五月星牛肉麵

營業中

休息中

點了一碗清燉牛肉湯麵， 上枱時發覺湯很深色， 我一直以為是清湯底， 原來並不是呢! 先是一口湯， 有香濃的牛肉味， 及五香粉味， 不太鹹， 沒有味精， 相比一般紅燒牛肉麵的湯底， 雖然沒有那麼惹味，但它的牛肉味更為突出， 把湯水喝光也不會覺得口渴， 用來送麵一流。 麵質彈牙偏軟， 加了一點梅菜， 梅菜處理得幾好， 不會太鹹， 送麵吃時有淡淡的梅菜味， 味道很夾。 至於牛腱方面， 筋肉比例適中， 吃時牛味很重， 非常新鮮， 整體來說是非常美味的一碗麵

近年，觀塘開左唔少台式餐廳，今日就去左試一間上樓比較隱世嘅台式餐廳。一入到去，就已經見到牆上面有好大幅壁畫，畫左餐廳主打嘅牛肉麵。餐廳除左牛肉麵之外，仲有好多唔同嘅食物選擇，例如: 拌麵、炸物等等。炸物仲會配上唔同嘅調味料俾客人自行調味。調味料裝喺做實驗嘅試管入面，玩味十足。蒜泥白肉 $32唔同坊間嘅蒜泥白肉會有過多嘅蒜蓉鋪面，令蒜味過重，完全遮蓋肉味。另外，微酸嘅醬汁，令人更加開胃。加上鋪底嘅青瓜可以減少肉嘅膩感，可以增強食慾。刈包 $32刈包係用一個小蒸籠上，刈包非常軟熟，裡面包住酸菜、肉粒、青瓜等等，材料嘅配搭令人既可以食到滷肉嘅香，但同時唔會令滷肉產生膩感。份量一個食剛剛好。滿漢牛肉麵 $93牛肉麵選擇左微辣嘅紅燒湯底，非常惹味。牛肉除左牛腩外，仲有牛𦟌同牛肚。牛腩選用左半肥瘦，牛嘅脂肪令原本濃郁嘅牛肉味更加突出，肉質亦都處理得非常好，唔會過乾。牛𦟌爽口，同時加上濃郁嘅牛肉味，令人一試難忘。牛肚亦非常腍滑。諗唔到食咩嘅朋友可以揀滿漢牛肉麵，一次過食到牛腩牛𦟌牛肚。滷肉飯 $25切成小粒嘅滷肉，加上少許嘅滷汁，非常啱伴飯。好多餐廳嘅滷肉飯都太多肥豬肉，衣度嘅肉半肥瘦，不錯。台灣腸

觀塘工廈不嬲都出名多隱世美食，見到雜誌介紹呢間台灣古早牛肉麵小店好吸引就約埋朋友 happy Friday 去試下，星期五晚大概八點到已經坐滿晒人，睇嚟好受歡迎喎招牌紅燒牛肉麵 ($73)湯頭濃郁唔油膩，聽店員講係用咗過百斤牛骨熬咗廿個鐘，而且冇落任何味精，牛𦟌好入味，肉質夠軟腍，蘿白清甜無渣，麵條爽滑彈牙五月星拌麵 ($63)所有拌麵都有分古早味同椒麻味，麵質同牛肉麵相同，醬汁酸辣唔油膩，配料好豐富，有滷肉、醃青瓜同雜菇，味道唔錯晚市做緊優惠只要嗌牛肉麵/拌麵/大碗飯加$32 就可以任食十款小食由於兩碗麵份量實在太大，我同朋友個胃只係容納到四款小食：蒜泥白肉肥瘦適中，蒜味香濃；涼拌海蜇彈牙爽脆；手拍青瓜清甜多汁；麻辣豬耳微辣惹味飲品選擇有好多款，我地叫咗巨峰提子果汁冰 ($22) 同百香果益力多 ($25)，都幾好飲

🐹肥老鼠跟朋友在駱駝漆一期做完yoga，然後就過對面三期醫肚，相當方便。平日8時，店內只有幾枱客人還剩大量位置，食到9時都還有人進來食。店員推薦我們每人加$32，就可以任食小食，但朋友都覺得有點貴，於是沒有試。招牌紅燒牛肉麵（$73）肥老鼠叫了牛肉麵，雖然不是叫麻辣，但第一下入口辣味有點搶。麵是台灣粗麵，麵質彈牙不會過粉過硬，跟湯一起食齒夾回甜沒有牛筋，只有牛肉，牛肉筋肉未算勻稱，但很軟不會鞋配角蘿蔔都很入味，香甜。這個牛肉麵有台灣連鎖店的味道五月星拌麵（$63）朋友點的拌麵，主要有魯肉菌類。朋友一開始沒有拌好，麵條食起上來沒有味道。菌類炒得很香口，魯肉就瘦肉居多，不過切得很小，沒有很鞋口的感覺。還可以吧，沒牛肉麵好食。黑糖珍珠撞奶（$28）首先一定要先攪拌，將表面跟底部的黑糖拌勻。飲下來似是焦糖鮮奶，不甚覺得是黑糖味，但甜度還是可以的珍珠同樣沒有太大黑糖味，很煙韌但厭可以再軟小小。🐹：暫時覺得必食是牛肉麵，有台灣風味，但拌麵就差點。如果拌麵是細條麵麻花麵淮山麵，就可以一試了。好評是給牛肉麵的餐牌

