亞蘇爾 (新城市廣場) (已結業)

個fd住沙田帶咗我哋嚟呢間城市廣場嘅葡國菜食野。原本冇咩期待，因為本身都唔特別好澳門野，但呢間餐廳又做得幾好食，喜出望外。當然價錢都唔便，4個人食左$1020。呢個係築就寫明係二人份量嘅，我哋四個人每人都可以分到兩細碗，咁我諗每人都可以有一碗嘅份量。鐵兜橙色嗰啲係蟹膏，超濃郁！原本個粥已經好香蟹鮮味， 而且蟹肉嘅份量唔少，有整整一隻蟹。唯一就係佢冇扑碎啲蟹殼，食起上嚟都幾麻煩。呢個蜆嘅湯又好惹味，食晒啲蜆都仲想飲埋個湯佢。墨汁意粉又係冇得輸，墨汁香濃加埋隻蛋黃撈埋個豬燒到吹卜卜好好食，大約有五六件。黃色嘅芥茉醬，橙色嗰隻係辣醬，2兜都幾辣。正個炒飯個樣就好似最唔吸引，我哋個個都係最後先食佢， 但係原來又好好食，有啲辣肉腸，炒個到飯好香好食沙冰比較綿，唔會有粗冰，再去都會再叫！

🍯🍳🍖想食葡國野唔使再坐船去啦～亞穌爾正式喺沙田新城市開咗分店，之前喺元朗食過雖然遠咗啲不過都正，有時覺得住喺沙田都真係好幸福😍應該係香港暫時食過最正嘅澳門菜👍🏻🤤🌮🥗極有澳門風味嘅＂沙甸魚三文治＂入邊啲芝士湧出嚟㗎😍💓拍得住我係澳門食既味道。＂葡式檸檬白酒煮海蜆＂小粉姐必食推介佢嘅蜆每一粒都脹卜卜，冇沙而且個汁非常特別，有檸檬好Flash嘅感覺加上大量調味料，尾調仲有少少酒香！超正！＂＂葡式香烤脆皮乳豬件配薯菜＂分量夠大，乳豬件外皮烤得好香脆，食落有少少so，肉質非常嫩滑。黃金忌廉軟心多士配movenpick雪糕，真係超好食又滿足😍欣賞佢用最高質嘅伴碟雪糕，每塊多士都配上柔滑忌廉，濃濃焦糖甜味，絕對係一個出色嘅飯後甜品就算好飽都一定要食晒😆最後都已係打包左幾件葡撻走！最特別係有咖啡味😍我真心覺得咖啡味好似好食過原味🤣

沙田真係好多美食，今日就約左朋友仔一齊去食澳門亞蘇爾葡國菜下午茶。宇治抺茶黑木糠布甸配焦糖葡撻加一杯熱檸茶只是62蚊。宇治抹茶有茶的甘味與木糠布甸一層一層的分間開，食到不同層次的味道。焦糖葡撻不會太甜，又有香濃蛋黃味，外層是一層層的蘇皮。一個葡撻真的不能滿足我的食慾。另加了一個葡式霹靂魷魚沙律，魷魚肥美肉厚，配上葡式辣醬，味道特別，又不會太辣，非常開胃。餐廳仲有幾款下午茶餐提供，行完商場購物完，之後可以鬆一鬆食過一個葡式下午茶，繼續瘋狂購物。

今日和同事們到沙田外勤工作，難得有時間一齊去食午餐，當然去食好東西。亞蘇爾之前我在元朗食過，覺得是質素不錯的葡國菜，所以就同同事一起去食。店內是新裝修的，設計時尚，座位亦好有空間感，坐得舒服。原來亞蘇爾有午市套餐的，那麼我們三人就每人叫了一個午餐share食。前菜包括精選餐湯或田園沙律伴自家沙律醬。是日餐湯為磨菇忌廉湯配法包，蘑菇忌廉湯香濃滑溜，配上少許的蘑菇碎亦增加了口感。田園沙律爽口新鮮配上酸甜度剛好的自家制沙律醬。滋補藥膳雞湯米藥膳湯底足料，以黨蔘、沙蔘、妃子、蟲草花及雞餚成滋補的湯底，湯底真係好正。米粉有米味，又爽口又彈牙又入味。雞件調味得好好，而且滑嫩。緬甸華僑椰香雞湯米湯底有香濃的椰汁味唔會羶，充滿葡式風情。米粉有米味，又爽口又彈牙又入味。雞件是炸過的，炸完的雞件既入味又滑嫩。咖喱B牛坑腩伴白飯咖喱濃厚配上少少椰漿，既香濃亦香滑，是白飯的良伴。餐飲要了凍檸茶及熱檸茶，茶味濃厚。跟餐加了一個是日甜品，是日甜品為木糠布甸。木糠布甸上的馬利餅淡淡的粉粉脆脆的口感與煉奶忌廉交叠的獨特口感，是葡式的味道。另外，單點了一個焦糖葡撻，葡撻熱辣辣，皮酥化，亦唔會過甜，唔錯。

