亞蘇爾 (新城市廣場) (已結業)

今晚與家人在沙田附近經過，所以來了亞蘇爾吃晚飯。我們7點多來到，幸好還有位。我們先點了一個焦糖葡撻。葡撻很夠熱度，外面十分香脆，中間十分軟滑。我們又點了一份葡汁芝士焗青口。葡汁芝士焗青口有6隻，每隻也被濃濃的芝士鋪著。一啖把青口和濃郁的芝士放進嘴裡，十分幸福。我們又點了一份煙燻蘋果木脆皮咸豬手配薯菜。店員首先用火槍把煙燻帶到蓋著的咸豬手，再煙燻一分鐘才打開蓋子。咸豬手的份量非常大，十分足料。咸豬手的皮烤得很香脆，而且肉質不肥，十分香口。而且咸豬手已經切開了，不用自己切得那樣辛苦。薯角也不少，而且烤得很香脆。還配了芥末醬和茄汁可以點上。我們又點了一份椰香葡國雞配蒜蓉包。椰香葡國雞味道香濃，雞件也很足料。蒜蓉包十元分香脆，點上葡汁十分滋味。飲品方面，我點了一杯芒果袖子沙冰。芒果袖子沙冰也很大杯，芒果味濃郁，加上點點得袖子味，十分開胃。甜品方面，我們點了一份黃金忌廉軟心芝士伴雪糕。多士的中間十分軟心，有點像布丁一樣。加上movenpick雪糕，十分滋味。今天真得很滿足，想不到原來香港也有出色的澳門菜。下次一定會再來試試其他。

這天在沙田新城市逛街後就去底層覓食一番，這間澳門菜人流挺多就決定試一試。我們選了兩個廚師精選，椰香葡國雞配飯就是最惹味的正宗土生菜啦。白雪雪的外表是滿滿的椰絲，配料就有片片葡腸、黑橄欖、薯仔和雞蛋。葡國汁充滿香濃的椰漿和咖哩味，而雞肉就非常鮮嫩可口又多汁，送飯無得頂啊！澳門菜又怎少得了最有名氣的豬扒包呢！這個路氹香脆豬扒包上碟的時候已經把它切開了兩邊，非常細心呢。麵包一咬下去即刻發出「卡嚓」的聲音，極之香脆內軟。內裡塗了一層牛油，包著鬆軟嫩滑又帶點筋膏的豬扒外，還有沙津醬、新鮮生菜和蕃茄，整個感覺清新又滋味啊！另外非常值得一提的是旁旁橙紅色的醬汁，酸甜又有點微辣，蘸著吃很開胃惹味！

主食未到, 甜品已上, 店員稱甜品不設後上, 下次唯有食完主食再加單, 自行調節上菜次序。當我向另一店員查詢, 問題只說了1/3, 重點尚未問到, 店員即打斷我的提問, 並說知道我的查詢, 不停答「係」, 感覺店員叻唔切和無耐性, 服務態度有改善的空間。咖喱牛肉蝦籽湯麵 $68咖喱牛肉味濃, 肉質不嚡, 有少少辣, 加上蝦籽味重且香, 非常惹味。湯汁咖喱味雖濃, 明顯與牛肉的咖喱為兩個層次。麵條彈牙掛湯, 值得推介。凍檸檬紅茶茶味濃, 檸檬有3大片, 味道不錯。建議餐廳可走飲管。英記杏仁餅木糠布甸 $38英記杏仁餅木糠布甸與經典木糠布甸的分別在於面頭多了一片英記杏仁餅, 雖然多花$6換一片英記杏仁餅, 但真的十分香口。布甸與木糠層層相隔, 順滑軟綿, 比最近一次在澳門吃過的, 性價比與質素都要高。焦糖葡撻 $14 (成為Storellet亞蘇爾會員, 可免費享用一件作為迎新禮物)蛋撻外皮酥脆, 蛋味香濃, 一件剛好, 多吃會膩。

