丼瀛 (已結業)

丼瀛- 廟街中的日式食肆朋友從新加坡來港旅遊數天，好客的我當然一盡地主之誼，充當導遊。朋友提出去廟街走一趟；見識這香港著名的地標。原本心想晚餐必定是大排擋炒蝦拆蟹，怎料朋友說香港的大牌檔海鮮及不上新加坡的美味，最後被這家大紅燈籠高高掛的丼瀛吸引了去食日式料理。餐廳座位寬闊，光線充足。裝修簡約光鮮之餘帶點心思。丼瀛龍蝦刺身雙層爆丼 ($268)通常試新餐廳時，選擇餐廳推介的招牌菜式會比較保險，於是先點這客龍蝦剌身雙層爆丼。菜式分為兩層：上層龍蝦沙律海鮮刺身丼，下層為海膽汁蒟蒻沾麵龍蝦沙律十分新鮮，再加上多款刺身如鱆紅、油甘、吞拿、三文、八爪魚、等新鮮刺身，再以飯襯底。喜歡魚生的朋友光吃這上層應該就可以滿足了。下層沾麵的海膽汁質地有點像芝士醬，麵條以蒟蒻製作，口感較為特別，纖維較多之餘熱量亦比一般麵條低，可以放心多吃幾口。築地壽司杯 ($168)七款壽司高低有致地分佈在木架上，甚有層次感，而七款壽司味道濃淡不一，建議先從味道較淡的蟹子墨魚及牡丹蝦開始吃，最後吃黑松露海膽和鮑魚醬油漬，層次由淺入深享受壽司的鮮味。材料整體十分新鮮，尤以黑松露海膽最為突出，回味無窮。北極光海膽杯 ($298)以

BB今日接我收工~好開心~時間都夜啦，於是睇下有咩宵夜食~開心大發現小店9點半就做半價~用左openrice book位好方便~店家還特別打電話確認。好細心~去到先發現我地係包場~為左唔阻住師傅收工，我們先來一輪猛點~壽司係抵食嘅~即叫即制，最平的只是6蚊件~人工都抵番晒~叫左是日推介魴彿魚，都幾新鮮~有半價~一人叫左一個小型丼，雜錦魚生很一般，建議叫海膽吞拿魚+三文魚子。糖心蛋都ok,但黑松露味太搶。追加炸物~已經飽了~以下純粹放閃~總的而言，有半價係好抵，300百幾，食飽晒。如果計正價，性價比就唔太高啦~

隱藏於熱鬧廟街的「丼瀛」價錢走平民路線還有主打「丼」環境設計以簡約樸實的日式風格餐廳空間感十足感覺舒適悠閒餐牌上有多款日式丼不同種類的海鮮選擇最新推介的丼瀛龍蝦刺身雙層爆丼賣相非常吸引還有佐酒小食、沙律、刺身、壽司特飲等北極光海膽杯 $198這個海膽杯分了幾層最上層是黑松露海膽中間有海葡萄，三文魚籽蟹肉、最底則是紫薯蓉海膽和三文魚籽都新鮮海膽應該是加拿大海膽很大一片味道鮮甜也沒有腥味羽衣甘藍無花果黑醋沙律 $78選一碟沙律作為前菜既可補充纖維又可清一清味雷近期最愛的超級蔬菜羽衣甘藍而且還配搭黑醋汁和無花果更加健康也是排便高手而且沙律分量超多熱湯附送食物以雙層爆丼為主上層龍蝦爆丼多到滿出來一碗有原隻波士頓龍蝦再搭配不同刺身都只不過$268龍蝦肉質頗結實而且爽口有肉汁下層配以陣牙的蒟蒻麵還有海膽伴麵高纖低熱量配合鮮甜美味的海膽汁一起吃滋味可口消暑開胃桌邊還教學如何正確食用真的有夠貼心五層丼亦是必點之選 築地壽司杯 $168賣相精緻的壽司杯盛著壽司的木製托盤也很有層次感小小杯而且可以品嚐不同款式五小杯再加壽司卷和鮑魚海膽、三文魚和魚子、活蝦、拖羅蓉和魷魚杯杯甘甜濃厚，極品美味以香濃醬汁醃製

