亞婆豆腐花

營業中

休息中

到了大埔，看到有很多人排隊的亞婆豆腐花，我和老婆即刻跟隊，不過期望過高。豆花--很滑很滑，豆味不濃，但不是很出色--ok豆漿--好像加了很多水，豆味不重--失敗我只可以說，他成功之處只因是新鮮，所以比一般街市賣的好吃。相對大陸或台灣的豆花和豆漿，還差一大段距離。

我第一次食婆婆豆腐花已經係早五六年前事, 果時佢間舖唔係向而家個地點, 向較前位置(向正嘉 x 餅店過兩個舖), 婆婆豆腐花真係好好食, 又香, 又滑(仲好食過大嶼山山水豆腐花多多聲), 但前兩年話佢連店鋪及名轉手比人話退休, 點知佢隔兩個月就向明x 壽司店隔離開番(頂佢手個人真係比佢累死), 而家又搬去現時地點開, 我覺得婆婆有點兒騙人, 雖然我都都想繼續食到佢的豆腐花, 但佢咁生意手法令人感到...............................唉

今日冇啦啦行過見咁多人企係個鋪出面食, 就知好野果然正 係我食過最滑既豆腐花!所以忍不住為佢獻出我既第一篇食評可以自己加薑糖, 個人好鍾意薑水, 所以覺得加左仲好味!!

星期六, 下午我和家人在大埔墟街市買完餸之後, 我就一個人立即飛奔去亞婆豆腐花果度, 一口氣買了六碗熱辣辣既豆腐花乘車回家品嚐, 除左九龍城既義香可以同佢比較之外, 我想很難在香港可以再食到又香~又滑既豆腐花啦!

好味又抵食媽媽每次經過都會買碗黎食幫襯左呀婆好多年 呀婆真係好辛苦一碗一碗咁賣希望老人家可以早啲退休享福

20090130 今日帶了朋友嚟大埔食美食...第一站就揀左佢....我都係第一次食咋, 實在係太滑溜喇又有豆香, 落少少糖水同黃糖已經令人回味無窮, 而且天氣仲凍凍地, 食番碗熱騰騰既豆花,, 暖笠笠...正阿婆好nice好好禮貌

一月三十一日(星期六)同老公由沙田回到大埔,上來屋企拜年老公說要試試阿婆豆腐花,上兩次都吃不到一次是因為吃了菠菜,第二次是售罄,多無奈吧今次買了五碗豆腐花,本想要凍的,可惜買完,只有熱的,外賣每碗6元,堂食,立食每碗5元加了隻大豆漿...真的很大,似去bbq飲的大水份量!都是15元,算抵豆腐花很滑,而且甜度剛好豆漿的豆味濃郁,不是太甜怪不得能登上榜吧!

之前食完仲以為佢執左唔會再開..好彩都搵到店搬姐xdd勁開心終於又有得食xd哈,,e+個店大左仲有位坐;;我就叫左碗熱的豆腐花入去食..食落豆味都ok..而且入口果時勁滑*v*,,我鐘意落黃糖..落少少糖已經好夠;;水準保持而且雖然咁忙咁多人..但服務態度都唔差嫁..今次好彩見到間野,,無miss到咋//

今日經過豆腐店，居然冇人幫趁，可能太早關係，抵不住買了一碗回家，順便問埋阿婆孫仔，佢哋初四啟市！依家有薑糖加，但薑味不濃，豆花依舊好滑，可惜豆味唔太濃，應該仲有進步空間。

吃到很飽了，經過這裡，見到有豆腐花，冬夜寒冷，熱豆花的吸引力大增，於是兩人共享一碗。站在街上，熱熱的豆花暖著雙手，很滑，輕輕地溜進喉嚨，果然不錯。再吃，覺得豆味略為不足，但絕對合格了。才五六元，非常抵食。一天的慶祝亦飽肚地圓滿。