南瓜湯好鹹，倒咗一杯水落去先剛剛好。如果湯上那兩粒叫芝士飽，咁真係覺得被欺騙。椰香雞米粉，湯無椰香味，好杰身，又係鹹得好緊要⋯而雞本身的調味都係好鹹😅其實鹹同濃之間，應該有分別吧！不會再去。

放假同老公去新城市行街，順便試下新餐廳。用咗新城市app訂位，就算晚飯時間去到等咗15分鐘都有位喇~葡式香烤脆皮乳豬件配薯菜($188)。大推~乳豬皮脆肉嫩又入味，兩個人分享啱啱好。薯條夠熱夠味，脆肉瓜烤過，有誠意。仲有茄醬，辣醬，同芥末醬俾你點。葡式霹靂魷魚沙律($82)。偏細碟，但都有十件魷魚。酸酸辣辣好開胃，如果再多啲菜就會更符合“沙律”之名喇~菠蘿辣肉腸鮮蝦馬介休咖哩炒飯($118)。果四隻蝦完全無味。咖喱炒飯偏咸，好彩有啲菠蘿粒減輕油膩感。炒得乾身，碟底唔會成啖油。可惜比想像中細，得兩碗份量。總結係，唔錯嘅選擇，啱曬鍾意重口味嘅你~

之前去澳門食葡國菜一直都想再試，聽聞沙田開咗間葡國菜，當然要約埋班朋友試食。6點幾去到已經好多人等緊位！我地人多佢又少大枱搞到等咗45分鐘先有位。等緊嘅時候先買咗葡撻食，做緊優惠買5送1，有三種口味，Kiwi我冇冒險精神試咖啡同橙味，食咗原味焦糖。批底幾酥脆，味道唔錯，唔算太甜，但就覺得偏貴，14蚊個。辣肉黑松露芝士脆多士。估唔到咁大塊，材料偏咸同濃味配上淡味嘅脆多士剛好。白酒煮峴。峴肉唔算多同大粒，但個湯就好鮮，少少咸飲幾啖ok。馬介休球。鹹香嘅魚味配沙津醬好食。辣肉腸鵝肝飯。份量唔多，都幾夠味，但唔算特別。盲曹魚伴海蜆。魚唔多骨，而魚肉就好嫩滑，唔洗點汁都好入味好鮮。烤乳豬伴薯角。乳豬皮好香脆，又唔會太咸，椒盐粉薯角熱辣辣好正。埋單每人大約2百蚊，都唔算好貴，可以一試。

沙田已經成日到，大多數啲嘢都試過曬， 食到冇嘢好食，見呢間新新哋又澳門餸 ，諗住都叫啱位口就走咗入去試望過餐廳食物的圖都叫做算吸引， 但來到每一樣嘢都非常之失望， 寫食評我好少畀到咁低分， 沙田啲嘢更加好少會食得咁唔啱胃口， 咖哩牛坑腩 好難會整得唔好食， 叫做係可以入口， 做咗呢餐嘅主菜， 起碼食得飽個人， 諗住叫咗個咖哩飯另外配個米粉清清地， 點知個粉嚟到勁傑， 好似得啲椰奶味咁， 啲米粉又硬， 平時食麵多過食飯嘅我， 完全唔想食曬佢， 食到個人冇曬心機， 唔知放緊乜嘢入口， 叫多個小食拼盤諗住多啲選擇， 點知來到嘅豬手凍食 魷魚又係凍食， 完全望住盤嘢問咗一句想點， 成餐飯最好食就係個小食拼盤上面嗰個芝士咸牛肉多士！哈 冇技巧嘅嘢梗係最好食啦， 仲要唔係平， 食完餐飯完全係一個頹字， 只想快啲走