係觀塘見到有間新開既日式丼飯好吸引，原來佐敦都有一間！係廟街入面。呢度刺身飯好多款式，仲有龍蝦同海膽🙈🙈食咗個沙律先，羽衣甘藍無花果黑醋沙律 ($78) 第一次食無花果沙律，原來係可以咁甜🤤 築地壽司杯 ($168) 呢個唔好睇份量好似好少，食落去都好飽架！叫呢個壽司杯既好處係可以一次過試唔同既刺身，當中海膽同呑拿魚蓉都好好食😆 仲有一隻鮑魚，好足料👍🏻丼瀛龍蝦沙律刺身雙層爆丼 ($268) 呢個係必點之選！大大隻龍蝦，龍蝦肉切粒做龍蝦沙律，係估唔到咁好食🤤 肉質彈牙，味道鮮甜，十分之好食！當你食完上層以為冇哂既時候，其實下面仲有海膽醬既冷麵，味道都幾濃郁。呢個丼飯除咗龍蝦之外，仲有各種魚生，魚子，當中以北海道帶子最好食，好鮮甜好大粒👍🏻北極光海膽杯 ($198) 又係海膽控必試既美食☺️ 上面有一大堆海膽，上面有啲黑松露醬，而中間仲有海葡萄，魚子，海膽豆腐，蟹肉等。。。每一啖都好正，好鮮味。

忙了地獄三星期，充滿負能量。突然好掛住魚生飯⋯ 返屋企途中順路，記得呢間係廟街的食店。去到唔駛等，餐牌雖然一大塊，但樣樣都好似好味，花多眼亂，最後揀左個海膽油甘魚丼包唔會失望賣相+飽肚雙重滋味丼面充滿油甘魚生非常足料，仲有成板海膽，原隻糖心蛋。而下層沾麵更有足料海膽醬！ 望到個樣心情馬上好返。油甘魚好香，配上我最愛紫蘇葉⋯ 一流飯底可能有芝麻，相對有江點硬。海苔麵豉湯勁多海苔！枱上有提示教點樣撈沾麵⋯ 喜歡大撈特撈大口大口食麵，麵質幼滑較軟身。

今晚食咗間好有特色嘅日本餐廳，每道餸嘅擺設都花咗吾少心機。第一碟食嘅係丼瀛龍蝦沙律刺身雙層爆丼×海膽蒟蒻沾麵。成道菜嘅賣點就喺響個沙律同海膽汁道。個沙律啖啖龍蝦肉，啲麪同啲海膽汁簡直就係最佳配搭，好有鮮味。跟住食嗰碟築地壽司杯我最欣賞係佢嘅擺設。啲壽司擺喺個木製梯級上面，未入口已經觀賞性100 分。啲海膽同蝦鮮味都好突出，仲有舊鮑魚配搭，果然係好睇又好食。食完依兩碟菜我就叫咗餐牌極力推薦嘅北極光海底杯。杯嘅頂層有一大堆海膽同魚子，而令人最驚喜嘅係杯嘅底層有紫薯混埋一齊，令個鮮甜味格外突出。食勻哂上面幾碟特色菜之後我點咗個有益健康嘅羽衣甘藍無花果沙律。碟沙律落足料，好夠無花果，夾埋新鮮多汁嘅藍莓簡直將碟沙律嘅鮮甜味提升去到另一個層次。所以即使吾太鐘意食魚生嘅人都可以黎食下呢碟沙律。

龍蝦肉又鞋又咸, 超難食. 海膽汁又無海膽味。服務又差! 叫d野叫幾次都無反應, 剩係做佢自己想做的野先. 坐位又超窄, 諗住好食都唔介意! 點知伏到一個點! 都唔知好係邊? 垃圾

今晚準時6點收工，成為餐廳第一食客🍴一坐底，叔叔就好有心機介紹餐廳招牌菜🤓。第一道～只有佐敦分店才有的丼瀛龍蝦🦐沙律🥗刺身雙層爆丼x海膽蒟蒻沾麵（$268）🍜 。第一次食蒟蒻麵，喜歡佢個彈牙質感，本身冇咩味，但個海膽汁好夠味。龍蝦沙律啖啖肉👍🏻第二道～北極光海膽杯🍸（$198）。黑松露面好香，海膽俾足哂料，同埋有我的最愛～魚子☺️第三道～羽衣甘藍無花果沙律（$78）好多新鮮無花果，仲好多藍莓同呢期好人氣的羽衣甘藍。食完即刻覺得個人都健康左💁🏻‍♀️第四道～築地壽司🍣杯（$168）。實在太會討like的木係梯級。鮑魚都切開一片片，可以食得有儀態d😉—————————💡3-5pm 或9pm 後小食，刺身，迷你爆丼都可有半價🤩

