亞蘇爾 (新城市廣場) (已結業)

星期六休息夠就出去搵食。中西日意食黎食去，今次試下澳門葡菜😬本身好想食水蟹粥（去澳門必食）希望係香港都食倒咁就唔洗行咁遠啦，弊在我地去到太晏，已經賣晒😞唯有叫其他野食。沙梨頭手打墨魚餅，香口小食人人愛，墨魚餅酥炸得好香脆，啖啖墨魚味，配葡式辣醬好惹味。🐷扒包亦係遊澳必食，豬仔包烘脆，配上生炸豬扒，可以暫時頂住先，下次澳門再食。溫泉蛋魷魚🦑墨汁意大利麵，無水蟹粥唯有食最愛黑嗎嗎墨魚汁面，不過就略嫌太咸，有點失色。

行沙田新城市廣場見到呢間亞蘇爾，之前唔覺眼，應該都係新開嘅，見到食葡國菜，二話不說入咗餐廳一試。葡國雞配白飯作為招牌菜之一，當然唔會錯過呢個葡國雞啦。感覺雞嘅選料都幾香滑，唔算非常煙韌，份量ok，葡國雞汁點飯係絕配。芝士馬介休球大概有六七件，芝士餡，上菜熱辣辣趁熱食超好味。另外配有沙律醬同埋小辣醬，仲有沙律配菜，賣相吸引，味道都唔錯。辣肉腸炒雜菜，點呢碟菜貪佢夠健康。辣肉腸唔算好辣，雜菜嘅成分豐富，有粟米、火腿、椰菜、菜心等等，所以食落口感層次豐富，唔算非常油膩。飲品方面點左特飲，分別係薄荷朱古力沙冰同埋芒果柚子沙冰，喺夏日炎炎飲呢啲沙冰就最適合不過啦，有解暑作用。價錢方面，埋單400蚊兩個人可以接受。最衰飽得滯，如果唔係走嗰陣另外再加個葡撻作甜品，因為門口見到有啲葡撻好似好吸引，下次有機會再試。

今日lunch Time 同同事去新城市試試以家新餐廳。環境唔錯，午餐價格大概為$70-150, 種類到算豐富，有大概十種選擇。我揀左十月初五松露蝦籽意大利麵，午餐set，連湯/沙律加餐茶。上菜速度唔快，等左20分鐘左右。由相可見，蝦籽松露相當多，蝦籽既鮮味都好出，仲有少少海鮮添！而且個source都相當濃郁同creamy，味道好唔錯，但要注意襯熱食，而且最好係一齊share，一個女仔食真係會太heavy啦

最近行開新城市，發現底層開左好多新餐廳。西餐，鐵板燒，日本菜就連澳門菜都應有盡有。不過澳門菜就真係少見啲，所以今日就去試下呢間啦餐廳裝修都好別緻有別於以前我食既澳門餐，但八九不離十呢個係set lunch 送既南瓜湯，好足料，啖啖都食到南瓜絲，非常濃郁香甜十月初五蝦籽松露意大利麵會唔會太足料丫？滿口蝦籽超鮮味，再搭配黑松露味道層次非常豐富。芝心馬介休球伴香草沙律醬真係芝心仲有少少流心feel,馬介休味唔算重但係芝士因爲有咸味所以如果馬介休都重口味就會過咸，果然有考慮過葡汁芝士焗青口青口面上鋪滿椰子絲一齊焗，脆口有層次，青口鮮甜多汁焦糖葡撻食澳門菜點可以無葡撻？呢個仲要係焦糖面！葡撻熱辣辣而且就算係焦糖面都唔會過甜過膩

