五月星牛肉麵

營業中

休息中

今日LUNCH 黎到觀塘既五月星牛肉麵, 黎呢度當然就係食牛肉麵啦~叫左個紅燒牛肉麵, 再額外2份小食, 有黃金皮蛋、蒜泥白肉, 另外點左杯黑糖珍珠鮮奶!紅燒牛肉麵 - 一睇湯底顏色都FEEL 到濃郁，飲落真係好有牛味!聽職員講, 係冇味精, 而且用熬左20個小時架, 好有誠意~ 食落牛肉係鬆軟，而麵條爽滑，份量都幾多。黃金皮蛋: 賣相OK, 食落淡淡地唔算太有味~蒜泥白肉, 呢個辣辣地, 而且切得幾薄, 唔錯!黑糖珍珠鮮奶- 呢個出奇地好飲, 唔算太甜, 又唔會冇味, 有香濃既鮮奶味, 珍珠又軟又有口感~OVERALL 價錢合理, 下次可以再黎!

同朋友放工一齊係觀塘搵嘢食發現咗一間隱世台灣野 就去試試我哋一行五人 想試下唔同野食 所以嗌左好多٩(˃̶͈̀௰˂̶͈́)و本人推薦宜蘭蔥油雞，啲雞非常之滑(˶‾᷄ ⁻̫ ‾᷅˵)然後啲蔥油好香，雞嘅入面同埋出面都佈滿蔥油的味道，正啊！另外推介芝士鹽酥雞，佢哋嘅鹽酥雞炸得非常之鬆脆。由於本人非常愛芝士，所以芝士鹽酥雞係我第二愛(˶‾᷄ ⁻̫ ‾᷅˵)仲有食咗個清燉牛肉麵，冇影到相。不過啲湯好清甜，同一般午肉麵唔同。如果鍾意清清地嘅朋友，應該都會鍾意(*¯︶¯*)

📸#tagnshare觀塘篇 .又嚟到集合左無數特色小食店既 #觀塘區 ，今次就去朋友介紹既 #台灣野 ❤️小店既吸引係～ 加$32/位可以 #任食 佢地既特色小食🤤🤤 ，有大約十種既小食：蒜泥白肉、手拍青瓜、黃金皮蛋⋯ 我地點左 #鹽酥雞鹵肉飯 （$68），鹽酥雞口感唔錯喎，夠脆又夠肉汁。 仲有點左台灣腸拌麵 （$58）台灣腸係偏乾，而麵質就軟硬適中，配埋肉燥係會食哂成碗。價錢唔算好平但係份量係足哂料超大碗🙈. 🙋🏻‍♀️高妹小編.- 👇🏻地址👇🏻.五月星牛肉麵 (觀塘)觀塘開源道60號駱駝漆大廈3座11樓F室

觀塘工廈出名美食多，今日要是的就是台灣著名的拌麵。這裏的款式不多，最後點了一款招牌的拌麵。加錢可以任吃這裏的小食配菜。很可惜，老實說這裏的面做得很差，可能我個人不太喜歡吃酸的味道，整個面是酸汁條配而成，吃起來我認為是怪怪的🤨而且面的口感也不是太好，唯一可取的是分量十足，我根本不能夠吃完整碗面，但也非常飽了。至於小菜飲食個人認為不用追加，因為單看賣相也不太會想吃。我還點了一杯黑糖珍珠奶茶，明顯地和外面的奶茶連鎖店不能相比，無論是黑糖還是奶茶的質量也比較低，建議還是喝凍檸茶凍奶茶好了。

