五要素食堂 (已結業)

The ONE最近開咗一間日式西餐，門面簡約得嚟都幾靚，取名第五元素。食物選擇都相當多，仲有好多唔同種類嘅小食可供選擇。如果外賣就更加優惠，不過一場嚟到，都係決定坐低堂食慢慢嘆。出嚟食午飯，最怕等得耐搞到遲到返Office，而呢度上菜速度好快，所以我仲趕得切影返張大合照。黑毛和牛沙律係薄切牛肉，牛肉非常林身同嫩滑，沙律菜用咗火箭菜，再配上和風味沙律醬汁，食落醒神開胃，我就最鍾意有超多菜，感覺既健康又清新！呢度嘅意粉係手工意粉，所以特別煙韌彈牙，原來呢個意粉上面同樣地加咗火箭菜，再有菇片同紅椒絲，雖然係素食，但絕對唔覺得孤寡。和風煙肉薄餅上面有煙肉、蘑菇、芝士同埋一啲紫菜絲，我最鍾意佢嘅手工薄餅底，批邊飽滿而且好似新鮮出爐嘅麵包咁，好有口感，呢個9” size，兩個人食就剛剛好。今日難得約到呢個好耐冇見嘅舊同事，又發掘到一間值得一試嘅新餐廳，真係值得感恩嘅一天！

朋友一早remark左呢間位於The One 3樓新開嘅日式輕食餐廳 🤤 所以就約咗佢行街前，嚟呢度食食午飯🥣首先位置來講，冇得輸係the one入邊，好方便其次裝修係石屎冷淡風加木頭，再加啲綠色植物，坐得舒服。我覺得特別嘅一點係佢哋設有戶外座位，雖然今次我哋無坐到出面，但係天氣好，有陽光的冬天坐係較為開揚嘅地方都應該幾舒服👍事不宜遲入正題，我哋兩個女仔分別叫咗人氣no 1嘅黑毛和牛牛扒丼（$78）同埋牛舌溫泉玉子丼（$88）首先嚟咗黑毛和牛牛扒丼，好有驚喜，呢個價錢食到呢個質素嘅牛，勁重牛味 🥰 加左d沙律醬，同炸蒜片，好夾👍咁當然呢個價錢都唔好期望有好多牛，約莫五、六塊。之後到牛舌溫泉玉子丼，牛舌份量好夠，好彈牙 🤤 值得一讚嘅係每碗飯都有唔少份量嘅火箭菜，可以平衡牛的油膩感。總括而言， $100都唔使呢個質素，係幾抵食，推介黑毛和牛牛扒丼

難得到左星期日，放假既心情終於解放！限聚令之下真係少左好多出街食，但今日有機會見下朋友，我地就約左出尖沙咀食野，行行下the one, 覺得呢間鋪裝修都幾靚就入左去食🤪我地12點半去到都唔算多人， 唔駛排隊，店係使用電子落單，所以都幾方便😽👍🏼我地兩個人嗌左一個pizza, 一個丼飯同一個甜品，都好夠飽😋😋👍🏼《巴以馬火腿薄餅》🍕：呢個真係超級推薦，由其係鐘意食一啲煙韌餐包既朋友，佢個皮係似傳統意大利薄餅個鐘做法，乾身會有小小燶，好咬口👍🏼👍🏼，唔會食落成口油，食完唔會油膩。 火腿足料，同啲芝士cream 好夾🥰🥰👍🏼👍🏼👍🏼《黑毛和牛溫泉玉子丼》🐮：份量夠大👍🏼，啲醬汁同個蛋撈埋啲飯都好夾😚😚，美中不足既係個牛雖然燒得香，但食落有少少un, 但如果鐘意有咬口既牛既朋友都可以一試🤪《野莓日式鍋夫》🍒：實物比圖更多料😍👍🏼 野莓少少酸夾埋啲cream 食岩岩好， 份量夠大， 兩個人食岩晒😝😝總括而言，呢餐我地都食得好滿足🤪🤪👍🏼 會再黎食pizza☺️☺️👍🏼🍕

呢間餐廳環境好chill, 仲有戶外座位。木製餐桌令環境充滿溫暖感～食物簡單係2頁紙既餐牌show曬，落單可以用QR Code，想叫飲品既可以係裏面選擇。午市上菜速度都okay，大約10分鐘食物就陸續上～黑毛和牛牛扒丼青森溫泉玉子（$88）色香味俱全，食物擺盤好靚，有食材滿滿既感覺。靜岡柚子大蝦扁意粉（$98）除左有淡淡既柚子味，仲有些微既辣味，好味😋 食材顏色豐富，影相好靚📸靜岡柚子胡椒雞翼（$48）煎得好香口😋巴馬臣蒜牛油雞翼（$48）好似冇乜點見其他餐廳有蒜同牛油呢個組合，估唔到有意外驚喜，口味好新鮮，好好食，重口味之選！😍OpenRice訂座有6折，抵食😍

