五月星牛肉麵

營業中

休息中

喺觀塘返工嘅友人最近搵咗呢間樓上嘅台式餐廳，佢話呢間嘅味道幾正宗，呢日lunch就嚟試吓🤭花甲鮮蝦粉絲呢個花甲粉有勁多配料🙈 有好多新鮮嘅花甲，真係好鮮甜。另外大蝦都幾彈牙🦐 底下我揀咗粉絲，真係勁索汁，湯底幾惹味，有海鮮嘅鮮味，又帶少少辣🥰紅燒牛肚牛肉麵牛肚同牛肉都幾厚身，牛肉炆得好入味，牛肚都幾軟腍🐮 湯底好濃郁，麵質幾有咬口🍜 份量都幾足，真係幾飽肚。避風塘系列小食餐廳新推出咗避風塘系列小食，宵夜時段過嚟仲可以有半價優惠😮 ♦️避風塘超甜粟米超級惹味，粟米粒粒飽滿🌽♦️避風塘豆腐每件豆腐都好滑，配埋香脆嘅避風塘脆脆，兩種口感相映成趣。♦️避風塘單骨雞翼每枝單骨雞翼都炸得好香脆🐥 夠晒乾身。肉鬆雙重起司蛋餅呢個勁足料，外層幾香口，入面嘅餡料好飽滿，有勁多肉鬆同埋兩種芝士🥰 芝士鹽酥雞有大量芝士淋喺鹽酥雞嘅表面，係個少少邪惡，但令人食唔停口嘅小食🐥 鹽酥雞嘅雞肉都幾嫩滑。飲品午市套餐仲可以用半價加配飲品，台灣特飲或者係新出品都可以有優惠🤑♦️黑糖珍珠奶茶雖然幾多黑糖掛杯，但係味道唔會太甜，而且佢嘅珍珠好彈牙🧋♦️奶蓋生椰拿鐵呢個係餐廳嘅新出品，生椰拿鐵嘅椰子味幾香，同咖啡嘅味道幾平衡，面頭有芝

今次又有新發現！觀塘駱駝漆工廠大廈入面嘅五月星牛肉麵真係值得一試。招牌紅燒牛肉麵一上枱已經香氣撲鼻，湯底認真濃郁，飲落層次分明。牛腱肉雖然切得薄啲，但勝在夠腍夠入味，四大片啖啖肉，配埋彈牙麵條，絕對開胃！台灣腸拼花枝丸滷肉飯都幾有驚喜，原條台灣腸切半，兩粒花枝丸加埋滷肉，邪惡指數爆燈！份量十足，夠晒飽肚，鹹香味濃，CP值爆表。肉鬆雙重起司蛋餅更加係必試，芝士份量多到拉到絲，包住肉鬆同雞蛋，外層手抓餅香脆，冇醬汁都已經好好味，食落有驚喜感。避風塘單骨雞翼都好推介，香濃蒜香加上單骨設計，食得方便又有港式風味，一啖一件，真係冇得輸！最後仲有黑糖珍珠奶茶（少甜少冰），珍珠煙韌彈牙，甜度啱啱好，飲落冇負擔，健康又解渴。最欣賞員工親切有禮，上菜時會細心介紹每一道菜，感受到小店真心誠意。呢啲有質素又有心嘅本地小店，絕對值得支持！💛#觀塘美食 #駱駝漆工廠大廈 #五月星牛肉麵 #紅燒牛肉麵 #台灣腸花枝丸 #滷肉飯 #肉鬆起司蛋餅 #避風塘雞翼 #黑糖珍珠奶茶 #小店推介