今日去咗沙田新城市廣場行街， 行過見到有間餐廳， 主打澳門菜， 比較少見所以入去試下。餐廳設有卡位坐， 門口仲有個櫃賣葡撻。餐牌都有啲經典嘅澳門菜例如豬扒包，蟹粥等葡式香烤乳豬配薯菜乳豬皮烤得好脆身， 肉質都幾幼嫩， 有兩款醬汁可以點乳豬， 有蜜糖芥末醬和類似墨西哥辣醬嘅辣椒醬， 辣辣地幾惹味， 配菜有烤菠蘿和烤翠玉瓜。焗豬扒飯(晚餐)個飯底炒得幾有鑊氣， 豬扒都幾入味， 醬汁份量適中唔會過多或者過少，芝士味好香。餐飲叫了荔枝梳打， 好香荔枝味 ，飲落地清新。滋補藥膳雞湯米上枱時已經聞到好香嘅當歸香味， 藥材應該有當歸，金針菜，杞子等， 個湯底好濃當歸味， 米粉索曬啲湯，好味， 雞肉都幾嫩滑。

前幾日到沙田新城市Movie Town看《閃亮人生》首映場，入場前就來到亞蘇爾吃晚餐。餐廳環境開揚，坐得頗舒服。餐牌主打澳葡菜，即是在澳門土生土長的葡國菜式。辣肉腸松露芝士脆多士 $65多士雖然夠脆身，不過就略嫌烘得乾硬了點。半溶的拉絲芝士芝味無窮，配上黑松露提味，菌香滿溢。澳門風味咖喱雞 $118一如葡式咖喱，重香不重辣，滿是椰汁和薑黃粉的香氣。雞肉肉質嫩滑，肉汁豐富，香濃惹味。薯仔質地粉糯，煮得非常入味，椰香味濃郁。可選配飯或蒜茸包，選了鋪滿芝士粉的蒜茸多士，不過也是烘得過硬。路氹香脆豬扒包$72澳門豬扒包遠近馳名，但這裡的豬扒包加入新鮮番茄及蔬菜，再伴上薯菜，反而令人想起西式burger。麵包口感外脆內軟，大大塊豬扒如手掌一般厚，不過稍嫌豬扒肉質未夠鬆軟，而且筋位比較多。金黃薯角連着薯皮炸得外層鬆脆，肉心軟綿細密得似薯蓉。去澳門食葡撻是指定動作，沒吃到葡撻等於白去一趟澳門，所以每次吃澳門菜當然少不了葡撻。這裡的葡撻破舊立新，為經典風味帶來新鮮感，今次就一口氣試足三款口味，熱辣辣上枱，令人垂涎三尺。焦糖葡撻 $14外皮層次分明的原味葡撻，咬下去鬆脆又香口，油香味濃，表面鋪上焦糖，內

新城市嘅餐廳選擇都算多，我冇諗過呢度連澳門菜都有得食見晚市都可以叫套餐，有嘢食有嘢飲都幾抵鋪頭出面仲有葡撻賣，就咁睇都覺得好吸引，一陣都要叫番隻試下除咗套餐，餐牌仲有其他嘢食可以揀有飯有麵可以揀呢到環境整齊闊落， 卡位坐五個人都唔會好迫屋企人叫左套餐，唔知係咪個湯好好飲，佢快快手已經飲咗一大半另外叫咗個葡撻試下葡撻表皮酥脆，個蛋漿唔太甜，好好味椰香葡國雞配白飯呢個飯份量十足，同埋一上枱已經聞到好香嘅椰香味除咗雞肉，仲有薯仔薯仔索曬啲葡汁好好味藥膳雞湯米呢個米粉一上檯就已經聞到陣陣藥材味眼見有蟲草花、雲耳等等見到咁多藥材，感覺上比起平時食嘅麵更加健康鵝肝焗鴨飯我幾鍾意食呢個飯，因為個飯嘅有鵝肝、鴨肉同埋芝士粉，成個飯已經好香再加上食落有少少飯焦嘅感覺，好香脆好好味