限聚令下，好耐冇出街食過好野，難得今日星期日出尖沙咀，就去the one 搵下好野食。我地兩個人黎到the one ，行到去三樓，見到呢間好似係新開既日式餐廳，叫five Element, 主打日本靜岡主題食品。裝修好新正，有戶口地方可以選擇，chill侍應都有禮貌，落單用app就得，好方便。我地叫左一飯一pizza一甜品。飯係黑毛和牛牛扒井配青森溫泉玉子，個蛋食得出係用日本蛋（事關平時我地都係用日本蛋黎整溫泉蛋），湯個針好開胃，撈埋個蛋同埋火箭茶好夾。美中不足係個牛有少少韌，燒牛冇問題，唔係燒得太熟，應該係本身食材問題。Pizza 係12寸巴以馬火腿日式薄餅，佢同意式最大既分別係個pizza 面底，食落去係煙煙韌韌，火腿芝士都足料，揀既呢隻芝士都好夾，12寸咁大個我地都食曬。甜品係意大利野莓日式窩夫，黎到比想像中大份，cream都俾左好多，rasberry 食落去好酸，但夾埋個醬食又會好夾，係一個健康既窩夫😂😂總之，呢間餐廳價錢唔係特別平，但食物質素都算比得上價錢啦，性價比唔錯👍👍

朋友 S 👧🏻 介紹 The One 有間日式西餐，日本菜壽司拉麵就食得多，「Fifth Element Shokudo」以日式 crossover 意大利菜嘅就第一次試，一於 lunch 試吓！餐廳裝修以水泥牆做主調，配上木傢俬，走日系簡約工業風。餐廳播住柔和音樂，座位闊落舒適，好似坐喺 cafe 感覺，幾 chill～餐廳仲有 outdoor seatings，不過今日氣溫驟降，都係坐返室內 ❄️落單以 QR code 方式，介面清晰易用，方便 👍 餐牌有丼物、自家製味噌麵團薄餅、手工意粉、特製薄餅夫、甜品等等，品種頗多。起初諗住淨係揀主菜，最後忍唔住追加雞翼 🤤 我同朋友都係雞翼控，一於叫兩款！上菜速度快，打工仔唔洗驚食唔切！當餐點準備好，就由職員送上食物。=========================黑毛和牛牛扒丼青森溫泉玉子 $88和牛薄切嫩紅，鋪滿飯面，牛肉半熟入口 juicy，肉味濃郁將溫泉蛋戳開，蛋汁緩緩流出，拌以碗中燒汁、珍珠米，每啖混和肉汁蛋汁味道，大滿足！靜岡柚子大蝦扁意粉 $98扁意粉約一吋闊，有4至5隻大蝦 🍤扁意粉掛汁，並冇湯湯水水嘅感覺，帶淡淡清新柚子皮

*呢間餐廳係之前食嘅,疫情嚴重就盡量留係屋企或者買外賣啦🙆🏻‍♀️*之前朋友約咗我去尖沙咀見到the one 有間新開嘅日式西餐🤔餐廳環境同menu都幾吸引 我哋就入咗去試啦😆我哋2個女仔叫咗2個mains + 1個沙律 餐廳用QR code 點餐 好方便🙆🏻‍♀️🌟和風煙肉自家製味噌麵團薄餅 $88薄餅size 唔算好大件 但2個女仔食就啱啱好🤭薄餅上佈滿煙肉同紫菜碎 仲有啲芝士 而麵團同平時食開嘅pizza 有啲唔同係外脆而入面有啲煙韌 好似麻薯嘅質地😂都幾特別～🌟蟹肉靜崗大葉扁意粉 $98嘩 呢個食落真心有驚喜😍😍😍 意粉似係手工意粉 軟硬適中 好有口感而蟹肉都好有鮮味 簡單配上紅椒雜菌已經好好食 我地2個都食唔停口！仲話應該叫2個意粉😂😂🙈🌟和風瑞可塔巴馬火腿沙律 $78沙律份量有點少 不過好食嘅野 貴精不貴多嘅😂😂火箭菜好fresh 夾埋Parma ham 同cheese 一齊食 好開胃呀👍🏻 其實我地仲想試埋窩夫 不過想試嘅抹茶紅豆窩夫冇晒😭😭唯有下次再試啦～ 整體嚟講 係the one 嚟講算係唔錯嘅日式fusion餐廳 🤩 意粉值得encore!

