亞蘇爾 (新城市廣場) (已結業)

今日過開嚟沙田開會，開完會梗係搵地方食好西。 沙田新城市廣場好多美食，突然見到有澳門菜，即刻入黎試下先。 環境舒適，裝修幾特別，亦有有卡位，可以慢慢享受。餐牌阿蘇爾小食拼盤 $162 - 包括有芝心馬介休球， 辣肉腸芝士脆多士， 霹靂魷魚，黑醋豬手等。特別喜愛馬介休球，炸得十分香脆，芝士脆多士材料份量十足，入口啖啖可口。 魷魚冷冷辣辣的，很醒胃。葡汁焗青口 $88 - 熱熱的葡汁配青口蠻特別的，充滿澳門特色。咸檸七 - 最近上火，用來下火最好。經典木糠布甸 - 說到澳門甜品，一定要嚐嚐木糠布甸，忌廉做得很creamy，吃下去很有口感。

熊妹好耐都冇見過舊拍擋啦，今日大家都放假，舊拍擋提議去沙田食午餐🍽，熊妹見成日都食西餐不如試吓其他菜式啦。《亞蘇爾》係食葡國fusion菜，可以一試喎。位於沙田新城市廣場，午飯時間都幾多人。Lunch set 早上11:30開始到下午5點，價錢$82-$172，包餐湯🍵或者沙律🥗，同餐飲咖啡或茶。跟餐沙律舊拍擋知道熊妹鍾意食沙律，所以揀咗餐前沙律。其實都係啲沙律醋同埋兩粒切半番茄仔🍅，撈埋千島醬汁，細細地一碟，幾fresh。十月初五蝦子松露意粉，$142舊拍擋話想食意粉，熊妹知道十月初五蝦子🦐松露意粉係好多人推介，一於試吓啦！一上菜真係「嘩」左一聲，好震撼的蝦子鋪滿成碗，唔食得都睇得喇。意粉份量🍝都好多，碗大份量大，仲要係達到熊妹對意粉七分鐘熟度的標準，滿意！黑松露一啲都唔吝嗇，一大羮放係中央，撈勻意粉黎食，啖啖都好夠熊妹至愛黑松露味。配料仲有好多好多唔同種類的菇🍄，煙肉粒🥓，同脆卜卜炸蒜，口感好豐富！成碟意粉又好味又飽肚，舊拍檔話一定要再帶愛吃意粉的囡囡👧🏻再來品嚐。亞蘇爾小食拼盤（二人用），$162熊妹有聽聞呢款拼盤係必食，所以就放棄叫午餐喇。芝心馬介休球葡國菜的經典-馬介休球，其

今晚又同朋友嚟沙田睇戲，晚餐又係一大頭痛位，最終決定食人氣旺嘅亞蘇爾，反正大家都喜歡澳門風味！路氹香脆豬扒包 $72豬扒包絕對係重量級！塊豬扒厚過1cm，其餘配料番茄蔬菜都好新鮮，配埋薯條，食一陣都已經飽。葡國直送沙甸魚芝士脆三文治 $78三文治🥪烘底，香脆美味，散發濃濃的芝士香，好滋味！十月初五蝦籽松露意大利麵 $128係我最愛的黑松露呀😍估唔到配蝦籽味道咁夾，意粉煮得剛好有咬口，正評！咖哩B牛坑腩 $118點來撈白飯食，一流！菠蘿辣肉腸先蝦馬介休咖哩炒飯 $118芒果果粒茶 $58非常好奇芒果茶是怎樣的，原來微酸，都幾消滯。

今日去咗這間亞蘇爾食下午茶，間舖已經開咗一段時間，但我是第一次幫襯，但睇個下午茶餐牌，好似加咗價，貴過以前我所睇的，所以都要忍下手只叫一個乳豬飯，都要成$162蚊，都幾貴吓，所以另一個就叫咗個平價啲嘅藥膳雞米$88，如果下午茶嚟講已經超出我預算，但一場嚟到就即管試吓，横掂未試過，餐有跟餐湯及飲品，，而我重入埋會，即刻會送個甜品木糠甜品，埋單成$276，都幾貴吓。而食物方面兩款都好食的，而且份量都足夠，唔會係細細碟嗰種。乳豬夠趣，藥膳夠味，但啲雞就有雪味，雞就嘛嘛哋。而餐飲叫咗凍咖啡及熱奶茶，咖啡就真係難飲，因為好酸吓，而奶茶就幾好飲。職員我見同啲客人有似無乜耐性咁，因我見隔離枱點餐時，可能唔多識，但個職員就好似好唔耐煩咁，但當時下更茶時段又唔係好多客，但都好似唔多願招呼人咁。