中午來沙田吃午餐，和朋友選擇了吃葡國菜。 吃了一個午餐椰香難湯米，配送一個蕃茄忌廉湯及餐飲。蕃茄忌廉湯不過不失，椰香雞湯味道濃郁，有淡淡的咖哩味及濃濃的椰香，正。雞是煎雞件，四大舊雞，抵食。叫了招牌白酒煮蜆，來到見到的卻是較貴價的花甲。花甲味道不算太突出，白酒味比較輕，但牛油及香草味也調得不錯，份量及味道不過不失，未算很驚喜。另一名菜，葡國雞配上蒜蓉包，葡汁非常香濃，配有一些薯仔，橄欖及葡式臘腸。雞也是4大舊，大大件，頗滑溜，有雞香味，價格比雞湯米貴上一點，雞湯米是lunch set特別抵食，如果四個人來的話，叫個葡國雞，每人吃一舊也不錯。蒜蓉包烘得很脆口，比較特別的是它是配有芝士味的，可以單吃它的脆，或沾上葡汁吃，兩種不同風味。最後，簡單健康喝杯熱檸檬茶，便很滿足。餐廳坐得舒服，裝修也很有葡國風情，午餐價錢相宜，總括來說，可算是沙田中可一再品嚐的餐廳。

近日經過沙田新城市廣場， 發現開咗一間新葡國餐廳 "亞蘇爾"。 今天打算去試一試這間餐廳， 我們大概六點半到餐廳都發現差不多滿座， 如果遲一步已經有好多人在門外後等了。 平日都咁多人，應該有番咁上下水準。餐牌上看見這個"燒焗盲曹魚伴檸檬白酒汁海蜆"圖片吸引住， 這個盲曹魚燒焗得剛剛好，魚肉香滑配埋檸檬 白酒汁好鮮味。 還有這個"十月初五蝦籽松露意大利麵", 上枱時已經聞到濃濃嘅松露味配搭埋忌廉汁這個意粉做得非常美味。再加個葡式辣肉腸炒什菜。最後再加多兩個焦糖和咖啡味葡撻做甜品， 這餐吃得非常豐富又滿足。

在香港想念澳門味道，路經沙田新城市，聞到香噴噴葡撻，不禁走進店內，一嘗澳門的味道。 和友人點了一個馳名豬扒包，乳豬配炒飯及葡汁焗時蔬。 店員誠意推薦，加上我們是食肉獸，便加點了這個菜。 這店上菜速度快速，店員下單準確，熱心助人，讓我和友人食得很愉快。 前菜同湯都係水準之作，忌廉金荀湯好rich，仲配左兩片包，吸晒湯，一讚。 豬扒包名不虛傳，比我手還大，兩邊製作很有誠意，也烘過脆脆的。豬扒十分厚身，醬料味道也十分配合，另加上新鮮炸薯角，$78加一，性價比高。 另外乳豬表皮也烤得十分香脆，邊食邊卜卜聲， 讓人想再食多點，配有芥末醬及特色醬料，滿有澳門風味，友人大讚炒飯有特色。 葡汁焗時蔬更是這次的重點，那椰汁的甜度配搭剛剛好，汁令整個菜式更為豐富。配上芝士再焗一下，又香又甜又好吃。店員無介紹錯，兩人吃到捧著肚走，感恩碰上水準餐廳呢間店都好多野選擇，不過今次得兩個人真係無得試到太多，下次再戰 。

上星期五晚同男朋友黎新城市搵食，見到呢間新開既澳門菜好似好吸引，就決定試下。餐牌有好多樣野都好吸引咁，但我地得兩個人，又唔係太肚餓，就叫左兩樣野試下。辣肉芝士脆多士 - 超好食！好重芝士，食完兩塊已經好飽鐘意食芝士的朋友唔好錯過啦。係有啲重口味但感覺好滿足！十月初五蝦籽松露意大利麵 - 呢個餐牌有推介，好多人都有叫。好好食，配搭幾特別，絕對推介大家試見到餐牌仲有我好想試的豬扒包，可惜今次食唔落啦。下次會再黎！

