九記牛腩

營業中

休息中

九記既清湯腩出名夠濃、夠味，閣下可以話o岩口味，但平心而論，九記既湯一定出色過閣下講係灣仔既「清湯腩」，喜歡清淡既話，可以介紹你去上環生記，但點計，九記、生記好過清湯腩，真係諗唔到閣下竟然可以擺「清湯腩」上檯～　　其實九記賣既爽腩，係要炆到淋、入味先會出爐，唔會好似其他舖咁，就算明知唔掂都照賣，做壞自己招牌，呢D 咪叫「專業」囉！所以六點都未出爐，一D都唔奇，想食既話，等到8點，九成會有！　

This shop sucks, I think they intentionally put people out for the lines. The staff offer sucking service and the food is that special anyway. I thing the "Ching Tong Nam" at Wai chai offers much better clear soup beef and more reasonable service. When I order the $50 beef a la carte, they said no supply, and that's right at the opening of the shop at 12:30pm. What the Hxxl! Maybe they want to save the "good" stuff for their loyal customers.....???

自從星期一去過九記,俾我女人話我淨淨雞偷食,成個星期不停嚷著要帶埋佢去,見星期六休息,今日放工帶左佢去試...(原本識佢果陣佢唔食牛肉,但係牛腩牛扒實在太吸引,跟得我多之後佢都開始鍾意食牛肉),去到差唔多八點半好多人,(因聽聞話八-九點一定可以食到爽腩,上次食唔到,今次再黎),等左一陣,但要搭檯,但今次個阿姐有D唔好怒皮,可能多人掛...我叫左碗上湯牛腩河,我女人同我一樣,再加多兩碗清湯,呢次醒水,同佢講要半肥瘦,好喇,拎到埋黎一睇,牛腩得果五舊,蔥大把...個湯油淋淋...仲油過"油缸師傅"我女人已經唔多鍾意,但叫左無辦法,我叫佢試下D牛腩睇下點,佢同我講:好肥仲淋啤啤,到我一食落口,同上次剛好完全相反,又淋又黐牙,搞乜野呀..唔通爽腩真係咁難先食到??唔係我吹水,下次帶埋相機影低佢!唯獨是個湯同上次一樣好味,(不過我女人話味道ok,但太鹹飲完好口喝...)似乎賣湯好D呢?!,始終俾人覺得係,只靠名氣大賣名牌,好似唔優做咁,有D掛羊頭賣狗肉既感覺......

"老細比多D湯呀唔該!" "得!加五蚊呀唔該!"Still, its very good

星期一因有D事要過去中環果邊,滿心歡喜,可以再去食一次,去到大約兩點鐘度,坐番以前果邊,一嗌碗麵點知,先知道原來過左對面...都好~有冷氣嘛,一入到去地方超細...但算乾淨,也擺...耐無食,所以諗住盡情咁叫,分開叫左碗咖哩牛筋腩伊麵,一碗上湯牛腩河,一碗清湯同可樂,由於太耐無食,無乜印象有幾大碗,但我諗都一定食得晒,拎到埋黎一睇!!唔係呀化,咁細碗...牛腩又少,心想貴精不貴多,但好香~先食牛筋腩伊麵,即刻夾舊牛腩,一食落口...咬左兩下,好韌...但無黐牙,有好濃腩汁味,但無乜牛腩本身既肉味...中左伏...至於牛筋,好少,幾"林"好似D磚勢牛油咁,個咖哩湯底好似糊仔咁..."畢"左飲一啖黎試味,o係口入面浪左幾下...再"供"D味上鼻試真D,失敗...似係用咖哩粉開既多,伊麵尚算ok,有o趙口,但索唔到D咖哩汁,跟住飲啖清湯,好油...好濃牛骨味,MSG唔太多,然後叫左碗上湯牛腩河,(驚D河粉易"林",所以分開左叫),無乜太大驚喜,硬係就唔知點解,同我11年前食完全唔同,唔係因為以前細個唔識食,以前D牛腩搭D脂肪好爽口,好有口感,越o趙越好味,但而家大不如前...埋單一聽個阿姐嗌

聽很多同事大力推介，於是山長水遠專程往試試，千辛萬苦先找到所在，門口已有很多人在排隊，心想今次狂此行啦！咁多人幫趁一定好正，入座後覺得坐位太窄，不過有好食並不介意，於是立刻叫碗咖喱牛腩麵，咖喱湯汁唔錯好好味！不過牛腩就不敢恭維啦！碎濕濕咁重有渣tim，似完皮蛋瘦肉粥瘦肉絲咁，重話係牛腩專家喎真失禮！但招呼就唔係傳聞咁差。總之不去也罷！咁貨色又唔係平！唔明因乜咁多人排隊，唔通個個好似我咁蠢！