香港本地大大細細台灣料理餐廳眾多！今次在觀塘工廈搵到呢間將台灣原味道帶到來香港，即係唔洗飛都已經可以食到「台灣味」！🍜招牌紅燒牛肉麵湯底腱上騸牯牛熬製20小時，非常濃郁！每一塊牛腱肉都超淋入味，配招酸菜令整碗麵更鮮香，麵質彈牙！🦪蚵仔煎去到台灣必食嘅蚵仔煎！呢間真係還原到夜市風味！加入薯粉及生菜煎香，同時加入雞蛋煎至脆邊，每一口都食到蚵仔，更加入台式酸甜醬，真正夜市味道呀！🥢台灣腸拼花枝丸地道小吃中最正嘅台灣腸及花枝丸拼盤，採用即炸方式，台灣腸唔會偏咸，花枝丸爽脆口感，入面仲有花枝粒粒！🐥避風塘單骨雞翼新推呢個避風塘口味嘅單骨雞翼，首先係方便食用，配搭埋炸蒜真係夠香脆！巨峰提子果汁🍹炎炎夏日好適合飲杯消暑！現在去餐廳食飯可享以下優惠🌟💫8:30pm後 避風塘系列半價💫🆕新產品：麻辣海鮮花甲粉🥢五月星牛肉麵📍地址：香港觀塘開源道60號駱駝漆大廈第三座11樓F室#五月星牛肉麵 #煲仔飯 #觀塘美食 #觀塘工廈 #美食推薦

今次去咗觀塘工廈呢間台灣小店, 發現佢地；咗招牌牛肉麵, 仲多咗啲「邪惡度爆燈」嘅新菜式 ～ 🍢 台灣腸 + 花枝丸拼盆 $65即叫即炸熱辣辣5！台灣腸開工 😌🍳 火腿起司蛋餅 $46拉絲芝士多到癲！餅皮煎到金黃脆邊, 入面仲要雙倍火腿, 抵食過連鎖店多多聲 ～ 🐔 避風塘單骨雞翼 $42一上枱就問到超香蒜味, 外皮脆卜卜, 仲要鋪滿金蒜同辣椒碎, 食落仲微辣香口, 雞翼亦炸得啱啱好 ～🍚 綜合臘味煲仔飯 $65估唔到台灣店整嘅港式煲仔飯都好掂！飯底夠乾身仲要粒粒分明, 飯焦又香脆唔會燶, 而且仲包含臘鴨、臘肉、臘腸同潤腸, 油香滲到落飯底, 簡直perfect池 👍🏼🍜 清燉牛丸牛肉麵 $80湯頭清甜唔油膩, 牛丸爽口到似乒乓波 🏓偷偷話你知, 加埋佢地自家製辣椒油就更加惹味 🌶️ 🍷 紅棗桂圓茶 $24暖笠笠好潤喉, 女士恩物！🍇 巨峰提子氣泡水 $30甜度剛好, 解膩一流～

總結： 麻辣牛肉麵湯底香辣有層次，撈檬清新開胃，避風塘豆腐香脆惹味，甜品則略為失色。整體食物水準不俗，價錢合理，環境及服務屬一般，適合想簡單一嚐台灣小食嘅食客。叫左嘅食物有：麻辣牛肉麵（HK$78｜評分：7.9分） - 湯底麻香濃郁，辣度適中，飲落唔會太嗆。- 牛肉切片厚薄適中，炆得夠腍，入口有肉香。- 麵條彈牙，掛湯力強，整體味道平衡，屬招牌之選。豬頸肉春卷撈檬（HK$58｜評分：7.7分） - 撈檬酸甜清爽，配搭豬頸肉同春卷，口感豐富。- 豬頸肉油香十足，春卷外脆內嫩，整體味道有驚喜。- 適合唔太想食熱湯麵嘅朋友，作為夏日選擇亦相當合適。巨峰提子多多（HK$28｜評分：5分） - 味道太甜，帶有藥水味。- 雖然係人氣飲品之一，但表現未如理想，建議選擇其他飲品。- 避風塘豆腐（HK$16(宵夜價)｜評分：7.3分）- 外層香脆，蒜香突出，豆腐內都幾嫩滑，味道惹味。- 屬於小食之中性價比高嘅選擇，適合配搭主食享用。環境： 坐位大小一般，空間感略欠，裝潢簡約，屬工廈小店風格。服務： 店員態度正常，點餐流程順暢，上菜速度合理。價錢： HK$180（無加一）; 人均 HK$90進食時段： 晚

