亞蘇爾 (新城市廣場) (已結業)

今日去咗沙田新城市廣場行街， 行過見到有間餐廳， 主打澳門菜， 比較少見所以入去試下。餐廳設有卡位坐， 門口仲有個櫃賣葡撻。餐牌都有啲經典嘅澳門菜例如豬扒包，蟹粥等葡式香烤乳豬配薯菜乳豬皮烤得好脆身， 肉質都幾幼嫩， 有兩款醬汁可以點乳豬， 有蜜糖芥末醬和類似墨西哥辣醬嘅辣椒醬， 辣辣地幾惹味， 配菜有烤菠蘿和烤翠玉瓜。焗豬扒飯(晚餐)個飯底炒得幾有鑊氣， 豬扒都幾入味， 醬汁份量適中唔會過多或者過少，芝士味好香。餐飲叫了荔枝梳打， 好香荔枝味 ，飲落地清新。滋補藥膳雞湯米上枱時已經聞到好香嘅當歸香味， 藥材應該有當歸，金針菜，杞子等， 個湯底好濃當歸味， 米粉索曬啲湯，好味， 雞肉都幾嫩滑。