又係放lunch時段我地一行6人intern去咗駱駝漆搵食，喺觀塘返工既好處就係唔洗憂無野食😭我返咗成個月工，日日食既野同餐廳都唔同花款，真係冒住增肥既危險都要試盡呢頭既野食先得！.呢間餐廳聲稱唔落味精，而我食完又真係無話特別頸渴👍🏻午市包小食同野飲，小食我嗌咗麻辣豬耳，幾滿意因爲真係夠麻辣，滿足到我呢個咁食得辣既人。主菜就嗌咗個招牌紅燒牛肉麵，果然係招牌，真係超好食！首先，個湯底極濃牛味，但飲落唔會話油膩。啲牛肉炆得好入味好軟，啲筋位食落超重膠質！然後啲麵條好彈牙，掛湯能力好高，完全索哂個湯既精華入去，仲有幾舊白蘿蔔都係，都係索哂d湯好好味😳！野飲我加3蚊嗌咗杯黑糖撞奶，點知衰收尾🤕勁難飲！無味、唔甜、水加奶、爛淋珍珠，你諗到既難飲元素呢杯野都有，下次去真係skip野飲算。

這天再次前往觀塘，全因為工廈的冒險之旅，完成過後，這次我決定於朋友一同共進晚餐，而我選擇的就是台灣的味道。我點算的主食，就是我的新挑戰，也就是餐廳最出名的， 拌麵， 麵質方面，充滿口感，軟硬適中，配搭餐廳獨有的醬汁，味道吃起來更豐富，加上不同的配料，令到整個伴面，充滿層次，每一口也可以吃到不同食物的味道，每一口也有不同的感覺，充滿新鮮感。 另外餐廳更有任食的小食，十種不同的小食，性價比極高，當中最欣賞的就是豬耳，沒想到爽口彈牙，加上冰涼口感，再配合少許麻辣的味道，更為開胃。

平時食牛肉麵多數就係得辣同唔辣揀，呢度好有心機，有幾款選擇，問番店員介紹，原來紅燒就係四川口味，味道較重，麻辣就會再香辣d，而清燉就會用雪梨蘋果做底，另外牛肉牛展甚至可以多款牛去俾大家揀麻辣牛肉麵，真係好香，辣度食落舒服唔搶味，牛肉炆得夠軟身，仲有羅白食清燉牛肉麵，湯底清甜，牛展有咬口，而且麵底扁身彈牙，好好嘅配搭鹽酥雞鹵肉飯鹽酥雞唔錯，鹵肉味道較重，用左唔小材料製作，有誠意嘅任食小食超多選擇，但每款口味都唔一樣，好新鮮台式飲品出名多款，呢度都跟足，口味多樣，亦真係有台式味道

台灣旅行會周圍搵發掘小店，其中有d有好多小食選擇，直接出去櫃同自己揀，一碟碟咁拎番黎，選擇多又涼拌為主開胃又降溫好開心呢到都有呢個做法，每人加$32就可以任食，我地叫到滿滿一枱，推介蒜泥白肉，涼拌茄子同麻辣豬耳鹽酥雞鹵肉飯兩樣都想食，可以雙拼幾開心，鹽酥雞夠脆又juicy，鹵肉用蒜頭煮上好香麻辣牛肉麵同清燉牛肉麵兩款口味各有特色，而麻辣個款有牛肉又有牛展，清燉就只有牛展，但都好食，湯底味道豐厚野飲方面好多選擇，推介黑糖撞奶，奶味好重，仲可以揀冰量同甜度，配合番自己個人喜好

觀塘出晒名多好西食，今晚收工後同友人黎左觀塘駱駝漆大廈內食好西，平時lunch time 太多人根本食唔到，估唔到連夜晚都咁多人食，我地等左10分鐘左右終於有位啦！店員同我地推薦凡惠顧晚市牛肉麵/拌麵/大碗飯可另加$32/位可任食小食，必須同檯惠顧才可享此優惠！見到其他人都食緊，所以都加左呢個晚市優惠！😊😊招牌紅燒牛肉麵 $73: 紅燒牛肉好腍身，超入味，牛根同牛肉一層一層咁好Q彈牙，配埋彈滑既麵一齊食口感超夾，湯底都充滿好濃厚既牛肉味！豬軟骨拌麵 $68: 有3大舊豬軟骨，味道香甜濃郁，既可以保持豬軟骨肉味之餘，亦可品嚐到柔腍口感，再撈埋麵一齊食口感層次更豐富！任食小食包括有麻辣鴨血、蒜泥白肉、麻辣豬耳、涼拌海哲、麻辣菇菌派對、涼拌茄子、手拍青瓜、白灼時蔬、涼拌海帶、黃金皮蛋；每碟細細碟很別緻，可品嚐每款小食既味道，每款小食各有特色，味道麻辣唔錯！😋😋黑糖珍珠撞奶$28:ＱQ彈牙的黑糖珍珠讓人一口接一口的！飲落口真的不會太甜，跟鮮奶完美融合，味道真的是一級棒的！百香果綠茶 $22: 百香果自然的酸甜，與綠茶融合的恰到好處，不酸、不甜、不澀，清香冰涼好順口，炎炎夏日飲真是透心涼！+++

