影片
更多
2011-06-19
161 瀏覽
難得返香港兩日，拿拿聲約咗兩個姊妹出嚟幫其中一個補祝生日。為咗就返行程五點半要動身，所以一開始就TARGET TEA BUFFET，KSL好處係：時間長。一般下午茶自助餐只做三點半至六點半，佢係下午一點至五點。啱晒！仲要記得之前KSL BUFFET口碑唔錯，就打長途返嚟BOOK定位。聽電話位先生好好，仲同我CONFIRM係6月18號個星期六，名、電話留齊晒我先通知朋友出現。講咗食物先：種類：一般，甜品選擇叫做多少少，有十幾款，仲有個大大個CHOCOLATE FOUNTAIN，連中式糖水都有一個紫米露。熱盤放另一邊，開頭冇留意以為只係得甜品，戇居居食咗三MINI﹣ROUND先見到另一頭，有雞粥，炒烏冬，點心幾款。值得推介係佢有好幾款茶，中茶同花茶，任揀。可取質素：尚可，比較可取係雞肉絲粥，送粥嗰小碟都幾齊，點心款係少，但下午茶嚟講要求唔會太高，咪道都算有水準。客人質素ABOVE AVERAGE，食物賣相KEEP 到，又唔會拎乜都有人要爭返份，TIRAMISU更唔似出面一上枱就變漿糊咁煞風景。整體吸引程度唔太高，不過食得愜意。講環境：VERY SPACIOUS，三個人坐6 人大梳化位，由於
難得返香港兩日，拿拿聲約咗兩個姊妹出嚟幫其中一個補祝生日。
為咗就返行程五點半要動身，所以一開始就TARGET TEA BUFFET，KSL好處係：時間長。一般下午茶自助餐只做三點半至六點半，佢係下午一點至五點。啱晒！仲要記得之前KSL BUFFET口碑唔錯，就打長途返嚟BOOK定位。聽電話位先生好好，仲同我CONFIRM係6月18號個星期六，名、電話留齊晒我先通知朋友出現。
講咗食物先：
種類：一般，甜品選擇叫做多少少，有十幾款，仲有個大大個CHOCOLATE FOUNTAIN，連中式糖水都有一個紫米露。熱盤放另一邊，開頭冇留意以為只係得甜品，戇居居食咗三MINI﹣ROUND先見到另一頭，有雞粥，炒烏冬，點心幾款。
值得推介係佢有好幾款茶，中茶同花茶，任揀。可取
質素：尚可，比較可取係雞肉絲粥，送粥嗰小碟都幾齊，點心款係少，但下午茶嚟講要求唔會太高，咪道都算有水準。客人質素ABOVE AVERAGE，食物賣相KEEP 到，又唔會拎乜都有人要爭返份，TIRAMISU更唔似出面一上枱就變漿糊咁煞風景。
整體吸引程度唔太高，不過食得愜意。
講環境：
VERY SPACIOUS，三個人坐6 人大梳化位，由於咁O既價位同食品唔會成為自由行目標，即使星期六下午都唔見滿座，仲有窗口位可以揀，姊妹聚會歇腳首選。
取光充足，有LIVE BAND，價錢抵咗一半，讚。
向正大堂正門，冷氣稍嫌不足。
講到服務：
不滿。
明明訂咗位，佢話冇。咁即係有人做漏嘢。等極都冇人SERVE，佢仲要好似係：你冇訂位喎，但唔緊要啦，我照俾位你囉。
如果人哋走到嚟講出自已咩名電話幾位幾點，都唔會講大話啦，何況你又唔係FULL BOOKING，咁嘅態度？！
收碟收得好勤，但大部份員工面口都令人想上前慰問：係咪拎最低工資條氣唔順？
佢唔係SHANGRI﹣LA咩？唔係酒店咩？咁嘅服務態度收我三百蚊一位下午茶？絕對可以用“鞋口鞋面”四字形容。講真我哋一坐低都冇任何request/complain, 普通客人一枱，但啲WAITRESS好似唔願做咁，埋嚟提醒BUFFET到五點都面綳綳。。。想埋單仲要成個HALL 一個SERVER都冇要自己走過去搵經理。佢明明並未滿座，應該真係俾最低工資加CUT人手。
大堂服務好啲，快手快腳，又主動幫我KEEP行李，但佢唔計落LOBBY LOUNGE。
都會再幫襯﹣﹣實在係好坐，又有茶飲，雞粥，又唔逼人。只係對服務期望會係負數，有嘢食就算。
張貼
