五月星牛肉麵

營業中

休息中

之前見到有間食觀塘工廈入面的餐廳經常上報紙雜誌~ 標榜係任食小食~因為有鴨血，所以想黎試好耐好耐，咁岩約左朋友係呢到買野! 緊係要黎試下...睇下之後係咪可以黎食任食!!上到去見成個場都滿客，應該好食掛....見佢個場得幾個伙記....大慨因為小店吧..佢地真係好忙，忙到連收台都等左5分鐘，然後點菜又等左10分鐘...最後終於點到餐...然後又等左最小20分鐘先有第一樣黎...到差唔多食完曬所有野....杯飲品先黎....好彩個日唔急..唔係真係....入正題....一心黎試小食....鴨血一上台...就食...點知....鴨血貨色唔係好野...完全唔滑....又唔入味....麻辣味又唔重.....完全係多謝曬....但又咁...佢碗牛肉麵係真係幾好食的....湯夠濃....牛展火喚岩岩好，唔會太淋，但一的都唔硬...又入曬味...麵亦都係有下過功夫...雖然唔係手打...但有麵味....又吸湯...麵有曬牛肉湯的味....不如咁喇.....你主力推返你的牛肉麵喇...唔好再推小食喇...因為真係減分....剩係食牛肉麵可以再黎!!

今日同同事諗食咩，難得一齊係觀塘做野，做完野，上網搵一搵觀塘有咩好野食，見到工業區有一間台灣野，唔洗等好耐有位入去，唔算好迫啲位，選擇都比較多呀。我叫左牛肉麵 ， 小食蒜蓉白肉 啲牛肉好淋，一入口即溶，喜歡食牛朋友推介，好大碗。湯底好好飲，而蒜蓉白肉就味道唔夠入味，有啲失落，同事叫 蔥油雞 配肉澡飯 小食鴨血 個蔥油雞一黎到嚇親 好大碟，不過味道不錯 肉澡配飯 好正，鴨血有驚喜 好食，勁推介。飲品 水蜜桃紅茶同 黑糖珍珠撞奶

呢間餐廳係觀塘區好熱門嘅台式小店，晚市上去，滿座，座無虛席，咁隱世嘅小店都咁多人知，大家果然識食。Menu紙上寫住「必食 - 刈包」，所以一點試下，點知食完簡直愛上！！ 果然必食！！ 我自己不嬲都鍾意食用包夾住d肉嘅菜式。呢個塊肉加秘制醃菜，真的好好味哦！！我絕對會為呢個包以encore再黎！！滷肉飯加鹽酥雞，滷肉好入味，酥鷄香口香脆，兩個送飯一流。另外配埋碟油菜同台式飲品 - 巨鋒提子，好飲。呢一餐非常滿意同滿足，正！！

唔講唔知，朋友介紹先知，原來觀塘上樓呢度竟然有呢間咁好味嘅隱世台灣麵店，試咗之後朋友果然無介紹錯。餐牌食物好多種類，有小食，有飯，有麵，又有台式飲品 ... 應有盡有，搞到我樣樣都想食，哈哈～叫咗個紅燒蜂巢牛肚滷肉伴麵，必點系列，麵軟硬適中，連湯飲正，牛肚大大塊，牛肚滷肉好入味，加埋秘制醃菜，正～台灣腸花枝丸滷肉飯，一碗有哂所有想食嘅野，超級足料豐富，推介。幾十蚊，大大碗多餸，食到飽飽又好味，抵，平靚正～

今天難得老闆放大假不在公司, 於是和同事出去食LUNCH 輕鬆一下呢間台灣麵好多人都推薦, 所以趁早就上去駱駝漆大廈搵{五星牛肉麵}.店內裝修都好簡樸,  好有台灣小店的味道. 我和同事分別叫了,刈包, 牛肉麵,滷肉飯,另外跟了涼拌海帶和蒜泥白肉台灣小食招牌牛肉麵，果然無令我失望，湯底有牛肉花椒八角的味道，牛肉的肉質既軟又非常腍，十分入味。麵條也有韌力，吃落口完全沒有味精的感覺刈包用了蒸籠盛載，上桌時還能感到熱騰騰。香港唔多地方有刈包食，而且呢度做得非常地道出色，包身軟熟微甜。內裡的五花腩肉又香又腍，入口即刻溶化。再加上配埋花生粉，青瓜，酸菜能夠中和番腩肉的肥膩感，口感非常配搭再加埋兩杯凍飲百香果益力多和綠茶，飲完感覺清新