今天考完試，回家途中經過形點1期亞蘇爾餐廳🍴於是入去吃個下午茶☕️輕鬆吓，那裡環境和地方都幾好，光缐充足，地方又大又整齊。拿起餐牌見到有一份忌廉軟心多士伴雪糕🍦，好似不錯，就叫來試試。果然不錯👍多士中央的忌廉軟綿綿配合雪糕及焦糖醬混合一起吃，又甜又香又滑😋

元朗店食過一次，非常滿意！今次去到沙田，又抽起條筋想食葡國菜，於是再次嚟到亞蘇爾。選擇困難症嘅我地，最後揀左個二人套餐，因為剛巧我地想叫嘅乳豬，鵝肝焗飯都包含入面，仲包炒菜，兩杯餐飲，餐湯，咁抵嘅野咁無可能唔叫套餐掛！整體上都無乜問題。只係，鵝肝焗飯嚟到時，發現外貌，味道同之前元朗店嘅食過，有少少唔同，一來沙田店嘅焗飯面頭撒滿白色嘅花生碎同芝士粉（？）。味道方面，沙田店的焗飯焗得有少少過火，好多飯焦同飯粒無左一陣鵝肝嘅鵝油味，較為乾身。如是未食過元朗店會覺得都算唔錯嘅。乳豬烤得唔錯，唔硬，皮亦香脆。估唔到一個二人套餐都幾飽！有飯有意粉，仲有小食拼盤！十分划算！因為本人唔食奶，所以木糠布甸依舊可以拜拜，奶味超重。

收工去新城市整電腦，整完之後周圍睇下有咩食，路過見到呢間葡國餐廳門口放咗個二人套餐餐牌好似好吸引，結果就被吸引入咗嚟食。佢既嘢食，全部睇落去都唔算好大份，但由於佢兩個主食都落咗好多芝士，結果都係食唔晒十分飽。開餐前嘅薯仔湯都係十分之開胃好味我地另外散叫左兩件葡撻試吓，價錢雖然幾貴，要每件$14，不過十分之好食！推介馬介休係新鮮炸起好香口，仲有兩個醬汁選擇。不過魚就比較多骨，味道有點苦。呢個係鵝肝鴨肉絲飯超級邪惡，佈滿芝士粉，鍾意重口味嘅人一定鍾意食。

係夜晚同屋企人兩個人去到沙田新城市廣場嘅亞蘇爾食晚飯， 因為入座嘅時間比較早， 都有好多位置可以選擇。由於今次係同老人家一齊食飯，位置舒亦都係好重要嘅一個選擇因素。兩個人，我哋小小哋嗌左兩個餸。烤焗盲鰽同埋葡國雞飯。先黎既係葡國雞飯，上台時熱辣辣，葡汁非常香濃，送飯一流，連薯仔都好好味，雞件肉嫰。盲鰽要等既時間真係比較耐，但都係值得既。肉質鮮嫩，配上焗煮既湯非常吸引。除左魚身，周圍既蜆肉，連配菜既菇都非常入味。最後不得不試既當然就係葡撻啦，今次原味同埋鮮橙檸檬味，兩個都非常酥脆， 鮮橙檸檬味嘅葡撻更加係帶出驚喜， 係食完一餐豐富嘅晚餐之後，有一個清新嘅甜品，真係錦上添花。

細佬突然約食飯，問近近地新城市有咩新餐廳🍴所以試下呢間~我地 6 個人叫左好多野食，先黎萄國乳豬，好食喎，皮脆肉嫩，點埋個醬少少辣幾惹味😋 仲有翠肉瓜同薯條，如果 2 個人黎推介食呢個加其他都夠💁🏻‍♀️白酒煮蜆不過不失啦，酒味淡左 d。小食拼盤係 2 人份量但我地都食唔哂🙈 個魷魚🦑好食，辣架🤤 黑醋豬手都幾好，酸酸甜甜又凍凍地，幾開胃~ 鵝肝焗鴨飯好香，飯粒粒分明，不過有 d 漏，食2 啖就夠😅 墨魚汁意粉中規中矩，都彈牙既，只係無咩配菜有 d 單調。係海鹽檸檬沙甸魚出事，好鹹😓諗住食菜清下，但兩個菜都係鹹鹹地，解唔到🤦🏻‍♀️總括而言比較重口味😅

