五要素食堂 (已結業)

星期日行The one ，行經這鋪位現又開了新餐廳，名稱日式但又有pizza 食，是日系西餐，便入內一試。餐廳有戶外和室內位，我們選了室內。店內裝修走日系風，點菜以掃QR CODE 下單，上菜也很快。我們點了蟹肉醬薯條，薯條熱辡辡，本身已調味。蟹肉醬就只是蟹肉混沙律醬，醬沒有蟹味，不過蟹肉份量也算多。主食parma ham pizza，凡其喜歡它餅底軟熟煙韌，parma ham配火箭菜和芝士又不會太咸，好味另外見黑毛和牛丼幾吸引，看圖好似細細一碗，然而和牛份量都多。和牛不會烤得太老，肉香好吃~還件伴以火箭菜和蒜片增加口感~唯一可惜是飲品選擇不多，我們點了啤酒，味道不錯。

見到尖沙咀有間新開既日式西餐廳，餐點款式都幾吸引，而且用openrice訂位仲有六折添，於是就入去試試。🧡黑毛和牛沙律估唔到牛肉既份量都幾多，而且每塊都喺有返咁上下厚度，食落去好有咬口。和牛肉味濃郁，帶點麻油和蒜香調味，烤過後肉汁仍然鎖喺肉入面，唔會燒到太乾。沙律菜也非常新鮮。🧡蟹蝦特製醬薄餅餅底是薄身的那種，面層放滿了蟹和蝦肉，食落都幾惹味。不過薄餅略微烤得有啲過火，食到有啲燶左的苦味。🧡巴馬臣蒜牛油雞翼雞翼喺即叫即整的所以熱辣辣上碟，面頭灑上巴馬臣芝士碎，食落仲有好香既牛油味。雞翼外皮烤得香脆，入面仍然保持多汁嫩滑。餐廳環境走簡約的日系工業風，坐位闊落，好岩同朋友一齊坐低傾計食野。本身餐廳食物定價合理唔貴，再加埋有六折優惠，兩人埋單二百蚊有找，性價比真喺非常之高。

見到openrice有優惠就約左朋友二人一齊來吃飯。來到是開放式餐廳感覺一般，餐牌選擇都可以但醬汁都係幾款。叫了一個薄餅口感幾脆口特別但醬汁味唔覺有，好彩有巴拿馬火腿有回點咸味。甜品偏咁但好彩忌簾不甜中和返。雞翼諗住一定沒問題但勁酸要整走晒醬才吃到。玉子牛肉丼，牛肉味不錯，蛋太熟，飯份量一人都夠食，薯條幼身不太脆同熱，普通。以有折來講價錢同質素都可以，每人緪百五十元左右。但以原價來講就可以有更多選擇。

放假去尖沙咀美甲💅🏻 完左之後就打算去附近食飯，最後嚟咗The ONE呢間Fifth Element Shokudo～ 去到接近2點，過咗lunch peak hour，點完餐之後其他幾檯客都走咗了😂 呢度個裝修好舒適，灰色磚配搭木檯櫈👍🏻掃QR code點餐非常方便～ 點咗一個飯同甜品😋1️⃣ 熟成厚切牛舌丼點主菜時掙扎咗一陣究竟要人氣NO.1嘅黑毛和牛牛扒定牛舌好，最後揀咗牛舌😌 上檯發現碗飯份量都幾大！成碗飯有牛舌、菜、飯，全部份量都好充足～ 先講牛舌，厚切一粒粒，有咬口、爽口，而且燒完好香，配埋蒜片食prefect🥰 菜初頭擔心會好草青味，但又ok喎，而且咁樣感覺食多左肉都健康啲🤣 飯上面有紫菜碎，個汁都幾香同惹味、食落有少少牛油香味～ 最後食清碗、一粒飯都無放過😙2️⃣ 意大利野莓日式窩夫本身打算食靜岡煎茶香蕉焦糖批，不過咁啱賣晒😔 所以轉叫咗意大利野莓日式窩夫～ 上檯嚇親我，好大份😮 好多野莓，好多cream😮 雖然多cream但佢並唔係好實嗰啲，而且幾香，窩夫點嚟食好味！野莓食起上嚟酸酸地，所以份量大我最後都食得晒😜整體幾鍾意呢間日式餐廳，會都想試下其他主食。而且openrice