第一次食嗰陣時已經覺得好好食，但係由於只得兩個人，所以決定下次叫多啲人嚟食終於成事！講緊啲嘢食先！路氹香脆豬扒包個包身好好食！除咗個包仲有好多配菜！其實抵食！葡式檸檬白酒煮海蜆蜆係偏細隻、而且有唔少唔開嘅蜆，但煮得好香！檸檬有提鮮作用！入面啲配料菇超好食！葡式辣肉腸炒雜菜椰菜比例多，但味道係好食嘅！葡國雞配蒜蓉包雞處理得好好！好滑！葡汁香濃而不膩！路環鹹魚炒芥蘭芥蘭唔老！不過食唔太出所謂嘅咸魚味⋯⋯係咪正常？😂好食嘅～葡式香烤脆皮乳豬件配薯菜無得輸嘅！皮脆肉嫩！芝心馬介休球伴香草沙律汁芝士恰到好處！唔會好油膩！馬介休球炸得好香口！香草沙律汁配沙律菜好好食惹味非洲雞配薯菜一隻脾加一塊扒，啖啖肉！滑到不得了！啲配菜都清晒！亞蘇爾小食拼盤（2人用）多士上嘅松露醬有畫龍點睛嘅功效！多士非常香脆又唔太乾身！豬手非常好食！霹靂魷魚為冷盤！非常辣！好惹味！個木糠布甸就送嘅，但係非常一般⋯⋯所以⋯⋯總括而言我自己非常推薦嘅，唯獨舖唔大，人多等位非常耐！

相約住在沙田的朋友午膳，友人說這間葡國餐廳是新開的，就決定進去一試~ 餐廳內部空間幾大，店員安排我們坐卡座，更覺舒適! 午市套餐選擇頗多，由豬扒包、咖喱飯、意粉& 葡式乳豬飯都有供應，總能選到合心水的食物~ 跟餐沙律 沙律份量多，而且沙律菜新鮮爽脆，作為開胃菜剛剛好~ 十月初五蝦籽松露意大利麵 ($142) 鹹香的蝦籽原來與松露意大利麵都很夾，意粉內有大量菇菌，配上creamy醬汁以及有嚼勁意粉，令人相當回味. 葡式香烤乳豬件伴特色炒飯 ($172) 一客有4件卜卜脆的乳豬件，外皮相當脆，內裡肉質肥瘦相間，肉嫩非常，配上特式辣醬汁，更添惹味; 伴碟的特色炒飯油香滿滿的，配上乳豬件更為好吃~ 凍檸茶 餐後以一杯可消膩的凍檸茶作結~ P.S. 登記storellet apps 送木糠布甸一客. 木糠布甸很大杯而且甜度適中，幾好吃的.沙田沙田正街18號新城市廣場1期1樓107號舖28826008

今日放大假就陪屋企人出去食個下午茶。平日既新城市人唔多，唔洗等位就入得去喇。叫兩個餐三個人食。lunch set 可選餐湯或沙律及包飲品。我地叫左一個湯一個沙律。十月初五蝦籽松露意大利麵意粉麵條彈牙有咬感，黑松露味道濃厚， 蘑菇又夠多，滿口蝦籽松露，口感一流。烤乳豬件伴炒飯乳豬皮下油脂少，食起黎上皮好爽脆，肉係嫩滑好食。炒飯好足料，調味唔錯。如果立即入會，可以免費送木糠布甸。忌廉好滑，木糠輕盈，入口即溶，唔會過甜。

We came with a party of 5. We were called 3 times after booking to confirm and demand we would be ON TIME. We arrived ahead of schedule to be seated on a small booth while the restaurant remained half empty for most of the meal. Meanwhile, staff told us that we needed to be done within 90 mins. We ordered and after 30 mins, one of the dishes had not come, we were given a wrong order, restaurant was still empty and 3 different maidans were delivered to fix staff mistakes in our order!Overall, sta

