丼瀛 (已結業)

今日嚟到廟街J city食日本野，都係第一次食，鋪面細細地，裝飾得都幾日本feel，感覺就好似置身於日本。望完個餐牌，日本丼飯，刺身，壽司都係走唔甩嘅，海鮮杯好似幾得意都揀咗。前菜就揀咗沙律。羽衣甘藍無花果黑醋沙律色彩繽紛，淨係見到就已經很開胃。平時羽衣甘藍多見於日式火鍋，食開火箭菜的沙律，今次揀羽衣甘藍果然冇失望。羽衣甘藍非常爽脆配合埋清甜嘅無花果，小小酸的車厘茄同藍莓，整個沙律酸酸甜甜，不但開胃，而且十分健康。 跟住係築地壽司杯，有海膽，吞拿魚，三文魚，甜蝦，魷魚，加州卷同埋一隻鮑魚。見到都開心。首先食咗鮑魚先，鮑魚已經預先係中間切開，所以可以一啖放入口，最適合嘴細細的我。咬勁十足，十分彈牙。刺身都好新鮮，拌有少少青瓜絲，壽司飯上面有少量芝麻，可以看見廚師的心思。碟碟壽司杯擺放在一個木托盆上面，擺放整齊。龍蝦刺身雙層爆丼上層係龍蝦刺身丼飯，下層係海膽蒟蒻沾麵。刺身，龍蝦彈牙新鮮。平時冷麵食得多，今次試蒟蒻麵，蒟蒻麵口感爽滑，十分有趣，感覺似食緊甜品。沾上旁邊的海膽汁，將平凡嘅蒟蒻麵提升到去另一個層次。口味新奇值得一試。北極光海膽杯海膽杯果然同圖片一樣真材實料滿滿地一杯。海膽奇多！

黎廟街唔一定要食煲仔飯既，日式餐廳都係一個好選擇！今日我就發現左一間幾特別既日式料理。位置唔多，八點零鐘黎已經滿座啦！餐廳主要賣丼飯，但其實唔止甘簡單。。。。。後回分解先叫左個無花果沙律，有藍梅，菜新鮮，無花果好甜！都幾大碟下龍蝦爆丼成只龍蝦俾你！龍蝦肉整熟，切粒，撈青瓜，蟹籽沙律，龍蝦肉好爽口！旁邊有不同既刺身，如吞拿魚、八爪魚、三文魚、秋刀魚同北寄貝等。種類多，新鮮！刺身下面就係壽司飯。個龍蝦爆丼唔止甘簡單，佢係有兩層架！下面一層就係海膽蒟蒻冷麵！蒟蒻麵健康，低卡高纖，好爽口彈牙，口感特別！個海膽醬濃，有幾舊海膽係入面，兩者沾住食好夾！老闆好有心思，菜式獨特！呢個配答第二度未見過！築地壽司擺設精美，一次過可以試混唔同既壽司，正！一如其他，刺身新鮮，份量多。黑松露海膽壽司好香黑松露味！三文魚肥美又鮮甜！麵豉湯好多海帶同豆腐，幾中意，口味幾岩，唔會好咸！厚燒黑豚肉必食！！肉質好稔，用少少鹽同醬油去燒，食落焦焦地，好香口，好好味！蒜香一口牛好香蒜味，牛燒到剛好，好稔，有少黑椒係面，更香口！正呢度既燒物都好好食，燒既醬油好正！第二度食唔到！好滿意既一餐！雙層爆丼好特別，一餐兩食，刺身新鮮！

放工後再去上堂，說真的是很累的事。這天寶寶來了接放學，真的太累不所以附近覓食。實在很需要有豐盛的一餐去補充我整日工作和讀書下來的疲憊身心，想起了熱爆的丼瀛。晚飯時間稍過，食客還是很多。剛好有人埋單，不用多等就能入座。丼飯選擇很多，看圖片覺得每款都好吸引。除了丼飯，還有刺身和串燒可供選擇。丼瀛龍蝦雙層刺身爆丼($268)十分豐富的丼飯，由兩層組成。上層是大大隻龍蝦和刺身飯，下層是冷麵。龍蝦肉早已被拆出，肉質結實鮮甜，加上醬汁的調味更美味。其他刺身有三文魚、吞拿魚、赤貝、帆立貝等，食材豐富。下層的麵條好軟身食落爽口，而且加埋蟹籽和海膽一齊食更香。倒入醬汁，又意想不到醬汁內都帶有海膽鮮味，令成個麵味道更濃郁。這個爆丼份量好多，食得好滿足，好抵食。築地壽司杯($168)很有趣的擺盤，每一個杯都有不同的配搭，而且每種刺身都好新鮮。有魷魚、三文魚。海膽好creamy甘香，質肉好軟食落好濃，唔會有苦澀味，個人十分喜歡。吞拿魚蓉無筋，又做到軟滑口感。甜蝦又係大大隻勁creamy。鮑魚好入味，煮得軟身唔難咬。無花果黑醋沙律($78)菜好清爽新鮮，而用上新鮮無花果，好清甜。比較喜歡單食無花果，跟黑醋似乎不

