串Grill 自助燒烤專門店 (廣華街) (已結業)

雖然係黃店但係憑良心講一句，真係好難食本人撫心自問都係一個垃圾口，好多時候我話好食嗰啲我啲朋友都話難食，我好少會話一間餐廳難食但係今次完全係接受唔到！越食越炆憎，越食越冇心情同埋好唔抵食！本身已經係happy hour去星期日＄238，跟住原來佢係有加一，＄261，ok fine 261買個教訓，唔可以睇佢總共有幾多個哈哈笑，仲要睇埋啲負評🥲係就係食得飽不過係成肚氣嗰隻飽，再加上係靠食魚片頭、丸丶腸仔飽嗰隻，垃圾食物串燒放題🥲因為啲牛燒好耐都未燒完已經燒晒我啲耐性（我諗大家到時去到都係咁）店舖好細心有提供建議燒烤時間嘅表但係個建議燒烤時間表上面嘅時間過咗幾分鐘之後啲肉都係未熟🥲🥲🥲一串肉平均都要燒7分鐘至到8分鐘而且食物嘅選擇好少，食物嘅味道都好淡，冇任何醃製，要醬料補救雖然係120分鐘但係等嘅時間仲多過自己食如果唔係有冷氣我應該都會揀返傳統嘅燒烤同埋佢嗰個爐淨係可以燒大約10串，大家要有心理準備，等到天荒地老仲有張枱好窄，女仔都要縮住隻腳嚟坐🥲Hallelujah，希望今日食完唔會肚痛

串Grill自助燒烤有自動燒烤機放串燒上去就會自動轉住燒啱晒同朋友吹下水，食下嘢👏🏻👏🏻食物除咗牛肉豬肉、仲有魚、菜、丸、腸、甜品🤤可以按自己口味去調味，真係好個人化🫶🏼調味嘅醬汁同粉有好多款，BBQ嘅一定要用孜然粉啦‼️😋好多款串燒質素都好好❤️👍🏻牛肉串肉質不錯，尤其係M6和牛牛柳，好軟熟肉汁多👍🏻我至愛嘅黑椒台灣腸，真係好惹味👍🏻豆卜燒到脆卜卜，好香口👍🏻超邪惡嘅雞皮，好香脆🤤👍🏻燒賣燒到脹卜卜，外脆內軟👍🏻菠蘿好甜好juicy，完全無渣👍🏻甜品雞蛋仔好香甜軟熟最後仲有Häagen-Dazs雪糕食，真係好滿足人頭費二百幾燒2個鐘真係好抵食👍🏻自動燒烤真係好方便，火力仲夠晒均勻最正嘅係唔會燒燶啲食物😆

之前喺YouTube見過好多人介紹自助串燒店今次終於book咗呢間喺旺角勁方便嘅串Grill🤩每台都有個自動串燒爐 串燒喺上面自己轉轉轉⚙️望落都覺得好盞鬼 自己燒又另有一番風味😋串燒爐受熱均勻 食物一陣就熟曬 仲燒得非常靚😍店內冷氣非常充足 唔會越燒越熱💨串燒選擇亦好豐富 有肉、海鮮、丸類、蔬菜等等放題形式想食幾多就叫幾多 有啲串燒仲好特別添👍🏻120分鐘和你燒任食放題 Happy hour ($208)/ 晚市時段($248)串燒選擇都幾多 menu仲有教你每款串燒要燒幾耐枱上亦有多款醬汁同粉俾你自行調味🧂燒幾熟 想要咩調味 調味幾重幾濃 全部自己選擇！😆我哋差唔多全部串燒都少量多款咁試晒 最後飽到上心口🤤以下幾款係我哋好食又值得推介嘅👇🏻🥩M6和牛牛柳、牛舌和牛肉質有彈性但唔會過硬 咬落肉汁滿滿 牛味十足🐄牛舌好有質感 肉質偏淋但有彈性😋擔心過韌可以燒短啲時間 咁就會更加淋同juicy👍🏻🐟多春魚、蜆肉海鮮好難做得乾淨同好食 所以好多餐廳我哋都唔敢試但呢度嘅海鮮大部份都整得好乾淨🤩🤩識落唔會有奇怪嘅雪味或者腥味👍🏻蜆肉一串有好多粒 口感好盞鬼😆🐷荷蘭豬五花切成一粒粒嘅五花腩 油花滿

