同一班friend去食飯，見到呢間居酒屋好評如潮。去到門口已經見到人排隊，好彩當日預約咗，唔係就要咁熱既時間等諗起都驚。呢間舖頭有一個特別之處就係一入門口就會敲鼓歡迎你。講返嘢食先四色刺身盤有三文魚，石蝦，吞拿魚，油甘魚，四款刺身都非常新鮮10分好吃雜錦天婦羅有秋葵，南瓜，蝦等基本上都是蔬菜類為主，粉漿適中唔會食到成口粉同埋唔油膩石版燒國安格斯扒必食之選，店員喺旁邊即時燒製，掛住欣賞店員功架忘記了拍照。肉汁一流美國安格牛肉鍋物揀咗壽喜燒湯底，湯味濃郁。整體表現良好。唯一美中不足的是烏冬很軟，不建議大家加配烏冬檸檬威士忌梳打嚟居酒屋點會唔飲酒，由一開始飲食到完個檸檬都仲係結冰嘅狀態🤣好持久。打卡一流

經常都book 唔到位嘅令和今日嘗試walkin 就幸運地有位！入面坐無虛席，因為都成9:00 ，唔係叫左好多野食，以串燒為主。串燒落單後唔夠5分鐘後就上左台，大概應該一早整定。雖然係一早整定，但上台嘅質素都接受到，牛脷超juicy 超彈牙，其他雞串燒就不過不失。燒菠蘿做得出色，食落口爆汁之餘仲食到一塊塊焦糖。接受唔到嘅係玉子，一d 層次都無，好似食緊舊蛋磚。另外叫左石板燒和牛，講你想要嘅熟度，店員會幫你燒。配上醬汁同大蔥，好好食！舊和牛燒到5成無好韌，咬落口有肉汁仲食到和牛嘅脂肪味！食得出係靚牛！石板燒係整得試嘅。以黃店黎講，食物質素中上已經好夠，但可惜鋪位比較細同樓面唔太夠人手，去食嘅朋友要有心理準備呀。

第一次寫食評，係因為忍唔住一定要寫，好後悔冇影相⋯⋯成日喺旺角經過都見到好多人排隊，又見佢開得夜，上openrice睇過好多人俾正評，於是同朋友喺某個星期六晚黎咗呢度食。當日都係有好多人幫襯，等左10分鐘左右就已經有位，我同朋友兩個坐喺近門口位置。座位非常窄，隔黎張台D食客走既時候，我食食下野要專登企起身比佢地先出到。以下係我哋點咗既野食：1. 五色刺身盤2. 石燒海鮮盛盤3. 芝士豚肉串4. 豚肉車厘茄串5. 清酒煮蜆6. 銀雪魚西京燒7. 桃酒8. 柚子酒首先要講下個刺身，因為佢係第一碟上菜。個吞拿魚刺身係非常之咁唔新鮮，入口已經有雪水味，啲肉質咬落去係梅㗎，散開晒⋯通常赤身肉質係比較實有咬口，一係佢切錯紋，但係不論係因為唔新鮮定切錯紋都接受唔到，唔知以為自己食緊爭鮮⋯佢個蝦刺身一樣都係唔太新鮮。石燒一般，冇乜特別，分量唔算多，$188來講可以勉強接受。個清酒煮蜆冇乜味，同埋有四五粒咬到有沙。豚肉車厘茄同埋銀雪魚西京燒都係冇乜特別，唔可以算係好食。最離譜係個芝士豚肉串！塊豚肉係超超超薄，薄到唔係好感受到有肉入過口。鍾意食芝士嘅人可能覺得佢舊芝士真係好抵食，我本身都咁樣以為，但係食咗