總結： 麻辣牛肉麵湯底香辣有層次，撈檬清新開胃，避風塘豆腐香脆惹味，甜品則略為失色。整體食物水準不俗，價錢合理，環境及服務屬一般，適合想簡單一嚐台灣小食嘅食客。叫左嘅食物有：麻辣牛肉麵（HK$78｜評分：7.9分）- 湯底麻香濃郁，辣度適中，飲落唔會太嗆。- 牛肉切片厚薄適中，炆得夠腍，入口有肉香。- 麵條彈牙，掛湯力強，整體味道平衡，屬招牌之選。豬頸肉春卷撈檬（HK$58｜評分：7.7分）- 撈檬酸甜清爽，配搭豬頸肉同春卷，口感豐富。- 豬頸肉油香十足，春卷外脆內嫩，整體味道有驚喜。- 適合唔太想食熱湯麵嘅朋友，作為夏日選擇亦相當合適。巨峰提子多多（HK$28｜評分：5分）- 味道太甜，帶有藥水味。- 雖然係人氣飲品之一，但表現未如理想，建議選擇其他飲品。- 避風塘豆腐（HK$16(宵夜價)｜評分：7.3分）- 外層香脆，蒜香突出，豆腐內都幾嫩滑，味道惹味。- 屬於小食之中性價比高嘅選擇，適合配搭主食享用。環境： 坐位大小一般，空間感略欠，裝潢簡約，屬工廈小店風格。服務： 店員態度正常，點餐流程順暢，上菜速度合理。價錢： HK$180（無加一）; 人均 HK$90進食時段： 晚餐時間

同朋友約食飯，朋友提議食台式嘢食，觀塘其實有好多間台式嘢食，不過之前有朋友推薦過呢間，所以就決定過黎食😚🍽️用餐人數：2▪️金好呷宮格餐$88覺得呢個餐非常好，可以滿足下我地食到多啲款式嘅嘢食，又唔洗驚食唔落😚我地揀咗：-鹽酥雞味道唔錯，表皮都炸得夠酥脆-花枝丸📌推薦炸過嘅花枝丸，食落外面有啲煙韌，食真啲仲有🤏甜甜地-蒜泥白肉呢個蒜泥白肉薄薄地肥瘦相間加上蒜蓉獨有嘅香味簡直一流👍🏻-甜不辣口感外脆內軟幾有咬口-蔥油撈麵味道中規中矩冇咩太大嘅感覺▪️刈包$39📌 推薦！因為未食過呢種包，好好奇佢嘅味道係點樣，食完都幾驚喜，入面有滷肉同埋酸菜，呢個配搭埋一齊鹹鹹地同甜甜地係意外地好match‼️再加上入面仲有啲花生碎所以口感都好豐富，呢個係如果再黎食都會想encore嘅食物😋

1️⃣招牌牛肉麵紅燒牛肉牛肚麵好香, 湯底好濃郁,牛肉夠多又淋,好入味.牛肚好大舊爽口.麵彈牙,配上蘿蔔同酸菜💰HKD$802️⃣豉汁白鱔臘腸煲仔飯難得台灣野有煲仔飯食,就試試佢.魚嫩滑, 飯焦好香脆,好抵食💰HKD$653️⃣蒜泥白肉薄薄豬肉配上濃味蒜蓉,小小酸💰HKD$344️⃣黃金皮蛋小小辣,外面係小小透明,入面蛋黃係流心軟滑💰HKD$205️⃣芝士奶蓋綠茶幾多奶蓋,唔會好甜,配上清清綠茶💰HKD$296️⃣巨峰提子多多酸甜清爽💰HKD$28