餐廳裝修擺設都係走日系簡潔風格，有室內室外嘅座位可以選擇。餐廳都播住柔和嘅音樂，感覺舒適，坐位都相當闊落。呢到可以用barcode點餐，使用介面簡潔易用。食物就叫左黑毛和牛牛扒丼青森溫泉玉子。賣相都幾吸引，份量比想像中大。黑毛和牛牛扒都有6至7片，肉質不錯，都幾有牛肉香味。配有火箭菜，火箭菜新鮮，獨有嘅味道令成個丼飯更清新。溫泉玉子熟度控制得好好，好滑，蛋黃流心配埋珍珠米嘅飯粒，非常好食！飲品就叫左即磨咖啡，奶同糖水分開上，即磨咖啡都算幾香。再可以根據個人口味加入奶同糖水。甜品試左煎茶香蕉焦糖批，上碟真係好精緻。煎茶味到不算太濃，當中香蕉超有驚喜，好煙韌，有咬口。焦糖批焦糖部分不會太死甜，批底鬆軟，值得一試！店員都好有禮貌，服務不錯！

今日尖沙嘴脫完毛，就搵個地方順便食dinenr再見到呢間新開張既日本餐廳食日式西餐，menu幾吸引就入左去食！佢電子落單好方便，我叫左個黑毛和牛牛排丼青森溫泉玉子。佢d牛都幾多而且食質鮮嫩，好彩有叫玉子，撈飯一流，同埋d蒜片一齊食，唔知點解覺得有蒜蓉牛油雞翼既味道！佢仲有d火箭菜，同檸檬，令到成個菜無咁膩！而且佢d飯係用珍珠米，又煮得好煙un。食完主菜緊係要食個甜品，我叫左個靜岡煎茶香蕉焦糖批，賣相好吸引，個批上層係香蕉蓉下面係硬焦糖，口感一軟一硬好得意，而且佢唔會得個甜字，因為有茶味平衡返，佢最上有層cream甜甜地都幾特別。如果鍾意再食甜d可以再點d朱古力醬，不過我就當佢係裝飾🤣

今日難得過海想帶小朋友到尖沙咀各商場參觀下佢地不同既聖誕擺設同裝飾，雖然疫情還未退去，但幸好巿面上今年還有聖誕燈飾及佈置，行行下就黎到The One商場記得上次進入此商場，場內有好多餐廳食肆可供選擇，晤覺意發現一間新開既日式餐廳，主打日式西餐，愛新鮮感既我一於行去試吓原來佢哋仲有個室外露天茶座，不過當日風有D大，所以最後決定坐返室內還有好似自修室長枱既坐位每枱有一瓶水可供你自己拎黎飲這裏是用QR code自行落單，我鍾意這樣做，可以自己慢慢下單，又可以方便Check返order和風煙肉自家制味噌麵團薄餅9吋，上枱時非常熱辣辣，材料新鮮，薄餅皮厚度適中黑毛和牛牛扒丼青森溫泉玉子, 和牛好juice, 餐廳推介，所以order左兩碗

是日小妹衝左入黎尖沙咀The one 黎到呢間日式洋食餐廳Fifth element shokudo環境設計以日式簡約風既木、水泥牆為主調，感覺十分休閒店員呢晚安排我地坐室外場，秋風吹起，室外場一樣舒服食物分類有小食、特制窩夫🧇、主食（牛扒）、扒類飯、自家制pizza 、手工意粉、創作雞翼、甜品等作為蟹肉愛好者，呢晚小妹叫左個全蟹宴，事不宜遲，馬上去菜蟹肉靜岡大葉扁意粉意粉材料有菇、蒜蓉、蟹肉碎、大葉（紫蘇），一食就知呢碟意粉既賣點就係清新啦！紫蘇提升蟹肉碎鮮味，食落一d油膩感都無，如果份量再多d就更好啦蟹蝦特製醬薄餅有別於一般意式薄餅餅底，呢度既味增麵團薄餅粉相對鬆軟，而且餅邊較厚身，中間醬好香蒜味，飽肚之選蟹肉味醬薯條🍟誠意推薦蟹肉味醬，醬內有90%蟹肉碎，配上幼身炸到極脆既和風紫菜薯條，啖啖都係滋味提提大家呢度係用QR code 點菜，十分user friendly

