人和荳品廠 (已結業)

人和豆品店位於街市中間， 好明顯係做街坊生意， 店鋪裝修十分懷舊估計間鋪都有番咁上下歷史。 如果來旅遊參觀下街市再睇下呢間嘢都算係幾有特色， 鋪面仲有賣豆腐豆腐卜同埋芽菜 ， 兩邊牆上面層架放滿腐乳 。我哋食咗一個凍豆腐花九蚊唔算超貴但係都唔係特別平， 個豆腐花算係好滑 冇乜其他怪味。 算係標準傳統古早味。 黃糖自己落多甜少甜自己控制， 另外食咗個餃子佢入面用椰菜做， 但係入面嘅肉就應該算係份量比較少，都幾特別都煎得好香， 餃子反而唔算好貴10蚊4件。 兩樣嘢加埋食咗19蚊 如果旅遊呢純粹試下都算係好抵不過要經過一個比較污糟嘅濕貨街市。 佢哋另外有一個比較傳統嘅做法就係用雙手 處理 豆腐，但係同時又用番嗰雙手收錢 過程中唔使洗手抹手。

今日晏晝想食甜嘢就走咗去旺角奶路臣街人和荳品食下佢啲豆腐花同煎豆腐同飲佢自製嘅冰凍豆漿！呢間鋪頭起碼幫襯咗佢十年, 但係味道始終如一, 一樣咁好味, 全部自家製嘅食物。我去親都起碼食三樣嘢, 食冰凍豆腐花加糖水及黃糖, 兩樣嘢一齊加先至會好味道, 煎豆腐係係溝埋d肉一齊煎, 食之前加d辣椒醬先至份外好味, 一碟四件,仲係即叫即煎熱辣辣噉先至可以保持新鮮好味, 最後臨走嗰陣時一定要飲埋杯冰凍嘅鮮豆漿, 噉就成為我今日嘅下午茶！"正"其實佢哋仲有自家製腐竹, 豆腐同腐乳, 好多豆類嘅製成品通通都有齊！你又點可以錯過呀？😏

今日要去旺角街市陪阿爸買餸，行過路過見到有間荳品廠都幾隱蔽，就行左入去試下。入到去得好少位，大概20張櫈，多數要搭抬，坐得唔舒服，不宜逗留大耐服務員態度唔掂想落單要叫5次，阿姐聽到又好似聽唔到咁，又聽D唔聽D，但係野食2分鐘後都上哂抬豆漿$5/杯 （外賣$6/杯，$12/枝）豆腐花$8/碗，$13/大碗（外賣同價）煎豆腐/煎餃子$9油渣麵$19韮菜豬紅腸$28豆漿$5唔夠10秒就上枱好鮮👍原本好滿，有好多泡泡😱豆漿係自家磨出，略嫌太甜，本身自己唔係好鍾意甜嘢，但係對阿爸黎講係啱啱好，仲要左兩杯。豆腐花$8豆腐花可以揀凍/熱，炎炎夏日梗係要凍啦！阿姐即刻喺雪櫃拎出黎。豆腐花係自家撞，咁啱師傅就喺我面前撞，好壯觀豆花其實普普通通，鍾意佢唔係好甜，又低卡，黃糖份量可以自己調整，啱唒減肥人士煎餃子$9/4件🥟一入門口會見到有個阿姐煎野，1分鐘後上到枱，雖然唔算即叫即煎，但係都係新鮮滾熱辣，即刻食仲會辣口！外皮好脆內餡主要係椰菜，冇肉，呢點值得欣賞。唯一唔好就係用左好多油去煎，餃子上面好明顯泛起油光，食到最後更有好多油喺底整體來看都唔錯煎豆腐$9/4件兩口咬完一件，驚喜在於下面有一薄片鯪魚肉，可

一向都好鐘意食豆腐花🤤🤤🤤🤤所以行過見到就即刻入去食番碗豆腐花我一定揀熱既！叫完好快就有得食！望落已經好滑咁🤤 我冇落黃糖 佢本身已經有啲糖水 所以食落都好夠甜！ 口感係好滑！！！而且好有豆香，豆味濃👍🏽👍🏽👍🏽👍🏽👍🏽👍🏽不過12蚊一碗，唔算抵，但可以話係質素對得住個價，好好味所以我都好滿足🤤🤤🤤👍🏽👍🏽👍🏽👍🏽👍🏽我諗之後行過都一定會入去食番碗！

近來上了股豆腐花癮，食完一間又一間。在旺角迫完，小人刻意去了人和荳品廠吃豆腐花。過年熱了幾天之後，氣溫又突然跌了幾度，不過迫人之後小人都是要凍豆花，一解被迫之熱。凍豆花放在雪櫃，即叫即取。看起來豆腐花似是迫爆碗，但現實是碗是超級的細隻，所以根本容量極為有限。豆腐花撞得超水超滑，石膏粉不算多；然而可能是大量製作，豆亦相對地不多，猶幸豆味仍香，流質的程度就好像喝著杰一點的豆漿。最美妙之處是本身已夠清甜，無須額外加糖。宭局之意全消！

