五月星牛肉麵

營業中

休息中

之前成日去同層幫襯其它店，每次去到呢間都排隊，琴日上網見到原來可以訂位終於食到喇😛疫情下飲食業真係雪上加霜，但尋晚呢間小店眼見都好似仲有唔錯嘅生意。朋友仔點咗「麻辣牛肉麵」佢話好食🥙😋偷食咗一舊牛肉軟綿適中、有咬口。我就要左「台灣腸拼炸花枝丸拌麵」台灣腸係比較淋身果種、炸花枝丸中規中矩，拌麵上有好多滷肉碎大大粒唔錯。全晚嘅主角就係「任食小食」只可以話係超值❤️💖（尤其麻辣鴨血、炸甜不辣、麻辣豬耳中上之選🧆👍👍）飲品就點左「巨峰提子多多」「百香果多多」飲品清新可口🍹🍹應該係用新鮮水果加多多打成，唔錯唔錯，同平時飲開嗰啲係唔同，好味嘅。連我個腌尖為食朋友都話好味，應該會心思思成日想Encore。疫情下當係安慰暫時不能去台灣，一解相思之苦。😅

打工仔復活節一定要返工啦～剛好和同事一樣⋯⋯放工屋企無人煮飯食，放工咪去附近食完晚飯先回家啦～疫情嚴重所以快快手去食過牛肉麵先～走了去五月星牛肉麵😉分別點了一個招牌紅燒牛肉麵同滿漢牛肉麵，店員説如每人加多32元可任食小食。不想了～太肚餓了二人都要任食，而且點了每樣都想試～即係十樣小食先説兩款牛肉麵～即試食牛肉麵內的紅燒牛𦟌，蘿蔔，牛肚等不錯👍好入味又鬆軟，而且之前店員都介紹湯底有清湯同紅燒湯底兩款，可按自己喜好選擇的（二人都選了紅燒湯底🙂），紅燒湯底濃而麵條煮得相當不錯，煮得剛剛好～不太硬又不太軟，而我配紅燒湯底一拼食入口彈牙香口。再試旁邊的十樣任食小食更加知道師父係用心去製作的，麻辣鴨血，涼拌茄子同黃金皮蛋必食，喜歡辣辣地的我超喜歡，而甜不辣更加不可錯過，煙韌的甜不辣配上醬汁食酸酸甜甜小小辣有哨口～一定要試今晚選任食係無錯的雖然食得好趕時間不過有機會一定再來的～

駱駝漆11樓有好多黃店～但吸引我入呢間係老闆標榜無味精所以已經幫襯過2次啦！有台灣飯/湯麵/ 拌麵 任君選擇推介： 麻辣牛肉麵 ( 食完唔頸渴)/ 清燉牛肉麵 (4塊牛肉好食唔un!)而飯類唔夠飯，仲可以叫加飯最抵食：每人可加30蚊不限次數任食十一款小食樣樣幾唔錯：)店員仲叫我地“加油慢慢食”！真係試哂咁多款都唔尷尬呀但最重要緊係 食得曬先好嗌啦～服務：店員態度友善親切見我地食哂 都叫我地慢慢坐(疫情之下 晚市真係得幾台客，抵食黄店就要撐呀！！)每枱放有膠版，又有大大支搓手液，令人安心！ps. 張相係食食下影，本身係多飯，同啲麵好整齊嘅！

午餐E 五月星拌麵(菇菌、滷肉) 古早味 $73.00 麵爽，醋味濃，所以個麵係偏酸，幾開胃，但咁酸，一般都係凍食，呢度係熱食，算係比較少見嘅配搭 滷肉係南部做法，腩肉切粒 肉粒都有五香味 另外都有好多芽菜同青瓜，所以油香同清新可以平衡蒜泥白肉 有生蒜香味，但唔會好似川菜館好辣好刺激 係膠袋冷麵嘅味道，童年回憶 食冷麵小食有麻油、蠔油同生蒜，有時仲叫個阿姐多蒜添！呢度台式，未必用蠔油，可能變成醬油膏，但一樣咁香。 因為太好食，所以幾塊唔夠食啊！ 青蘋果綠茶，味道一般店內環境 入去都要探熱，同埋有消毒液提供，都有分隔，感覺衛生 落單紙 單 門口 服務好好！香港人加油!