今次黎到工廠中既一間牛肉面店。入到黎有種家庭式經營既感覺。地方都乾淨企理。餐牌選擇都唔少，乾面、濕面、飯類都有。我地點左一個招牌紅燒牛肉麵，一個清燉牛肉麵，一杯凍柑桔蜜，一杯水蜜桃冰。另外仲叫左任食小食。招牌紅燒牛肉麵。牛展勁厚，咬口十足，湯底味濃，面既份量都多，配料蘿蔔吸曬啲味又唔會有渣，好食。重點係，感覺到用料方面，真係毫不吝嗇，牛肉真係正。清燉牛肉麵。湯底落左糖咁，甜甜既。牛肉份量又係勁多。最後我自己食都食唔曬啲面。點左涼拌海蜇、手拍青瓜、蒜泥白肉。青瓜好食，所以都有再叫一碟。白肉也都好味，仲有青瓜係底。最後埋單254，食都勁勁勁飽。

今日同朋友去開觀塘緊係要去工廈搵食啦，工廈小店更有人情味，同價錢一般都較合理，今次就搵左呢間食牛肉麵嘅試。19：00去到，餐廳已經坐滿了客人，好彩仲有一個角落位，所以更覺得今次我地冇揀錯餐廳！坐低之後店員送上點菜紙，原來依家做緊優惠，只要揀牛肉麵/拌麵/大碗飯，就可以加 $32任食 10 款台式小食，仲不限次數，無限添加，不過就需要同枱每位客人都一齊加呢個優惠！我同朋友覺得吸引，所以就加呢個優惠，可以試下不同菜式！而主餐牌選擇都算多，有牛肉麵、拌麵、鹽酥系列、滷肉飯等。牛肉麵都有唔同湯底揀，岩哂有時想轉口味的客人！$32 任食10款台式小食小食叫了蒜泥白肉，好鍾意佢調醬汁個味道，好夠香又夠重蒜味，白肉本身唔會太肥，底下嘅青瓜更有驚喜，好夠爽，配個醬汁一流！另外還叫了涼拌茄子，呢個醬汁比較淡，茄子本身夠甜，淡淡嘅醬汁不會遮蓋茄子本身的味道！最後還叫了白灼時蔬，今日係生菜，生菜夠新鮮，灼一灼已經夠清甜！招牌紅燒牛肉麵 $73 店員捧上枱已聞到好香嘅味道，個湯仲有煙出，熱辣辣的！先試佢個湯底，湯有小小辣，但入口感覺濃厚有層次，水準高，絕不似味精味道！牛肉份量多，夠嫩滑，仲燜得入味。麵條係闊麵

跟住肥雞去咗觀塘駱駝漆大廈第二期 嘅一間台灣餐廳叫做五星台菜去食嘅咁入到去呢餐廳細細雖然係星期日但係呢嗰日都幾多人喎 咁肥雞就嗌咗個蔥油雞試下佢用啲洋蔥爆香佢然後十一陣麻油同埋有少少三杯雞有味道而且佢啲雞今次全部畀滑肉我所以非常之野味嚟得食台灣菜梗係要食呢一個嘅牛肉麵啦咁肥仔就嗌咗個紅燒牛肉麵牛肉麵我覺得好食過茶木因為湯底非常之龍澳好用呢一個嘅牛肉同埋中藥嘅味道但係因為十分之龍澳飲多幾啖之後呢就有啲頂唔順呀而且面嘅份量非常之足