咩叫'好食'? 有時會掛住果種味道既就係'好食'啦"亞婆豆腐花"完全令我有呢種感覺之前佢搬鋪攪到我心掛掛有日行過見到佢'重見天日', 仲長龍過以前, 亞婆確係勁!而家一個星期總要食1-2次先安樂(如果住得近,可能會5-6次)豆腐花好滑好滑又有豆味落少少糖水已經好夠另外豆漿都不錯.去大埔一定要試! 不過千其唔好假期去~HAHA

亞婆豆腐花,好重豆味, 又滑, 我每次經過都食,佢好平, #5,對面有家想challenge 佢, 壓價到$3,但係一個人都無,而呢度都每次都起碼有10個人排緊隊..不過個豆漿都差左少少, 水水咁...同無乜弄味~大力推介!!!!!!!!!!!!!

第一次食<阿婆豆腐花>已經是係舊舖的時候, 當時仲係祖安帶我去食的. 食完之後我都覺得好好味, 不過食0左砍次就話結業啦, 可惜可惜. 不過前排聽實實梨講, 話<阿婆豆腐花>會重出江湖, 今次真係等到啦. 而冇變的是豆腐花依然好滑, 同埋都係同祖安一齊去食的. 1. 豆腐花 ($5) ~ 我地每人叫0左一碗熱0既豆腐花, 價錢都冇變喎!!! 我食豆腐花是不會落糖漿的, 而只是落黃糖. 因為黃糖有口感, 而且唔夠又可以逐d 加, 食到最後的時候, 又唔會太甜, 真是恰到好處的食法!!! 整體評價：食完, 已經又想再食了!!!

以豆腐花為主的甜品店中，亞婆豆腐花必定是街知巷聞的。同時，係大埔仲開左幾間渾水摸魚既豆腐花小店, 都是打正阿婆豆腐花既名號, 不過只要大家一食就知個分別, 希望佢地吾好再呃到人。我和朋友 點了一凍一熱既豆腐花, 各一碗.熱既豆腐花~ 細細碗，暖笠笠，好暖胃。豆腐花的質地是滑滑的，同時豆味濃郁。唔係好似有 d 渾水摸魚既豆腐花小店咁買 d又稀又吾滑又沒有豆味既豆腐花。這個亞婆豆腐花果真名不虛傳, 實在令人吃得感動!凍既豆腐花~ 一樣好滑，凍既豆腐花凍冰冰, 吃時 味道 會 較 熱既豆腐花更香甜， 夏天來吃一碗凍既豆腐花，定必透心涼。事實上，五元一碗的亞婆豆腐花，一試令人回味， 豆腐花不但香滑而且豆味濃郁， 真的是經濟又實惠，難怪有好多慕名而至!

話說亞婆豆腐花是大埔的名物,我直接說在大埔食豆腐花當然要選擇阿婆豆腐花吧,這間店鋪最初也在附近,是一個非常迫擠的店鋪,在小時候也常常經過這間店鋪,很多住大埔的人也會來食一碗豆腐花,一月一日新的一年新的開始,在深圳食了海鮮早餐,回港後也想在大埔食一點東西,選擇亞婆豆腐花.由舊址換了一店較大的店鋪.店內有數個位置坐.中午時份也非常多人食豆腐花,而亞婆的女兒和孫子在店鋪前忙碌地賣豆腐,店內則忙著制作豆腐花,還賣著豆漿,以及南乳來的目當然是它的名物,但要了凍豆腐花,自己加少許黃糖,其實不加黃糖也有甜味.,坐下慢慢享受,慢慢看著這間家族店鋪,凍凍的豆腐在夏天的確是涼透心,在冬天也欣然接受,食下去非常滑溜,多年沒有改變,食到少許豆味,份量不少,食完一啖又想食多一啖,進食期間不忙和亞婆談了一會兒.八十歲的亞婆也非常健康,自己也會幫手.少食豆腐花的自己很快食完這碗豆腐花,隨即還來一杯豆漿,可能食了豆腐花關係,感覺豆漿則較淡口,還幫家人買一碗回家,臨走時還向亞婆說聲再見五元一碗豆腐花食完非常回味