五月星牛肉麵

營業中

休息中

看雜誌知道這家店點一份主食加 $32 就可以任食前菜涼盤，實在是太抵了！實地測試過雜誌介紹是真有其事，沒有隱藏條款，非常值得一試！印象中有9款菜式任點，有幾款我們不吃就沒有點，份量是兩人分，還挺多的，真的要量力而為別浪費食物！我覺得手拍青瓜、涼拌茄子、蒜泥白肉這三款是必食，而涼拌海帶和麻辣菇、海蜇亦很惹味，但真的嗜辣者才好挑戰（老公表示不能完成，因他不是太吃辣。）事前不知道 $32任點前菜是這麼豐富，所以另外加了一份鹽酥菇，來懷念一下夜市的美味。今年或許不會去旅行了，想留在香港共同進退。再這裡吃到台灣的味道，已經很高興。紅燒牛肉麵，$73，比起台灣吃貴，不過也已經習慣了，要在香港這百物騰貴的地方吃到台灣價錢，亦只會是那些四不像的貨色。五月星的牛肉麵上桌已經散發濃郁香味！牛肉軟腍，入口即溶，上等之作！湯頭濃郁，喝出了濃郁花椒八角味，和坊間一些偏甜羅漢果味有分別，有牛骨的香，我覺得是別有一番風味。我點了花枝丸台灣腸拌麵，可選古早味和麻椒味，我點了麻椒，不過看來就是古早味（笑）因為沒麻也沒椒，還好啦，反正我也喜歡魯肉汁。麵底彈牙，煮得剛剛好，是我喜歡的煙韌口感。點了兩杯台式飲品，桂圓紅棗茶和

今日去了觀塘駱駝漆的台式餐廳，一入到去，見水吧位有啲鐵皮裝飾，食完仲有機會同老闆傾左陣計，對這店同食品的要求知多左好多，真是一間好用心機做的良心小店。來得台灣小館，當然要叫麻辣牛肉麵$73，今次叫了麻辣湯底，好刺激，最特別係牛肉好淋，好入味，老闆話牛肉係用了騸牯牛即閹牛去醃製的，因公牛被閹割後的激素較少，脂肪分布因而較平均，但香港每天只供應少量騸牯牛，大部分是供貨給火鍋店，因貨量多，但老闆不惜工本入貨，只為左提供最好的牛肉給顧客。而且烹調手法複雜要開火熄火，炆製而成，心機菜式。仲有好多唔同嘅食物選擇，有個優惠，每人加$32可以任叫小食，叫了蒜泥白肉 $32，喜愛這店夾了青瓜可以減少肉嘅膩感，塊肉夠厚身，面鋪了同以往不同的蒜蓉，醬油顏色帶點酸味，但蒜香咪依然好出，食完要再Encore。皮蛋晶瑩剔透，而且粒粒糖芯的，我叫了第二碟的時候寫了走辣，廚師好細心的比了另一碟醋比我試，對於我不食得太辣的人，這個配搭果然另有一翻滋味。刈包 $32刈包以點心蒸籠上，老闆提及刈包是由台灣來貨，用鮮奶做的，夠曬軟熟，裡面包住酸菜、腩肉都經過挑選，還有青瓜等等，最驚喜係食到甜甜脆口的原來是花生粉，超愛，是我至

今日一個人來到駱駝漆取件， 打算是旦揀間吃午飯 ， 看到這間門口很多台灣菜餐牌 ，內裡裝潢具有舊台灣特色，好像去了電影那些年的場景。 木枱牆壁懷舊裝修， 環境乾淨 ，燈光較為昏暗，最緊要人數不多不用排隊。試管鹽酥雞配滷肉飯- 配料造型新奇， 鹽酥雞大小適中，不太鹹也不會太淡， 熱辣辣好吃。 滷肉飯稍鹽滷肉味不夠， 白飯水份多。蒜泥白肉 蒜泥香濃，唔會一pat pat， 白肉厚度適中 ，口感軟易咬，唔會全部都係肥豬糕，份量較小。凍柚子蜜- 柚子醬不算多，算清新。

