亞婆豆腐花

營業中

休息中

我帶朋友黎呢度食，因為佢話自上次我同佢食左之後就好掛住呢一碗豆腐花~我地坐低食，果時冇乜人，落緊大雨~我要熱，朋友要凍〝都係 $5~呀婆個兩個孫每次去都好好禮貌架！做野又快手~唔會等得耐~真係好滑！呢間店由小販 --> 舊鋪 ---> 而家新鋪，我今日數下手指都幫襯左成10年lu...果時每日放學我都差唔多會買一碗架！而家行過都會食下~

以前排大隊的是菓香林, 而家排大隊的是亞婆. 原因, 其實只是亞婆自立門戶, 佢既手勢, 豆腐花的香滑, 令人一食就比較得到, 沒有了亞婆的菓香林既分別.豆腐花, 依舊便宜. 而我們7點多才到達小店前. 而且平日的晚上, 不用排隊. 當然食得舒服. 冰凍的滑豆腐花, 加少許糖粉, 食落豆香味甚重. 好食的東西, 吸引街坊及區外客黎排大隊既. 必定有佢既原因.平日見亞婆排哂隧, 對面的藥房都有樣學樣, 依樣畫葫蘆地賣起豆腐花來. 不過, 光顧者甚鮮...在店佈涼完冷氣, 食完豆腐花, 朋友想上街市大排檔逛逛...視察一間飯局possible之場地.

天時暑熱，還是救救火才離開…在大光里，巧遇亞婆…招牌下方貼著“請排隊”的字眼，大概頗受歡迎，要了一碗凍荳花走糖水，下點黃糖，站在門口便吃…涼透心，但熱得發慌，無暇欣賞滑與不滑、有沒有荳味，吃罷，放下吉碗和五個大洋就走…雖然熱得有點混亂，也不禁想起媽咪一番鬧著玩的話…「唏！“阿媽豆腐花”就一定好食過“阿婆豆腐花”！」「WHY呀？」「阿媽點都滑過阿婆架啦！」「車！爛GAP！喂…你第日都趁吓熱鬧，開間豆腐花檔呀！要更勁嘅！“阿女豆腐花”…我睇檔！哈哈！」

來到最後一站，吃的是在大光里的阿婆豆腐花....之前經過時 (特別是在週日)，是經常地有一條小人龍在門外的。是日在非繁忙的時候光顧，自然很輕易不用排隊便可買到，而且買完後還可以坐在舖內吃呢....在店內看到一位老婆婆在搯豆花，想必這位就是那位"阿婆"了吧看見她經常笑口盈盈，又常跟街坊聊天，禮貌亦周周，可真是十分的友善說回那碗豆花。平常小弟一定是選吃熱的，但天氣實在酷熱，就破例要了凍的。吃落質感是不算特別的滑，豆味亦不算十分的濃郁，唯一的優勝之處是真的夠冰夠凍，是絕對的透心涼...食完甜品，是時候回程，繼續未完的工作....

要左碗涷的豆腐花....只落糖水....個個都係買完企埋一邊企係度食.....又真係好滑好有豆香喎.....$5一碗....難怪咁多人幫襯.....我估熱食會好味D.....因為睇住亞婆係個桶入邊舀出黎.....仲有煙出架.....我下次都要熱食.....

上星期六為0左食,0黎0左大埔,0黎0左大埔馳名店舖之一...亞婆豆腐花...遠處已經見到阿婆0既影子...0個日去到0既時候人唔係太多...但比人打0左尖...唔緊要...入面0個d人..(聽聞好似係阿婆d孫??)做0野好快手....好快就有得食la!~要0左凍的...一入口...雖然未至於冰涼..但都夠凍...天氣熱熱0地0岩晒...加0左黃糖同糖水.."0雪"一聲入口...直落喉嚨..好潤呀!!~豆味不是很濃...總括0黎講豆腐花用一字便可以形容晒..就係"滑"...好快"0雪"晒落肚la!~

和大顆家人喝了不太滿意的茶，但記得上回與家住大埔的友人在深水埗公和吃豆花，他誇口說他家附近的阿婆豆腐花更好吃，既然今天來到大埔了，也當然的要來一試。也是果然如Openrice上各食友所評的一間牛店，去到是人頭澭澭的，見到阿婆努力的在舀豆花，但見到其舀的手法，也覺得有點不對勁，快是很快，但一碗豆花，最多應該舀三羹要盛滿一碗，否則會是太碎，令豆花更易滲水水份，不好吃的了。今天我和媽也點了熱豆花，而爸點了冷的，另外再加了一杯凍豆漿及最後買了一樽細號的腐乳。先來的是豆漿，不太甜，對我的口味，但為何是沒有豆味的，連百福的也比它的濃。再來的是豆花，熱的果然是很滑，而下糖水也是足，不用下那些弄嚡豆花的黃糖了，但很可惜的是，就如之前所述，豆花舀時舀的得太碎了，所以吃完也有很多水份，還有最失望的地方是，此豆花跟豆漿是如出一轍的沒有豆味，比人和的還要薄，真的不明白為何我的朋友會激讚，若要比，誠然，它的豆花的滑溜程度，是比任何公和店的要滑，但有豆味的豆花仿佛好像越來越難找的了。腐乳在家中已經開了來吃，試過淨吃，也有用來炒通菜，腐乳香是很薄很表面的，杷反吃下來，是有點奇怪的酒辛，另外其質感也是怪怪的，不知怎地