星期日夜晚肥妹仔唔想出街食飯都會近近哋落觀塘搵嘢食。 今次就去咗觀塘嘅一啲工廠大廈到食台灣菜。招牌紅燒牛肉麵  $73非常大碗佢嘅湯底，超濃，超好食。佢唔係藥材湯底，係真係用牛肉煮嗰種好香嘅紅燒肉味。佢嘅牛肉 有少少半筋半肉，唔會好柴，面係粗身嘅面，肥妹仔最鍾意食呢一隻面，因為非常堅韌。豬軟骨拌麵  $68肥媽叫咗呢一個拌麵，豬軟骨非常大份，好淋，咬落去入口即溶。台灣腸拼花枝丸拌麵  $63呢個係肥妹仔叫嘅，台灣腸真係冇得輸，外皮我估應該係炸過嚟或者煎過嚟，非常脆。而花枝丸係一貫 做法，炸到脆卜卜。芝士鹽酥雞  $58鹽酥雞炸到非常香口，雞肉嫩滑，在淋上半溶嘅芝士醬，超級邪惡。試管鹽酥菇 $48鹽酥菇係肥妹仔去到台灣一定會叫嘅小食，去到呢度見到有點會唔叫呀？佢嘅鹽酥菇亦都係炸到非常香脆，灑上淮鹽，超香口。宜蘭蔥油雞  $63呢碟雞反而有少少似我哋港式嗰種白切雞，淋上佢哋特製嘅蔥油，所以有特別嘅香氣。總括嚟講佢嘅肉質都好嫩滑。手拍青瓜 $15青瓜爽口新鮮。黃金皮蛋  $15個皮蛋黃係黃色㗎，有流心嘅效果，微辣，好過癮，越食越開胃。白灼時蔬  $15黑糖撞奶  $28呢度嘅黑糖撞奶係超級有

餐廳：五月星牛肉麵 (觀塘)地址：觀塘開源道60號駱駝漆大廈3座11樓F室講起台灣菜，唔知你又諗起啲咩呢？眾所周知台灣有好多好嘢食，而台灣亦都係香港人去旅行嘅首選，今次我就去咗觀塘工業區駱駝漆大廈三座11樓嘅五月星牛肉麵， 佢哋主打估左未同埋冇味精嘅牛肉麵，用牛骨熬湯底熬足20幾個鐘，而呢樣亦都係佢哋嘅賣點，吸引左唔少鍾意台灣牛肉麵嘅人專程黎觀塘工業區去食佢地嘅麵招牌紅燒牛肉麵 $73牛肉因熬製時間長所以好軟稔，份量多，有成6、7舊，紅燒汁濃郁唔鹹，加上麵底彈牙，店員仲介紹紅燒牛肉麵撈埋辣椒油食係絕配，果然夠香又夠辣豬軟骨拌麵 $68豬軟骨拌麵除左有惹味嘅豬軟骨之外，亦都有青瓜同滷肉醉，拌麵嘅吸引之處係可以更鮮明咁試到所用嘅醬汁 試管鹽酥魷魚 $53試管魷魚即魷魚鬚，以鹽酥炸魷魚後外脆內嫩，亦唔會太咸，餐廳仲提供酸辣醬同六款調味粉包括辣椒粉、海苔、椒鹽等，總有一款岩你口味刈包 $32刈包係台灣嘅地道小食，傳統做法係將五花滷肉、酸菜、花生粉、香菜等餡料放入饅頭裡面蒸，整成好似漢堡包咁，係台灣亦都有「台式漢堡」同「虎咬豬」之稱，二五月星牛肉麵嘅做法更加入咗鬆化嘅雞肉，食上黎有多重口感，花生

牛肉麵八角味太濃，麵無特色。任食小食無一樣食得落，無味道，同埋感覺不新鮮。珍珠奶茶及黑糖撞奶一陣化學調料的味道，不夠天然。珍珠軟爛。刈包味道太甜，入面肉及包算鬆軟。

好友一向對牛肉麵情有獨鍾，差不多每次去台灣，都會光顧不同的牛肉麵店，嚐嚐各店不同的風味。最近友人邀約我一聚，就選了觀塘這間「五月星牛肉麵」。餐廳位於開源道駱駝漆大廈， 店內地方不大，設計平實簡樸，沒花巧佈置，牆身有幅頗有台灣 Feel 的畫作，令人賞心悅目。先細看店員送上的點菜紙，除了主打的牛肉麵外，還有必食刈包、拌麵、鹽酥系列、前菜、大碗滷肉飯和一系列台式飲品等。另外餐廳最近推出抵食放題優惠，客人凡於晚市點選牛肉麵、拌麵或大碗飯，加 $32 即可任食 10 款台式小吃，不過就必須同檯每位客人都惠顧。我哋揀咗刈包，牛肉麵、滷肉飯、兩杯飲品，另外每人再加咗 $32，一於試埋啲小食。10 款小食包括有：麻辣鴨血、蒜泥白肉、麻辣豬耳、涼拌海蜇、麻辣菇菌派對、涼拌茄子、手拍青瓜、白灼時蔬、涼拌海帶及黃金皮蛋。鴨血入口細嫩滑溜，完全不腥。海蜇晶瑩剔透，吃起來酸酸辣辣、鮮香爽脆，有嚼勁，令人食慾大開。黃金皮蛋色澤金黃通透，蛋黃流心，加上適當的辣椒油，刺激又過癮。蒜泥白肉肥瘦均勻，食落有肉嘅甜味，入口唔覺肥，配墊底嘅青瓜吃，更添清爽。刈包 ($32) 刈包以蒸籠盛載，送上桌時仍熱辣辣，包身軟熟滑潤，