現代人愈來愈懶，想燒嘢食又唔想起爐，拎住燒之後總會有朋友燒燶哂，於是比我搵到呢間自助BBQ嘢食全部都串好哂一串串，只需要放在自助爐度，佢就會自動旋轉，一定燒得均勻又唔會燶，一路傾計一路等佢自己燒完，就食得選擇方面應有盡有，牛、豬、羊、雞、海鮮、丸、菜等等，最特別嘅係有雞蛋仔&棉花糖燒到咁上下就要加d燒烤醬，避免燒得太乾，店舖提供大量調味料，有辣粉、孜然粉、燒烤醬等，燒多春魚燒好左之後就加調味粉，食落同在街檔賣嘅差不多，有部自助機燒得特別輕鬆芝士腸要小心會爆汁，食得肉多可以燒菠蘿、好快就燒好，燒雞蛋仔好有驚喜，好容易就燒到外脆內軟，好好味食飽仲有Häagen-Dazs 雪糕，揀左朱古力味&哈密瓜味，平時好少食哈密瓜味，食落清甜，仲有果肉

呢個星期成個禮拜都落雨，搞到個人濕濕立立，懶到飯都唔想煮。但懶人又唔想只係食頹飯咁悶，上網揾下，見到呢間自助燒烤店，啱哂我地啲懶人喎，一於試下先。一入到黎坐係卡位，侍應馬上有禮貌地介紹燒烤爐嘅用法，燒烤串嘅擺法同埋唔同嘅調味料，好細心。調味醬汁主要有燒烤汁，韓式梨汁燒烤醬同泰式魚露。仲有海鹽，辣粉，孜然粉等。餐牌亦有唔同食物所需燒烤嘅時間，俾大家作為參考，就算唔識煮野食，都唔驚唔識燒啦。先黎一盤頭盤，有齊牛豬肉，跟著放在燒烤爐上面，齒輪排得整整齊齊，就會開始自己旋轉，再搽啲燒烤醬落去，坐定定等食就得啦，果然係至啱懶人呀。牛柳粒好有肉味，唔會太硬，啲肉汁出曬黎，真係要叫多2次呀。除左肉類之外，仲有其他蔬菜，海鮮同丸類，選擇都幾多。我就特別鍾意：鯖魚，香口，無骨，啖啖肉蕃薯，脆脆的外皮，香甜蕃薯肉菠蘿，超甜多汁，燒完菠蘿香味更突出當然唔少得就係棉花糖，表面微脆，入口即融，甜入心飲品都係任飲㗎，估唔到仲有神徒必飲呀呢餐燒烤只要坐定定就有得食，睇下我地閒閒地都食左三四十串，食得好滿足呀，果然係懶人至like呀

之前屋企附近做大戲，會有啲小販檔買串燒。又或者去第二度旅行嘅時候，夜晚總會食幾串串燒來做宵夜。今次知道旺角呢有呢一間自助串燒專門店，有幾十款嘅串燒任君選擇，喺你面前慢慢用機器自動轉自動燒熟，真係何樂而不吃呢？最早嘅時段都係$208一個人，認真抵食，食足兩個鐘。佢嘅串燒基本上係冇任何調味，因為俾你想食食物原有嘅味道，但係就有啲醬汁俾你去點。例如有泰式魚露、韓式梨汁燒烤醬、燒烤汁、孜然粉、味椒鹽、辣椒粉等。你一坐低咗之後，店員會送上一盤頭盤。就係一碟唔同類嘅肉，咁我哋就即刻放上爐上，咁可以喺你選擇食物嘅時候都已經有一啲肉燒緊，我覺得呢一個安排非常貼心。食物嘅選擇有海鮮類、牛肉類、豬肉類、雞肉類、羊肉類、丸、甜品同埋蔬菜等，夾夾埋埋都有成40幾款。就係咁樣將一串串嘅串燒放咗上去一個齒輪輸送帶上面，佢就會自己360度咁樣轉，受熱均勻，所以燒出嚟嘅食物都可以好金黃。比起傳統炭火燒烤，冇咁容易燒燶食物。佢個爐下邊已經有一盆水，所以好似有啲蒸氣咁樣，啲食物燒出嚟亦都唔會好乾。就算你係食素嘅朋友，其實蔬菜都有好多選擇，而且已經夾好晒一串串，燒起嚟非常方便，而且夠晒衛生。推介食物之一：台灣腸不嬲都鍾意食