食物食唔到，所以寫唔到食評。Book左9：30pm, 問左2次都叫等一等，乾等左45分鐘都同我講埋緊單等多10分鐘，有walk in就俾人入先，咁book位黎有鮑用。簡單一件事，booking 咩時段幾多人你早就知道，會唔會還唔到枱呀？你個客唔還枱拖時間，會唔會係我既問題呀？麻煩跟進，搞掂左先返黎食啦。

book枱唔講限時個半鐘，confirm時又唔講，坐低咗先話我哋知，臨時臨急焗住無得轉場。個fd見到木牌寫住有牛油帆立貝，餐牌冇，就問老細，老細「哦」咗一聲，跟手上咗個海鮮拼盤。我哋話冇嗌到，佢指住其中兩粒帆立貝，再指住用嚟「起鑊」嘅蒜蓉牛油，話以為我哋嗌呢個，仲話佢哋無咁多帆立貝整。然後我哋先明木牌係裝飾only，只能「哦」返佢一聲。之後見幅牆有人寫字，問老闆係咪可以寫，佢就解釋話呢，其實呢個係日本傳統，要買支酒先可以癡個招紙上去，簽個名。其實好想問返佢，掛假木牌扮餐牌，又係乜野日本傳統？然後佢加多句，如果個個都寫得，咁咪變咗連儂牆囉，仲得掂？！明晒lu！

令和居酒屋完全反轉我對居酒屋既感覺居酒屋一向比我既感覺都係貴價唔飽，野食細細份而且偏貴。但係令和居酒屋既野食款式多之餘，仲要份量多，仲要平！真係完全估佢唔到平時行開旺角其實一直都想去試下嫁啦，但奈何真係太多人，次次walkin 最小都預計要等到九點打後先有位。但今次7點左右去到竟然唔洗等位有得直入，真係好好彩如果想去既朋友記得book 位因為真係好多人入到去侍應非常好禮貌仲會同我地講下笑，而且反應好快，隨傳隨到之餘仲會不斷加水，非常抵讚野食方面選擇非常多，火鍋、石燒肉、刺身、串燒、飯、麵等等都有唔只食物，清酒都好齊全，可惜我同女朋友都唔飲酒就無叫到黎試最後我地叫左一個二人石燒刺身套餐再加芝麻雞翼試下，因為好似樣樣都有d野食上既速度好快，首先係前菜和牛他他，味道好特別好清新，和牛下面放既唔係飯係類似粉既食物，食落幾爽口感覺好新鮮特別之後就到炸雞同雞翼，依兩樣都好食但比起其他就無咁大驚喜主菜之一係石燒牛，份量非常之多，而且有專人幫我地燒，店員一路燒一路會問我地鐘意點樣食，感覺十分專業牛扒肉質好好，食落鮮嫩多汁，淡淡肉得黎又無乜根，非常好食茶漬飯味道都不錯，不過口感差左dd。可以接受最後一定

限聚令稍為放寬，大家終於可以約多幾個人出去食飯了今次去咗旺角嘅令和係朋友介紹成9點都仲要等位果然好受歡迎首先推介呢到嘅刺身，幾大塊，呑拿魚冇乜筋，因為有個朋友唔食魚生，所以我就唔客氣，食埋佢嗰份啦之後叫咗個蠔鍋，問咗話係配烏冬，點知原來係要加錢不過蠔肉都叫大隻之後每人叫咗串串燒，燒得有啲乾，麻麻多春魚ok la... standard 囉呢個牛唔錯，有人幫你燒，燒完會放另一隻碟，咁就唔怕燒到老晒，然後我哋再叫咗個白飯大家share，食起上嚟都幾膩。埋單竟然見到全部都有折，冇記錯係8折咁又幾好喎呢到都幾多酒類飯，成班朋友星期五嚟飲酒食飯都唔錯，最緊要有折。不過見到啲員工個個都好忙，可能要增加下人手了。

上星期已經一早打電話去book位，book時冇講過有限時間用餐時間，結果琴日打電話嚟confirm嘅時候就話俾我聽得個半鐘頭！嗰時已經係下晝4:30，我book七點，我根本冇時間轉場！我同佢講個半鐘六個人根本唔夠，再加上一直都冇講過話要個半鐘！結果佢最終只係比我坐兩個鐘。但臨走嘅時候佢話我哋坐咗兩個鐘頭九個字，仲好似施捨我哋咁！但係實質我哋坐咗個半鐘🤬🤬食物方面OK，價錢都偏貴，雖然係黃店但係態度咁差令到我唔會再想去.希望大家唔好以為自己黃店就可以亂咁嚟