上星期放工去了佐敦找舊同學聚舊，然後到丼瀛食日式菜呢！環境不算太大，好似日本小店一樣。築地壽司杯：壽司杯既食品種類好多，好似樓梯級，所以賣相看上去好吸引。甜蝦、海膽、三文魚、吞拿魚、魷魚、鮑魚、加州卷。每款同樣地新鮮，絕無腥臭味！杯中有小量既飯，幾杯加埋足以飽肚！個人特別一讚是加州卷既果味道不會太單調，食用不乾身。鮑魚亦不硬啊！還有麵豉湯！白鱔：串燒燒得剛好，外皮脆卜卜的。白鱔肉質鮮嫩，滲出不少入汁。當中有少許幼骨，食用需留意一下！汁燒金菇牛肉卷：一串共有三舊，汁燒令整串牛肉卷昇華，不會太咸。三者一同食用，味道好夾，非常juicy！鹽燒雞腎：雞骨帶點點爽口，燒得剛好啊。鹽燒雞軟骨：十分推薦大家食用既串燒！雞軟骨燒得剛好，不會燒至乾身。食落只滲出少許油份，充滿口感之餘，又不會太硬。明太子雞翼：雞翼中既雞肉嫩滑，當中既明太子比較咸，入面帶有不少肉汁啊！

早排見到朋友打卡，個雙層丼真係極之吸引，所以我都要嚟試一試！餐廳雖然唔大，但乾淨企理，坐得都算舒服［羽衣甘藍無花果黑百醋沙律，$39］餐牌上沙律有三個選擇，但一見到羽衣甘藍同無花果，唔洗諗喇，就叫佢啦！黑醋汁帶有少少蜜糖味，酸酸甜甜咁可以中和到羽衣甘藍嘅澀味，無花果亦好清甜，好鍾意呢個配搭［丼瀛龍蝦沙律刺身雙層爆丼，$268］嚟到呢度當然要叫一個雙層丼飯！最吸引我哋嘅都係呢個又有龍蝦又有刺身嘅丼上層係龍蝦沙律同時令刺身丼。刺身都非常新鮮而且龍蝦頭入面仲有好多膏！而下層係海膽蒟蒻沾麵蒟篛麵嘅口感清爽，而且高纖低熱量，非常健康；不過海膽芝士醬就太漏，沾少少就夠了［築地壽司杯，$168］呢一份餐點一共有五杯壽司（分別係墨魚、吞拿魚蓉、三文魚、海膽、甜蝦）、三件加州卷同一隻磯煮鮑魚，好豐富鮑魚煮得好入味，而且有咬口，一流五杯之中我最鐘意海膽，非常新鮮！不過我將黑松露分開咁咗嚟食，怕松露味搶哂海膽嘅清甜味甜蝦亦大大隻，香滑鮮甜不過唔同個丼，壽司杯用嘅係凍嘅飯，食落比較乾同硬，口感扣分

最近同事們互傳一幅龍蝦丼的相片，大大隻龍蝦色彩鮮豔，相當美麗，睇到好想食，細問之下，原來是在廟街裏的丼瀛，同事們都同意今晚就一同前去試試！丼瀛龍蝦刺身雙層爆丼 相片中的龍蝦丼就在眼前，真的好美啊！食材分為上下層，上層大大隻龍蝦和刺身已經鋪滿整碗飯，龍蝦已起肉，做成鮮甜彈牙的龍蝦沙律，龍蝦頭還有好多膏。刺身有三文魚、吞拿魚、油甘魚、北寄貝等，材料相當豐富，新鮮又美味。底部有飯，軟硬適中。下層是海膽蒟蒻沾麵：用海膽調製的醬汁特別鮮味，再用蒟蒻做成麵條，蒟蒻麵又滑又爽口，沾上鮮甜濃郁的海膽汁，十分惹味。白鱔串燒：白鱔燒得皮脆魚肉彈牙，加了少許鹽巴調味，香口又惹味！芒果乳酸特飲：芒果味濃郁，冰凍香甜！