今日過嚟食呢間bookmark咗好耐嘅懶人串燒店—串Grill🍢將唔同嘅嘢食放落自轉架，就可以慢慢等佢熟，唔使太多處理嘅步驟，認真方便🤪坐低幾分鐘後，店員已經預先奉上一盤豐富嘅頭盤，分別有澳洲M5和牛、紐西蘭牛西冷、美國牛肋腩、牛舌、美國豬肉眼等等林林總總嘅肉類🥳串燒架就係放落固定嘅位置之後，佢就識得自己轉😜個人重點推介幾種食物：🥩M5和牛有得食M5和牛，當然唔可以錯過佢啦😎總共食咗差唔多10串，肉質嫩滑，唔使燒到太熟！🍖雞卷強烈推介雞卷俾大家，油脂感、肉味十足，好好食！🌭台灣腸本身已經醃得好入味，做到台灣腸密味多汁、肥瘦均勻嘅口感😌🍠日本甜薯味道香甜，唔使去皮就食得🤩細細啖，食完唔會太佔食量！🍬棉花糖呢個係由細到大去燒烤都好鍾意嘅一樣食品，估唔到餐廳都有提供。不過大家要小心控制燒烤時間，因為燒得粒棉花糖太耐就會唔覺意跌咗落去😆🥚雞蛋仔估唔到雞蛋仔都可以用嚟燒烤，燒完之後會脆卜卜，好得意😍呢度有4種調味料粉，個人必選係孜然粉同埋串Grill辣粉，絕對可以提升到味覺享受😀兩款醬汁＋一款燒烤醬燒烤醬就係燒烤途中可以搽落去食物度，可以等啲肉類差唔多熟嘅時候搽上去，再燒多陣就可以食😋另外兩款分

一坐低就有一盤巳經準備好既食物奉上（話係頭盤）,都係一些魚蛋腸仔之類既嘢，嚟咗咪照食囉，但睇落都乾真真咁，成個餐牌嘢食種類唔多，牛肉又靭又無味，靠落味粉先得，120分鐘根本唔夠時間食飽，因為燒烤唔同打邊爐可以一鑊熟，每次最多只係燒到8至10串，每一round都要等15至20分鐘先食得，最最最重要係夠鐘唔夠時間燒嗱職員會收起你未燒既嘢，竟然見到佢哋重用返，真係好恐怖，聯想返起我哋剛坐低嚟嗰盤唔知會唔會係上手食剩，又唔係特別平，環境又唔係好，真係唔洗錢都唔會再去。

串燒吃得多第一次不用動手自動轉的串燒真心第一次食懶人的好消息位於旺角廣華街的串燒店利用無火自動的串燒架可以邊等邊吃加上無火串燒不像傳統炭火那般油煙大吃完串燒再去逛街旁人也不會發現呢串燒店的串燒總類好多上至飛的下至游水的都有我最愛的燒菠蘿和棉花糖而我第一次見到燒雞蛋仔平時知道炭燒雞蛋仔已是比平時電爐烤的出色沒想到用串燒的更好吃雞蛋仔大小像雞蛋糕一串兩粒燒完會微微發大外皮脆香內軟令我愛不釋手忍不住再度encore 串燒店還非常貼心的寫了每款食物的燒烤時間務求令客人品嘗到食物的最佳時間果然根據店內提供的時間食物非常味美尤其是肉串肉汁鎖於肉內肉串剛熟不老也不柴咬落去煙韌有咬口一咬就咬開毫不費勁菠蘿🍍仍是水平高高的甜而不膩令人一吃再吃吃到口渴還有自助飲品可在雪櫃取出飲品還有豆漿非常健康最後吃完還有一杯哈根大師吃值回票價💖💖💖📍 串Grill 自助燒烤專門店 (廣華街) (旺角)旺角廣華街2-20號翠苑大廈2二期10號舖

因疫情所有郊野公園、燒烤場都要暫時關閉，政府避免疫情擴散。人的劣根性無這樣就想這樣，自然就心癢癢真的好想好想BBQ,左打聽右打聽，好似尋👤一樣，終於坊間傳聞“串Grill"店舖裝潢簡潔，窗明几淨。串Grill 店內竟然沒有燒烤味🤔店員細心示範燒烤爐的運用，還說有需要隨時嗌他們，店員有禮貌又細心👍👍，串燒店對“懶人燒烤”絕對"正''，而且一滴汗都無😅店舖串燒有很多選擇肉類、雞類、魚類、蔬菜……等等。M6和牛牛柳~牛肉質軟腍鬆化，牛味濃烈美國牛肋腩~牛肋腩帶有筋、腩、油花有咬口黑毛豬五花腩~燒焦少少至表面金黄，內裏保持鮮嫩和豐富肉汁，豬皮位"正”鯖魚~第一次燒烤得咁"靚”魚皮脆及一絲絲魚肉香噴噴棉花糖~燒烤必選，外脆內軟，一口甜蜜蜜😊數之不盡的美食……嘩……嘩食到好……飽飽，你睇好似求讖筒🤣🤣🤣