日本野平時就食得多，但黎黎去去都係刺身壽司拉麵，今日黎到既呢間fifth element，正正就係食日式西餐！估唔到餐廳仲有室外座位可以坐，係The ONE入面既露天平台，望到個天空，好靚坐得好舒服，好浪漫。Menu選擇唔多，主打牛/豚肉丼飯、薄餅、意粉。蟹肉靜岡大葉扁意粉：望落好精緻，落足料，唔會意粉多過蟹肉。同一般西餐重口味不同，呢到既意粉唔會太咸，食落好清，每樣食材都食到佢原有鮮味：菇、蟹肉、意粉，就算合埋眼食都講得返出黎食緊咩，但又唔會覺得唔match，出色！蟹蝦特製醬薄餅：就咁睇已經見到大大隻蝦，重本唔洗講，食落中間啲特製醬好好食！有啲似芝士，但係又無咁濃同膩，忍唔住食多幾啖，不過覺得薄餅外皮有啲厚，如果係薄批就perfect池！蟹肉味醬薯條：去過日本居酒屋都知，日本炸薯條係極之出色，又脆又幼，而且唔會落好多鹽調味。呢到同樣精彩，用香草代替鹽，蟹肉醬真係有蟹肉，推廌！第一次係香港食日式西餐，有個好既impression，正！

朋友推薦下，話有間係The One新開張嘅日式西餐廳<Fifth Element Shokudo>，價錢吾貴好抵食，仲有黑毛和牛丼、 pizza、意粉、小食同甜品等等，當然要來試下啦!!~餐廳裝修走年輕日系風格，用上木系枱櫈，屬於簡約風路線。餐牌上面嘅食物貴精不貴多，但全部都好啱我心水。餐廳供應QR code下單，方便又準確。<黑毛和牛牛扒丼 $78>黑毛和牛牛扒丼用大碗盛上，牛扒薄切，都有成8塊，份量不少，旁邊伴有火箭菜，倍添新鮮感。和牛牛扒煎得微香，入口帶有肉汁，牛肉味重。配埋日本珍珠米飯，煙煙韌韌幾好食。<蟹蝦特製醬味噌麵團薄餅 $98>9寸pizza原來都幾大個，薄餅上面有絲絲蟹肉，同幾隻大蝦，仲帶有淡淡芝士香味，薄餅底帶煙韌鬆軟質感，非常好食，值得推薦!!整體來講，餐廳環境坐得舒服，空間夠濶落，食物質素不錯，而且價格非常親民抵食。離開時才發現，餐廳原來係OpenRice 訂枱仲有6折優惠，不過今次冇用到，下次來之前記得要係OpenRice 看看仲有冇最新優惠啦!!~

星期日諗住偕同友人出尖沙咀購物，去到The One商場見到又有一間新餐廳應該開張不久，正好行得有點餓，我和友人都是貪新鲜一族，當然入去試試！進去後果然是簇新裝修，恭賀花籃還在呢！這裡装修走簡約日系風格，並沒太多花巧，簡簡單單，正合我的品味原來這餐廳還有戶外坐位，在這微涼的日子本來是不錯的選擇，但當日天陰陰恐有微雨，還是坐回室內安全一點侍應為我們奉上餐牌，發覺這餐廳菜式跟一般日本餐廳有些不同，並沒太多魚生、壽司等……反而主打日式製作的飯類、意粉、薄餅、扒類和甜品我叫了一個黑毛和牛牛扒丼青森温泉玉子，賣相就已經100分了，黑毛和牛的肉質確是和我們平常吃開的牛扒有點不同，充滿口感。至於友人則叫了一客和風煙肉自家製味增麵團薄餅，日式製作的薄餅跟我們平時吃開的意大利薄餅有些不同，另有一番風味，值得一試！我們二人分享了這個飯和薄餅真的太飽了，要頻頻喝水幫助消化，枱上的水也給我們喝光了。順帶一提，這裡掃描QR落單，挺方便呢！