點左老店既招牌食品 魚肉釀豆腐配豆漿不論豆腐同豆漿都係老店自家製 所以有品質保證！豆腐煎得外脆內滑 而且size更係無呃人 足足有一吋咁厚 雖然魚肉唔係釀滿整個豆腐表面 但其實佢釀得好深 所以食每啖都有魚肉味！老店有咸豆漿同甜豆漿供應 豆漿味濃 香滑 無絲毫榨粒  

我未食過咁難食嘅豉油皇炒麵，乾到爆，冇鑊氣紫糯米豆腐花就普普通通啦，冇乜驚喜但係夾埋收我$46真係唔係好值囉諗住人和都係老字號應該係質素保證，以前食過銅鑼灣嗰間嘅炒麵都算唔錯實在太失望

食物真的不錯，我住在附近，一放假就去食豆腐花。而且有時食2碗做午餐。但今日我真係幾嬲。今日買餸後去食豆腐花，我俾個廣東話唔正既店員惡言相向，我話要大碗（2碗）佢話無，跟住唔理人，我等左一陣唯有搵出面煎豆腐姐姐幫手，個位惡店員竟鬧我無人性，話講左唔識聽。佢d廣東話衰過其他人鬼識聽咩？係唔係唔想洗多隻碗唔想做？又俾錯野人，係唔係唔想搵錢？唔係人地唔俾機會佢，而係佢自己唔想搵錢

與小孩往旺角購買冬季校服後便走來街市買菜回家，路經此地總要放低幾両銀。豆花每碗$8，豆漿每杯$5，店内還有煎豆腐, 煎餃子供應。凍豆花很清涼，吃一啖已嚐出淡然的豆香，入囗滑溜，質感不薄，越吃亦不會感覺喉頭黏結。

天氣很熱, 必須降溫, 恰巧路經 人和豆品廠 .... 立即入去幫襯 ~滿有歷史的招牌menu ~熱到爆炸, 當然點了 凍豆腐花 & 豆漿凍豆腐花 $8 豆花滑嫩柔醇, 豆味香純, 輕輕的甜度更顯豆香, 個人認為無須再加黃糖/糖漿 ~豆漿 $5豆漿的味道同樣是豆味香濃, 可惜略為偏甜 ~本篇完 ~

星期六行街市行到周身汗，所以就入左人和荳品廠抖一抖無論天氣幾熱都好，豆腐花都應該要食熱既，因為係滑好多千祈唔好攬散晒啲荳腐花，要一層一層咁食到底先至會感受到有幾滑~~~而且豆味香濃! 正呀!!!加埋杯凍豆漿就可以解暑喇放心，豆漿絕對足料製作，唔會稀到好似水咁，有豆味!係輸在D渣隔得唔夠清....煎豆腐上枱時覺得有啲失望，份量得咁少??不過底面都煎得好脆

一向鐘情古老裝修既豆腐店，呢間係我最愛既一間，原因係佢就係我印象中，第一間接觸有賣豆品又有得坐底食豆腐花既店舖。佢呢間老店有幾老字號我就唔知，雖然印象模糊，但我相信我第一次黎可能已經約三十年前，當時仲有阿媽帶住我入去食。以前有冇賣煎豆腐就唔知，豆漿豆花就一定有。今次無飲豆漿，點左個豆花同煎豆腐。其實我好少食煎豆腐，十次十次都係豆漿豆花，不過今日無晚飯食，就試下佢既煎豆腐當晚飯啦。煎豆腐﹕釀左好簿既魚肉，不過無所謂，重點都係豆腐，佢唔釀我仲開心。豆腐煎得香口，入面又嫩又滑，加少少豉油甜醬去食，一陣間就已經食完，係油左少少！豆腐花﹕水準十年如一日，勁滑，香港好多豆腐店都做唔到既水準！不過係呢個4-5點食下午茶又係買餸時間，實在多人得不得了，要等位之餘，亦都清唔切枱。外面要買豆腐既有，買豆漿既有，買外賣既有…入面要埋單既有、落單既又有、企係到等位既又有…我就係等清枱果個。上手食到打完仗咁…都無人得閒理我，差D要係垃圾堆中食完呢餐！

每次經過旺角都會黎呢度食野,佢既豆漿好濃豆味,果然係老字號既出品。另外我每次都叫既就係煎餃同豆腐花,煎餃既外皮卜卜脆,餡料十足。豆腐花好滑,糖既份量岩岩好,甜得黎又唔會蓋過豆味,簡值perfec池!!!!

早上出九龍去辦點事,順便行旺角街市,有數個地方是會不其然入去光顧的,人和的舊舖是其中一間!坐下便叫了凍豆槳及煎豆腐!豆漿 8/10 ~ 夠涷夠濃有豆味煎豆腐 7.5/10 ~ 一碟4件,面層薄薄的魚肉雖粉重,但不腥,豆腐豆味不濃但夠滑,熱辣辣煎香了外層,點上了豆瓣醬,好吃!$13的輕量早餐,收貨了

第一次去呢間分店食，熱豆腐花好平，先係＄7碗，老字號真係世厲，豆腐花好滑好香，滑不留口，小小鞋都無，豆腐味唔係話好濃但係好香，碗豆腐花已經有小小糖嘅糖水，唔係好甜，咁好此仲好，一黎唔好食咁甜二黎食都更香嘅豆味。好適合做下午茶或者係飯後甜品。