Trying Taiwanese beef noodles at an industrial building in Kwun Tong and it's interesting that they have apple soup base which is sweeter than normal. And I like their clay pot rice that actually has a crispy bottom. We also tried some entrees like dried squid and pork belly slices#taiwanesefood #taiwanese #beefnoodles #noodles #rice #tofu #teaI like the concept of using apple for the soup base and very generous in size. First time seeing claypot rice in a tw restaurant but it's surprisingly del

喺門外見到除咗台灣食物仲有煲仔飯好吸引！首先係 *蒜香魚腩臘腸煲仔飯* ，飯粒煮得香脆分明，鍋巴帶有微焦的香氣，加上魚腩鮮嫩無比，配埋鹹香惹味嘅臘腸，每一口都係煙韌與濃香交織，非常過癮。蒜香滲入米飯，唔單止提升風味，更令人胃口大開。然後係 *椒麻味蜂巢牛肚拌麵* ，牛肚處理得極之入味，蜂巢紋理吸晒醬汁，麻香撲鼻，辣勁適中，令人一吃上癮。麵條彈牙唔糊口，將醬汁牢牢掛住，完美演繹麻辣之道。*酥炸花枝丸* 炸得外脆內彈，花枝味濃，唔會太油膩，做小食一流。而 *肉鬆起司蛋餅* 就係邪惡之選，起司濃郁拉絲，配合肉鬆鹹甜相間，層次分明又富口感，非常推介！早餐或下午茶都啱曬。飲品方面， *珍珠奶茶* 香滑順口，珍珠煙韌唔黐牙； *百香果綠茶* 則酸甜清新，完美解膩。整體嚟講，呢餐融合咗傳統與創意，每一道都誠意十足，食得滿足又開心！推介指數：👍🏻👍🏻👍🏻👍🏻👍🏻

食店地點優越，位處九龍東，又鄰近地鐵站，交通便利，食品種類多元化，人山人海，性價比高，經過五月星牛肉麵便入內品嘗招牌紅燒牛肉麵 $75牛肉燉得夠淋，亦有咬口，牛味濃郁，加上配菜出色，蘿白口感十分淋，炸菜又酸又甜，十分開胃，加上湯底採用新鮮騸牯牛熬煮20小時鮮甜冇比，另人回味冇窮。五月星拌麵 (古早味) $64菇菌類，黃，紅，青椒，手拍青瓜等配菜切絲及切粒使拌麵口感顯得爽口，加上滷香味十足的肉粒，另碗麵更加滋味，麵質煙韌，爽口彈牙，更提升食感蚵仔煎 $48食店將蠔仔煎得十分香口，加上蛋更煎到金黃微焦，配上適量酸甜醬。另人食指大動大腸包小腸 $39香脆台灣腸加配糯米腸，口感十分配合，加上花生碎，炸菜等配料。更提升是菜道的層次青蘋果綠茶 $24青新的青蘋果綠茶微甜，更帶出清甜可口又解膩五月星牛肉麵觀塘開源道60號駱駝漆大廈第三座11樓F室

早幾天跟友人到觀塘工廈食台灣菜雖然小店，但都很多食客光顧我們在各式各樣的餐種中點了:花甲肥牛粉(微辣)蛤蜊鮮甜配上薄切牛肉,辣度適中不搶味,湯頭層次分明。粉條彈牙口感好招牌紅燒牛肉麵湯底濃郁不膩,牛肉燉煮入味且軟嫩。麵條保有嚼勁水蜜桃益力多水蜜桃搭配乳酸菌飲品,果香四溢。酸甜適中,消暑解渴的絕配。巨峰提子益力多本來已很喜歡峰提子,益力多增添層次。手拍青瓜爽脆可口,調味入味不過鹹。拍打手法恰到好處黃金皮蛋外皮金黃油亮,蛋白Q彈有韌性。蛋黃綿密濕潤,鹹香適中。

