九記牛腩

營業中

休息中

由廿歲食到廿五歲，「九記」一直是我和我女朋友在港島區的食堂。九龍有牛奶公司; 港島有九記。共通點:1. 老字號(已經夠照) 2. 好食。但唔識叫始終食唔到他們的精髓。食 多兩次，試晒menu上的食物la，總有你喜 愛。 3. 食食物品質唔食service。請不要用一般MK 食市的服務作比較，老字號自有他們的客 源。不過食耐左，你會發現佢地好心地善良 ~~ 4. 只供應專門食品(specialization)。牛奶公 司唔會有炒飯或炒粉麵; 九記唔會有水餃雲 吞牛雜(宜家有油菜，以前無ga~~)。 5. 比較同類型食品較貴。 6. 注意休息時間。Tips: 想食得好味，可試爽腩($52)，但唔係全日供應，通常只是晚上供應(after 8:30pm)。如果嫌貴或者賣晒，可以order半肥瘦腩，唔會韌，牛腩肉夾住少少脂肪，最軟身。叫普通「腩米」「腩依」「腩麵」可能會遇著瘦腩，瘦腩者，韌也。祝食得身體健康

如果要吃得平平地，不要來這裡，因為普通一碗腩河都要22蚊；如果要伙記笑容滿面，有傾有講的，更不要來這裡，因為大部份是木口木面，落單又唔覆單，如果問佢有無雲吞或水餃之類的，更會粒聲唔出就行開；但如果要吃有水準的牛腩及渴口濃郁的牛肉湯，九記確是硬淨淨的牌子，吃了幾十年，毫無疑問是仍有水準的。又要朝早開會，又係開到成兩點至恢復自由，沒甚胃口，又諗起不如來這裡吃碗牛腩河。兩點幾，仍然多人，還好在角落處有位。人未坐下已經叫定，沒有爽腩，就要半肥腩河。牛腩是絕對的半肥，一半是全肥膏來的，一吃就滿口甘香，美味非常。在肥肉旁的廋肉不會韌，這是常識，吃落也鬆化可口，幾十年如一日，是好有水準；喝口牛肉湯，非常濃郁，飄著零星的牛油脂，更甘香。喝完不夠喉，再追加一碗。有人喝過這口湯覺口渴，就說有味精，但說過十萬九千次，人家幾十斤牛腩日日夜夜的去熬這口濃湯，怎須花費去下味精？這也是常識，不過很多人就是不明白。其實我覺得服務還不算十分差，起碼要「加青」亦真的幾多蔥。當然如果硬是要七點九至八點半幫襯，這裡是不招呼的，說是「清潔時間」，已經行左十幾年，知的自己不介意，不明白的要不來就更好，下次找位可以容易一點。埋單2

牛腩粗$22 (夜晚八點半去到...河粉已售罄)濃濃牛腩味早已係舖頭外面已嗅到了...不錯粗麵同湯底也很好只是貴了一點同細碗d...

一向都唔中意食牛腩,因為大部份都整得唔好食,又un又鞋,不過自從食過九記之後,每次想食牛腩都只會去呢度!有d人話九記既牛腩好多油,其實唔肥既牛腩又邊好食架,又冇人要你成舊肥羔放入口,只係肥既牛腩先有果種滑同埋油香,瘦猛猛果d真係趙到牙軟.而每次去九記,我都係叫一碗腩依再加一碗淨湯,如果同男友去既,就會嗌多一碗淨依share,咁就岩岩好喇!順帶一提,果度d伙記雖然係有d粗聲粗氣,不過都尚算有禮貌,如果唔計日頭果個阿姐既話...

食完cheesecake, 去左九記食lunch, 差唔多一點去到, 己很多人, 叫左二碗咖喱牛根腩伊, 湯底幾杰, 咖喱很香, 牛根腩很淋, 伊面比較幼身, 索哂湯汁很惹味!之後經過一間叫"自家製豆漿店", 叫左支普通甜黑豆漿, quite goood wor, not very sweet and full of soy bean flavour, feel 到豆渣, smoother is better!

見咁多食評, 前晚特地去試試位置都幾難搵, 好在成十點都未收叫左碗牛腩米, 油菜牛腩真係幾香, 幾有味, 咬落都幾爽, 湯宥點咸總括而言算幾好, 除了位置較難找之外

今晚終於試到九記既爽腩, 亦如大部份的食友所寫的食評一樣, 真係好好食! 未食過既人就真係要一試, 但爽腩不是經常有, 經和侍應查詢後, 爽腩通常在午市係無得賣, 因要確保素質, 而最好就係向晚上八時後才來, 就有機會一試啦! 最後都要講句, 口味人人不同, 鍾意既就算的伙計幾串條隊幾長都會再幫襯, 仲覺得佢地好有性格tim!!