相信台灣菜都幾受港人歡迎的我就是其中一位呢間位於觀塘既五月星🌙🌟評價不俗，今次係我第二次食蔥油雞配滷肉飯，好有份量講下個滷肉飯先，呢個滷肉飯好岩香港人口味，唔會好肥膩，而且味道岩岩好，唔會咸左適當既肥肉令入口很滑順而蔥油雞送飯一流，淨係用蔥油都足以食到一碗飯，味道一絕五月星拌麵就主要係滷肉&菌類，味道有點酸酸地，好開胃，酸酸地既味道同滷肉好夾而小食都做得好出色呢杯係水蜜桃紅茶，就咁睇呢杯野都feel到好有heart係會將水蜜桃🍑汁同紅茶一齊blend，好香水蜜桃味，同時又唔會太甜

今日到 觀塘揾食， 找到間台式小店， 勇於新嘗試的我當然要試一試。店舖位於工業大廈地區， 距離地鐵站大約五分鐘路程。點了一碗豬軟骨拌麵，食得出 拌麵非常捉料， 豬軟骨有三大件， 另外請會面上面鋪滿了肉碎， 食物每一啖都充滿豬肉和油香。 麵的另外一個優點是份量非常大， 令人食到超飽。加少少錢就可以再配搭小食， 而小食是任食的， 當中我最欣賞他的麻辣皮蛋， 麻辣汁非常香， 皮蛋非常入味。最後加配一杯 黑糖珍珠奶茶， 質素也算上乘之選， 黑糖甜味適中。

觀塘工廈一向出名多嘢食 但估唔到駱駝漆十一樓依層有咁多嘢食 我地一開始就鎖定咗依間台灣食店 餐廳座位闊落 有別其他工廈餐廳 佢哋而家做緊一個優惠 就係惠顧晚市牛肉麵/拌麵/大碗飯 就可以加32蚊任食十款台灣小食 一講到任食 我就好貪心 啲嘢食好食到停唔到口 不斷咁有encore再encore🤣任食大獲了先講麻辣鴨血 真正台式鋪頭先食到👍🏻👍🏻 好食手拍青瓜好爽甜 腌得好味涼拌海蜇好爽口 完全冇artificial既味蒜泥白肉除左賣相超吸引外 味道真係無得輸 可以encore再encore台式醃菜依啲小食真係心機菜 又洗又切咁準備十款 加32蚊好抵👍🏻👍🏻黑糖鮮奶- 飲到好重鮮奶味 而珍珠黑糖珍珠 甜度啱啱好 飲落唔會覺得甜得濟刈包係另一樣好推薦既嘢食 刈包好香花生味 包包皮好甜 用酸菜豬肉既配搭做得好出色整齊排列餸既魯肉飯😂 均勻既肥豬肉入口即溶 台灣香腸真係好好味 自身既甜味同口感真係得台灣腸先可以做到 鹽酥雞炸得香脆、好嫩本身佢都有落些許味粉 味道調較得好香 如果鐘意仲可以再自由加多啲枱上既味粉 牛肉麵湯頭食得出花椒八角香料味 麵彈牙 蘿蔔食落冇根冇苦味