又嚟到駱駝漆大廈逛逛，逛到攰攰地，搵到間食台灣嘢的食肆，二話不說就走咗入去。環境，侍應服務都幾好，仲有免費WIFI，坐耐啲都唔怕！午餐選擇都算多，A至K餐，仲有小食，飲品配，價錢$58-$98，特飲就加$3，都不算貴啦！不過我比較晏去，有啲食物已經售罄😌滷肉飯：以為係內碎，原來係一粒粒嘅腩肉，好有口感，半肥瘦的肉，醬汁又好味😋，我仲聽到侍應同啲男顧客講，唔夠飯可以添㗎🍚試管鹽酥雞：即叫即炸，熱辣辣，又夠鬆脆，上面可加不同的味粉（枱面有個味粉架，有不同的味粉，下面有圖），再配上酸甜辣汁，正👍蒜泥白肉（小食）：得三片小咗啲，不過配有拍青瓜，不錯凍柚子蜜：鹽酥雞有小小辣，飲返啖冰凍的柚子蜜，絕配😉一個set lunch，價錢只係$63，有主菜、小食、及飲品，Good 👍味粉架有不同味粉，如：淮鹽、椒鹽、海苔、孜然粉等等環境似唔似去咗台灣啲食店呢！？

前排去完台灣旅行好想食返啲台灣嘢，搵到嚟呢間係駱駝漆嘅台灣菜，店裡播住周董嘅歌真係好似身處台灣咁。店員好貼心咁為我地推介美食鹽酥雞鹵肉飯$68-鹽酥雞酥脆可口，肉質嫩滑，伴住鹵肉飯食好入味又唔會覺得乾古早味五月星拌麵$63-配料有鹵肉、雜菇、五月星（青瓜），配搭唔錯，有多重口感試管鹽酥魷魚$53-魷魚好彈牙，仲可以根據自己口味加上試管調味料添，Kiwi我就最鍾意幫食物「加鹽加醋」嫁啦，啱曬我哈哈主食外有任食小食每位$32，相當吸引，大食嘅人可以不停encore啦！蒜泥白肉-好香口黃金皮蛋-個辣椒真係堅，都幾辣下，皮蛋鮮滑爽口白灼時蔬-白灼加少少蠔油就已經好好食手拍青瓜&涼拌海帶-夠爽脆黑糖珍珠撞奶$28-奶好香滑，加上黑糖甜味剛好，比起街邊嘅呢到好抵飲！珍珠奶茶$28-呢杯都有整啲黑糖紋係杯，相當細心，茶香珍珠夠軟腍

黎得觀塘區梗係要去工廠區搵嘢食，上網見到呢間台灣菜啲嘢食好似幾吸引，就過嚟食夜晚~嘢食款式有幾多選擇下，仲可以加$30食小食放題，大部份小食都好吸引咁🤤五月星拌麵~多數台灣餐廳都係見到湯麵同滷肉飯，今次見到有拌麵揀，就決定要試吓~五月聲拌麵幾特別，有不少菇菌，青瓜絲，加入滷肉撈埋一齊，配合酸酸甜甜嘅醬汁一齊拌麵食，感覺非常開胃，由於我揀咗椒麻味拌麵，味道稍為辣一點，增加味蕾嘅刺激感😛麵條幾彈牙，撈埋菇菌青瓜絲同滷肉一齊食味道層次更為豐富☺️蒜泥白肉~平時好怕蒜泥白肉只有肥肉，但係佢哋嘅八肉就肥瘦均勻，配合適當嘅蒜泥調味啱啱好，唔會過鹹，夠晒惹味🤤白灼時蔬~蠔油生菜，蠔油份量啱啱好，都唔會過鹹，生菜煮得都OK唔會過老~紅棗桂圓茶~養生飲品，清清甜甜有潤喉嘅感覺，熱飲味道更加突出~

去咗觀塘嘅一個工廈發現咗一間台式餐廳，基本嘅台式食物喺呢度都有得揀。今次同朋友兩個人去叫咗一個招牌牛肉麵、鹽酥雞滷肉飯、手拍青瓜、試管鹽酥菇。有啲小食都幾平下，十幾蚊一份👀招牌牛肉麵牛肉算大嚿，應該用湯汁都浸左好耐，夠入味。鹽酥雞滷肉飯滷肉同平時食嗰啲有啲唔同，平時一般食嘅老玉會比較細小，呢度嘅滷肉大粒少少，蒜味比較濃，適合鍾意蒜香嘅人~至於佢嘅小食呢，我對鹽酥菇嘅印象都唔錯，同埋見到佢啲試管先發現原來有好多唔同嘅調味料，例如有孜然粉、辣椒粉等等。

