今和壽司 (已結業)

冇得去日本旅行，唯有食返啲日本嘢止下渴🤥呢間日本餐廳有幾多特色野，例如係壽司pizza😂見到張pizza相就覺得太多所以決定下次等多啲人黎先食會好啲！龍捲風沙律有蟹柳絲，蛋絲，中華沙律蟹子同生菜，配搭清爽，係一個好開胃嘅前菜身為雞翼控梗係要要嗌返雞翼試吓😆左邊係芝麻雞翼，非常香脆，食到外皮有少少少調味所以唔使點醬汁都得。右邊係明太子雞翼，明太子釀到隻雞翼脹卜卜，鹹鮮並重🤤海老忌廉薯餅本身以為得一塊，原來有兩塊😍相比起薯仔嘅綿滑，忌廉creamy嘅質感比較重，而外皮亦都係脆卜卜，趁熱食好正！三個卷物係重頭戲，嚟到嘅時候嚇親我😂份量相當大，兩個女仔唔會食得晒，😂😂火山有青瓜，牛油果，蟹柳同帶子，焗過果然有啲火味，相當惹味。金龍卷有芝士，三文魚同炸蝦，三文魚幾新鮮！超級龍捲風就有芝士，青瓜，蝦，鰻魚同脆片，配搭都幾唔錯！