上星期放工後，相約同事到附近的台灣餐廳一起吃晚飯聊聊天。餐牌款式都是我喜愛的，選擇困難症又開始出現。黃金皮蛋一碟六件，皮蛋滑嫰無比，再加上麻辣醬汁，很合我口胃，試管鹽酥雞味道由自己是選擇，有孜然粉、辣椒粉、芥末粉、芝士粉、梅粉等，個人最喜歡加辣椒粉和孜然粉，味道更為特別。刈包這款相當有驚喜，因它令我對刈包改觀，刈包口惑鬆軟，餡料十足，滷肉帶一點油脂，令整個包更香口，原來只點一個，但覺得不夠喉，決定再叫多個，超讚。豬軟骨拌麵選了椒麻味，味道夠濃，但個人偏好可再辣一點，豬軟骨肉質嫰滑。麻辣牛肉麵件肉肉質嫰身，肉味足夠，麵質軟硬適中，麻辣湯底與麵條滿配的，百香果綠茶&抹香綠茶吃飽當然要喝一杯消消暑，解解渴。

星期日晚係屋企附近搵咗間工廈入邊既台灣菜同朋友聚下舊。呢度餐牌選擇都幾多，主流台灣菜都好齊全。+$32仲可以任食指定小食。免加一。<試管鹽酥菇>（$48）第一次食，脆脆嘅外殼，再自己落枱面一支支用試管裝住嘅調味粉，口味非常特別。我最鍾意嘅調味粉係海苔粉同埋辣椒粉。<刈包> ($32)呢個真係用心之作，用蒸籠上，入面餡料超多，唔係淨係得一大塊肥豬肉。餡料有雪菜、花生、肉碎等等。<手拍青瓜> ($15)、黃金皮蛋（$15）、<白灼時蔬> ($15)小食叫左手拍青瓜、黃金皮蛋、白灼時蔬。青瓜非常清爽，皮蛋少少辣，菜就係平衡番啲肉類。<紅棗桂圓茶> ($22)我同朋友都想養生，所以飲品揀咗紅棗桂圓茶，唔係死甜，有粒粒紅棗，非常健康。<五月星拌面> ($63)朋友叫咗五月星拌麵，個汁係酸酸地，上面有菇、肉粒、紅椒等等。<鹽酥雞滷肉飯> ($68)我就叫咗個鹽酥雞滷肉飯，鹽酥雞炸到完整嘅一個波，又係可以自己加調味粉，非常香脆，又唔會食落勁油，感覺有少少似笑口棗哈哈。星期日晚呢度都幾多一家

觀塘工廈都好多食市，除左租金較經濟地方亦相對寬闊，今次就去左駱駝漆 III期11/F食台灣 野，老公最愛台灣古祖風味，尤其是紅燒牛肉麵，平時都會四出揾食長沙灣工廈也有去，而觀塘區多數朋友食過推介，有時會留意網上或者雜誌廣告。上到11樓就發覺地方好大連走廊都寬闊，出lift見到幾間食市易拉架的介紹，行一段門口容易揾到，大大個 Menu有晒價錢同食物圖片。店員安排坐位，每枱枱上也放上 order紙。招牌紅燒牛肉麵 $73老公都係揀佢最愛紅燒牛肉麵，睇湯頭色澤已經知濃郁，試左口湯就係好有牛味，他們還講係絕冇味精而係用新鮮騸牯牛骨用上20個小時 熬煮，果然唔同，牛肉係用燉到鬆軟牛展，膠質較重同有咬口，麵條有份量配濃湯非常夾。我自己鐘意乾伴麵，不過他們也是用上同一種麵底，但伴上佢地自家嘅汁，麵條爽口肉燥粒味道微微醋酸反而更開胃，選左台灣腸同花枝丸做餸，好正呀！ 花枝丸彈牙還可用上他們提供調味粉，用試管剩著，幾得意，海台粉同芝士粉，香草，辣粉，每款都能提升味覺。門口見到晚市凡 order牛肉麵/伴麵/大碗飯就可以用$32 優惠價，任叫任食指定10款小食，其實超豐富又吸引， 麻辣鴨血， 蒜泥白肉，涼