人和荳品廠 (已結業)

今日晏晝想食甜嘢就走咗去旺角奶路臣街人和荳品食下佢啲豆腐花同煎豆腐同飲佢自製嘅冰凍豆漿！呢間鋪頭起碼幫襯咗佢十年, 但係味道始終如一, 一樣咁好味, 全部自家製嘅食物。我去親都起碼食三樣嘢, 食冰凍豆腐花加糖水及黃糖, 兩樣嘢一齊加先至會好味道, 煎豆腐係係溝埋d肉一齊煎, 食之前加d辣椒醬先至份外好味, 一碟四件,仲係即叫即煎熱辣辣噉先至可以保持新鮮好味, 最後臨走嗰陣時一定要飲埋杯冰凍嘅鮮豆漿, 噉就成為我今日嘅下午茶！"正"其實佢哋仲有自家製腐竹, 豆腐同腐乳, 好多豆類嘅製成品通通都有齊！你又點可以錯過呀？😏