今年因為疫情冇得去旅行，所以12月有好多假期要清。相信好多人都要計劃一下假期留在香港做乜好。香港地方比較細，相比起其他國家例如日本、台灣、歐洲等，就算封關當地人都可以係自己國家周圍遊玩一下，多羨慕。 今日計劃去尖沙咀為聖誕節添置家居裝飾，同友人去The One新店 fifth element 食下tea 。裝修行簡約風，木器襯深灰色牆，在襯上綠色尖葉植物。坐為都幾闊落好有空間感。門口仲有一排單人座位，好似食拉麵咁，背後係落地玻璃同埋空中花園。 可能OpenRice有折扣，客人源源不絕。旁邊仲坐咗兩枱韓國人。點了牛舌溫泉蛋飯，厚切牛舌外脆內軟。蝦蟹肉pizza都幾多配料，用上白汁，我最喜愛的。因為疫情，嘗試避免用手食pizza，今次第一次用筷子夾住食。柚子雞翼炸得好香口，上枱熱辣辣，只係差少少柚子味。

今日行經Fifth element shokudo，裝修好簡潔舒服咁，所以入左去食lunch。我地order左一個黑毛和牛牛扒丼同熟成厚切牛舌丼。黑毛和牛牛扒：第一下會食到炭燒既香味，然後會有牛肉既油脂香，最後就會食到嫩嫩既牛肉。唔錯！估唔到只需$78就食到充滿油脂香味既牛肉👍🏻😋熟成厚切牛舌：更好味！牛舌不但有油脂香，亦都好爽口彈牙得黎又易咬，恰到好處！兩碗同樣有好多火箭菜，飯既份量都好充足。我鐘意將d 火箭菜、飯同醬汁撈埋一齊食！火箭菜好fresh，食完成碗丼感覺好健康，又夠飽！👍🏻雖然價錢望落唔平，但最後我地都覺得價錢對得住食物質素！👍🏻P.s. 最後我地先發現有室外既枱，感覺幾chill~下次如果好天可以坐出面！

大家都要翻工，所以趁住禁晚食堂食前拿拿林同fd係附近食埋近期最後一次晚飯。今次揀左黎the one食日本野，望落有d似高級版牛肉飯，幾吸引咁，就黎左試。朋友鐘意食牛舌，一見到熟成厚切牛舌丼就揀定左。我試左少少牛舌，係咪熟成其實我就唔太識分，但可以講係超厚切，超彈牙，亦得有幾香既牛肉味。正呀！而我就點左黑毛和牛牛扒丼加溫泉玉子。個人認為牛肉稍為熟左啲，如果有得揀生熟度就會更好。肉質有咬口，肉味都幾香，不過同牛舌對比就相對無咁驚艷～珍珠米香軟得黎有咬口，果然係高級版牛肉飯！另外我地仲叫左柚子胡椒雞翼，呢個小食超惹味！有胡椒既香味，咸味之餘，仲帶有柚子既少少酸味同香味，雞翼既肉亦都好滑。最後仲叫左一件靜岡煎茶香蕉焦糖批share，呢件cake略甜，但香蕉同茶味都好出，為我地既晚餐劃下一個完美既句點。

食埋呢幾日就無得外出食晚飯🥺今日就約左個附近翻工既朋友食多一餐～今次睇中呢間餐廳既日式輕食感覺，再丼飯，自家製味噌麵團薄餅，手工意粉，小食，甜點等。雖然選擇唔算好多，但環境同餐牌都做得唔錯，簡潔舒服。熟成厚切牛舌丼熱愛牛舌既我，一見到牛舌丼就馬上揀好左～一上枱，佢果然無令我失望～厚厚既牛舌粒，份量亦都唔少。佢地調味比較簡單，所以牛舌既牛香味勁突出，而且口感好好，彈牙有咬口，暫時係我食過最厚切既牛舌～飯底用左珍珠米，軟糯有咬口，但係略嫌唔太夠汁。另外仲有好大堆火箭菜，唔會多肉無菜，比較健康呢！黑毛和牛牛扒丼青森溫泉玉子朋友點既飯～賣相唔錯，溫泉玉子都做得幾靚。牛肉方面，我地都覺得稍為熟左少少。肉質同肉味都唔錯。靜岡柚子胡椒雞翼好惹味既一款小食～胡椒既辣味加埋柚子酸酸地既香味，感覺上無點係其他地方食過相同既味道，幾特別！而且雞翼既肉keep住好嫩滑。靜岡煎茶香蕉焦糖批啲cream蓋住成個批，好有冬日feel！上面落左朱古力醬，同靜岡煎茶粉，令到成個甜點多左清雅既茶香味。入面就係滿滿既焦糖同香蕉，其實只係好簡單既配搭，但係無論係口感定味道我都好鐘意～

