更多
2019-09-08
1182 瀏覽
老公好鐘意行觀塘工廠區,因為多平野。行完街,咁熱最想坐低嘆下冷氣,飲返杯我喜愛既台式飲品。原來依度都有架!我地入左去,富有小店特色,播著周杰倫既歌。老公點左個「招牌紅紅燒牛肉麵」老公話好似台灣朋友帶佢去台灣食過一間好食既牛肉麵既做法同味道。我先食個麵,已經聞到好香既牛肉味又有點蘿蔔既甜。個湯底做得好好,麵又吸收左個美味!牛肉又滑又嫩,又帶點五香粉既香味!個湯底好味到飲埋!我未食過「鹽酥豚肉」,好特別!所以點左「「鹽酥豚肉鹵肉飯」鹵肉飯半肥瘦,所以好滑又香。鹽酥豚肉充滿著鹽酥香,咬落肉嫩。再配佢特製既酸辣梅子醬,估唔到咁有特色。飲品方面,老公點左「巨峰提子益力多」好濃既益力多同巨峰味呀!濃郁到我分唔開佢地既味道,好飲呀!我就點左現時流行既「黑糖珍珠撞奶」好靚既外觀呀!上面係黑糖、再下面係鮮奶泡、之後係鮮奶、最後係黑糖珍珠,將佢地攪混,好白滑既鮮奶。好白既黑糖珍珠😘加$32可任食小食,咁抵我地梗係要黎個任食啦!我地揀左:麻辣鴨血調味好份味,有份香料香,又滑又辣又好味。蒜泥白肉白肉滑,加上特製醬汁,好入味,好好味!涼拌茄子其實我麻麻地茄子,但佢地依度個茄子好爽口,加上麵鼓醬調味,好味呀!涼拌
行完街,咁熱最想坐低嘆下冷氣,飲返杯我喜愛既台式飲品。
原來依度都有架!我地入左去,富有小店特色,播著周杰倫既歌。
老公點左個「招牌紅紅燒牛肉麵」
老公話好似台灣朋友帶佢去台灣食過一間好食既牛肉麵既做法同味道。
我先食個麵,已經聞到好香既牛肉味又有點蘿蔔既甜。個湯底做得好好,麵又吸收左個美味!
牛肉又滑又嫩,又帶點五香粉既香味!
個湯底好味到飲埋!
我未食過「鹽酥豚肉」,好特別!所以點左「「鹽酥豚肉鹵肉飯」
鹵肉飯半肥瘦,所以好滑又香。
鹽酥豚肉充滿著鹽酥香,咬落肉嫩。
再配佢特製既酸辣梅子醬,估唔到咁有特色。
飲品方面,老公點左「巨峰提子益力多」
好濃既益力多同巨峰味呀!濃郁到我分唔開佢地既味道,好飲呀!
我就點左現時流行既「黑糖珍珠撞奶」
好靚既外觀呀!
上面係黑糖、再下面係鮮奶泡、之後係鮮奶、最後係黑糖珍珠,將佢地攪混,好白滑既鮮奶。
好白既黑糖珍珠😘
加$32可任食小食,咁抵我地梗係要黎個任食啦!
我地揀左:
麻辣鴨血
調味好份味,有份香料香,又滑又辣又好味。
蒜泥白肉
白肉滑,加上特製醬汁,好入味,好好味!
涼拌茄子
其實我麻麻地茄子,但佢地依度個茄子好爽口,加上麵鼓醬調味,好味呀!
涼拌海蜇
海蜇己經好爽口,加埋芽菜同青瓜,仲爽脆。
而且帶點辣,為佢地加添味道。
黃金皮蛋
好得意,真係黃金色,而唔係平時見到既黑色。
食落好香麻辣味,但又夾著皮多香。
黎依度一定要點!
張貼