同仔放完電，當然要搵返間正到爆嘅台灣食店食個靚晚餐☺️小店值得支持！🍽️ 避風塘炒單骨雞翼依家小食8:30後有半價，所以就叫咗呢個避風塘炒蛋骨雞翼，少少辣好滋味，份量仲好多添，超級抵食！🍽️ 蔬果清燉牛肚牛肉麵呢度最正係有小朋友都啱食嘅蔬果清燉牛肉麵，個湯底用新鮮騸牯牛骨同時令生果熬製而成🍲好清甜，碗麵仲有好多材料添，包括牛肚、炆到好腍嘅牛肉😋正！🍽️ 宮格餐呢度最出名係佢哋有個幾家小菜嘅宮格套餐🥰可以揀唔同嘅野食拼埋一齊，我哋揀台灣特色美食滷肉飯、炸芝士豬扒、炸香芋丸、台灣腸同蒜泥白肉😍真係每款都係我嘅最愛，炸豬扒外脆內軟，仲有芝士流出嚟，而且滷肉飯正宗食到台灣味😋值得一試再試！🧋 奶蓋珍珠奶茶 + 百香果綠茶我就叫咗一杯奶蓋茶再加珍珠，可以試吓好creamy嘅奶蓋同煙煙韌韌嘅珍珠，而且百香果綠茶清涼好解渴，夠晒傳統！

29/3/2025📍五月星牛肉麵係MegaBox行街行耐咗 都唔知食咩好 上網揾到呢間係工廈嘅台灣小店仲未last order 就過咗嚟食啦呢間小店其實唔算細 但環境就麻麻哋 枱面同地下都有種油油地嘅感覺🙂‍↔️⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨招牌紅燒牛肉麵（$75）未見過可以油到咁誇張湯底 面頭浮住成層油 如果唔係咁油 其實都係正常好食嘅牛肉麵但係每啖麵都掛左好多油湯底唔會好辣 牛肉都幾腍但分量偏少😕✨黑醋豬軟骨拌麵（$69）估唔到又幾好食 好食過牛肉麵多多聲😁豬軟骨煮得好腍 啲肉一督就爛 而骨嘅部分都接近啫喱狀態 仲要分量好多❗️黑醋汁嘅酸味浸晒入豬軟骨入面 食起嚟一啲都唔漏 仲愈食愈開胃🤤個汁用嚟撈麵都好夾 食食下就成個麵清晒～✨起司肉鬆蛋餅（$42）餅皮係脆身嘅 係蔥油餅的質地唔係行煙靭路線 幾香口👍🏻芝士同肉鬆分量唔算多 變相食落唔會好搶戲 每樣食材嘅味道都balance到✨避風塘豆腐（$16）宵夜時段有啲小食會做半價 呢樣係其中一樣 分量超級多 新鮮炸起熱辣辣 外脆內軟 🤩⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單$202（冇加一）野食唔錯 大推黑醋豬軟骨拌麵❗️係環

Lunch 時間 又去搵食，今次黎到駱駝漆11樓 五月星牛肉麵，首先價錢中等， 唔係特別平， 但又唔算好貴。今次食個古早煎蛋滷肉飯 + 肉鬆雙重起司蛋餅滷肉飯麻麻， 肉唔多，汁唔多， 唔吸引。超級普通既一個飯，唔值哩個價錢。反而個肉鬆雙重起司蛋餅有驚喜， 幾香， 佢個芝士幾特別， 唔係出面普通一塊芝士片， 似pizzahxx 芝心批裡面果d芝士 幾好食， 唔錯， 令到個蛋餅吸引左真係值得一食。不過哩間餐廳服務就普通啦 兩個阿姐態度都一般。 拎筷子個外盒摸落痴笠笠感覺麻麻