好無都無去過囉,已經係11年前既事,果陣o係赤柱果邊讀書,果陣返學有次唔記得帶銀包,又肚餓,有個阿sir超好人,每次佢搵我幫手做野,佢一定請我去食野,其實佢都請過我食過好多餐...果次佢介紹左九記,我地坐o係樓梯果邊,則邊有條馬路,食食下要起身俾車過,我記得一人食左3碗,一碗清湯脯,一碗咖哩牛腩河,一碗牛腩尹麵,之後仲叫左碗齋湯,D牛腩超正,不過湯好濃,食完好口喝,但係唔知點解D伙計,好似唔多睬人,落單果陣無聲出,拎野埋黎都係...不過我住新界果邊,之後都好少去上環,有機會去果邊,但無人陪我去食,之後都無再去囉...唔知幾時會再有機會去...

第一次係俾人帶去食腩伊，超好食。跟住食咖哩腩伊，麻麻，唔辣，唔香，唔知想點。成日去到都食極都食唔到的爽，終於有日都食到，不負所望，真係好味，好夠味。雖然其他人永恒地覺得侍應比較上黑口黑面，但係都未至於無禮貌，所以Okay 呀。其實個湯又唔係真係太好，但係每一小碗都收我H$5，貴咗D囉。

呢間鋪食過幾次，d 湯同牛腩真係一流架，雖然無咩花款野食，但剩係個清湯腩同個咖哩牛根腩真係殺晒~~~ 之但係近期真係質素差左，覺得難食呢... 服務真認真差，可能出名掛，從來無諗過要有服務，仲第一次睇到好惡咁，自己員工係黃金時間有晚飯時間既餐廳。

至愛收工，好趕得切o係清潔前去到。咖哩腩伊非常好味。最鍾意食完咀唇有張住既感覺。食完仲打包o左半肥腩+淨伊比阿爸食。佢食完話唔夠喎！

見到咁多人話佢唔好食,真係都有d唔開心!我食左九記好多年!佢以前就真係好正,次次食完都懐念佢d味道(爽腩就更加唔駛講啦!),不過而家就真係差左好多,不過都可以比少少貼示你地叫野:1.如果唔想食人全瘦,你落單果陣要同佢講要半肥!咁佢就會比d靚腩你!(唔講多數係全瘦!)2.唔好要粗麵,因為好勁梘水味!3.食伊麵要叫多個湯,個麵黎左最好食件牛腩先,然後慢慢加湯食,咁d麵就唔會韌,仲好好味!(其實佢係特登煮韌d,唔駛d麵食一陣就淋哂,我問佢架!)4.想食爽腩就要下午4-5(不過都要睇下好唔好彩),但係佢地食完飯約8-9就多數有,想食可以試下呢個時間去!**其實而家已經好好服務架啦....以前仲衰!

星期五休息, 特登去試下呢間聞名而久的店子. 下午3 點多, 人唔多. 本來想叫牛腩麵+ 淨爽腩. 點知後者未有, 唯有叫一碗咖哩腩粗, 一碗牛腩粗.咖哩根腩比清湯腩淋, 入味. 但湯頭就清湯好些.牛腩只算ok, 未至於極品, 似乎有點過譽!當天人少, 阿姐的態度又幾好wor! 我問了2 次當天/平日幾時會有爽腩, 都笑咪咪答我, 雖然果答案係"唔知/無定".....

0係中環返工返左成年,經常聽人話有間九記牛腩好出名, 但一直都冇去過.今日終於一嘗, 可惜卻令我失望.首先,間鋪0既位置真係幾難搵,同friend一齊去,沿途問左人幾次先搵到, 心裏已經有點不滿.之後,入到間鋪, 見到坐滿人,地方淺窄,而且要好迫咁搭枱,這是第二個不滿.叫左腕清湯腩河, $21蚊,但黎到發覺原來好細碗,而牛腩的味道,我只係覺得係中上,比一般茶餐廳整得好,但係,我食過好多酒樓/麪店, 都可以整到呢個質素,唔見得佢有乜特別好.不過,我就發覺呢間鋪有樣係特別差的,那就是service! d阿姐的service真係"一流",再加上d環景,完全令我有種覺得好想快d食完碗麪,然後走0既感覺.俾我揀,呢間野就一定冇下次,話知你幾出名,幾好食都係假,總知你服務差,我就唔會去,更何況我又唔覺得佢係特別好食!!我同d friend食完碗麪就即刻走,野飲都唔叫,廢是俾多廿蚊佢賺!!!

來梗係食我最鍾意既清湯腩啦！呢碗牛腩就真係靚，大大塊，有肉味，湯夠濃. 雖然瘦肉多，但都幾香牛油味, 水準保持到.

嫌佢唔夠肥同滑，個人偏好咋。