老公好鐘意行觀塘工廠區，因為多平野。行完街，咁熱最想坐低嘆下冷氣，飲返杯我喜愛既台式飲品。原來依度都有架！我地入左去，富有小店特色，播著周杰倫既歌。老公點左個「招牌紅紅燒牛肉麵」老公話好似台灣朋友帶佢去台灣食過一間好食既牛肉麵既做法同味道。我先食個麵，已經聞到好香既牛肉味又有點蘿蔔既甜。個湯底做得好好，麵又吸收左個美味！牛肉又滑又嫩，又帶點五香粉既香味！個湯底好味到飲埋！我未食過「鹽酥豚肉」，好特別！所以點左「「鹽酥豚肉鹵肉飯」鹵肉飯半肥瘦，所以好滑又香。鹽酥豚肉充滿著鹽酥香，咬落肉嫩。再配佢特製既酸辣梅子醬，估唔到咁有特色。飲品方面，老公點左「巨峰提子益力多」好濃既益力多同巨峰味呀！濃郁到我分唔開佢地既味道，好飲呀！我就點左現時流行既「黑糖珍珠撞奶」好靚既外觀呀！上面係黑糖、再下面係鮮奶泡、之後係鮮奶、最後係黑糖珍珠，將佢地攪混，好白滑既鮮奶。好白既黑糖珍珠😘加$32可任食小食，咁抵我地梗係要黎個任食啦！我地揀左：麻辣鴨血調味好份味，有份香料香，又滑又辣又好味。蒜泥白肉白肉滑，加上特製醬汁，好入味，好好味！涼拌茄子其實我麻麻地茄子，但佢地依度個茄子好爽口，加上麵鼓醬調味，好味呀！涼拌

觀塘上樓台灣菜，食得過，推介俾大家。當中最令人滾動的，係 $32 任食台式小食，有成十款架！只要叫一個麵或飯就可以加配架啦。飲品有呢張，都幾多台式特飲，養生茶、珍珠奶茶、果香紅綠茶都有，平均都係$22-$25咋。台式花枝丸滷肉飯$58， 好大碗好多餸。花枝丸炸過的，香口惹味。滷肉飯，半肥瘦，唔油膩又入味。麻辣牛肉麵 $73， 亦係超大碗又足料的。牛肉其實係牛𦟌，入味夠淋亦好有牛味。麵質彈牙，湯底好辣吓，夠刺激。蘿蔔索曬D汁，正的。任食小食系列，皮蛋浸左麻辣汁，好辣，超正已encore ! 涼拌海蜇，好彈牙，亦好多配料調味，有誠意的。鴨血亦係加左麻辣，小心辣到跳舞。蒜泥白肉都係任食小食之一，簡直 amazing ！生菜亦可以無限添加紅棗桂圓茶$22 和菊花蜜 $22，幾濃味的。整體來說有水準亦好抵食，會再來。

喺觀塘夜晚想搵間平平哋嘅晚餐，搵到五月星牛肉麵，台灣料理餐廳都算坐得不錯。我哋叫咗清燉牛肉麵，味道清清淡淡，麵都有幾多，麵質幾好。另外當然要叫台式鹽酥雞，有不同味粉俾你調味，鹽酥雞較大粒，但炸得香脆。叫咗一個小嘅滷肉飯，滷肉飯較中式style，兩個人每人食少少不錯。叫咗呢度推介嘅刈包，趁熱食。另外在叫咗蒜泥白肉，蒜蓉味香，味道帶甜甜地。再叫多咗個清菜。飲品叫咗珍珠奶茶少甜，但對我來講都偏甜，但味道尚算不錯。

係觀塘返工嘅人，無去過駱駝漆大廈的話，真係枉為人，事關呢度係集購物同美食嘅好去處，雖然唔似商場咁有個好清晰嘅目錄俾你睇哂大廈有咩行有咩買，但正正係咁，先會俾到你唔少嘅驚喜。呢度除左有日韓泰等各國特色產品、蔘茸海味、頂級冰鮮肉之外，仲有行李箱、家電、玩具店、按摩店等，你估唔到嘅野賣，係呢度可以足足行一日！是日Happy Friday同左男朋友黎呢度食好西，打算食飽飽再好好行下。呢度主打台灣野，除左一定唔少得嘅牛肉麵之外，仲有刈包、拌麵、滷肉飯，仲有好多特別台灣小食簡！選擇都幾多下，如果簡牛肉麵、拌麵同滷肉飯的話，加$32仲可以任何小食添，相當抵食。前菜因為價錢都幾抵下，所以我地叫左好浮誇咁叫左4個小食XD，分別有左手拍青瓜、蒜泥白肉、白灼時蔬同宜蘭蔥油雞；而主食我地就叫左招牌紅燒牛肉麵 同 花枝丸拌麵。手拍青瓜($20)手拍青瓜，入口十分清涼，青瓜處理得宜新鮮，仍然保持到青脆爽口嘅口感，調味亦都剛好，酸甜剛好，十分開胃！蒜泥白肉($32)同係台灣食嘅蒜泥白肉有D唔同，佢唔似傳統白肉咁多脂肪位，用左d腩肉位，肉比脂肪部分多，上面鋪上蒜泥、芝麻同特製微酸嘅醬油，入口非常香口。再夾埋青瓜一齊食