自從係澳門番黎之後就患上了「葡式美食飢渴症」😣當知道「亞蘇爾」黎沙田插旗🚩仲唔立即去試😍❓。「亞蘇爾」主打澳葡菜🇲🇴🇵🇹唔係澳門菜❌亦唔係葡國菜❌而係喺澳門蘊釀孕育出來的葡國菜式😋甚具澳門地道風味☺️。主菜方面，今次食左脆皮乳豬同埋葡國雞兩款都在水準之上😍。🐽葡式香烤脆皮乳豬件配薯菜乳豬烤得挺乾身，但食落口肉質又唔鞋仲聞到好香乳豬獨有嘅羶味，皮脆可口Very OK㗎👍🏻。🐔葡國雞配蒜蓉包另一道主菜亦冇揀錯😊葡國雞個汁椰香味好重，非常濃郁😋雞肉仲嫩滑到不得了(Surprise!😍)起埋骨，啖啖肉🍗真係好食💯如果仲有肚食甜品，一定要食埋呢款Signature甜品😍😋🍞黃金忌廉軟心多士伴Mövenpick雲呢嗱雪糕🍦多士外皮金黃香脆👑中央係軟滑嘅忌廉淋上焦糖醬甜到入心🍯最正係配Mövenpick雪糕食❣️冰火交融嘅感覺超棒🤤。————————”🦋”————————。🐔葡國雞配蒜蓉包 $128🐷葡式香烤脆皮乳豬件配薯菜 $188🥪黃金忌廉軟心多士伴Mövenpick雲呢嗱雪糕 $65🍫薄荷朱古力沙冰 $53🍹熱情果梳打 $42。

👍好惹味嘅澳門菜🇲🇴～～～～～～～～～～～～～～～～～～沙田又有新野食，今次係澳門菜—亞蘇爾。烤焗盲鰽魚($168)盲鰽魚側邊有檸檬白酒汁海蜆，汁係幾香，可惜，魚肉太軟，海蜆有D老。葡式烤乳豬($188)乳豬烤得幾香，可惜肉汁唔夠，薯條有少少辣。白酒煮海蜆（$118）檸檬白酒個味係唔錯，幾重芫荽味，但是海蜆都係有D老.～～～～～～～～～～～～～～～～～～👍澳門菜必食🇲🇴～～～～～～～～～～～～～～～～～～路氹香脆豬扒包（$78）Lunch 叫左個路氹香脆豬扒包餐，跟餐湯同餐飲，果然豬扒包係最值得食，包外脆內軟，豬扒厚肉，唔會太瘦。餐湯係南瓜湯，南瓜湯入面仲跟左芝士包，好香芝士粉呀。焦糖葡撻（$14）焦糖味重，蛋夠滑，但酥皮唔夠脆。濃香咖啡葡撻（$14）咖啡真係好濃，酥皮都係唔夠脆。鮮橙檸檬葡撻（$14）檸檬味唔算重，有少少橙味，酥皮都係唔夠脆。葡國辣肉腸青菜薯蓉湯（$58）洋蔥好香，但青菜薯蓉唔夠多，做唔到葡國個種味道。路氹蝦醬炒雜菜（$78）比較多水，蝦醬味濃，可以少番D。馬介休橄欖油炒椰菜（$78）馬介休味唔夠濃，椰菜有D太濕，唔夠爽。～～～～～～～～～～～～～～～～～～芝味無窮🧀

其實今次係第二次幫襯la!上次係元朗食，今次係沙田食，食完真係不得不讚，雖然係唔同嘅分店，但品質一樣係超級好今次4個人食，上次試左豬手，今次試埋個葡式烤乳豬脆卜卜嘅乳豬皮超級香口，就好似食薯片甘同時都要讚埋烤薯角，係即烤外面係脆ga ,唔會「林」晒今次仲試左上次冇食嘅白酒煮海蜆，佢煮完出黎真係仲食到dd酒味，唔會太濃，亦都唔會唔講唔知佢有用到白酒，同有d餐廳個做法有d唔同，佢冇落大量忌廉，反而入口仲清新，同突出反蜆嘅鮮味。最冇諗到係佢竟然有捷克嘅呢隻手工啤黑啤真係好襯熱氣野ga🤣🤣