平時都鍾意試新野食，知道新城市開咗幾間新開嘅餐廳，放工就去試吓。餐廳門口非常開陽，而且入面嘅裝修擺設空間闊落，更附設有卡位同埋四人枱，環境簡約舒適。商場仲有泊車優惠，消費滿指定嘅金額仲有免費泊車，非常方便。就連葡撻都有幾款口味，最後我哋一人叫了一個焦糖葡撻試吓。新鮮熱辣辣出爐嘅葡撻賣相非常吸引，葡撻表面有一層焦糖燒香的味道，咬一啖落去酥皮外皮香脆可口，雞蛋味道濃郁新鮮，葡撻來說算是好好食。見到隔離枱好多人都叫咗亞蘇爾小食，我哋唔執輸都叫咗一份。當中有四五款食物，好似個波波球嘅馬介休一定要試吓。凍朱古力咖啡面頭有一層cream，飲落去有點咖啡甘口味道，唔錯唔錯。葡式烤豬飯賣相也同樣吸引，除了烤乳豬之外，仲有薯角、翠玉瓜、番茄仔同埋不同醬汁。烤乳豬外皮香脆，肉質鮮嫩，咬一啖豬肉汁已經唧晒出嚟，可見乳豬非常新鮮。還有鵝肝焗鴨飯，味道也是很特別。最後叫了甜品經典木糠布甸為呢一餐豐富嘅澳門菜畫上句號。兩個人消費只是$700左右，每人平均消費$350，就可以享受咁多款式嘅澳門菜式，真是值回票價。

係香港好少食到澳門菜式，沙田開咗一間新餐廳叫做亞蘇爾，我哋兩人就入去試吓。餐廳門面裝修耀眼奪目，遠處已經見到大大隻燈光招牌。去到已經有人喺門口等位，而且新城市廣場非常方便，流動電話有app可以網上訂位，節省好多時間。餐廳裝修及枱椅以木為主，餐牌中嘅食物圖文並茂，每一款都好想試吓。首先叫一杯熱辣辣嘅牛奶朱古力暖一暖胃，絲滑嘅牛奶配以香濃朱古力，非常match。見到餐牌上亞蘇爾小食拼盤賣相咁吸引，就特意叫了一份。當中嘅黑松露芝士肉醬包賣相非常吸引，有我手板咁大件，面頭厚厚嘅芝士醬汁好Creamy，而且麵包外皮香脆，麵包鬆軟，非常滋味。主菜方面有葡式烤豬飯同埋鵝肝焗鴨飯，同樣地味道特色好味。總括而言，這是一間比較有特色嘅澳門菜餐廳，餐廳推出嘅菜式好少係出面餐廳食到，而且味道滋味，其他食物都好想試吓，所以下次會再來幫襯。

估唔到閒日都咁多人已經限定左九十分中既用餐時間但都起碼排左成20分中先有位應該真係幾好食裝修幾別緻 位置都寬敞坐得幾舒服 食物當然都好正！香脆豬扒飽配馬介休件乳炒蛋($85)勁大份 非常厚切既豬扒 而且個飽有烤過絕對唔會乾爭爭牛乳蛋都好滑好出色融合左濃濃既馬介休味道叫左個小食拼盤 ($162)諗住每樣試少少就唔會太飽點知勁大份 而且每樣都好好食魷魚辣得超過癮 好開胃芝心馬介休球超香口雖然好飽但甜品係必點的宇治抹茶黑木糠布甸($38)超濃抹茶味 好適合怕甜既人士食物質素同份量都好滿意服務同裝修都好好推介推介^_^

澳門話近唔近，話遠唔遠，最慘係個邊消費宜家都唔平，有時興想突然想食澳門菜都唔知點算！今日同友人相約新城巿食tea，發現開左好多新食肆，仲要俾我搵到呢間主打傳統及土生葡菜嘅亞蘇爾，當然要即刻試試啦！我幾鐘意亞蘇爾，所有你要用嘅餐具、紙巾、醬料同水都放左係檯面自助，唔洗麻煩忙碌嘅侍應們。套餐有平有貴，八十幾到百六七都有，豐儉由人，前菜有湯同沙律，包飲品，唔夠喉仲可以+$12有個甜品鮮蝦帶子魚湯飯一上檯就聞到好香嘅蕃茄味，好足料，配埋魚湯香濃清甜又開胃。配料有鮮蝦同帶子仔，兩樣都好新鮮。整體黎講酸甜有鮮味，份量亦十分大！華僑椰香雞湯米友人點了米粉，佢話味道香濃，咖哩味未算好突出，但椰香味就好味，忍唔住一口接一口。而且配料雞件都有四五舊，好抵食！最後當然唔少得食番個葡撻先走啦！係等待安排入座時，已經係店外聞到香氣撲鼻嘅葡撻！葡撻外皮酥脆，蛋漿剛剛熟，十分滑，為呢餐飯劃上完美句號！

