九記牛腩

營業中

休息中

早排去完永利街影相,順便路經九記,7:15pm就這裡dinner!舖頭都多人幫襯,但未至於要等位.網上及多位食家吹噓九記 的清湯牛腩及咖喱牛腩如何馳名---湯底加入藥材炮製，藥材選料更會按季節調配，為全港最知名的牛腩麵店之一。係咪真係咁好?自問第一次幫襯,叫了清湯牛腩伊麵,得出以下答案1.$29元碗,好細碗,食完好似食左陣風咁!2.最低消費每人$27,即是不能一個人share一碗麵食羅3.散叫飲品$13(好細杯),連一杯清水都唔比人4.清湯牛腩伊,湯面好多油,牛腩偏肥,有肉那边好硬, 重好黐牙, 真係食完有排撩牙, 重有d湯好鬼淡茂茂,極普通的味道,那有藥材味???5.收錢的老板隻眼生在額頭上,黑口黑面,唔比人揀位坐,有客問有冇爽腩,佢初頭話唔知仲有冇...等客人叫咗普通腩麵,食到一半忽然同佢講話又有爽腩,焗人食多碗,做生意D手法真係令人側目!仲有我地睇緊餐牌不久已追問幾次要食乜?樣子表現極不奈煩6.老板同伙記等客人埋單走後背後講客人是非,仲要大大聲講...嘩!人品好有問題,可能我地食完走後都會講喎!本人对此相當反感,況且有些地方的清湯牛腩麵比佢好吃好多,所以一定不會再幫親了。

由於中午才睡醒，所以出了中環吃個午餐，那個時間應該是下午茶時段，所以不太多人。我和男朋友每人叫了一個麵。我叫了咖哩牛根，因為牛根很多膠，對女孩子身體好。的確味道很棒！不過咖哩我有點接受不來，有點辣，我不太吃辣的，所以吃了數啖就沒有再吃。不過味道十分好味～！另外叫了清湯腩伊，這個值得推介。不太韌的腩，配上清湯，味道十分配合。老店始終有時會不太願做生意，態度一般，但多多原諒他們，也許是因為始終是老人家。

我家在中環所以無可能唔知係中環0甘出名0既'九記'lah!有日突然間LUNCH想食,所以就由我堅道0既學校行到落去買呢碗'牛腩伊麵'雖知佢0既'咖哩'都好出名但本人還是鍾情於佢0既清湯相比其他店的湯這裏的比較濃,香每次除了把碗裏的牛腩和麵吃光重有一個必做動作就係..雙手帶起碗把湯渴光光!!真係無得頂呀!*多麼幸福的午餐呀~*

2010年4月20日 ( 九記牛腩 - 1 ) 中環之旅，中午過後，來到九記牛腩，剛好避過午飯人潮，不用排隊，隨即有位，第一時問問有沒有爽腩，OH！沒有了，也許是避過人潮也避過了爽腩，來個清湯牛腩及一杯熱奶茶。清湯牛腩：牛腩不知屬何種類型，腩上有少許筋膜，還有點點肥膏，吃起來時，肉質鬆軟，筋爽膏香，味道超棒，湯底牛味濃郁可口，簡直是人間極品，這是我近年吃過最好的牛腩，今天已滿足了，至於吃爽腩就要隨緣了。熱奶茶：沒有像吃牛腩般驚喜，茶，不是我喜歡的味道，奶香夠滑，茶微帶苦澀，屬一杯普通奶茶。看過K C兄的好介紹(最好，就是最好)食評，再吃過美味牛腩後，感覺到今天沒有白走了，九記...真的是(名不虛傳)確實是(明符其實)的好牛腩啊！

好耐冇食清湯腩, 專登去九記食......排隊排左一陣, 好快有位......坐低即叫........清湯腩河半肥瘦, 牛腩味道100分, 河粉都好滑......只係好似愈黎愈細碗......食完, 好似食左陣風咁........

最好食既清湯腩? 九記, 大利, 定華姐?? 個人認為九記領先個馬鼻!!去過九記好多次, 佢地d清湯腩真係時好時壞 (趨勢似每況愈下)!! 咖哩腩就穩定dd 而且撈埋d牛筋, 牛腩又炆到爛咁'制', 我覺得九記可以考慮賣埋白飯 因為咖哩汁送飯一流講番清湯腩先, 以前狀態好既時候真可以問鼎全港最好既清湯腩, 牛腩肥瘦剛剛好, 又淋又滑, 又濃牛腩味, 又唔黐牙, 湯又濃又甘香 !! 而家真係跌晒Watt, 好多時牛腩好滑 (定起潺), 但好硬, 重好Q黐牙, 真係食完有排撩牙, 重有d湯好鬼淡茂茂!而今次Order左淨腩, 淨咖哩腩, 淨伊(由此至終, 都覺得伊麵好過河粉), 水準叫做過得去, 不過不失! 對有d Friend 未食過, 真係有驚喜!! 但食過以前既九記, 真係往事只能回味!不過d伙計真係好Smart, 從來齋吹唔洗寫單, 佩服佩服!!最後, 佢地d涼茶(奶茶), 個人覺得唔錯喎, 比坊間所謂奶茶王好飲好多, 不過記得叫少甜