呢個工廠大廈有好多好野食，今次第一次去就試左呢間台灣野先！我去食既時間係下午，所以serve緊lunch set,大概係一入出食+一份小食+一杯台式飲品，around 60-70蚊小食種類好多，麻辣味重到主食我就揀左佢既試管鹽酥雞，係可以自己加味粉，有椒鹽、紫菜等等另外仲叫左個紅燒牛肉麵，味道好濃，牛肉亦都夠淋。味道同台灣既味相近，係值得推薦既。不過lunch hour都幾多人排隊，可能因為觀塘區既關係啦。

今日同朋友來食觀塘駱駝漆大廈3座11樓嘅台式餐廳，第一次上呢座大廈食台式嘢，地方好就腳。呢度店員都好nice，店員同客人介紹加32蚊就會有10樣小食無限添食，有辣有五辣，有素有肉任均選擇。我地total叫做8樣小食，每樣味道都好五錯哦，特別是溏心皮蛋，32蚊可以試到8樣高汁超值。推薦大家要加32任食小食。招牌紅燒牛肉，食臺灣o野我比試麵食，呢個好合我口味，有嚼勁，有小麥為的麵食是我的最愛，另外值得讚的是紅燒牛肉非常軟熟，好入味，肥瘦剛剛好，分量都幾多，因爲太味道，我幾乎食完所有牛肉，哈哈哈....... 同埋個湯底五會似外面ge味精，呢度湯底好夠味道，但不會好味精味道，起碼我地食完都不會口渴。五月星拌麵，麵同湯麵個質地一樣好味道，好多料，賣相也非常可口。試管鹽酥菇，第一次試鹽酥菇，好好味呢！！下次會在來食，熱辣辣整起，好酥香，點泰式酸辣醬一起食，更加開胃好味。

素聞駱駝漆有唔少好野食，今次就同朋友試下位於3座11樓的五星月牛肉麵啦一入到去，夜晚8點尼講人流唔算多，可以俾我地靜靜咁傾下偈野食方面，我地叫左招牌紅燒牛肉麵，五月星拌麵（古早味），加一個試管鹽酥菇！紅燒牛肉麵湯頭濃郁，麵身煙韌有咬口，牛肉肉質煮得夠腍又入味，不愧係招牌菜！至於五月星拌麵就加入左魯肉和菇類，麵身同牛肉麵一樣咁煙韌有咬口，但醬汁就偏淡口！平時比較少見到鹽酥菇，難得見到當然要一試！結果一試愛上個菇炸得幾乾身，同鹽酥好夾！飲品方面，我地試左黑糖珍珠撞奶同埋水蜜桃綠茶！我一直好少飲黑糖飲品，因為好怕太甜嘅飲品，但呢個唔會好甜，我ok！雖然黑糖味唔算好濃，但啲珍珠補救番～ 啲珍珠好軟腍，口感幾特別！而水蜜桃綠茶就正正常常，冇咩特別！總結，呢間台灣菜性價比唔錯，會再來！

唔知係咪我對佢嘅期望太高，我覺得一般咋喎。店舖小小，入去嘅時候，有6成滿。坐低之後自己落單。叫左兩碗牛肉麵，每人再加32蚊任添小食。小食，個蒜泥白肉十分出色，糖心皮蛋同鴨血都可以。 但其他就一般。等左好耐先上牛肉麵，個麵質係我喜歡嘅少少粗扁麵，有少少似上海麵。但海底太甜，我麻麻地喜歡。餐廳雖然主打即叫即煮，但可能因為人手不足，出菜實在太慢了。總之，味道一般，環境昏暗，出菜速度有待改善。 73蚊一碗牛肉麵，有d唔值。

呢幾日咁岩黎到觀塘出JOB, 所以搵下附近有咩台灣野食~~比我發現到呢間五月星牛肉麵, 不過今次我唔係食牛肉麵, 我揀左花枝丸魯肉飯~~花枝丸魯肉飯D 花枝丸大大粒, 食落又彈牙, 而魯肉飯味道好香, 完全唔膩, 唔錯!!另外呢度加$32有小食放題, 可以任點豬耳、灼菜、麻辣鴨血、蒜蓉白肉配拍青瓜、涼伴海哲、麻辣豬耳等等~~我都加左~特別推介涼伴海哲, 調味唔算淡, 好爽口; 麻辣豬耳辣度較勁，爽脆有味~最後當然叫碟菜啦, 清淡D, 再加杯王老吉, 清熱~~價錢真係好抵食, 會再黎!