最近沙田新城市廣場新開了幾家餐廳，這次選擇了很久沒吃的澳門菜。餐廳裝修得得時尚，座位亦算寛敞，侍應熱情有禮，面帶笑容。阿蘇爾小食拼盤　$162賣相相當吸引。鹹鹹香香的芝心馬介休球。鬆脆的辣肉腸芝士脆多士。香辣惹味的霹靂魷魚。爽口而不膩的黑醋豬手。沙梨頭手打墨魚餅　$72外皮炸得酥脆可口，內裏墨魚份量十足夠彈牙。不得不提的就是伴隨的葡式辣醬，惹味而不算太辣。葡式香烤脆皮乳豬件　$188名副其實外皮烤得香脆無比，下面的肉很嫩滑軟稔，不油膩。惹味非洲雞　$148嫩滑的雞件夠juicy，上面舖上一層椰絲，味道濃郁，風味十足。伴碟的zucchini烤得香甜，薯角香脆可口。最後點了甜點，不可錯過的焦糖葡撻　$14，焦糖香甜，濃郁蛋香，酥脆撻底。另外點了木糠布甸，香滑可口，奶香四溢。

因為成日去沙田睇戲的關係，多左去沙田食飯。行過新城市廣場，見到呢間餐廳大排長龍，一於試下！路氹香脆豬扒包$72講到澳門特色食物，第一時間就會諗起豬扒包～一上枱就覺得幾有驚喜，望落好似漢堡包，而豬扒整得好入味，表皮香脆，夾埋蔬菜同麵包好好味。另外配埋薯條，好豐富！十月初五蝦籽松露意大利麵$128呢款意大利麵好足料，加左大量蝦籽同埋松露，夠哂濃味，而且仲有好多菇類，幾好咬口，唔錯！咖哩B牛坑腩$118咖哩辣度唔高，應該大部分人都接受到，好易入口。個人覺得仲有點椰香，送飯一流！菠蘿辣肉腸鮮蝦馬介休咖哩炒飯$118D飯炒到粒粒分明，唔會話太油膩。幾隻蝦的味道都鮮甜，辣肉腸惹味，加埋酸甜菠蘿，好開胃！芒果果粒茶$58雖然唔係想像中的芒果汁甜味（加$10可以配蜜糖，但今次想試試原味），但也很清香，就是加了芳香芒果味的紅茶，也不錯～日出東望洋$68COCKTAIL，酸酸甜甜容易入口，但又唔會唔夠酒味，推薦！整體來講唔錯的一餐，價錢合理，上菜也快，各種食物質素也ＯＫ，怪唔得咁多人排隊啦！

帶了從英國回來渡暑假的哥哥及他ㄧ家人去參觀沙田文化館, 主要是他想讓兒子多點認識李小龍的生平事跡。 李小龍館裏面有很多資料, 非常珍貴, 免費入館, 如有時間, 非常值得一遊。參觀完畢已快2點多, 就選擇了去新城巿中的 food court 醫肚。 我們逐ㄧstudy food court 層的每ㄧ家食館的menu, 最後覺得葡菜最吸引, 結果ㄧ試後大家都讚好。因為也不是太餓, 我們四人只叫了三個套餐。 頭盤是磨菇湯或田園柚子沙律。 第ㄧ個到的餐是烤乳豬件伴炒飯, 乳豬大大件及超脆, 味道也不錯。第二個是鮮茄焗豬扒飯, 我的至愛, 鮮茄味道非常鮮甜。第三個是咖啡牛腩伴白飯, 沒想到咖哩的味道做得咁正。每個套餐都有跟ㄧ個葡撻。 我們分别揀了鮮檸檬及咖啡味的葡撻, 味道都很特别。甜品還有木槺蛋糕, 也很特别。最後嘆埋ㄧ杯咖啡, 整頓午餐很完滿。