今天我和朋友相約吃晚飯 ！有人建議食葡國菜 ！咁啱沙田有間葫赤都算最近先開嘅一間寫住澳門菜的叫阿蘇爾餐廳 ！ 外觀都比較吸引 ，一行三人就坐下叫經理來有乜好介紹！ 他就建議我們， 有幾個特色菜可以試試 ， 於是我哋就大了以下幾個菜式 🤗墨魚餅阿蘇爾小食拼盤 芝士馬介休球非洲雞伴薯菜 葡式烤乳豬這幾度菜， 首先嚟墨魚餅一口吃下去覺得非常鮮味 ，同埋好多墨魚粒粒 ，好有咬口又彈牙，非常好食 😋跟住芝士馬介休魚球，炸得啱啱好非常酥脆 👏🏻亦有魚嘅鮮味道，原來芝士和馬介休魚係好夾 ！有啲驚喜！從未吃過這種感覺，非洲雞烤乳豬 、同埋小食拼盤亦不錯，雞肉嫩滑外脆內嫩 👍🏻估不到在香港都可以吃到不錯的葡國菜！ 最後當然叫了甜品啦！ 葡撻都好好味㗎， 熱辣辣！正🤟🏻所以大家不妨可以去試試這間葡國菜☺

一段時間冇來沙田, 新城市又多左好多新餐廳, 老友想試新開既澳門菜, 當然奉陪呢間叫亞蘇爾既餐廳其實 cross over 澳門菜同葡國菜, 好多選擇叫左三個菜分別係辣肉腸炒雜菜, 脆皮乳豬配薯菜同盲曹魚伴檸檬白酒汁海蜆, 先講辣肉腸雜菜, 一上枱就聞到好香, 即刻試下: 菜好爽口, 用既香料好出味 (應該係求先好香既來源) 平時食既辣肉腸多數一片片, 呢度就切成條狀, 食落就比較有咬口第二個上枱既係脆皮乳豬件配薯菜, 乳豬件數唔多, 因為仲有好多薯菜同伴碟; 豬肉咬落唔似港式乳豬咁多油, 香香脆脆, 如果送埋啤酒仲一流; 雖然乳豬係主角, 但其他伴碟一D都唔迅色, 粗炸薯條同翠肉瓜都好好食, 成碟菜基本上係一件不留最後一味就係焗盲曹魚伴檸檬白酒汁海蜆, 我就覺得呢個精髓在個汁, 魚同蜆味都夠鮮甜, 但當點埋個檸檬白酒汁, 就提升去另一境界, 而且盲曹魚上面用左好多香料一齊焗, D香料味入哂魚肉入面, 更加不得了再加埋個餐廳出名既葡式蛋撻, 兩個人食得飽飽又滿足, 成為五百大元, 都幾超值

新城市廣場一樓換了很多新食店，見到亞蘇爾澳門菜經常有長長人龍。今日比較早收工有時間排隊，一於試一試。餐廳裝修感覺活潑唔侷促，一邊有卡位坐得更舒服。天氣仲係有點熱，飲杯野先!亞蘇爾群島   $68(VODKA, 冧酒, 青檸, 薄荷葉, 七喜)直覺覺得同餐廳同名，應該係首本名飲的確幾清新都唔會太重酒味惹味非洲雞配薯菜   $148第一次食非洲雞，原來是雞件上面有一層厚厚的醬，醬入面有少許辣味和惹味的香料，再於表面加上麵包糠，有幾種不同的口感。切開雞肉 仍然保持肉汁配菜薯角和兩種瓜都認真製作，薯角保持脆口，瓜類亦燒得剛好熟。咖哩B牛坑腩(飯)   $118不知道是否葡萄牙式咖哩，這款咖哩不會很辣，比較偏向椰汁味重。以二人份量來說，這個牛坑腩份量比較多， 如果三個人吃比較好。牛坑腩吃出很入味，而且香料味濃郁，一塊可以送整碗飯黃金多士伴雪糕   $65老實說，我們吃下主菜已經夠飽了，不過! 女生吃甜品是另一個胃呢! 而且看旁邊的人吃這個很吸引~幸好有試，黃金多士外脆內軟滑，即叫即造的新鮮口感。內裡是令人滿足的濃厚蛋香，與 雲呢拿雪糕絕配。這個晚餐實在是令我們很滿足，店鋪比較 寬敞，可以放心傾計

Another new restaurant in town, I deliberately come here to try their signature dish, Spiced Pork Chop BunThe pork chop bun obviously is the star of this dish, however, without the potato wedges aside, it won't make the dish looks more complete. The pork chop is tender and juicy. no disappointment indeed, no wonder it is a must try in their restaurant.

