五要素食堂 (已結業)

the one充滿各式各樣既餐廳而且每間都具獨特色彩及風格.今日經過見到又開左一間新既日系西式fusion菜,外觀簡約走輕工業自然風,環境唔焗促又幾舒服就入去試試.和風柚子煙肉自家味噌團意式薄餅Pizza餡用上西式水牛芝士及意大利煙肉mix日式靜岡柚子皮,日本香菇及紫菜絲做成西日fusion菜.用上質地較柔軟既水牛芝士更容易做出拉絲效果,同時水牛芝士無硬身芝士發酵味,更配合到和食較清淡既風味.帶清新柚甘香既柚子皮剛好中和煙肉偏向濃烈既鹹香味.麵團用上秘製水合麵團及經長時間發酵令麵粉將有足夠的時間吸收水分,烤焗出更外層脆而內在濕潤既pizza餅底.加上味噌令麵團帶出天然鹹香,亦為pizza增添更濃既日本風味.靜岡柚子胡椒雞翼雞翼外灑上柚子胡椒鹽烤焗,柚子胡椒味道獨特,除左鹹味及胡椒辣味外亦淡淡帶出一陣柑橘清香.配合肉類唔會令食材更鹹膩反之中和油膩感.內裏雞翼微微醃得未夠香,味道較淡但內裏肉質嫩滑富有肉汁.

一排冇黎The One, 原來開左唔少新店。 今日行過, 見到這間日式西餐廳, 睇落幾舒適, 仲要有露天茶座位, 可惜太凍冇得出去坐。 不過係入面都唔錯。 好似去左日本小店咁。佢雖然有餐版提供, 不過掃QR 睇既menu先update d. 食物款式唔係太多, 不過都有好多選擇。 我地點左: 柚子山椒雞翼，蟹肉靜岡自制寬意粉, 紅莓窩芙，仲有2杯熱咖啡。2杯咖啡黎到, 好香, 仲另外比細杯奶我地自己落, 好細心。 柚子山椒雞翼，黎到已經好靚。 好明顯剛炸起, 仲脹脹地, 好香柚子味。 食落有d山椒中和下, 個味好fresh, 隻雞翼都好熱。 蟹肉寬意粉好 creamy, 夠多蟹肉, 而寬麵都好彈口, 真係同其他地方既唔同, 仲左蛋香味。 可能因為比較油, 寬麵如凍左會更漿住, 所以下次要食左先。而佢個甜品係就返我去用餐時間整既，好細心, 時間都夾得好好。 等我地食完主菜就夾到時間上。 白色既唔係cream, 似蛋白霜，真係即打。 這個窩芙唔太甜, 好啱香港口味。 這間新店真係有驚喜, 不錯。

在新開的日式餐廳午膳，雖然網上評價十分好，但試過後覺得味道不過爾爾！ 😬😬😬巴以馬火腿味噌麵糰 pizza, 野心太大之作，既吃不出味噌的味道，連巴以馬火腿也不夠鹹香，有點兒失望！ 海苔水牛城雞翼也是普通水準，可能當初期望過高喇！ 反而蟹肉味醬薯條幾好食，薯條炸得金香鬆脆，佐以用料十足的蟹肉醬料，簡直是絕配！ 😋😋😋青森100%🍎汁則非常清甜，可喜之作！其實餐廳有戶外座位，不過可能幫襯那天天氣太凍，所以大家都選擇坐室內喇！

上次係The One 朋友行街介紹過我食間日本野，今日心思思行左去食，果然唔錯Menu 選擇唔多，感覺係有日本特色既西餐，同行朋友唔好pizza我地就share 左一個意粉一個飯同沙律，樣樣都好好食😆要讚讚個牛舌飯，牛舌份量好足，仲要有新鮮火箭菜做配搭唔會太膩，飯口感香軟，粒粒分明😍食多碗都得；個意粉都好入味掛汁，口感煙韌，高水準；和牛沙律都好抵食，和牛po滿一碟，火箭菜夠新鮮，所以就唔會太苦👍🏻