今晚到沙田新城市廣場Movie Town睇電影之前，六時便來到附近的亞蘇爾提早吃晚餐。~葡式香烤脆皮乳豬件配薯菜 （$188）賣相非常吸引，食物櫬起淡藍色的圓碟和和放醬汁的橙色小器皿，令人食慾大增。烤乳豬皮薄又鬆脆，肉厚而嫩滑，調味恰到好處，不會過鹹。若沾上芥末和辣醬來吃，味道更變得多元化。伴碟的烤車厘茄子和鮮菠蘿片酸酸甜甜，非常醒胃，烤翠玉瓜片亦清爽味鮮，和豬肉配合起來十分恰當。伴碟薯角亦外脆內軟，沾上茄汁來吃更好不過。👍~葡國腸炒免冶豬肉伴煎蛋配白飯（$88）個人認為葡腸極似我們平日吃的臘腸。葡腸豬肉是切了小粒狀，味道更濃，配上了一個鹹鹹甜甜的醬油，非常惹味。頂上的原隻蛋煎得非常漂亮，橙色的蛋黃是流心的。用這個肉碎來撈伴白飯吃簡直是絕配。好味！👍~焦糖葡撻 + 鮮橙檸檬葡撻 （每個$14）因趕著入戲院，新鮮出爐的甜品亦只好外帶。回到家後，雖然葡撻已不再熱，但味道依然討人。葡撻外皮鬆化，餡料有濃蛋香和奶味，好有質感。焦糖味甜而脆，相信新鮮吃更佳。鮮橙檸檬味清新，蛋面還有細小的檸檬粒，有小小𡁻口。吃下整個葡撻，感覺超滿足。

第一次來這餐廳食晚飯，放工肚子很餓！進到裏面坐下感覺很舒服，四周佈置簡約，加上有中文字的海佈和圖案，很有澳門的感覺。和朋友兩個人來吃，點了一個海鮮蕃茄魚湯飯，湯飯很足料，有很多不同款式的餸，有數粒蝦，青口，尤魚，海鮮也可以，也爽口。有一點是很特別的，就是加了檻欖，連湯飯和其他配料一起吃，口感更添層次。另外點了烤焗肓鰽魚，點時侍應都有提醒我們要等15-20分鐘，等了很久終於有得吃，是值得等的！😊魚肉也算有質感，很多不同配料，有蜆，菇，紅椒，洋蔥，還有些像金華火腿的肉粒，最突出的是加了大量的牛油，牛油入了魚肉，入口時十分之香！加倍美味😋

今日同朋友行街，見到呢間亞蘇爾澳門菜，專食葡國菜，就同朋友入去試吓。入到去座低，間餐廳氣氛唔錯，微黃燈光配上木紋飾板裝修，比人感覺好放鬆、好舒服😌點了我最鍾意食的蕃茄海鮮泡飯，用料十足，蕃茄同海鮮的咪道配合很剛剛好，加上豐富既海鮮配料：魷魚、大蝦、青口同花蛤，啖啖海鮮，令人回味無窮。

星期日夜晚就想食個happy dinner，所以就出左沙田搵野食。見到呢間餐廳野幾靚仔，裝修好有特色，又唔洗排隊，所以就決定試下。烤焗盲鰽魚：呢條魚出色又抵食，2個人Share既話，瘋狂食都未食完。佢個汁好惹味，一路食有一陣陣既鮮魚味飄出黎。咖喱牛坑腩：咖喱汁配牛坑腩真係夾到天衣無縫，咖喱香而不辣，牛坑腩炆煮夠火喉，入口軟腍好味道，咖哩氣味直撲鼻，牛坑腩軟腍入味又有嚼口，重點係不黏牙。辣肉腸炒雜菜；當然也要吃點蔬菜. 這客炒雜菜有椰菜、菇菌& 車厘茄等，以辣肉腸來炒，增添鹹香味道，我自己覺得非常惹味同好。仲有兩杯飲品，櫻桃果粒茶同芒果柚子沙冰，為我今晚既滿足畫上句號！！