決定去邊間餐廳食，我有好多要求，見呢度係黃店，好多食評話食物好食，而且睇相見環境裝修好有日本味道，最緊要係九點後入座有加$48任飲日本酒(清酒，梅酒，啤酒)嘅優惠吸引左我。.係呢度我想俾大家清楚知道呢個優惠嘅運作，因為通常優惠都係好tricky。.1. 首先，任飲通常要成枱都任飲，但呢度可以分開，唔飲酒嘅可以唔加錢，我覺得呢樣好好，但佢地冇特別提，所以有個frd麻麻地酒就求其叫左梅酒，算係三種酒最甜。.2. 第二，佢講到明話任飲係計入座後兩小時內，通常放題會提我地last order，呢度係唔會嫁，佢夠鐘就會話你地任飲已經完，有一個frd遲個半鐘黎，唔係計佢入座，係計成枱，所以佢剩係叫左一杯好唔抵，老闆話夠鐘嘅時候我個frd問佢可唔可以叫多杯，老闆都有俾，不過我覺得呢樣應該要講清楚。.3. 第三，佢個任飲優惠個牌係用premium日本啤嘅圖，我個frd一心想飲premium，但係另一隻罐裝，我飲過都好有麥味嘅，係唔錯嘅，但我個frd一心想飲premium，所以有啲失望。如果你地下次去記得問下今日任飲係咩啤酒。.4. 第四，唔同侍應會俾唔同份量嘅酒。一開始我地每人想試哂咁多隻酒，佢支吾以

食物高質！服務態度又好！又要係黃店！💛雖然用餐時間唔長，但上餐速度超快！-另類連儂牆-💛📍1️⃣令和玉子燒好食！熱辣辣又重蛋味！📍2️⃣燒菠蘿 勁好食！又甜！仲有層燒咗嘅糖面！食落脆脆地！又juicy！👅💦💦💦💦📍3️⃣ 三文魚刺身📍4️⃣豆腐海葡萄沙律📍5️⃣$68買一送一嘅自家清酒🍶📍6️⃣和牛鍋燒烏冬📍7️⃣石板燒 澳洲M6和牛 150g即叫即燒！好食！啲staff仲會成日提我地趁熱食😂📍8️⃣牛油鍚紙雜菌📍9️⃣自攜蛋糕😚友人生日，我哋準備咗個蛋糕仔，估唔到嗰夥記會畫埋碟🥺好靚又有心機💛仲要送咗個小禮物俾壽星💛仲仲要每枱都有一份少禮物包，入面有張香港加油嘅貼紙同埋裝口罩嘅嘢！好貼心又好窩心！—————————————————————總括而言，食物真心高質，仲要係黃店要大大力支持下！

今日襯屋企人生日，佢哋話想試吓日式嘅居酒屋之前有聽朋友介紹過依間有八折優惠清酒仲要有全場半價咁我哋今日就試吓呢間啦好彩我哋有訂枱如果唔係真係有排等我哋7:00就去到，入邊座位都幾舒服有卡位tim食物嘅選擇都有好多類型，有刺身、鍋物、熱石燒、天婦羅、丼飯⋯⋯花多眼亂樣樣都好想食我哋見隔離人哋嗌左鍋物日本A5和牛鍋🐂 係有好靚既嘅油花紋路，和牛入口肉質嫩滑，油花入口即溶，我地選左壽喜燒湯底很甜及濃郁。簡直是絕配當食完牛肉之後啲面就會提供一大盤蔬菜，就變成左壽喜燒火鍋。食完再加左個烏冬，烏冬勁彈牙，食完滿足曬蟹籽沙律🥗蟹籽好似一個小山丘咁🤣配埋青瓜絲好清甜同爽口。串燒🍢牛舌燒得好香口，入口幾彈牙吾會韌。清酒🍶店員推薦左依支比我地，口感越飲越溫和，同時中感受到佢嘅余韻。