觀塘一向都係美食嘅集中地，今次小編同女朋友嚟到駱駝漆大廈，試吓呢一間台式嘅餐廳，台式食品當然要order紅燒牛肉麵啦，另外亦都order左台灣腸拼花枝丸拌麵，再加一份鹽酥雞同埋鹽酥豚肉，飲品方面，就Order左一杯黑糖珍珠撞奶同埋士多啤梨多多。整體來講都幾好嘅小編10分欣賞呢間台式小食店嘅紅燒牛肉麵，湯底相當入味，牛肉有牛腩、牛展，牛筋三款，全部都烹調得相當入味，而小食方面，小編就比較推薦鹽酥雞，因為鹽酥雞係台式食物內係必食的，而呢一間台式餐廳亦都烹調得10分出色。

叫左個清燉牛肉麵麵條係ok嘅 有啲咬口個湯都幾清甜 有蘿蔔但本身個碗啲牛肉 韌到係咬唔開咬左幾舊都係咁即刻頂唔順同個侍應講咁餐廳都好識做 即刻換過碗「正常」牛肉黎係真係淋好多 入味好多同厚好多之後再問問隔離啲食客佢地嘅牛肉都係正常 好淋嘅 所以就當餐廳擺左烏龍啦 不過佢地態度都算幾好 會即刻換返比你 所以就算啦

觀塘區的駱駝漆大廈向來有不少美食，該區的工業大廈也是，自己也有一段時間沒有吃台灣菜了，發現駱駝漆大廈第三座有一間台式小店，於是和男朋友去試試。憑自己的記憶就是很久之前來過，那時已經有長長的人龍，想不到這次也是⋯⋯等候升降機的時間大概需要至少10分鐘，天氣熱一點也受不住。場內的環境有點兒狹窄，燈光不夠光，牆壁上有一些食物的圖畫顯得生動。食物的款式繁多，有牛肉麵、拌麵、鹽酥雞等等，但價錢都不算便宜。飲品的種類也有不少，有紅茶、綠茶，竟然還有益力多和果汁冰等種類，大家也不妨試試。這裡的黑糖珍珠撞奶挺有名的，來了還真的覺得不錯，外型十分討好，先有個奶蓋，想不到在這樣傳統等食店都有奶蓋😂奶蓋上還有些黑糖漿，奶蓋的奶味濃郁，甜甜的。牛奶中的黑糖也有不少，和黑糖珍珠撈至均勻後，能感受到一點黑糖味，珍珠小小的，也帶點煙韌。原本男朋友想叫豬軟骨拌麵，但店員説賣完了，男朋友點了一份台灣腸拼花枝丸拌麵，台灣腸甜甜的，帶點香脆的口感，花枝丸即是墨魚丸，煙韌的口感，挺好吃。男朋友說拌麵是台灣宜蘭的拌麵，有點酸味，開胃。試管鹽酥雞的試管其實在每一枱都有的，不同的試管有不同味道的味粉，分別是芝士、椒鹽、孜然、海苔、

呢排間唔中都會黎觀塘工廠區開餐，用行動支持小店今次搵到間食台式料理既食店，店舖內裏頗有特色，充滿台灣地道感覺 小店感覺予人滿滿人情味睇裝潢就知呢道既鎮店之寶係古早紅燒牛肉麵餐牌都有唔少選擇.....台式粉麵飯，小食，飲品等晚市特別優惠， 惠顧牛肉麵/拌麵/大碗飯, 每位加$32就可以任食小食無限encore~ 有成10款小食咁多呀~~好吸引丫!!!!枱面上擺放左6種調味粉~~貪新鮮既我每樣都撤左D試味, 哈哈~咁就可以一種食物, 6種口味啦招牌紅燒牛肉麵好正宗既台式紅燒牛肉麵!!好多好多件紅燒牛肉!!! 超澎湃~~牛肉非常入味, 又軟腍, 好易咬唔會硬湯汁有少少辣, 好惹味呢台灣腸拼花枝丸拌麵拌麵又係另一番滋味~~秘製既拌麵汁味道一流, 唔會太咸或太淡台灣腸&花枝丸熱辣辣...台灣腸燒得香脆又JUICY!!花枝丸爽口彈牙叩左5款小食~~~ (蒜泥白肉, 涼拌茄子, 白灼時蔬, 涼拌海帶, 黃金皮蛋, 麻辣鴨血)麻辣唔算好辣, 唔食辣既我都食到蒜泥白肉好正喔!! 肉質軟腍, 個蒜泥汁又好好味~~好特別既黃金皮蛋~ 蛋黃堅係金色架!皮蛋好甘香, 必試!!黑糖珍珠撞奶好香好滑既鮮奶~ 感覺好