趁着週末同女朋友出街玩玩逛逛，休息一下。今日嚟到尖沙咀嘅呢個商場，發現好多新野睇，咁行咗一陣就發現咗有間新嘅日式餐廳，裝修設計風格都好好簡約，感覺好舒服。見我哋都有少少肚餓啦於是我哋就決定要去試吓佢。我哋一坐低已經覺得呢度真係好舒適，咁於是我哋就叫咗黑毛和牛牛扒丼配清森溫泉玉子估唔到非常之好食，和牛嘅厚度適中而且條辮燒到竉窿地好香口好好食，入邊仲要係半生熟，再加上好香口嘅火箭菜同埋一隻好靚好好食嘅溫泉蛋，感覺非常之好，食落去都一樣咁正！另外就係叫咗個和風雞翼，佢嘅未到大少少甜同埋少少辣雞翼燒到外脆內軟好啱作為前菜提一提神醒一醒過胃口不過要講到最正嘅就一定係五芝士要數味增薄餅啦，因為佢個薄餅外表雖然普通但係其實佢係用咗味精啦同埋用咗五種芝士去製成，咬落去嘅口感非常之好而且味道有鹹香餅底亦都有油香芝士拉出嚟亦都非常之靚所以知道佢嘅配料係非常之落重本嘅嘩！好食都未食完我哋已經話下次要再嚟啊！推介俾大家過嚟試吓特別係佢個薄餅。

Good value, quality food, excellent service.Visited on Tues lunch time w 40% off via Openrice booking. On arrival our was only 2nd table of cusomers. Shortly after that I could see nonstop 2 rounds of customers throughout lunch time.Two of us ordered Parma Ham pizza, Ox Tongue Rice Bowl, Red Bean Macha waffle, Ginger tea and Cappucino. The pizza is soft based with good filling of parma ham and burrata. Hot and fresh. I liked it most. Ox Tongue Rice bowl good quantity of ox tongue. If the

見the one開左間新日本野，環境都好似唔錯，而且食GE都係非一般菜式，西日fushion之餘，仲會有唔同GE食材配搭，都幾有新鮮感黑毛和牛牛扒丼 - 牛肉好夠嫩，加埋蒜片配飯食更 加夾同惹味巴馬臣蒜牛油雞翼，好香口，本身已經好濃味好rich~~加埋芝士仲更加正五芝士要素味噌麵團薄餅 - 不嬲都認為用愈簡單材料GE薄餅愈好食，呢隻五色芝士就中哂我要求，融入左味噌味道咸香更突出信州味噌鮮菇手工意粉 - 意粉真係幾有質素，好有咬口，而且醬汁濃度剛好，好入味，推介和風水牛芝士波配菜 - 乾蕃茄真係可以幾蕃茄香濃縮左，配埋沙律菜更加清新～～煙肉配風乾蕃茄薄餅 - 呢個配搭好新奇，原來waffle可以好百搭，咸甜都OK最後甜品係瑞可塔芝士配大倉紅豆軟包，估唔到咁好食，成個包軟得黎有咬口，有種菠蘿油GE感覺～～

試試新餐廳黑毛和牛牛扒丼 $78五芝士要素薄餅 $88芝士控見到呢個五芝士點可以唔叫先 ! 味道可以，但無乜驚喜，係一般嘅cheese pizza嘅味道，無拉絲效果真係爭啲啲啊！牛扒丼反而有啲驚喜，牛扒份量多，肉質唔錯，而且生熟程度恰當，仲鎖住左啲肉汁，配合新鮮嘅火箭菜，令成個牛扒丼變得好fresh!去食個陣係新開張，有折，其實無折價錢都唔貴嘅，但有折就真係好抵食！但我去個日明顯係未ready! .我哋坐左係室外，環境真係唔錯，空間感大，坐得都好舒服，但要搵人就有啲難，到我哋問侍應拎menu，佢就話我哋係電子落單無menu (但隔離枱係睇緊實體menu而且我哋係無pad)，轉頭佢就比左部pad同實體menu我哋🙂 。飲品選擇唔多主要係咖啡，但偏偏無咖啡😢.順帶一提，唔知點解包住筷子嘅貼紙好似溶左咁，痴實哂好難開

