九記牛腩

營業中

休息中

可能去到已經點半啦，所以冇乜人，都唔洗排隊。入到去就叫左兩個牛腩河，牛腩唔錯喎，唔會話好廋好韌咁，湯都好好味，好清甜。不過服務態度就真係差左少少(雖然都唔祈望會有好ga service)，d伙記真係十問九唔應0架！不過整體黎講都算ok的！

介紹一位不大喜歡吃肉的朋友到九記，12:45去到仍未需要排隊，由於當日不大舒適所以叫了一碗清湯筋腩河，而友人則叫了一碗咖哩，湯底極正，完全飲得出牛肉的清甜，而且一定要叫伊底，因為其他麵會有鹼水味，河粉同米粉又會索走晒D湯，所以大家一定要叫伊底。友人之咖哩十分容易入口，但可能始終喜歡較清淡之口味，所以去到最後仍一人叫多一碗淨湯，極之滿足地離開。

d服務都唔係好似傳聞咁差.反而覺得幾客氣添一來到, 坐無虛席,一定要搭枱,一共六個人坐一張枱, 係迫少少. 我食左個清湯牛腩伊, d牛腩好好味,好有牛味, 唔會黐牙! 正呀~會再來食!

難得有得八點咁早走，同燒雞兄黎左次“雙城記”。第一站就係呢度。原來晚上呢度人唔係好多，可以唔洗等位。例牌黎左個咖哩牛腩伊面。Yumyum，水準依然。牛腩唔un，牛根好爽。D 面其實係之後先加，但係亦索滿咖哩牛腩味。咖哩汁好港式。All in all, 正。食完再去第二站–盛記。

還記得前幾晚同朋友去左九記試牛腩不過我都係第一次食@@" 仲要係朋友發起話去試的入到去見到唔少人,環境都幾差,不過對我黎講呢d都係其次,最好笑係入到去既時候見到有個伙計用粗口同個客嘈哈哈,真係第一次見,我當然無理啦!唔該,一碗清湯牛腩粗我朋友就叫左咖喱牛筋腩伊唔駛幾分鐘就上台試下你個湯底先,幾清甜,我feel唔到有味精,再一大啖食塊腩,嘩...正,真係正,好淋好入味我朋友就話佢個面唔多好,咖哩好杰,好似d漿咁此時的我心想:點解你唔叫出名既清湯腩呢@q@呢度係值得再黎架!九記,等我啊!

牛腩雖然好腍但太淡無味.粗麵太硬.伊麵無味.唯一個湯底都算叫鮮味.可能因為d明星少去平民化食館.少見多怪.所以覺得好好食.就成日大事宣傳, 講到天上有地下無.

第一次來九記, 無聊下覺得九記與紅館很相似.君不見紅館九記門外長期長龍一條, 你為一顆星, 我為一碗腩. 君不見店內眾人興味萬般, 你扯破喉嚨大喊, 我大解胃囊狂吃. 結果, 亦一樣: encore聲不絕.本人已戒牛多年, 雖非完全不吃, 但可免則免, 一年吃不到五次. 又因為戒吃肥膩, 牛筋等物十年未逢一閏. 今天在九記, 吃第一口米線, 呷到些許清湯, 心底竟冒出一句四字粗話, 好吃又市井得叫自己吃驚. 防線完全瓦解, 湯照喝, 筋照吃. (本人對味精敏感, 凡吃味精, 必感頭暈. 九記飯後無此徵狀, 大家可以放心了. =D)

好一碗牛腩粗!! 其實只係一般. 都好肥吓!! 有時可能太忙, 幾次交錯貨俾客! 待應態度又唔係好好... 佢係好聞名, 試過就夠, 未必會刻意再去.佢裝修完希望環境更舒適.

我終於試到九記d牛腩, 我叫左咖哩牛腩粗面, 友人叫左牛腩河. 我就覺得清湯牛腩比較正d, 個湯底亦好正. 反而咖哩牛腩就無咁特別啦, 不過佢地d牛腩真係好正.可惜係....我見到之前既食評就有d反胃. 我都係同一天去九記呀.....

今日開完ot之後就去試下九記d野點左個"肥腩河"食食下個口有塊野吐出來睇睇,原來竟然係一塊有血既膠布我就同d伙計嘈,佢話收少我10蚊算我話"你冇野呀?10蚊?我告你tim呀"點知佢仲要話我"你條乜乜,黎e d 地方食野預左ga la有$$咪去高級餐室囉, 咩咩仔"我以後都唔會再去!!

記得十年前去九記食麵，D湯底好清，唔多油乜滯。但係佢地唔知係咪顧住賺快錢，無心製作，於是就越整越衰，粗製濫造，成個碗都係肥油同一舊舊牛脂，見到都唔開胃。而且我覺得佢地好大牌，對食客好似當難民咁招呼。所以雖然我住得近，但食食下都冇幫親喇!

今日開完會突然唸起各食家話九記非常掂,就揸車去試吓.去到約5點嘩坐滿晒人感覺上一定好食.坐底叫左半肥瘦腩河,先飲湯底(掂)有網友話肥但本人覺得簡直是牛之精華,湯之靈魂,再試牛腩(正)肥瘦適中味道非常好,在別家出名食牛腩地方都食唔到,遠D嚟都低服務都不算太差.下次一定帶太太嚟試過爽腩.22蚊一D都唔貴.

一間食肆最重要都係食物既質數﹐服務和裝收都係其次。不用多說﹐來這裡吃一碗“腩伊”以經很滿足。油膩又如何﹐不是餐餐都吃嘛。

如果真係覺得瘦腩太韌，半肥瘦又太肥時，可以先食一碗咖哩麵(我鍾意米粉)，然後才叫淨麵。因為咖哩牛腩炆得比較軟身，但又不失牛腩鮮味，第二咖哩味道比牛腩湯濃，這樣食淨麵時，亦不會覺湯底太咸la。P.S. 不要同時食咖哩麵和淨麵wor，因為d咖哩汁mix落清湯，賣相不好看啊~~~~~

咁出名,梗係要去試下喇,可惜,我鍾意既係清湯腩...其實我認為叫九記濃湯腩至,牛腩味濃,湯又濃又咸左少少,而且又油膩......除非係牛味發燒友,否則不會特別喜愛~