九記牛腩

營業中

休息中

上星期去睇醫生，經過此間好出名的牛腩麵舖頭就入去試下..好多人話好味，但我如我男朋友都覺得普通啦..又唔係講到好好味...食完之後，又冇個衝動再去食多次..我地都覺得屋企樓下仲好食過佢...我地叫左2個牛腩麵，1個菜，1杯谷咕

响附近番工咁耐, 都係第一次嚟食因為平時lunch time得一粒鐘, 都唔知夠時間食定夠時間等, 所以今日特登'申請'食晏少少, 一點半先嚟試, 過咗高峰期, 但係都等咗一陣啲位好迫, 但係為咗試食冇計~揀咗最出名的清湯牛腩伊麵 ($2x) 正! 牛腩好林好入味, 而且食完唔"chi"牙! 最欣賞個清湯, 唔係普通的味精湯, 好清甜, 飲多多都唔口渴, 伊麵都好味, 只係成碗分量太細, 我算細食都唔夠飽, 男生要食兩碗先夠~

We have a high expectation as this is an award winning restaurant. But it was so disappointed as there were tons of MSG in it.The seating was not comfortable as they squeezed 6 people in a small table. The soup base is full of MSG and the beef are very chewy. It is not worth that price.Never go back again for sure.

我ROSA 姐第一次寫食評, 寫咩好??就講番上星期我去左中環做野之後食既一間食舖吧~上星期做完野, 就唸住食埋LUNCH 先返公司, 就去左九記牛腩.本呀姐坐底左後就叫左碗上湯牛腩粗麵黎頂肚~黎到之後飲左佢一啖湯~嘩, 精華, 佢應該用左好多牛骨黎煲, 落足料, 邊個唔試佢個湯就真係浪費晒~牛腩呢, 幾鬆化, 又唔似牙, 同灣仔大利有得揮既~至於佢既麵, 粗麵幾爽幾好食~都幾好口感~心唸如果佢既清湯用隔油壺隔次油, 一定受更多OL 歡迎~XDDDDD好食就冇計啦~凍 檸 茶都唔錯, 幾好飲幾有茶味~冰既數量都幾合理既~有4片檸檬

午飯搵食係最頭痛,同事一日介紹中環出名的牛腩，搵左一陣，兜左一個圈終於搵到喇...九記牛腩。牛腩入味，仲有伊麵底選擇，可惜我覺得湯底油左D...整體都OK，仲叫左碟菜

跟亞龍, 會長同埋文迪連掃兩場, 最後吃回個鹹的. 晚上快十點, 不用等位, 但慢了一步, 淨爽腩賣光, 只能要淨牛腩.上湯淨牛腩 $50: 9分, 一碗淨牛腩, 份量不小, 我跟文迪分吃也吃不完, 幸好有亞龍幫忙分擔. 上湯鮮甜, 牛腩肉質鬆化, 肥連瘦就像天連地, 肥的部份也一定要食埋先吃到那份油甘香.久沒有來九記, 是晚再吃, 還是令人回味.

那天勝香園人滿為患,於是走到對面的九記,心想這店薄有名氣,一試又何妨,等約5分鐘,店員指示我們到樓上,坐下時沒甚麼異樣,我們各自點了咖哩牛筋腩伊,牛腩撈粗&清湯腩麵老實說很普通,沒甚麼特別,很街邊店一般水平,除了牛筋很軟很入味外,咖哩愈吃愈辣,牛腩也很軟,卻有點鞋,伊麵過軟不彈牙,朋友的牛腩亦同而且坐位十分狹窄,一張小小的圓桌擠了大大小小7 個人,吃麵要時刻注意不要挾到別人的頭髮or被挾到頭髮,十分狼狽,價錢也不非,不會再去了

留意左九記好耐, 一直好想去試試。呢間野連明星都幫襯呀! 相信都有一定既水準。TO BE HONEST, 其實真係冇咩特別吸引既味道 ... ... 同出面街, 某間 " 生 x " 水準差唔多。都係用巴基斯坦咖喱去煮... !!唔... 其實有d失望, 因為佢既咖喱牛腩好辣, 喜歡吃辣的朋友一定會好buy ! 但我就覺得辣到冇晒味覺。

今日食晏同事話有度啲牛腩好正，但係唔記得叫咩名，離公司幾條街啦，橫掂小妹未試過，一於去試吓。行吓行吓先知原來離公司幾條街嘅係歌賦街，呢條街好似為食街咁，有好多間有特色食店，同事講緊果間牛腩好正嘅店子就係九記，果間傳說中好味嘅清湯腩，幾乎中環人無不知曉。小妹記得好耐之前嚟過一次，排咗好耐隊等位先食到一碗麵。今日無果次咁多人，都要等十分鐘先有位。等位期間，店員哥哥間中用地道嘅「問候語」招呼熟客，小妹真係有啲唔慣！等到位啦，入到店內，地方不是太大，奇景出現啦，一張細細嘅枱，竟然容得下八個健碩身材嘅男士，好嘢；小妹坐果張枱因為有條柱只可坐六個，小妹同另一個同事身形都算fit，不覺太擠，其實是同事比小妹瘦嘅關係。望望枱面有一個鐵盒，有點像小時婆婆家裡裝麻雀籌碼嘅鐵盒，打開一看，原來用嚟裝匙羹呢。小妹叫了個清湯牛腩伊麵，凍檸茶，同事就要清湯牛腩河粉。清湯牛腩伊麵($29)碗麵分量都比其他店嘅細啲，面上有好多蔥粒，湯真的好清味道淡淡的，連牛腩都白雪雪，似老火湯嘅湯渣，原來食落仲似，好腍，牛腩味稍為淡一點，伊麵不錯，無益味，浸了湯仲有少少爽。食完成碗無傳說中講到咁誇咁好味囉，都OK，係淡咗啲。檸茶就一

