九記牛腩

營業中

休息中

看食評眾多食家們都評論過九記，而大部份都是賜與笑臉，理應不賴。經開中環處理業務，專誠留肚幫襯。坐低發辨腩伊多青，因顧客不多馬上送到；先嚐湯底，應是用上鮮牛骨，清清甜甜，不俗；而伊麵亦是預算及估計範圍，沒有太大驚喜；說到牛腩，無疑用清湯炆得相當腍，滿是牛肉鮮味，可能牛腩部位問題，仍食到有渣；我點的已經半肥瘦，若瘦腩的話可能更多。服務態度一般，若不是有獨特名氣，早已被人棄之。

今日下午去開中環o個頭，梗係去九記整番碗"半肥河"啦！要"半肥"皆因牛腩依家野...唔夾住d肥膏食始終爭d...要"河"皆因個人喜好...個湯真係好正...第二度真係搵唔到...雖然係油膩左d...(始終試唔到爽腩>.< )

5月16日19:15今晚終於一試這人氣店，全店滿座，幸好在亞姐安排下，佔到了個牆邊位，要了牛腩伊。湯底：極濃湯底，鮮甜，最後竟一滴不留^m^！較群記濃得來自然，比華姐更有質感，個人口味而言，仍偏愛華姐。牛腩：瘦的口感好，肥的甘香而不會太膩。伊麵：煮得通透，吸滿了那濃湯，啖啖滋味無窮。吃著吃著，亞姐再問我要不要加單，隨後再大聲宣佈，鐘收爐食飯，加單外賣請揚聲！題外話：亞姐知和我同的女士(日或韓)不懂廣東話，便吩咐一個其貌不揚的年輕伙計，問她是否加單，那伙計不慌不忙用英語發問，女的竟回答要加湯。結果加得滿滿(靚女著數D)，那女士滿足地說著…喝著，湯好好…湯好好。

呢間野好出名..但試過之後都係冇咩特別..上次同dady,mummy去..叫左個牛腩伊麵...碗野多油到嚇死人..食一啖..成口都係油....價錢又貴又細碗...d服務態度又唔好..特別果個呀姐....我去食好似要受佢氣咁..又冇禮貌..

1.味道方面...幾清甜...湯底真係有用真料煲...但肯定唔係全無味精...食完後過一會就會覺得有少少口渴...2.價錢方面...24蚊本來唔算好貴...但太細碗..食TEA 就夠...做午餐晚餐冇咩可能夠飽3..服務就比正常差...坐位同其他麵檔唔差得遠總括黎講試過一次都唔會再試...因為咁辛苦走去食碗價錢唔值而味道比一般好少少既野...就唔係幾抵啦唔知呢間係出名野就會覺得有D唔同...特登走去試就會失望

前排同老公仔食完勝香園，唔係太胞，見九記又唔係好多人，咪走入去食碗腩伊囉，但係都唔係太好味，牛腩有"un"同埋"痴"牙，感覺都係一般咋，有點失望。不過值得一提係佢菜(生菜)好甜呀。以我覺得，大利清湯腩好過九記啦

咁多人話佢好食就試下la間野真你好麻煩, 下晝先開門, 已經摸過一次門釘今日冇la, 去到好彩仲有位嗌左淨腩, 淨伊碗淨伊細到冇影, 仲要39蚊....咬落去完全冇立體感, 好似咬落張紙味係ok ge, 不過另一間仲好食淨伊都係一樣...份量又細冇下次lu!

星期二一枝公食lunch,所以遠遠地去咗九記.是日12:45,一去到樓下無位,阿姐叫我上樓. 上到樓上差d笑,因為樓上所有人都係唔出聲,目無表情,十足十黑社會講數咁!原來係因為所有人都係等緊食!一坐底叫碗牛腩米,sorry,無米,改河. 隔離阿叔叫麵,sorry,得粗麵喎...真係有d攪嘢.清湯腩河到,真係幾得喎,連個湯飲光都唔口渴. 但係真係唔夠飽,所以再叫多個咖哩麵. 一個字- 掂! 咖哩香濃,就算印度阿差整到個味,d牛腩都無佢咁好質感同咬口!

對此店慕名已久，但唔識路；今日在同事提議下一嘗馳名的九記。我地叫左牛腩伊麵、浄粗麵同埋咖哩筋腩，都幾好食，不過啲腩好多肥膏，麵上亦浮左一層油；或者好食就要肥啲架啦~建議各位叫伊麵，因為粗麵好硬，而且有強烈鹼水味。還好服務幾好，因為我同事實在食唔到呢碗鹼水麵，叫佢換過一碗伊麵都冇托手踭，仲話「我幫到你一定幫！」

成日都黎食,今次叫左牛腩麵,湯底好味不過牛腩煮得唔係太林。下次試下咖哩腩

其實ｄ食物好ｏｋ，但有部分ｓｔａｆｆ比較無禮貌．．．最重要係，佢假期唔開，人地想同其他人去都唔得

今日lunch去左呢度食,叫左咖哩腩河..d咖哩好杰...攪到我食左兩淡已經唔想再食..d牛腩又好普通..最犀利都係d阿姐o既服務態度!隔離有位小姐話要走青,個阿姐竟然話:「走到就走!」，結果最尾都係冇走到青!

食左廿幾年,最正都係肥腩伊,越肥越正~D脂肪入口完全唔覺得膩,淨係覺得香~湯永遠都係清晒見碗底.*可惜宜家爽腩要淨叫先有,冇得跟麵上*

我是在星期五下午1715 時左右到該店, 感覺地方乾淨, 這時段不用與人爭位。要了一碗牛腩伊, 一入口感覺牛腩味比其他的店為之濃厚, 食完腩及麵後, 餘下的湯底更是從來未試過的鮮味, 飲後沒有感覺口渴應該是沒有味精。藉得下次再試其咖喱牛筋腩。

早前和同事一齊黎食lunch. 約兩時但依然滿坐, 不過等了一會便有位. 同事們都叫腩伊, 只有我要腩粗. 仲俾同事串我同我一樣腩粗添... >_<! 激氣~~~~佢地d清湯腩果然好得, 淋得黎仲好有牛肉味, 湯亦夠清, 只係喊左少少. 總括黎講真係幾好食! 只不過廿幾蚊細細碗計落都算貴喎!