叫湯麵/伴麵/飯加錢就可以任食10款台灣小食小食仲要有鴨血同甜不辣揀其實10款小食都好吸引，於是10款各一咁叫晒佢嘅麵口感好味，紅燒牛肉麵牛肉入味同夠林而台灣腸同我熟悉嘅台灣腸唔同，呢隻腸偏甜味另外叫左水蜜桃益力多

是一家在工業大廈的小店，味道還不錯，滷肉飯還可以，滷肉略乾澀，豬軟骨好吃，非常滑嫩，鹽酥雞雖然不是傳統意義上的那種味道，但是還不錯，還有➕32蚊的小食！以及七種口味的調料

駝駝漆大廈有不少黃店，今次介紹一下台灣料理。疫情嚴重，為人為己不出國。食個牛肉麵，當去了台灣吧。 2月初光顧，當時疫情剛開始，没那麼嚴重，但晚市人客不多，才2-3枱。 店內以台灣名勝作背景，配上抗爭運動文宣。 除了牛肉麵，還有拌麵、鹵肉飯、小吃前菜，選擇多元化。 當苦惱緊選什麼小食的時候，店員告訴我們加$32/位，可以任食小食。太好了，那就不用左選右選 珍珠奶茶 $28珍珠奶茶甜度適中，茶味蠻濃，不用少甜也剛剛好。珍珠口感煙韌、Q彈，正合我口味。 任吃小食，非常滿足。 蒜泥白肉醬汁夠足料，肉偏瘦，薄切入口還可。 麻辣菇菌派對名字很有趣，麻辣味道平易近人，雜菌夠爽脆。 紅燒蜂巢牛肚麵 $73紅燒湯底很香濃，麵條煙韌中帶點彈牙，一點也不漿口。 台灣腸拼花枝丸拌麵 $63花枝丸和台灣腸都輕輕煎過，香脆可口。 麵條跟湯麵一樣煙韌彈牙，鹵肉甜甜的，肥瘦適中，拌麵一流。 喜歡紅燒牛肉麵的香濃，和拌麵的彈牙，如果有雙拼就好了。

台灣一直是我最喜愛的旅行地方，因為那裏有多不勝數的美食。今天要止一止渴，到觀塘食台灣麵！一坐低，店員已經熱心為我們介紹，原來晚市只要點拌麵、牛肉麵或大碗飯類別便可以每人加$32任叫小食。由於我和朋友都十分肚餓😂二話不說就決定加任叫小食！小食全部都是一小碟，份量不會過多，可以試更多種類，最推介是涼拌海帶和黃金皮蛋！牛肉麵用上最愛的牛𦟌，牛味濃郁，麵條夠彈牙。湯底不會過濃過咸，食完無口渴。古早台灣拌麵，這裡的拌麵較多湯汁，與平時一般食的拌麵有點不同，我個人會比較喜歡較乾身的拌麵。整體食物質素中上，絕對可以一解對台灣的相思之苦😎

今次嚟到除咗老闆熱情招待，店舖內裡裝修擺設燈光柔和猶如置身台灣閙市中。1️⃣蒜泥白肉$ 32店鋪放入秘製醬油，比一般蒜泥2️⃣刈包$ 32（必食）刈包又稱台灣漢堡包，包身軟綿香甜，中間夾有秘製制肉花生醬，白肉醬汁更入味，白肉肥瘦平均，肉質厚肉豐富，惹味醒胃醒神。3️⃣試管鹽酥豚肉$ 53鹽酥臀大豚肉肉身炸層吾厚，肉質鮮嫩，試管裝滿不同調味料，梅粉芝士，粉酸菜青瓜五花肉等配菜，咬落口感豐富，新鮮配搭值得一試。粉辣椒粉，除自己的口味任意添加味道，創意度得分。4️質清燉牛肉麵$ 73以牛骨燉數10小時的湯底不加任何香料，絕對真材實料。面質彈牙，牛肉湯底更加入蘋果雪梨，一邊醫肚一邊養顏夠曬滋潤

🍙等待時間：平日提早約十二時到，完全不用得，直入三位。🍔室內環境：簡單既裝潢但不失禮！仲有台灣歌曲聽like!🍰服務質素：幾細心，滿意既🔺用餐簡評：我就叫左一個set,滷肉飯再配鹽酥雞粒同埋皮玉子，野飲就揀左巨峰提子多多。首先皮玉子辣得來香濃，好食，推介大家揀，滷肉飯方面汁就偏淡，我朋友厭不夠濃，我覺得ok但不算好食，雞粒最鐘意佢有成六種不同粉入你自己落，岩曬貪心既你地！🔹總括來講：一間不俗台店，未叫好出色.