朋友介紹我才知道原來駱駝漆大廈高層有大量的餐廳，之前也只是在最底幾層的商店買買凍肉為主。今天選擇了在12樓的餐廳吃飯，朋友選擇了一間台灣餐廳，吃完才知道質素也不錯，在觀塘區用這個價錢吃到這個晚飯性價比高。試管鹽酥菇＄４８這裏出名的是試管鹽酥系列，包括有鹽酥雞，鹽酥豬和鹽酥菇等。來到時才知道原來試管的意思是普通鹽酥炸物再加上不同試管的調味粉給你自由配搭，我們選擇了鹽酥菇，鹽酥炸的不錯，不會太乾身也不油膩，我們加上芝士及紫菜的調味粉，不俗。滿漢牛肉麵＄９３他的牛肉麵也很不錯，我們叫了他的大碗的滿漢牛肉麵包括有牛腩，牛展及牛肚的。但原來牛腩已經賣完，只有牛展和牛肚也不錯，牛肚軟淋很入味，牛展有筋有肉，件數很多，麵底彈牙，湯底濃郁，一個很好的選擇。蒜泥白肉＄３２我們還叫了一個小食，就是蒜泥白肉，蒜泥白肉和我們想像的有點不同，蒜蓉不算太多，反而像一個醬油白肉，薄薄的白肉配上醬汁，也很惹味，小食來說份量也剛好。魯肉飯＄２５這裡的魯肉飯也蠻有台灣風味的，選了較肥美的豬肉，醬汁濃郁入味，肉也煮得夠軟，很容易就吃光一碗飯。百香果多多＄２５酸酸甜甜的飲品，來配搭較濃味的食物，感覺剛好。聞說觀塘餐廳晚上生意

一直對呢到刈包念念不忘，呢晚收工特意再去食物種類多，有牛肉麵，拌麵，鹽酥類，前菜，滷肉飯等等飲品有台式飲品，汽水等等黃金皮蛋，麻辣豬耳黃金皮蛋微辣醬汁很惹味麻辣豬耳，豬耳很爽口，更有不少青瓜絲，三色椒，很清新，作為前菜相當合適刈包用上小蒸籠上枱，刈包夠熱度，而且很軟熟，包住半肥瘦滷肉，酸菜，青瓜，花生碎等等，吃起來不油膩，一個剛剛好除了刈包，再點碗麻辣牛肉麵一碗份量不少，牛肉用上半筋半肉，軟淋而且夠入味，湯頭濃郁，麻辣辣度剛好，麵軟硬適中蜂蜜紅茶帶著蜂蜜微甜，很解渴

幾個月之前來過食晚餐，同朋友仔一致覺得拌麵好好食，今日週末再來午餐，抵上加抵！午餐包小菜，台式飲品，同主食。都係七十蚊左右。飲品點了珍珠奶茶和茉香綠茶。雖然冇甜度選，但兩杯都難得地唔算過甜👍🏻麻辣菇菌同手拍青瓜都好開胃。五月星古早味拌麵。一半菇菌，一半鹵肉，醬汁酸酸地，以醋為基底，感覺好清新同健康，不過就同我想像中既古早台灣味有出入，本來係expect 鹵肉飯汁個種味😂😂招牌紅燒牛肉麵，牛肉份量好多，好入味同鬆軟，不過就稍嫌偏瘦同少筋。個湯同麵底冇得輸，湯頭濃郁帶香料味，不死鹹，麵條口感彈牙。必點！呢間台灣野係區內真係數一數二，主食黎講好味過個啲過江龍，見其他食評仲制作好用心。如果將裝潢同飲品升級，加入多啲台灣小食，就完美了👍🏻👍🏻👍🏻