九記每日都多人都爆~不過肯定係值得等的~今次係lunch time過嚟~~我同同事一行2人~在中環區食lunch~~基本上差唔多度度都一定要等位~我地等左約15分鐘~終於入得去~一坐底唔洗講,,緊係咖哩牛腩面(我仲特別要多汁)+可樂~其實我覺得d面同牛腩係只可以話係正常唔算太特別~因為好多賣牛腩的地方~d牛腩都整得好唔錯ga la~而且我認為九記碗面都幾細碗~男仔食一碗未必夠飽~所以九記應該主要係sale個咖哩汁~因為個咖哩汁真係超級無敵香~我一個女仔都絕對可以因為個汁而食2碗咖哩牛腩面ar~價錢:正常價~服務..九記..都唔洗諗可以比咩服務你啦~環境..逼逼逼&逼囉~洗手間..好濕,,真係要小心地滑~

發顛的一週，星期六出黎食個lunch，九記未黎過，一直都想黎，就一於上黎食d好野。二點幾，有條小人龍，不過唔洗一個字就有位。沒有傳說中既淨爽腩，要的係腩粗，友人要的係淨咖喱腩筋跟淨伊麵。牛腩肉質較為瘦，少了油香，不過亦係軟滑可口，肉質很鬆化帶有少少筋，也不錯的。亦試了友人的筋，很腍很膠，好吃。試埋個牛湯，很濃郁，明顯火喉十足，值得推介，是高水準既牛湯。跟華姐比較，牛湯九記真的較為討好，牛腩黎講華姐果邊肥一點，更合我心水。牛腩粗麵$27蚊、淨筋腩要$50蚊，貴嗎？當然貴，有d地方牛腩麵唔洗$20蚊都食到，真係洗鬼山長水遠上山排隊用十分鐘食碗麵咩。對我來說，收得這個價錢，自有它的個人之處，喜歡牛腩，真的要來試試。

天氣熱，好想飲凍野，叫左一杯九記絲襪奶茶($15)，一杯凍檸茶($15)，再黎就係一碗諗起就好有食欲既咖喱牛筋腩粗面($27)，由於牛爽腩仲未煮好，諗左一陣又叫左一碗清湯淨牛腩（50港元）。野飲好快上枱，本來對奶茶唔抱咩希望，只希望係中規中矩既一杯奶茶，結果一飲，好甜……….然後我既咖喱牛腩粗面上來了，好誘人，濃濃既咖喱汁，好多好多牛腩，撈一撈就將下面的粗面翻上黎，但係咖喱汁太濃稠，感覺似撈面多過似湯麵。咖喱的味 道好正而且辣得剛剛好。唔好以為你眼花睇到蘿蔔，個D係牛筋！大大塊既牛筋！這時清湯腩也來了，比我想像中要小碗很多，正在感歎著的時候隨意夾起一塊牛腩往口 裡一放~~~~~~~~~~~~~~~一種幸福的感覺尤然而生。好清甜！好香！好好食！再試下湯底！真係清甜到不得了，鮮甜不油膩而且充滿牛肉的香味，絕唔係我以前食過既清湯腩可以比擬。

為九記這類名店寫食評好像有點多此一舉，但要講民主啊，不要因為自覺自己的一票影響有限就不投票，是嗎？廢話少說，講食！清湯牛腩伊麵︰之前食過河粉，見身邊的人都有叫伊麵，於是叫碗淨伊麵試下，發覺比河粉更好味。今次一於食伊麵。九記的牛腩係好味，但水準唔穏定，間中都會食到唔淋的牛腩，要睇彩數。好彩今日 D 牛腩都好好味！九記最好味其實係碗湯，D 油好香，不過我就唔會飲D湯。我見有人叫走油，好可惜！份量係好少，當正餐食一碗一定唔夠。可以叫多一碗淨麵，埋單都係$4X。出去食碗日本麵都最少四、五十元，都冇見過人話貴。服務係欠奉的，來這裡都不是要求服務吧，要目標為本啊！不過侍應又唔係冇禮貌，可以話係有效率。

sat去九記食牛腩麵~!果然係好多人~!不過排陣已有位坐~!好快呀~!牛腩麵~!真係好味呀~!i feel 佢個湯好正呀!好濃味又唔會杰,牛腩又夠濃味~唔會un又幾林~係入口會溶既feel~!好食呀~~~~!唔知係太好食定係份量少既關係~!好似想食多碗呀.....!ha!咖喱牛腩麵~fd既,咖喱又係好味,都幾辣,同湯比較杰~~~~!

一直都想食九記牛腩，同事成日都講好食好食今日終於一試去到都要等成30min,可能係中午食飯一定多人環境都幾擠迫。叫咗牛腩伊麵，牛腩河粉，淨咖喱牛筋牛腩，第一啖食時，覺得個湯底真係好正，清湯有咁嘅濃味真係難得。牛腩不錯，煮得好稔，唔黏牙，無騷味，但湯底同牛腩都略肥。咖喱香濃，唔係太辣，牛筋有咬口。一路食一路聽到人叫走油，原來湯底可以走油。九記份量比其他粉麵店細碗，肚餓嘅話，一碗可能唔夠飽。不過真係好食又抵食,雖然我平時唔多去呢d麵店,但係我會再去食架.