想評價的不是食品。(因沒有吃的機會)被餐廳方在不通知的情況下取消了訂位。前往詢問情況，卻以一臉"你不再光顧也無所謂"的嘴臉，以生意太好的理由而"迫不得已"取消當天訂位。更不停地把責任推卸在open rice 的訂位系統，三分鐘內沒聽到一句道歉。這已經不單是服務態度的問題，而是經營方針的問題。在此種不以客為本的情況下，實在很難想像此店的出品會有好的質素

The One新開左間日式西餐廳，宜家做緊Openrice訂座有六折優惠！塩麹伊比利亞豬扒 $188 兩大塊豬扒，肉質唔算好嫩滑，但都唔錯，沾少少粉紅色鹽或者綠色醬都幾好味。少蕃薯香甜，加埋沙律菜，其實都幾多。蟹肉靜岡大葉扁意粉 $98 加$10追加青森溫泉玉子，蟹肉幾多，但味道偏重香葉味。靜岡柚子胡椒雞翼 $48/4隻 雞翼幾好食，但唔係好食得出柚子味，只係食得出鹽味。食物中規中矩，價錢唔算平，但六折後都算價錢合理。溫馨提示: 唔好見Openrice每日每個時段都有得揀就淡定即慶Book，上星期試過即日訂但後來被取消Booking，原因係餐廳滿座，建議至少提早一日訂座喔。餐廳有室內室外用餐區，不過職員安排室內位座位就無行出去，感覺外面幾chill，印象中多年前室外空間好似係公共空間呢。

今日去咗尖沙咀洗牙，係The one行咗一陣就覺得好肚餓，於是就同朋友喺附近覓食，見到有間新開嘅餐廳，係食日式丼飯同意粉、薄餅，好似幾吸引咁，就同朋友去食。黑毛和牛牛扒丼係人氣第一嘅丼飯，我哋都試吓，嚟到個賣相相當之吸引，黑毛和牛牛扒嘅份量都幾多，油脂分布適中，所以入口幾嫩滑，食之前可以滴少少檸檬汁，令味道更昇華，牛扒上面仲加咗啲炸蒜片，所以食落更加香口，仲人配左火箭菜，為香濃嘅牛扒帶嚟清爽嘅平衡，成個丼飯都非常豐富。之後我哋仲叫咗兩款小食靜岡柚子胡椒雞翼柚子胡椒雞翼食落先有胡椒嘅香氣，再有柚子嘅清新味道，雙重滋味，喺出面好少可以食到呢種口味，我皮脆肉嫩，好食到唔停口，一碟有八隻雞翼，啱晒同朋友一齊開心share。蟹肉味醬薯條薯條外脆內軟，嚟嗰陣時熱辣辣食得出係即叫即炸，配左個蟹肉味醬，識落酸酸甜甜，而且入面仲有唔少蟹肉，夾埋薯條一齊食，味道相當之豐富。呢度嘅食物質素都幾高，份量又非常足，而且價錢又唔貴，啱晒同朋友撐枱腳一齊嚟食。

黑毛和牛好似好吸引，加上係推薦菜色，難免有期望。賣相係ok,仲要好似半生熟紅紅地咁，點知一啖咬落去，韌到呀媽都唔認得！心諗可能咁啱果舊係咁，點知同友人各自果碗都係每一舊都韌到吞。唔。到。 完全中伏！！！侍應執枱時忍唔住話佢知d和牛好韌，但佢無乜特別反應。只希望佢有同㕑師/老闆反映，會真心改善下，唔好再有客人中伏！祝大家good luck!!!!P.S.見係新餐聽，食評唔錯，有六折又有得book位就試下，點知主打都可以水準咁差，無下次啦！！！