咁出名o既牛腩,尋日太平清礁返到中環九點零,辛辛苦苦身水身汗行到半山,終於搵到,點知公眾假期冇開....ok.....今日返半日,放工同女朋友再特登走上黎食lunch~~~見到大約十個人o係度排隊,鋪面好細~~~好快同女朋友仔諗好,叫左個咖喱牛筋腩伊麵同一個清湯牛腩伊麵~~叫個伙記寫單,佢話「等我做埋D野先過黎」,好串o既一個模樣...........轉過黎等左幾分鐘佢先肯過黎,仲要係催單o既模樣~~算,o係呢D地方食野,我從來冇expect過有D咩好o既service~~好食的話,咩都gur晒~~~坐我地對面有一對拖友,我地一坐低已經o係度講緊間鋪頭service有幾差,鋪面幾細,又叫我地小心~~~之後有個伙記成個盤掟落地下,差D掟中我對腳,個男仔仲同我講「嘩,差D中你喎!!」,好好笑!!XD坐左o係廚房外面o既檯,係由二人檯僭建而成,o係走廊夾硬加兩個位o係度,D伙記不斷拎住一碗碗熱辣辣o既麵o係我女朋友頭頂/身邊擦過,就算我用手遮住女朋友仔都仲係好危險,真係把鬼火!!!好驚碌親我女朋友!!!我有事唔緊要,如果碌親我女朋友,我同你死過!!!等左陣,咖喱筋伊黎左!!!見到碗麵咁細碗,

九記牛腩！！！好耐無食啦！唔知大家有無試過九記？我最愛佢既哩腩伊！叫左一碗咖哩牛腩伊同清湯牛腩伊！好懷念！哈哈～不過見到人地叫碗清湯淨爽腩同另一碗清湯伊。。。。就知自己蠢左唔識叫！哈哈！大家一定要去試！！歌賦街係好值得去既地方！！！！！！

HH 完後黎這裡吃 dinner。爽腩已經沒有了。這裡除了牛腩，真的沒有其他選擇，帶一個 vegetarian 黎的話都.......想要一碗淨腩，但只有淨咖哩牛腩，沒有無咖哩的 version。粗麵也沒有，只得米粉。要了 normal 的牛腩米粉。份量 alright，個碗有 d 細。不過牛腩的紋路條條分明，除了少少的齦真係幾鮮牛肉味，好過坊間！！！咖哩牛腩淋 d ，但我中意牛腩米粉裡面紋路分明的腩。I think the only problem here is the limited choices...and a bit pricey, but for good food, its worth it.

今晚經過中環，專程到九記牛腩吃晚餐。久仰九記牛腩大名，但從來未有機會吃過呢~找了一會兒才找到，看到招牌的一刻，很開心！入到店內，有點緊張，因為全部顧客都是男人，得我一個女仔，感覺有點奇怪。我叫了一碗牛腩河。由細到大都我都非常喜歡吃牛腩河的，可能因為咁，我今次來抱著一個好大的期望。期望愈大，失望愈大…第一眼見到碗粉個印象係︰好多油。吃一口湯粉的感覺係︰極普通的味道對牛腩的感覺︰不夠「淋」，牛腩品質不差但不入味 吃後感︰一碗街坊牛腩河，牛腩品質不差，但廚師的廚藝很一般。有些地方的清湯牛腩河比它好吃好多~所以不會再特登幫親了。P.S. 吃完之後發現同一條街既銀杏館，好想入去試下呢~

上湯牛腩伊麵：其實已經食左２次，一次堂食，一次外賣！外賣個次就差得多！反而堂食就好味得多ｄ面吸哂成個湯既味道超級入味不過覺得牛腩就唔太話特別好味！

久仰大名, 終於親臨試味...最後只能贈四個字- 不外如是...牛腩切得太大舊, 失敗! 肉唔夠腍, 大鞋...失敗!!湯底味唔夠濃, 可能去貨去得太快, 溝淡咗...失敗中的失敗!!伙記態度唔憂做...飲品價格打劫價...最低消費$26, 清水一杯都$13,汽水啤酒唔標價...今時今日咁樣做生意, 即係叫我唔好去啫!!

去的时候没有河粉了，选的上汤牛腩米粉和咖喱牛腩筋米粉，都很好吃。上汤的汤有原汁原味的牛肉味，很鲜。咖喱的很入味，尤其是里面的牛筋，好吃。

那兒附近有很多美食, 相比之下這間價錢頗貴, 份量相對比較少, 有時少反而更好, 可以讓我們有多些空間試更多的美食, 順便一提, 這兒對面有更好味的勝香園。這兒有最低消費, 每位$26,放心, 一碗牛腩河本身就要$26, 由於份量少, 女仕們也不怕過飽, 順便一提, 如果你想點牛筋, 一定要跟咖哩湯底, 不可以跟清湯底。由於我們已經有點飽, 所以每人點了一碗 上湯牛腩米粉, 清湯鮮甜味濃, 湯面有一層薄薄的油, 其實河粉的吸油能力比較高, 如果點上湯牛腩河粉, 效果可能更佳。另外, 這裡的伊麵賣相不錯, 和其他餐廳好像有點不同, 下次我會試伊麵或者河粉。此外, 我們還點了 凍西洋菜蜜($15), 鮮甜、解渴。

上次錯選星日黎<九記>，點知關門大吉，失望而回。今次來到，不用排隊就直搗黃龍，依問咁出名，當然要搭台，環境都幾迫。牛腩伊︰伊面不錯，幾爽口，湯底都好甜，反而牛腩一般。牛腩河︰友人飲晒成碗湯，應該好滿意啦，但佢話牛腩無驚喜。總括而言，評分有D over-rated，可入列平時午飯之選，但不值專誠來試，其實入到黎覺得好有壓迫感，d 服務員兇神惡殺咁，我都不能暢所欲言。