山竹後的約會, 就在沙田市中心仍算新的飯店, 一間來自澳門的亞蘇爾地方寬落光猛, 最喜歡這樣的坐得舒服; 時間雖然尚早, 但已經有1/3 就座客人, 看來頗受歡迎兩個人吃得不多, 簡單點了三個菜, 加個甜品照顧第二個胃就剛好等了一回就上第一個菜 - 葡式辣肉腸炒雜菜, 這個在澳門餐廳常見的菜, 辣肉腸不算辣, 不過香味適中, 雜菜味道新鮮; 特別喜歡雜菜裡的小蕃茄加了少少的芝士, 在熱力下輕輕的滲透出來, 令雜菜的香味有了不同的層次主菜點了葡式香烤脆皮乳豬件配薯菜, 驟眼看有點像燒雞, 吃在口裡就切實是乳豬 ; 乳豬皮香脆而不會過硬, 小朋友老人家也可以吃得津津有味; 豬肉質地嫩滑, 而同碟的粗薯條非常香口, 配送三款味道醬料任君選擇, 青菜蘿蔔各有所愛, 照顧不同客人喜好, 很細心烤過的翠玉瓜特別香甜另一主菜- 烤焗盲曹魚伴檸檬白酒汁海蜆, 盲曹看來不像平日街市見到的, 魚肉很滑, 甚少骨; 記得要沾檸檬汁, 魚肉味會更鮮甜; 蜆肉雖然小小的, 但不減鮮味第二個胃今晚說想吃餐廳的招牌甜品 - 杏仁餅木糠布甸, 甜品上的指明是澳門英記杏仁餅, 當然一流味道; 配上不太甜的木糠布甸, 甜

今日喺沙田竟然搵到一間咁有特色嘅澳門菜。😀😀新城市廣場呢度有好多間餐廳林立，但係最後都揀咗呢間澳門菜去試吓啦。睇Menu嘅封面已經諗起係澳門嘅美食。室內環境寬敞，設計有時尚感，又有葡撻食物嘅畫我哋叫咗個路氹蝦醬炒雜菜，鵝肝焗鴨飯同埋一個手打墨魚餅。手打嗎魚餅，份量但係除咗墨魚餅之外上面仲連咗一啲炸粉絲令到口感更加豐富外脆內軟嘅墨魚餅，味道10分香口最適合用來做前菜路氹蝦醬炒雜菜，充滿着蝦醬嘅鹹香味，而且啲菜吸晒啲汁味大大碟，有不同款式嘅菜類。最後有呢個鵝肝鵝飯香烤煎鵝肝，一啲都唔腥反而有好香既鵝油味油香流入飯到令底層既飯充滿鵝香

三人行去新城市睇戲，散場後行出嚟搵食，記得上次經過這間食澳門菜的食肆，便過嚟試試。我們叫了葡式烤脆豬配薯角$188(乳豬皮仲脆的，我不吃豬，但家人說好味)，芝士馬介休球$75(馬介休球，這款是我去澳門必食的，但這兒吃不出芝士味及馬介休味，有點失望)，亞蘇爾蝦咖哩炒飯$118(有少許咖哩辣味，炒得很乾身，味道也不錯)，蝦子松露意大利麵$128(女兒說醬汁很多，味濃，好味的)，芒果柚子沙冰$53(唔記得問飲呢杯嘢的那位，好唔好飲😂)，芒果果粒茶$58(女兒話甜到漏，我問她:熱茶都甜的??她說是喔！)凍啡$32(濃啡味，但不好飲)，飯後叫了三個葡撻做甜品$14/個，兩個原味(好正)，一個鮮橙檸檬味(女兒說有橙味，幾特別，又好味)。埋單連加一 $904，平均$301一位，好過上星期去食的意粉屋好多了，雖然食物不算很精彩，但總算合格，選擇也不少，有機會再來的。