以前很少去佐敦食晚飯，因為附近沒有商場逛。但近來，佐敦附近好像開了不少值得一試的餐廳，所以今天就試了其中一間。羽衣甘藍無花果黑醋沙律 $78很多時，我都會選擇一碟沙律作為前菜，既可補充纖維，又可清一清味雷。 丼瀛的沙律選擇不多，但有我近期最愛的羽衣甘藍沙律！ 羽衣甘藍是種超級食物，而且還配搭黑醋汁，更加健康。而且沙律分量很多，頗抵食。築地壽司杯 $168其實就是一個壽司拼盤，但擺放得很漂亮，未食先興奮。壽司種類也很豐富，有吞拿魚蓉，甜蝦，黑松露海膽，三文魚，魷魚，還有鮑魚和加州卷。刺身大致都新鮮，其中最好吃的是海膽，三文魚和鮑魚。龍蝦沙律刺身雙層爆丼 $268這個丼飯，絕對是打卡一流。原隻龍蝦鋪面，周圍擺放了各式刺身，很吸睛。龍蝦沙律爽口彈牙，味道比想像中好，而且分量也不算少。其他配料有帆立貝，三文魚，油甘魚等，還有一隻糖心蛋。這個丼飯的主角絕對是龍蝦，其他配料則正常發揮。論刺身的新鮮程度，我覺得壽司杯的較佳。上層是龍蝦刺身丼，下層則有海膽蒟蒻沾麵。蒟蒻麵很低卡，口感爽口，不像平時食到的麵條，友人覺得不錯，但我則較喜歡平時的麵條。海膽醬汁，味道其實似芝士醬，麵條沾上這個醬汁，似吃"芝士

佐敦廟街，除左係香港特色既景點之一。煲仔飯更加令人回味無窮，但係今日尼呢度搵食，竟然搵到間日式丼飯專門店。店舖細細，居酒屋格局。睇尼龍蝦丼係呢度既招牌菜，唔叫唔得啦。另外叫左個羽衣甘藍無花果沙律同築地壽司杯。首先尼左碗味噌湯，店員仲拎埋食龍蝦既架生比我地。羽衣甘藍無花果沙律用黑醋汁整成，第一次食羽衣甘藍，估唔到咁健康既菜都唔難入口，加埋無花果，係一道好開胃既前菜。築地壽司杯，有幾款唔同既壽司，仲有隻汁煮鮑魚，鮑魚仲一D都唔韌。魚生都好新鮮。招牌龍蝦丼尼啦，成大隻龍蝦放係碗度好搶眼!龍蝦肉已經起晒，肉質爽滑。其他魚生一樣好新鮮。連糖心蛋都煮得岩岩好。龍蝦丼原來有兩層，底層係蒟蒻麵配上海膽汁，好似冷麵既食法，蒟蒻麵好掛汁。飲品叫左一杯芒果乳酸特飲同白桃乳酸特飲，味道比較甜。

今天去佐敦見客，應酬左半天終於送走他，在街上又熱又餓，走入廟街搵野食，經過一家食日本菜的丼瀛，比門口的餐牌吸引，急不及待走入店內入座。天氣勁熱，少不了啤一啤。A築地壽司杯，每一小碟都配有刺身和壽司飯，刺身有鮮甜的海膽、甜蝦，肥美的三文魚、吞拿魚蓉， 爽口的鮮魷魚配蟹籽。還有一隻磯煑飽魚，鮮甜美味。羽衣甘藍無花果黑醋沙律，新鮮的羽衣甘藍纖維豐富，雖然口感比較鞋，但對身體有益，還有新鮮的無花果和沙律菜，加左黑醋，味道酸酸地，醒胃！鹽燒雞翼，燒得皮脆肉嫩，好香口!送啤酒一流。

食物除左味道, 就連賣相都要有返咁上下吸引度, 先會成為人氣之選。最近係朋友既交友平台發現左一間丼飯小店既丼飯, 賣相超吸引, 急不及待同妹妹放工去潮聖一下。呢間丼飯小店係廟街檔灘既橫巷, 唔算好顯眼, 似乎都係靠網上分享先會得知呢間小店。呢度唔算好大, 裝修簡潔為主, menu上有多款丼飯、串燒、壽司等選擇。專程黎到必試呢度最吸引既【丼瀛龍蝦沙律刺身雙層爆丼】配海膽蒟蒻沾麵 HK$268丼飯以兩層式疊起上檯, 上層為龍蝦沙律、多款刺身, 包括有三文魚、油甘魚、北寄貝、呑拿魚, 排得滿滿的, 盡顯豐富澎湃, 就連上層既壽司飯都整整被豐富食材所覆蓋; 龍蝦被切成一粒粒, 撈上沙律醬同埋蟹籽, 鮮甜爽彈既龍蝦肉跟蟹籽同時入口, 口感層次更為豐富, 不過刺身方面, 魚油唔算突出, 但總算唔會腥。而下層為蒟蒻沾麵, 中間有一小碟杰杰地、加左海膽既芝士汁, 伴碟既有蒟蒻沾麵, 加左幾粒三文魚籽。蒟蒻麵健康得黎麵質很爽, 凍食岩哂宜家悶熱天氣, 沾上鹹香既芝士汁, 同埋入口即溶又唔會腥既海膽, 芝士汁容易掛汁, 芝士味重亦唔會過鹹, 正!【日本蟹蓋麵豉燒】HK$58蟹蓋唔會燒過龍, 溫度只係微暖,