文迪有節目, 這個下午, 就變成我跟小晴晴拍拖的時間. 沒有晚市堂食, 晚餐就提早在4點半在Fifth Element Shokudo吃. 這, 也是大家的日常.一早訂了位, 就能夠享用6折優惠. 畢竟市道差, 飲食業要生存, 唯有靠不同的推廣及宣傳. Fifth Element Shokudo位處The One, 環境是不俗的, 帶著小朋友來吃, 很合適.靜岡草莓綠茶 $28: 6分, 先來點喝的, 靜岡草莓綠茶, 綠茶味道實在偏淡, 而草莓味道亦不算太突出. 沒有想像中的化學作用.青森100%蘋果汁 $32: 8.5分, 小晴晴喝的當然是%蘋果汁, 青森100%蘋果汁, 味道天然, 清甜, 無得輸.黑毛和牛牛扒丼 $78: 8.5分, 不能不點選的是當店no. 1的黑毛和牛牛扒丼, 原價$78已經是很合理的價位, 現在有六折就更加不得了. 黑毛和牛是肥美的, 加上沙律醬, 辣椒絲, 以及乾蒜片, 相當惹味. 配上大量的菜蔬同吃, 正好起了平衡的作用.熟成厚切牛舌丼 $78: 8.5分, 再來一客熟成厚切牛舌丼, 配搭跟熟成厚切牛舌丼有點相似, 但就由黑毛和牛牛扒, 變成熟成厚切牛舌

同朋友去開The one行街街，發現了一間開張不久的日式西餐廳，裝修簡約，幾吸引我這些年青新一代😆，就試試新野先。點了厚切牛舌丼青森溫泉玉子，賣相不錯，而且厚切牛舌彈牙有口感，又有蒜片襯托好香口，再加上使用日本米，粒粒脹卜卜，又有玉子可以撈飯，正😋。還有點了個蟹蝦特製醬味噌麵團薄餅，麵包外皮焗到脆卜卜，中間放滿蟹同蝦，口感豐富😋。再來一客小食靜岡柚子胡椒雞翼，好惹味，始終有柚子，就係無得輸👍🏻。滿足。還有在openrice訂位有優惠，很吸引☺️

前幾日睇到呢間食評今日，唔知食咩一打開手機收藏左咩餐廳list就選左呢間餐廳見book位全單8折就嚐味一下裝飾簡約風格餐版都係比較簡約點左和牛飯+雞翼8隻 先朋友就遲來，再點和牛沙律+煙肉窩夫加杯格雷伯爵茶 和牛飯和牛入口即融，米飯醬汁比較香濃侍應話有些客感覺個醬汁仲唔夠香濃tim可想而知，香港人太多喜歡重口味食物多雞翼比預計中多2隻，10隻。$78和牛沙律，9芽菜有些放得耐，比較脫水。有些影響到口感，醬汁搭配ok煙肉蕃茄窩夫鹹香，整體搭配口感似食mini pizza