話說我平時經常上落大陸工幹, 撞埋有日我去中山做野係尖沙咀落船, 咁就上開飯網搵下附近有咩好吃啦.平時都間唔中會揀幫襯D小店, 覺得會有多D驚喜嘛, 咁見到D食物相覺得好吸引, 所以就專登行左20分鐘過去廟街搵食喇去到門口, 可能因為係星期三, 都係只有2枱人, 所以完全唔使等位.睇到MENU, 男友比個龍蝦刺身雙層爆丼吸引左, 因為怕個丼比較大我地又唔係咁餓, 所以我地就ORDER左呢個先, 諗住睇下個份量之後再決定叫D咩啦. 上到菜嘅時候, 係有嘩一聲嘅, 睇落去係好靚仔, 但比較起MENU個圖確係有D差異, 睇落每款刺身都係只有一片. 雖然係咁, 但都呃到唔少LIKE嘅呢款丼係全隻龍蝦上, 不過佢唔係刺身黎, 係好似龍蝦沙津軍艦果款咁, 不過龍蝦嘅質感就緊係比軍艦果款彈牙得多啦, 但略嫌可能蛋黃醬加得多左, 令到蓋左少許鮮味. 至於其他剌身, 就都係普通一般質素, 冇話特別驚艷嘅感覺所以就唔多講啦. 至於底層, 係海膽蒟蒻沾面, 佢算係冷沾面黎 , 佢係好有彈性果種質感, 天使面果種嘅粗幼度. 蒟蒻面我地兩個都未食過, 第1次食覺得口感好新奇, 但係比較係上黎我地就比較鐘意係熱食

今日行經過廟街，又唔想食煲仔飯同埋小炒喎⋯⋯咁就上OpenRice search嘢食啦！點知比我見到呢一間日本菜！而佢啲相係非常之吸引，所以我決定咗嚟呢度試吓。鋪頭位置唔算好大，但係坐得幾舒服。呢度基本上係食雙層爆丼同埋串燒既😛😛而我係比佢哋嘅丼瀛龍蝦沙律刺身雙層爆丼吸引左黎，所以一定要試吓佢啦！🤭🤭🤭另外做左資料蒐集之後，發現佢哋嘅築地壽司杯都好似好吸引，所以我哋都嗌咗一份🤪最後都問咗侍應姐姐有咩好推介？而佢就推介左羽衣甘藍無花果黑醋沙律🥗同埋右下角個幅圖-北極光海膽杯🌌但係因為我哋得兩個人嘅關係，所以就冇要到嗰個北極光海膽杯😂😂😂店員送到黎之後真係嚇左一嚇！ 冇諗過隻龍蝦都唔算太細，影相真係一流👍🏻👍🏻👍🏻比其他丼勁加易呃like😬😬😬佢係龍蝦沙律黎既，開頭以為係龍蝦絲/碎...點知佢係一粒粒既龍蝦肉！驚喜驚喜👍🏻👍🏻❤️下層就係海膽蒟蒻沾麵... 蒟蒻麵好味道！質感好爽口😛感覺上食多多都唔怕，0負擔🤪🤪🤪另外一樣就係築地壽司杯，呢個築地壽司杯入面有五款壽司🍣！款款嘅份量都好多...而且飯量有點多到食唔晒（食量唔大食既友記得問下可唔可以少飯🤦🏻‍♀️）有啲食唔晒嘅感覺！鮑魚都既爽口～羽

睇相係正常。真正賣相都正常。但味道就好一般，感覺唔值呢個價錢。。。。首先碗麵豉湯，同一時間上枱。份糧一樣，一碗正常味，一碗係偏淡。何解？？？？？沾麵正常，無問題。係個賣相得意啲。好似擺係碟邊啲雞骨咁。。。。但碗飯似一般凍左嘅白飯，無醋味。。。刺身食落似係一般貨，元氣同板長都感覺還好。。。兩個飯差唔多$400落樓。呢個價錢仲有好多選擇。

放左工肚餓到爆仲要行去佐敦食飯，本身想係廟街食大排檔醫肚，點知行行下反而比一間充滿紅燈籠的小店吸引左，在充滿佬味的廟街之中竟然有間感覺不錯的丼屋，肌餓驅使了我們入去坐下。餐廳食物種類都幾多，太肚餓關係，除了餐廳大力推薦的幾款丼飯之外，仲叫咗幾款小食。芥末八爪魚份量為一碟，就係中意佢成篤鼻涕的口感，生八爪魚加上芥末流入喉嚨之中，特別爽。炸南瓜薯餅好脆，熱辣辣，甘香可口，南瓜蓉撈埋薯蓉方便又好味。新鮮空運的魚生Fresh到爆，有幾款魚生係可以咁樣叫，$55/6件帆立貝刺身非常鮮甜，新鮮到唔落豉油調味都好甜好清新。羽衣甘藍無花果黑醋沙律的黑醋帶少少甜，開胃得來又唔會太酸，無花果甜到漏油，除了羽衣甘藍仲有生菜車厘茄等基本沙律用菜，最深刻都係無花果，因為真係難得清甜。北極光海膽杯滴滴式式好得意，麻雀雖小，五臟俱全，頂層的海膽重海水味，之後有一啲都唔腥的三文魚子，雞蛋，蟹肉碎，底層係紫薯蓉，配搭看似奇怪，但入口感覺唔複雜，味道唔會對沖，仲出奇地夾。築地壽司杯其實係鮑魚，加州卷同五款非常迷你的刺身飯。鮑魚係熟的，調過味，咸咸地爽口彈牙。餐廳的三文魚子真係幾好食，唔腥之餘每一粒都帶點甘香，爆開後更是咸