估唔到去到廟街，除左可以食煲仔飯，仲可以試到平民日本野我地叫左個築地壽司杯，細細個碟入面有飯，飯上面海膽、三文魚、甜蝦，賣相好精緻，而且味道好鮮，特別係個海膽，好嘅海膽可遇不可求之後叫左個龍蝦刺身爆丼，龍蝦大大隻咁霸佔左成個碗，隔離仲有刺身，下面有飯又有面，相當有份量，而且龍蝦一d都唔腥仲叫左無花果沙律，無花果唔係度度都食到，係香港真係好少見，沙律菜好新鮮，而且份量夠哂我地3個人最後，我地仲試埋佢嘅鰻魚壽司、池水壽司、三文魚腩刺身、汁燒玉子，真係大滿足

已經很長時間沒有去廟街了，今日朋友著我陪他在附近辦事就想著晚餐在那裡解決好了。走著走著看到一間門面與別不同的，發現是日式料理的餐廳，決定今晚就選這一間。看到餐牌，這裡主打是兩層的丼，上面是有不同種類刺身配搭的丼，下面則是海膽沾麵。我們當然是要吃龍蝦，上層的丼有龍蝦、三文魚、帆立貝及吞拿魚等刺身，龍蝦用作做沙律。下層的海膽沾麵是用上䈮篛做的麵，沾麵汁裏有海膽及芝汁，整個是很新鮮的配搭。沙律裏全面是健康的食材，有羽衣甘藍、無花果及沙律菜，份量充足，這個是大推薦。整個拼盤有海膽、鮑魚、三文魚腩、吞拿魚腩、甜蝦及魷魚，非常豐富。海膽非常肥美，入口即溶，非常好吃😋最後發現原來每日也有優惠時段，食品會有半價，下次也會再來吃。

今日同同事行廟街塔羅牌（佢未黎過🤷🏻‍♀️）搵到哩間日本嘢食（唔想熱屎辣辣食大排檔）朋友發板😆嗌了佢想食既嘢雨衣甘藍沙律（$78）佢係淋黑醋，所以好開胃～而且入邊有新鮮無花果同藍莓，好清新龍蝦刺身（$268）佢有兩層！上面係龍蝦刺身加飯，下面就係一個沾麵既菜式！佢既麵好好味，唔係麵粉做係蒟蒻（🧐）～龍蝦刺身無得輸壽司杯（$168）唔知點解嗌既全部都係有飯係入邊😂tips：食日本嘢要飽肚既法則每一杯都有一款刺身同埋飯，新鮮而且唔係壽司路線都幾得意，擺盤都好靚之後朋友嫌唔夠都追加了壽司以及三文魚腩刺身，我追了一份玉子燒（$18）好味！佢啲蛋係一串唔係一舊，幾個人可以分黎食～好味！

今日休半日约左太座行街，跟住二人世界。係廟街行左一陣，因為越來越少嘢睇，就係附近睇吓有乜好嘢食，見到前面不遠有間丼瀛，就入去睇吓有冇位。一坐低侍應就禮貌地捧兩杯茶和菜單過來。我一睇菜單當場眼前一亮，菜單上的食物款式又多又靚。我睇左一陣就選左--羽衣甘藍無花果黑醋沙律，A築地壽司杯，丼瀛龍蝦刺身雙層爆丼。個沙律最特別的材料是用了羽衣甘藍和無花果，市面餐廳上很少一齊用來做沙律，這個配搭很新穎。至於其他的配料還有洋蔥絲、車厘茄、橄欖等，加上黑甜醋，整體味道很夾，很健康，很醒胃。太座至愛!A築地壽司杯賣相小頂瓜瓜，陣容鼎盛，很豐富。有三文魚壽司、魷魚壽司、吞拿魚壽司、櫻花蝦壽司、海膽壽司，還有一隻鮑魚。全是小弟心頭好!龍蝦刺身雙層爆丼原來真的用一整隻龍蝦來做，都好大隻，多肉，肉質鮮甜。還配有很多刺身，我們食得真開懷。最後係食下層的蒟蒻麵。咁大個人，我都係第一次食這種冷麵，味道本身較淡，不過，點了特製的醬汁就非常好吃。今晚食得很開心，臨走前仲見到幾個外國人都來食，可想而知這間店子是幾咁受歡迎，

睇完佐敦丼瀛d 食評同相片, 好似都幾好味啦咁喎, 同朋友剛剛(27-7)食完丼瀛, 十分失望, 座位空間狹窄, 食物同d 食評講既相差甚遠。只可以說食完一次, 唔會去第二次。