聞名來食, 排餐死...............食落真係幾滑, 不過可惜全無豆味, 溝得太浠.............可能豆貴..........相信大部份人都係食個份感情!!

不過$5都算可接受既, 係唔值得專登去食囉又香又滑又有豆味心水推介: 深水步北河街 - 公和

第一次踏足大埔的旺食區~是年前由大埔朋友帶路的一次~那時已經知道阿婆豆腐花在街坊心目中的地位是何等重要~~但這邊說正宗~那邊也說是正宗~第三方就說是業主收起舖位繼續慕名賺個痛快~實在是傳得太多~這次在廣福里這個四方食區逛了又逛~三間荳品店各據一方~~唯獨鄰近街市的這一店的人龍卻多得嚇人~這個時候~已經不是忙著尋找誰真誰假的時候~反倒是直覺告訴我這個時候要對排隊的人有信心~本來沒有準備要吃豆腐花的~但這個情景~不吃又好似對唔自已呢~羊群心理之下排了隊~成了人龍的一粒小薯~~這條人龍還真阻街~阻塞了整個街道~橫過的人只好左借在右借~幸好每人一碗豆花的時間不多~人龍的前進速度也很理想~堂吃$5~外賣$6~但其實分別只在於是發泡膠碗還是瓷製的~又便宜一點又環保一點~何樂而不為~反正買堂吃的也是站在街上吃~~真的很有趣~整個街頭都是吃豆花的客人~~看著店員從那還在那熱熱發煙的金層桶內盛起一碗又一碗的豆花~~當然吃熱的~更能品嚐到其滑溜度與豆的香味~~~友人經常提度~~很多人吃炒麵是為了吃辣椒醬~~吃蛇羹吃粥品是為了吃脆脆~但小比不得不承認~自已確是那種為了吃黃糖而吃豆花的人~~要是坐著堂吃~絕對

超好食豆腐花滑如絲絹,豆味香濃,極力推介!!!一定係全港最掂的豆腐花!

無時無刻都有人排隊買黎食!~無論朝早去也好...晏就又好...都係要排隊..我次次去都係咁!~D員工俾我既感覺好NICE...好WARM...因為佢地一家人一齊做這!做到成個大埔我諗無乜人會未食過...至於味道就緊係正啦~又滑!~熱同凍都咁好食....我係常客黎架!~由讀中學食到E家出黎做左野2年...

三月三十日享受完一碗多年感情的爽腩麵後,過來這邊食個豆腐花,早排這裏出名不少,再來一碗凍豆腐花.這回再一次阿婆遞給我,人雖老,但還精神奕奕打理店鋪,在之前飯局聽了不少也食過這裏的豆腐花.黃糖還是自己添加還是最好豆腐花還是來得滑溜,看到其他食評也說豆味較少,的確是豆味略少了.但勝在滑溜.啖啖涼快在喉嚨地經過,很快食完一碗,更是一個回憶,來這裏只有一個目的,只為豆腐花而來,放下五元也慢步地回家,

去左大埔行街, 更係去搵人地話好出名既"阿婆豆腐花"啦!食完只係覺得普通,無咩特別! 好似公和仲好食! 無咩豆味! 失望!! 不過佢勝在平囉! 5 蚊一大碗!! 同埋"阿婆豆腐花"真係有個阿婆企嚮出面囉!

那天，跟友人由大圍踏單車入大埔，之後四出覓食…第一站我們便到了馳名的「阿婆豆腐花」，試試阿婆的手勢。怎樣也想不到，如此一間小小的豆品店，竟有這麼多人為它著迷！單是外面排隊的人龍，便知道它是如此受歡迎吧！我們排了一會，終於買到四碗豆腐花了…我選的是熱豆花，因為溫熱的食物，最能顯出本身的質素及功架！雖然外表沒什麼特別，但是一口吞下去的時候，的確感到豆花的滑溜！加上豆花本身豆味甚重，根本不需加黃糖點綴，已能嚐到豆花本身的原汁原味…最值得一提的是，店主的態度友善，即使貨如輪轉，也不會待薄任何一個客人！阿婆豆腐花的心機和誠意，豈只「五蚊」這樣少啊？