人和荳品廠 (已結業)

晚飯前與外子到人和祭一下五臟六腑,開0係街市的旁邊,雖然到了六點,但食客依然不絕,我們叫了一碗凍豆腐花、一碟煎餃子和一碟煎釀魚肉豆腐,各$5。凍豆腐花- 好滑好有豆味煎餃子- 裡面有椰菜同豬肉,餃皮厚,而且油膩,吃到滿口肥油,但味道不錯。煎釀魚肉豆腐- 四塊豆腐,兩面都塗上約0.1cm的魚肉,煎至金黃色。口感相當之好,外面香口,而魚肉都打得幾「蓉」,裡面軟軟的。但略嫌魚肉太薄,而且非常油膩。總括而言,豆腐做得不錯,夠滑亦夠豆味,平平地都算填到肚。

公司個美國客問我香港有咩特色食品，腦中即時浮現呢間老店。二話不說，放工就捉左個客黎食。5 元豆腐花，自從婆婆唔係度，已經無左薄得出奇的神技。不過，豆腐花既幼滑同豆香，係幾十年不變，依舊無貪功減料。4 元豆漿，飲得多街外「糖水」，黎到呢到整翻杯真正的「漿」。平時行完朗豪，就係後門出，行過小巴店多個半街口就到。係舊店的環境下飲翻杯真正豆漿，真係一件賞心樂事。再加上咁既價錢，實為本人最愛甜品之一。

今日收早行過想入去食豆腐花味道一貫地好又滑又有豆味始終熱食係香d同好味過凍食凍食會較實同場加映:有人推介過奶路臣街同廣東道個轉彎角前行少少有一檔街邊檔既糭今日買左一隻試下雖然只係齋料包但味道好又大隻只賣5蚊好抵食又好好味

今日有得提早收工陪朋友仔番屋企食飯前黎呢度食d小食兩個人share左熱豆花($5)同煎釀豆腐($5)熱豆花雖然只係暖但仍然咁滑加少少黃糖已經好好味食左半碗真係有衝動encore但無奈要留肚食auntie既住家靚送煎釀豆腐一碟四件當然魚肉唔會好厚身但勝在煎得靚又唔算太油加少少豆瓣醬好野味雖然係用硬豆腐做成但一樣咁滑口正但如果有心試煎釀豆腐就要趁早今日唔夠六點已經賣晒

我細細個就住呢頭.. 到而家久不久都會去食豆腐花. 雖然佢身處一個街市裡面, 出面又濕又滑好污糟咁, 但是我個人的童年回憶(細個陪阿媽買送). 好, 講番D 豆花, 真係好滑, 滑到吞左都唔覺. 不過價錢越來越貴, 但可接受. 煎豆腐味道也不錯.佢D 分店裝修咁"連鎖式", 好難及呢間的老字號風味. 佢D 腐乳擱到好高的場面實在係經典

婆婆以前住旺角街市嗰頭, 而我細個亦是在婆婆家長大, 而最愛亦是豆腐花, 好自然地, 每次婆婆或媽媽帶我落去買餸時, 例必去食... "一碗熱豆花走甜+一杯凍豆漿" 是例牌的~ 廿年眨下眼的過去了, 婆婆今年也"離開"了, 所以間唔中都會去"人和"回味及回憶一下.. 超滑及勁重豆味的豆花和豆漿, 在其他地方真係食唔到.. 雖然街市地方係有d濕濕淋淋, 但仍然見到好多老街方黎幫襯~~~見佢依家仲有d煎餃子, 煎豆腐魚肉&韮菜豬紅等, 但我無試過.. 因始終覺得嗰度食係"荳品專家" 佢仲有賣d軟/硬豆腐, 腐竹&生根等, 間唔中媽媽都會買返黎煮餸.. 超市的盒裝豆腐真係無得比.. !!!但我曾經在citysuper食過$16一舊的"絹豆腐".. 都係勁好食.. 但和"人和"比. $4一舊.. 都係"人和"最抵食!!!

今日下晝跟女友到旺角街市買菜預備母親節晚餐。行得有D攰，睇見呢間老字號，就入去幫襯吓..叫了凍豆花及豆漿。豆花夠滑，我真係食慣咗响澳門嘅頤德行la，係香港永遠都食唔番。甜度係可以嘅，但D糖水係預先落定嘅，我都係鍾意自己落，如加上黄糖會更正...豆漿都有少許豆味，亦夠凍，消暑佳品。

黎呢頭上堂因為時間緊迫食d野算數本來想食廖合同但搵唔到唯有放棄黎左呢度叫左凍豆花加韮菜拼豬紅凍豆花只係加左糖水已經好夠甜個樣睇落好似好普通但點知食落有豆味亦夠滑好在係滑得黎仍然有口感又只係5蚊好抵食韮菜豬紅就好普通喇而且只係水煮無乜味道可言如果有下次既話都係叫番煎豆腐好dp.s.味道4分係俾豆花

又玩私房菜，今次是去親戚的家。晨咁早已經去到旺角街市，買點魚蝦肉及菜。天氣悶悶熱的，正好坐低食碗荳花，歇一歇。唔知呢度跟出面比較新的人和有何關係，亦沒有多大興趣知。只知格局跟同區的廖同合幾相似，荳品荳腐又係自家製，亦是藏在街市中間，看樣子已經要來試試。如一般老式荳品店如公和、德興隆等，這裡沒有冷氣，得幾把牛角扇在轉轉轉。十一時許，人客不少，有幾多都好似是我這般的買買下菜來歇歇的。叫了例牌菜，即凍荳花加碟煎釀荳腐，押尾來杯凍荳漿。荳花豆味不算濃郁，但就非常滑溜，自家製，點都有分加的；煎釀荳腐煎得幾香口，荳腐亦當然的滑溜，5蚊一碟，一碟5件，非常之經濟抵食。難怪是人人必叫的食物，又煎來煎去都不夠應市。埋單14蚊，吃得飽飽，好抵食，路經此地要一試。