亞婆豆腐花

營業中

休息中

踏到大埔，又經過這間大獲好評的豆花店，怎能不試。深知熱的豆花才是正道，不過大熱天的只好來個凍的。豆花很滑，又凍凍的可幫助消暑。不過略甜了一點。人真的很多，不過我覺得經過一試是可以，專程來好像又不必了。

聽就聽得多但從來都未試過, 因為好少去新界區今日終於有機會食到啦一個字滑!!!!!!!!!!!!而且滑得黎又有豆味!落少少薑水, 唔太甜又有少少薑味簡直係無得頂呀!

去到大埔第一件事係去揾一個好滑阿婆豆漿滑.豆腐花滑豆腐花....石膏粉味根本沒有抵讚.而豆腐花一入口就滑落去..勁正服務很好...沒有因為紅左...而改變.....

阿婆豆腐花呢，以前就唔係呢個位既，後來業主加租等原因，而家搬左來呢度。呢度既豆腐花，賣到出哂名，本來街市附近得佢一檔賣豆花，搞到個個都爭住賣，不過都係佢最好食。入返正題，豆花五蚊碗，唔算貴，冷熱同價，各位食家可以加黃糖或薑糖入去。我就鍾意咩都唔落，因為豆花本身已有糖水，太甜對身體無益呀！味道上，豆味不算強，不過勝在夠滑，同埋無咩石膏粉味，加上凍凍地，絕對係熱天或工作後既最佳食品。P.S. :點解阿婆會望住笑既呢？唔通佢記得我就係果個舊時日日來食既肥仔？

食完群記，我和老公立即光顧亞婆豆腐花，我們叫了豆腐花涷熱各一。 我們覺得豆腐花豆味普通，但是真的很滑，甜味亦夠，唔錯！ 進食期間，但見人流不絕。我們結帳之時，亞婆來收錢，其樣子充滿笑容及連聲多謝，十分有禮貌。

Recently I heard from 陳真 that this Tofu shop is pretty good and as luck will have it, I actually had to do something personal in the nearby vicinity right after he mentioned here, so here I came and I'm glad I did! I think if anyone has read any of my other tofu shop reviews, you'll notice that I am highly annoying and extra hard to please - since I discovered that certain Tofu shops in HK really disappointed me, especially compared to say Tofu Shops in Kyoto or even Yokohama ***************

豆花好好味呀~食得好開心~我個人喜愛熱的那種。簡直再三回味呀。真的很滑很好味~加上黃糖真的很GREAT而它的底也有糖在呀. 很好很受大家歡迎的店呀，我次次來也見到很多人排隊。保持水準，好!而且價錢一直都是五元，讚呀。我覺得這間大埔的豆花，好過大澳、南亞島、長洲的所謂地道豆花呀。

五蚊碗真係好抵食好滑!一個人食兩碗都得雖然冇得坐,要企街,周圍又唔多衛生,不過五蚊碗仲想點?

其門如市，豆花五元碗，大大支豆漿亦不過十五元。當我食豆腐花的時候，居然有街坊提醒我要倒薑糖，說這樣吃會好味點…這便是大埔的人情味，難得！

吃完世記的炸猪扒面怎麽可以不來一個甜品，知道街市的亞婆豆腐花很出名，于是拉著媽媽一起來試。媽媽要凍的，我要熱的，雖然忍受著36度的高溫，但我由衷覺得熱的豆腐花才是王道。有豆香又一吸就入喉嚨，完全不用咬~ 臨走買了一支大size的豆漿給爸爸拿去工地喝。

終於可以一試傳聞中大埔的亞婆豆腐花。去到已經有十分多人排隊，舖內的店員做到無停過手，足見其生意是何等的暢旺。用五大元買了一碗凍豆腐花。食下去已經覺得與其他地方食的豆腐花不同，似乎是以山水所製，豆腐亦非常新鮮，又香又好味。此店在大埔已經很出名，且名符其實，難怪幾乎所有入大埔的人都會一試。

每次一到大埔不外乎做兩件事，一係就去群記食清湯腩，一係就去亞婆食豆花（再唔係就做晒兩樣）。今次到大埔有事做，順便就整番碗豆花，橫掂亞婆搬左舖後我都冇來過﹗外面仍然係排住一條人龍，仍然係亞婆親力親為同幾個後生仔一齊賣。經濟唔好，但亞婆都冇成乘機加價，仍然係$5一碗，外賣$6。所有野都好似冇變，最後睇下味道有否改變先。豆腐花食熱一直係小弟的態度。雖然天氣熱，但係始終熱的較滑，而且可以落黃糖，較糖漿更香。豆腐花同以前一樣仍然很滑很滑，係我食過最滑的豆腐花。豆味食到啲，但不算特別香，但加上黃糖後好快就在食晒成碗，好爽﹗之前睇電視見到教整豆腐花，話豆漿煮熱後加上魚膠粉就得。啲騎呢主持人仲話滑過出面個啲，但其實加魚膠粉咪只不過係豆漿味啫哩，應該唔會係真正用石膏粉的豆花的質感。同埋如果真係咁易整，好的豆腐花就唔駛咁少地方有了，所以話大埔的亞婆絕對唔係一般的亞婆。慶幸自己搵到一間咁出色的豆花，仲只係$5一碗，絕對係我的最愛豆花。

一直聽聞大埔阿婆豆腐花好好味, 上幾個星期去開大埔就順便去食下呢間傳說中豆腐花又滑又好味既店..一去到, 已經發現好多人排隊, 而且店門外有好多人拎住隻碗企0係度食豆腐花..今次我叫左熱既豆腐花, 果然名不虛傳, 豆腐花好熱, 好滑, 入口即融, 好香豆味而且價錢平, 大大碗都只係5蚊, 十分抵食!!! 食完一碗後, 我仲外賣多碗熱豆腐花番屋企慢慢歎添...

我最喜歡的原始豆腐花味道, 湯底清甜, 不用太多黃糖已夠味雖然人流甚高, 服務態度依然非常好!

聽陳真兄說,此間賣豆腐花的"亞婆",在區內是有名氣的.價錢只是$5一碗,平過市區.味道又如何呢?吃晚飯之前,先來一碗.店員二話不說,即刻將豆花奉上.剛好店內有客人走,於是連同兩位朋友,排排坐吃豆花.小弟吃豆花一向凍食.熱食就可免則免.阿婆的冰凍豆花,豆腐很重豆香."骨"一聲,差不多整碗豆花吞下.頓時透心涼.又聽說,假日的阿婆,生意好到不得了.而且要排大隊.吃罷之後,也覺得有點道理.