今日LUNCH 黎到觀塘既五月星牛肉麵, 黎呢度當然就係食牛肉麵啦~叫左個紅燒牛肉麵, 再額外2份小食, 有黃金皮蛋、蒜泥白肉, 另外點左杯黑糖珍珠鮮奶!紅燒牛肉麵 - 一睇湯底顏色都FEEL 到濃郁，飲落真係好有牛味!聽職員講, 係冇味精, 而且用熬左20個小時架, 好有誠意~ 食落牛肉係鬆軟，而麵條爽滑，份量都幾多。黃金皮蛋: 賣相OK, 食落淡淡地唔算太有味~蒜泥白肉, 呢個辣辣地, 而且切得幾薄, 唔錯!黑糖珍珠鮮奶- 呢個出奇地好飲, 唔算太甜, 又唔會冇味, 有香濃既鮮奶味, 珍珠又軟又有口感~OVERALL 價錢合理, 下次可以再黎!

同朋友放工一齊係觀塘搵嘢食發現咗一間隱世台灣野 就去試試我哋一行五人 想試下唔同野食 所以嗌左好多٩(˃̶͈̀௰˂̶͈́)و本人推薦宜蘭蔥油雞，啲雞非常之滑(˶‾᷄ ⁻̫ ‾᷅˵)然後啲蔥油好香，雞嘅入面同埋出面都佈滿蔥油的味道，正啊！另外推介芝士鹽酥雞，佢哋嘅鹽酥雞炸得非常之鬆脆。由於本人非常愛芝士，所以芝士鹽酥雞係我第二愛(˶‾᷄ ⁻̫ ‾᷅˵)仲有食咗個清燉牛肉麵，冇影到相。不過啲湯好清甜，同一般午肉麵唔同。如果鍾意清清地嘅朋友，應該都會鍾意(*¯︶¯*)

📸#tagnshare觀塘篇 .又嚟到集合左無數特色小食店既 #觀塘區 ，今次就去朋友介紹既 #台灣野 ❤️小店既吸引係～ 加$32/位可以 #任食 佢地既特色小食🤤🤤 ，有大約十種既小食：蒜泥白肉、手拍青瓜、黃金皮蛋⋯ 我地點左 #鹽酥雞鹵肉飯 （$68），鹽酥雞口感唔錯喎，夠脆又夠肉汁。 仲有點左台灣腸拌麵 （$58）台灣腸係偏乾，而麵質就軟硬適中，配埋肉燥係會食哂成碗。價錢唔算好平但係份量係足哂料超大碗🙈. 🙋🏻‍♀️高妹小編.- 👇🏻地址👇🏻.五月星牛肉麵 (觀塘)觀塘開源道60號駱駝漆大廈3座11樓F室

觀塘工廈出名美食多，今日要是的就是台灣著名的拌麵。這裏的款式不多，最後點了一款招牌的拌麵。加錢可以任吃這裏的小食配菜。很可惜，老實說這裏的面做得很差，可能我個人不太喜歡吃酸的味道，整個面是酸汁條配而成，吃起來我認為是怪怪的🤨而且面的口感也不是太好，唯一可取的是分量十足，我根本不能夠吃完整碗面，但也非常飽了。至於小菜飲食個人認為不用追加，因為單看賣相也不太會想吃。我還點了一杯黑糖珍珠奶茶，明顯地和外面的奶茶連鎖店不能相比，無論是黑糖還是奶茶的質量也比較低，建議還是喝凍檸茶凍奶茶好了。

又係放lunch時段我地一行6人intern去咗駱駝漆搵食，喺觀塘返工既好處就係唔洗憂無野食😭我返咗成個月工，日日食既野同餐廳都唔同花款，真係冒住增肥既危險都要試盡呢頭既野食先得！.呢間餐廳聲稱唔落味精，而我食完又真係無話特別頸渴👍🏻午市包小食同野飲，小食我嗌咗麻辣豬耳，幾滿意因爲真係夠麻辣，滿足到我呢個咁食得辣既人。主菜就嗌咗個招牌紅燒牛肉麵，果然係招牌，真係超好食！首先，個湯底極濃牛味，但飲落唔會話油膩。啲牛肉炆得好入味好軟，啲筋位食落超重膠質！然後啲麵條好彈牙，掛湯能力好高，完全索哂個湯既精華入去，仲有幾舊白蘿蔔都係，都係索哂d湯好好味😳！野飲我加3蚊嗌咗杯黑糖撞奶，點知衰收尾🤕勁難飲！無味、唔甜、水加奶、爛淋珍珠，你諗到既難飲元素呢杯野都有，下次去真係skip野飲算。

這天再次前往觀塘，全因為工廈的冒險之旅，完成過後，這次我決定於朋友一同共進晚餐，而我選擇的就是台灣的味道。我點算的主食，就是我的新挑戰，也就是餐廳最出名的， 拌麵， 麵質方面，充滿口感，軟硬適中，配搭餐廳獨有的醬汁，味道吃起來更豐富，加上不同的配料，令到整個伴面，充滿層次，每一口也可以吃到不同食物的味道，每一口也有不同的感覺，充滿新鮮感。 另外餐廳更有任食的小食，十種不同的小食，性價比極高，當中最欣賞的就是豬耳，沒想到爽口彈牙，加上冰涼口感，再配合少許麻辣的味道，更為開胃。