今曰到訪一家新餐廳-Fiftn elements。這餐廳位於the one 三樓，店子裝修簡約有型，以簡單的水泥牆配上木系餐桌椅。這一邊是枱座，那一邊是面壁座。雖然面積唔太大，但感覺舒適，很有曰本feel.這兒用QRcode 自助落單，其實都幾方便，等了一會，很快便送上餐點。Wagyu steak donburi with onsen tamago $88這和牛溫泉旦丼賣相不錯！和牛顏色嫩紅，味道鮮美，而且完全鋪滿飯面，帶一點厚度，口感不錯。加上和牛是半熟狀況，肉質柔軟又幾juicy, 加埋溫泉旦汁，再拌以燒汁白飯，認真滋味。Iberian tonteki donburi with nanban miso$78這燒豚肉丼也不錯. 豚肉切成丁方，大大件，肉質爽脆又帶豚肉脂香，完全沒有豬的羶味。大口大口的吃，啖啖肉，很有曰本家庭式的風味。Cappuccino 忘記了價錢。這cappuccino 味道比較濃，咖啡微微的帶酸，泡沫比較薄身，還可以吧。蘋果汁味道天然，好像在DONKI買的日本蘋果汁的味道，酸酸甜甜的，幾開胃。由於這一天用OpenRice 訂座，全單6折，加上食物的水準不錯，認真超

尖沙咀真係有好多野食，想去食嘅餐廳都未去曬，已經又有新嘅餐廳開張！今次見到依間新開張嘅日式洋食餐廳，訂位有六折所以好抵食，人均消費都唔洗一百蚊🥳**********<信州味噌鮮菇手工意粉> $88呢款意粉用嘅係手工意粉，個樣有啲似銀針粉，平時食意粉都比較少見，口感非常煙韌，同埋都幾掛汁，味道唔錯！**********<黑毛和牛牛扒丼> $78依個和牛牛扒睇落好似好生咁，但食落又接受到，因為厚度適中所以咬落唔會好韌，而且牛味都好重，所以落少少調味就已經好好味😋**********<靜岡柚子胡椒雞翼> $48雞翼好重柚子胡椒味，加上柚子感覺更加清新，但係調味可能落重手左少少，個外皮都幾鹹下😂**********<意大利野莓日式窩夫> $68呢個窩夫賣相好吸引，上面嘅野莓係用左frozen嘅雜莓，所以食落會有敏感牙齒！窩夫嘅質地比較似蛋糕，一叉落去就好容易碎，質地方面唔太推薦🙈

一排冇去The One 發現左一間幾靚既新餐廳，就同朋友入去試下 餐廳有室外位置，夏天應該幾chill，不過十二月幾凍下都係坐番入面算 和風瑞可塔巴馬火腿沙律（$78）有火箭菜、蕃茄仔、巴拿馬火腿和溫泉蛋等非常清新健康和風煙肉自家製味噌麵團薄餅($88)真係餐牌寫既外脆內軟，口感煙韌鬆軟兼帶有淡淡芝士香味，而最特別係仲食到陣陣柚子清香，唔會似一般pizza咁膩   蟹肉靜岡大葉扁意粉（$98）我同朋友都一致認為今餐最好食係意粉，意粉非常彈牙有咬口，口感十足，仲有絲絲蟹肉，意粉掛汁，滿分！之後check番原來上openrice 提早book有6折！計番會好抵，不過唯有下次用！

週末逛街來到TheOne, 好一段時間無來，原來以前主打卡通主題的點心餐廳已不在，新開的是一間日式餐廳，黑色外牆配玻璃，內裝潢以灰色水泥牆為主調，單色的桌椅，少量綠色盆栽點綴，簡潔的日系工業風格有點眼前一亮的感覺。進去餐廳，右手邊外面天井位置也有座位，這天天氣有點回暖，有不少人選擇戶外位置曬著日光食午餐。這裏是用QR code 自助落單，確認落單之後就有職員送上食物。食日本餐，點丼飯是必要的吧。黑毛和牛牛扒丼青森溫泉玉子，和牛半生熟，粉嫩肉質，食落鮮嫩多汁。飯粒食落似珍珠米，配紫菜和火箭菜，淋上帶甜的醬油，旁搭一小塊檸檬，隨個人口味可加可不加，整體非常不俗。雖說丼飯味道不錯，但五芝士要素味噌薄餅更有驚喜。這裏的薄餅用上了味噌。芝士鹹香甚為突出，面頭有一塊味道特別香濃呈白色的芝士，我嘗試把它攤開至整塊薄餅，味道跟添濃郁。薄餅餅底和邊邊非常煙韌有口感。和風雞翼4隻做得也不錯，帶點微辣，尾隨少少甜味，最重要是皮脆，裏面肉嫩多汁，好食的雞翼就該是這樣