小弟食過咁多間牛腩，至正都係九記。爽腩非常好味，d湯勁濃郁，雖然成$52碗，但係其他地方絕對食唔到。河粉亦係一絕，唔會一夾就斷，彈牙得黎又好滑，不過夜晚成日都賣晒。雖然服務態度真係幾差，環境亦有待改善，但係d牛腩真係搶晒分。

咖喱伊喃好好食但侍應亞哥就木ロ木面,唔知係米站立成日,無里表情,多D笑容生意都好做D.

九記的牛鮮，在我口味說不是頂級但絕不是差，起碼，我唔識煮就要乖乖付銀両去食。食得多地方不等於識食；吃得多種類不等於吃盡；細沒名氣的不等於全劣；大有名聲的不等於全優；鮑蔘翅肚絕不等於眾好；回憶細味卻是千金難買；放開懷抱一定全是滋味。有時，不是食物的好壞而是口味和經歷的配對；可能，有的真的太年青而並未找到自己的心好；再不，就不要花金銀舟車氣力去爬格去自己煮。沒有人真的在「世界中」，放鬆D喇！

聽聞很久，咪試下，CURRY 牛腩幾好，其他ＯＫ啦，但咁貴，唔值喎．．

有好多人都可能質疑我之前對九記牛腩的批評, 我雖然年青, 但可算食盡香港所謂有名的餐廳,有很多其實都係"有名無實,浪得虛名", 就以九記牛腩為例, 有好多人因為以前幫襯過(阿爸年代), 對九記牛腩都留下一分"情意結", 甚至我媽媽都話仲幾好食, (因為佢以前成日幫襯) 留下一分"情意結",佢仲話:"係呀, 唔平架, 有時唔好彩,d牛腩真係好硬架". 好多老人家或者對呢間餐廳有一定"情意結"的人, 好似盲目左d, 應該去客觀分析下呢d已經失去左阿爸年代質素的餐廳, 仲係唔係值得幫襯???今時今日咁既不進則退態度,係唔得架!!

看到連續兩個對九記的批評, 我想是各有各口味吧.我星期二剛剛和爸爸去了吃, 我的想法是剛剛相反.那天和爸爸在不遠處吃過泰昌的蛋韃之後走下來吃牛腩, 上年因為新年的關係吃不到, 今年就一早約定爸爸一起去吃.一早之前已經清楚這是老店, 服務是沒什麼expectation的了, 但是還是比想像的好一點.的確22元, 那個分量是小一點, 但是因為我們是當下午茶餐所以分量剛剛好.和下面兩個食評不同, 我自己覺得挺好吃. 我們叫了上湯牛腩河和咖哩牛筋腩河.爸爸本身是不喜歡在外面吃咖哩的, 因為多半是油淋淋的. 對我們來說很好吃. 首先那上湯牛腩河, 牛腩又軟又香, 那些河粉也很好不會一弄就斷.那湯底也很清甜, 不是人工的甜, 而是牛肉香的甜. 可惜因為我們之前先吃過咖哩, 所以相對地那味道比較難吃得出來.咖哩牛筋腩是非常好吃. (對我們來說) 那咖哩是我吃過以來最香咖哩味的, 又不是油淋淋的, 連爸爸也禁不住吃了很多, 連湯也清了. 那牛筋煮得很淋, 很好吃, 那咖哩也很香, 和爸爸說下次一定要再吃一次這個.服務是"no expectation, no disappointment."本身和爸爸說

鄭重介绍！如果想食到爆血管心臟病.........，在九記叫碗肥腩試，包保全部肥膏，肥多腩少，又淋又滑，一試難忘。可能九記用心良苦，怕生意太多太好，不能保持水準，所以出此下策: 食死客。

人人都話識食野的, 都會去九記牛腩幫襯, 於是週六就去食碗出名的牛腩河, 但係非常失望, 因為一開始:叫爽腩($55/碗), 店員回應"無呀!" 叫牛根腩,店員回應"一定要配咖哩架!" 我唔食得辣..店員話:"要一般牛腩算啦!" 我心諗咁出名的店鋪, 即使係一般牛腩,都一定好好味,於是叫左碗牛腩河, 點知...$22/碗--只有飯碗咁大咋!非常唔抵, 但心想d牛腩應該係好特別,才這樣貴,所以快快手將舊牛腩放入口..哎唷..好硬呀!!!d牛腩肉住曬d牙,簡直離譜! 點解d牛腩肉可以硬成咁, 飲一啖湯,毫無特別, 更比其他寂寂無名的店鋪差,連小小清湯牛腩味都無咁大間又咁出名, 竟可以賣d咁差質素的牛腩,唔通因為深,都唔憂做? 真係唔怕人地唔番轉頭幫襯?仲有,我聽到有個排隊的食客話,呢間野成日都想造勢,明明話12:30開鋪,永無準時開門,即使鋪外見到長長的人龍,都只會12:45-12:55分才開鋪,等人覺得呢間鋪頭好勁,離譜!還有一個傳聞, 店員成日都同一般的客人(即唔係熟客)講無爽腩,係因為所有又靚又腍的爽腩都留番比d有錢的名人及名星,如吳x如, 呢個似乎唔係傳聞,係真啦,否則點會剛剛開鋪