唔使去澳門都食到正宗葡國菜啦💕呢間餐廳的葡國菜很有澳門本土風味，每款菜式都很有特色🐶亞蘇爾小食拼盤($162)芝心馬介休球做得不錯，食到馬介休的香辣肉腸芝士脆多士份量夠，配搭很特別但味道很好🐶葡式檸檬白酒煮海蜆($118)海蜆很入味，好鮮甜，白酒香蒜混搭味道剛剛好🐶葡式辣肉腸炒雜菜($78)很有澳門特式的一送炒菜用上橄欖油炒，不會過油，但加上辣肉腸，簡單一道雜菜都變得很豐富🐶花地瑪溫泉魷魚墨汁意大利麵($128)出乎意料地把墨汁意粉煮得很好，滿滿的墨汁，加上軟硬適中的意粉配上溫泉蛋，滑滑的口感，墨魚汁味道很好，小心食到滿口墨汁！哈笑🐶惹味非洲雞配薯菜($148)這個非洲雞用上豐富的椰絲舖面再炸起，很濃郁的濃子味很有葡國特色的一道菜，炸薯角夠惹味香口！好味道 ———————————————————香港的葡國菜來說，這間算是數一數二的高質素每道菜都有葡澳特式，服務也很好！誠意推介！

沙田開了間葡國菜，正巧前段時間吃過元朗那間店，剛好約了朋友在沙田吃飯，決定試試看。這次決定要試一下不同的菜式。馬介休炒雜菜，這款味道比想像中好，不會那麼重味，雜菜的種類蠻多，菜也留有水分不會很乾，又不會覺會很油膩，還不錯。第二款是馬介休球，因為上次吃完很喜歡所以再叫，表皮炸得香脆，裡頭卻軟軟的，味道咸香剛好，配上兩款不同的醬汁，挺惹味。這是依好友要求叫的葡國豬首，配有不少薯條，豬首腳挺肥美，豬皮烤得很脆，還有烤過的翠玉瓜作配菜非常豐富。共有兩款醬可沾著吃，一款黃芥末一款是辣的蕃茄醬。任君選擇～結帳約$330左右，有豬首在內其實性價比挺高。不太貴。

與朋友來到沙田，用OP訂位時才發現原想去的那間已經結業，唯有另外再揀。見到一間寫著是食葡國菜的，不妨去試試，原來食店也是新開張不久的。由於朋友已經逛到有點累，又怕遲了難找位，於是就決定食個早的晚餐。5時20分來到，原來要5時30分才可進入，難怪之前打電話來訂位會沒人接聽。待到夠鐘我們就第一批進入，原來也不只我們是這麼早的。朋友可能因為很累的關係，所以也沒有多大胃口，他點了葡國雞配蒜蓉包($128)及焦糖葡撻($14)，而我就單要了東望洋芝士鮮菇焗豬扒飯($92)。我的東望洋芝士鮮菇焗豬扒飯顏色較深，不像一般的鮮茄色，豬扒已經切開以方便進食，肉質尚算腍而不韌，汁內有些番茜，上面放了很多炸過的蒜蓉，味道也還算可以。朋友的葡國雞配蒜蓉包葡汁很稠，椰奶味重，加有半邊雞蛋，上面放了很多椰絲，朋友說味道只是一般，但以這樣的食店來說價錢不便宜。而他另外要的焦糖葡撻食味還算可以，但較為小了一些。兩人平均消費$129。

原來沙田市中心呢度開咗間閒葡國餐廳叫阿蘇爾。呢日晚上經過時見到門口好多人。就攞飛等位試下。夜晚八點開始攞位，等左大約三個字就可以入座。餐牌嘅選擇好多好豐富，花多眼亂，好多都想食。最後我就點咗個辣肉腸炒雜菜，白酒煮海宴，葡國雞，以及係蝦子松露意大利麵。當然要試埋佢個焦糖葡撻。飲品點咗兩杯白酒。第一道上嘅菜係辣肉腸炒雜菜。雜菜好香配上橄欖油更加突出，辣肉腸好入味。白酒煮海鮮，海蜆冇沙，檸檬汁調得剛剛好。配埋蒜蓉包一流。葡撻好香脆，熱呼呼剛剛出爐。蝦子松露意大利麵。雖然本身唔係葡國菜，但餐廳仍然住得好出色，好creamy，意粉亦有咬口，海鮮好新鮮。葡國雞嘅雞件好多件，葡汁煮得好入味，配上白飯或薄餅好好味。食完今餐非常之滿足，會返嚟食過。