唔知食乜好，於是求其揀，見到佢啲相好似唔錯，就入咗去食。最初我哋嗌咗啲串燒，我哋叫咗牛脷，雞皮，雞軟骨等等，啲串燒整體都叫做唔錯。但之後我哋叫咗兩個正常丼同一個迷你丼，迷你丼真係迷你得好緊要。正常丼，佢所謂嘅雙層，即係又有飯，然之後個底又有個蒟蒻麵。嘩！個蒟蒻麵真係難食到不得了，我食完即刻吐返出嚟唔再食；啲刺身飯就叫做冇乜特別，唔太難食又唔叫好味，但埋單每人都差唔多要比$200 ，性價比就覺得好低囉。

自從上次在觀塘食完丼瀛的刺身及燒烤，真是覺得非常回味，尤其是丼瀛龍蝦刺身爆丼及北極光海膽杯，食完覺得真是大滿足，原來廟街也有一間分店，今日就尊程與先生來到廟街的丼瀛。丼瀛位於佐敦廟街，是香港最繁華地段，裝修也是充滿了日本氣息，挂有多個的日本式的燈籠。侍㒣告訴我們，這裡廟街因廚房裝修，燒烤暫停了，是有少少失望，不過那最愛的丼瀛龍蝦刺身爆丼有驚喜呢。先要了一個:丼瀛龍蝦刺身雙層爆丼$268。侍㒣放上枱，嘩，丼瀛給我的新驚喜，就是廟街的龍蝦刺身比觀塘的多了一層，就是多了一層海膽蒟蒻沾麵。令我大滿足及回味的龍蝦還是最最吸引我，那一粒粒的龍蝦肉，非常鮮甜爽口，龍蝦頭裡面非常多膏，味道香濃。與觀塘食的一樣，一粒粒的明太子及青瓜十分爽脆。那新鮮鮮甜的北寄貝，吞拿魚，劍魚，三文魚......等刺身，還是那麼新鮮肥美。還有海膽蒟蒻沾麵，蒟蒻麵十分爽口，口感非常特別，再沾上鮮美的海膽汁，令蒟蒻更加美味及多重口感。築地壽司杯$168。築地壽司杯與觀塘的外表有所𣎴同，這裡的壽司不是用晶瑩的小杯裝著，而是用不同顏色的葉形陶瓷杯裝著，就像一幅美麗的刺身立體畫，非常美麗吸引。分別有海膽，甜蝦，三文魚籽配三文魚，明太

朋友之前話係廟街試過間幾好既日式餐廳，所以今晚就約埋我去食啦！呢度主要係食雙層丼飯，兩個食法，價錢仲唔貴，值得一食！麵豉湯豆腐嫩滑，多海帶，唔似平時飲既甘咸，配合香港人既口味。松葉蟹雙層爆丼有半只松葉蟹呀！！仲有海膽同三文魚！海膽清甜又新鮮！上層係壽司飯，下層就係蒟蒻麵，兩種食法！松葉蟹好大只，蟹腳好長，好好肉！夠新鮮，蟹肉實淨。北海道海鮮貝爆丼有北寄貝、海膽、帶子同糖心蛋等，好大碗。未見過北寄貝甘大只，好爽口，好味！帶子清甜，大只。下層係海膽汁蒟蒻麵！幾特別，未試過呢個配搭！老闆幾有創意喎，未食過呢個配搭！海膽汁濃，有幾舊海膽係入面。蒟蒻麵爽口彈牙，沾埋汁食好夾，又凍又爽，夏天食好岩，正！散叫左幾件壽司。宵夜仲要有半價！原條海鰻蟹肉同蟹糕都好多，加埋只蛋撈埋食好正！蟹糕好濃，加埋少少蔥花，增添香味啖啖糕蟹糕蟹肉，正！下午茶同宵夜時段有半價優惠！一個丼百幾蚊，有兩種食法，質素唔錯，宵夜壽司小食仲有半價，抵食！