日式西餐出名中低偩食到質素唔錯嘅西餐，最近路過THE ONE開左間Fifth Element Shokudo，今日行完DONKI決定一試～裝修好有現代感，亦唔會同商場本身違和餐牌都係日式簡潔風，冇咁多花臣，都係就咁食物照去地，但睇落就已經相當吸引～首先叫左個蟹肉味醬薯條。薯條炸得唔錯，新鮮炸起，入口夠脆又熱到冒煙。蟹肉味醬醬身香濃，鹹香配上沙律醬及蟹肉粒，風味十足，同薯條好夾，真係一條接一條停唔到口。跟住到靜岡柚子胡椒雞翼。柚子味配胡椒就好似日本版嘅豆漿油條，係絕配，香氣同辣度都好出，又互相加分。雞翼表面烤到少少脆，火候掌握得唔錯，咬開多汁嫩滑，口感同味道都相當有水準。最後上陣嘅係巴以馬火腿薄餅。餅身薄得黎好足料，仲要夠脆，一D都唔粉。涵料係蕃茄醬底配上水牛芝士、火箭菜同烤到乾身嘅Parma Ham，入口脆身，茄醬配上由火腿逼出黎嘅油風味濃郁，水牛芝士再添上淡淡芝士香，火箭菜再中和番，成個口味配合得宜，滋味得黎又唔會膩！整體黎講性價比都唔錯，係尖沙咀食到呢個水平嘅日式西餐真係值得再回頭。

很少寫食評，除非餐廳令人印象太深刻，但想提醒其他人，所以還是寫了這篇食評。主打的和牛吸引到我去光顧，賣相不錯，飯的佐料也很好，但問題來了！！！和牛還是酒紅色的，帶些少血，見到的時候有驚訝，因為餐牌沒說是生牛肉，食的時候也比較難咬開，要咬很久。飯後第二天，肚子超不舒服，不舒服的狀況維持了二三天。並不是說所有人去食都會有這樣狀況，但就在這提醒腸胃敏感者要注意！！順帶一提，當天是有訂位去的，但餐廳居然滿座，沒有留位給openrice 訂座的人，等了半小時才安排坐室外，本來說室內有位會安排我們坐進去，但結果侍應忘了。。。

今日出黎尖沙咀，於是上OpenRice 搵下有咩食，跟手我搵到依家有六折所以就一於訂枱去試試。雖然佢餐牌嘢食唔算好多種類，我但叫做麻雀雖小 五臟俱全，佢有小食啦，有主菜，有飯，有意粉，有甜品。佢衣到係採用qr code落單，落完單，都幾快上菜。我地一行兩個人，叫左厚切牛舌溫泉蛋飯、柚子蝦意粉、巴馬火腿薄餅首先牛舌溫泉飯，牛舌粒都多有彈性，伴菜有波菜葉，炸蒜蓉粒，味道唔錯，值得推介跟著巴馬火腿薄餅薄餅起係用味增未做，不過個餅底個人認爲唔夠鬆脆，太un.柚子蝦意粉，柚子唔夠重，太牛油，個味建議改良下，唔講個味，蝦都大同爽，都唔錯整體黎講，係品質都唔錯又唔太貴，可以再encore

前一陣子仲係四人限聚令嗰陣，同左幾個好耐冇見嘅好姊妹出去食飯，大家都想搵啲平靚正嘅嘢食，咁啱見到尖沙咀有間新開嘅餐廳網上訂咗有優惠，所以就去試吓啦！邊間餐廳位於尖沙咀The One，地點夠晒方便，餐廳主要係日式嘅洋食，本身價錢都唔算，但係網上面訂位之後竟然有六折嘅優惠超級抵食。我哋分別叫咗五式芝士味噌Pizza，柚子胡椒雞翼，黑毛和牛牛扒丼，厚切牛舌丼同埋南蠻味噌伊比利豚肉丼。五式芝士味噌Pizza令我哋都好驚艷，超香芝士味仲要熱辣辣，味噌嘅味道唔算好出，因為滿口都係唔同種類芝士嘅味道夾雜一齊，真係超級濃郁同埋滿足！黑毛和牛牛扒丼我覺得都唔錯，牛肉切到好薄，啱啱好嘅熟度加埋炸蒜片嘅味道我覺得都好好食！至於牛舌我覺得入口有少少偏硬，牛嘅蘇味仲喺度，反而有啲失色，不過如果你哋鍾意牛嘅蘇味嘅話就會係一個唔錯嘅選擇。至於豚肉當同埋雞翼我就覺得不過不失啦，不過以六折之後嘅價錢除開一個人都係60幾蚊，CP值真係超級高，我覺得可以一試㗎！