室內面積不大但座位很寬闊，食物款式很多，服務員先奉上頭盤，禮貌地介紹串燒下爐方法及何時下燒烤醬和調味料及點食物方法，令客人很稱心滿意。食物款式很多，以木盤奉上擺在食物架上，令人客一目了然。食物以串燒，客人自助下爐，自動齒輪轉動，食物均勻轉動燒烤，看著食物燒焦澎脹，香氣四溢，40多款食物各有特色且非常美味，配上秘製醬汁，真是美味無窮，值得一試。特別一提飲品極多，全是名牌飲品，任選任飲，盡享飲食之樂。餐後甜品不簡單 ，每位人客各有一杯Haagen-Dazs雪糕，使晚餐劃上完美的句號。

178cm覺得坐得迫，隻腳頂左兩個鐘、早一個鐘cut單、食唔飽、又比佢趕住走明明無人等、焗到無冷氣咁、雪櫃野飲又唔凍，比呢到d哈哈笑食評呃左去中伏。可以包落黃色中伏圈

呢間串Grill自助燒烤專門店真係好食又抵食，之前食過油麻地分店，今日就黎到廣華街呢度再食過。枱上仲有燒烤時間建議，真係夠哂細心。雪櫃裏面嘅飲品都係任飲，我最鍾意佢有豆漿提供。枱上放有唔同嘅調味，而高身嘅樽裝就係燒烤用嘅醬汁，即係好似BBQ嘅蜜糖咁。店員首先會奉上肉類串燒作為頭盤，基本上每款串燒都係咁正，我尤其推介荷蘭豬五花，經過燒烤之後除去多餘油脂，食落就更加甘香，味道甚有驚喜。燒嘢食食腸仔是常識吧，廚師腸同芝士腸都係咁好味，我就特別配返少少蔬菜，翠玉瓜同車厘茄都係我嘅至愛。丸類方面，我就特別推介佢嘅魚片頭同埋魚肉年糕，台灣腸就帶有黑椒味，所以都幾香口。呢個爐真係夠晒方便，每串串燒放喺爐上就會自轉，確保燒得夠均勻，一定唔會燒燶。串燒七彩繽紛，真係好睇又好食。嚟到尾聲就當然係食甜品啦，棉花糖同雞蛋仔都係咁好味，而棉花糖咁樣燒就真係夠晒方便又容易控制，包你粒粒都咁靚！最後每人仲可以有一杯Haagen-Dazs，總共有四款味道選擇，我就揀咗蜜瓜同士多啤梨，為今晚畫上完美句號。

串Grill 自助燒烤專門店 (廣華街) 旺角廣華街2-20號翠苑大廈2二期10號舖近窩打老道嗰邊 家樂坊附近廣華街都幾多嘢食 今日同朋友行完旺角去咗呢間食燒肉放題串串串串grill入面面積雖然唔大 不過大部份都係卡位呢度提一提大家記得睇清楚係廣華街定係譽發廣場分店因為呢兩間相隔並唔遠如果見到其中一間分店滿座可以考慮下午大約5分鐘去另一間食完放題又可以摸着個肚腩繼續喺旺區shopping食串燒可以參考佢提供俾你嘅燒烤時間喺枱頭會有個牌寫晒唔同串燒嘅燒烤時間有幾種調味料嘅大家選擇 記得搽埋燒烤醬

無樣好 趕客就最叻優點 無乜人食夠哂安靜缺點 ：食物/飲品種類太少衰過街邊鋪 入來燒粒魚蛋要5分鐘 我出街買一串都唔洗十秒：用埋哂d發熱管燒十幾分鐘先熟 訓醒可能食得：食物之間既空位太少 想每個位都放一串絕對可以 但係會吸收到其他食物既味道絕對雞有魚味 魚有牛味：又話超時趕客走 下枱客又話到門口 人影都無 食又食得唔多 又要比你趕：串燒一串先得4件勁細粒 驚死d客人食飽：食物質素本身都奇低 連d調味粉都都衰 辣椒粉唔辣 味椒粉又無味 差啲以為 味蕾出事：200幾蚊既價錢 設備又差 服務又差 食物又差 你一定要試一次 先知合唔合理