今日夜睌經友人推薦所以就黎試一試呢間餐廳，而我地有十個人鋪頭都唔洗等就可以入去坐，十分理想，聽老細講我地早d book位嘅話仲可以去隔離嘅vip房廢話唔多講因爲實在有太多嘢要讚首先係服務質素同態度，老細同員工都係100分，佢地都會係上菜嘅時簡單介紹下菜式，甚至係佢地對食材嘅選取，調味唔落味精嘅執著，我同我嘅朋友都十分欣賞佢地嘅熱情，我地同老細有交流下佢地鋪頭對煮食物比客人嘅嚴謹，佢地都透露左少少秘方想知嘅朋友就上去食啦其次係佢地加32蚊就可以無限添加小食，係真係無限大約有圖下面呢d，可能有少部分無影到。個人最喜愛就係青瓜同白肉，係真係十分之優秀調味方面佢地嘅手拍青瓜係唔似市面嗰d用白醋去醃，而係用佢地獨家嘅配方，食落無白醋咁酸咁攻鼻，反而係清新得黎又有微微酸嘅味道，令人好開胃仲食唔停口主食方面，我就order左炸雞滷肉飯，除左份量少左dd之外，整體上都好滿意，滷肉飯唔會太鹹，炸雞都好嫩滑同有唔同調味粉可以落，好好食。但我張相就影得好差店內裝潢就大約係咁，台式風味總括來講，呢間小店好高質，食材同老細頂好優秀，令我覺得好滿足

家住觀塘，所以好中意發掘工廠大廈美食！今次介紹間好正好地道的台式美食😋地點係駱駝漆大廈三座11樓，可能唔係地膽會有小小難搵🧐，同埋係peakhour要等一陣lift上去。但係一入到去，就見到台式佈局，好似去左十分車站🚋，仲有播晒台灣歌手流行歌曲，好有氣氛🎤！今次我係午飯時間來的，近半入座率，所以等野食都唔算耐👌🏻。套餐$60-70有主餐🍲+小食🧆+飲品🥤有傳統魯肉飯/古早拌麵/鹽酥雞等等簡小食都有唔小平時台灣夜市常見的選擇🤤飲品有唔同的果茶，仲有唔使加太貴就有台式飲品整體package都不錯！😬-小食-(賣點: 晚市有加$32任食小食!😍)皮蛋海帶傳統麻辣海帶撈芽菜，都夠入味。👍🏻蒜泥白肉有四塊肉加一舊青瓜，吾會話好大陣蒜味，不過不失。紅燒牛肉麵湯底都正宗，牛肉🐮都入味同夠焾，唔錯！五月星古早拌麵🍲清敦牛肉麵黑糖牛奶（+$3）百香果凍綠茶有吾多果茶，而味道係正常發揮😉整體來講，食物快上服務好，主菜同飲品郁冇得彈！只係小食可以做好小小，仲有需要花小小耐性搵個地點～但性價比來說超級推介！🥰( 最重要: 呢間店有播黃歌，仲有香港人加油的提醒！一定要支持🎗）總消費：每人lunch set ~$

呢晚和兩三位知己在觀塘又為了晚餐食什麼🤔起頭痛，喺openrice見到間係標寫沒添加味精既台灣牛肉麵，所以又試新野。間野座落工業區內樓上舖，空間唔會太大，裝修都有小小台灣野，都舒服。員工都nice。。即介紹呢個優惠係每人叫一個主食，就可以任食小食，好服務態度👍🏻牛肉好腍，湯底鮮甜😋

每次都是點招牌紅燒牛肉麵，因為實在太合我這個重口味的人，簡直將我迷惑😆首先，湯底的確香濃且帶點辣，超惹味，味道亦有點像肉骨茶，帶有一點點藥材味道，可能是用上肉來淆湯，有點骨膠黏口感覺，並不似味精湯。其次，麵質彈牙有質感，似刀削麵口感，並非淋淋的漿糊麵或硬條麵。牛𦟌雖然大件，但尚且嫩滑滷得正好。即使並非人間美食但卻配得上為招牌菜👍🏻飲品方面我試了百香果綠茶，味道頗酸並非人人受落。跟餐配一款自選小食，有我喜愛的涼拌茄子，醬汁調得很好，無搶喉的醋酸，份量亦適中。

朋友介紹即管去試一試，味道方面不過不失，可以一試，價格同食物質數都接受到，很耐都沒有試過靜靜地享用，今晚終於可以.最特別的是刈包，如果未試過可以一試，味道還不錯，總括而言不過不失之作，價錢合理。